Ezra 8

Guarani 2015 (Ñanderuete Ñe’ẽ Porã 2015)

← Chapter 7 Jump to: Chapter 9 →

1Ko’ãva hína umi (Júda) rogaguasu ruvicha ha iñemoñare rerakuéra chendive ouva’ekue Babilóniagui, tetã ruvicha Artajérjes oisãmbyhyha arakuérape:

2Finees ñemoñarenguéragui: Gerson; Itamar ñemoñarenguéragui, Daniel; David ñemoñarenguéragui, Hatus,

3péva Secanías ra’y. Ha Faros ñemoñarenguéragui, Zacarías, ha hendive, ou 150 kuimba’e.

4Pahat-moab ñemoñarenguéragui Elioenai, Zeraías ra’y, ha hendive ou 200 kuimba’e.

5Zatu ñemoñarenguéragui, Secanías, Jahaziel ra’y, ha hendive ou 300 kuimba’e.

6Adin ñemoñarenguéragui, Ebed, Jonatan ra’y, ha hendive ou 50 kuimba’e.

7Elam ñemoñarenguéragui, Jesaías, Atalías ra’y, ha hendive ou 70 kuimba’e.

8Sefatías ñemoñarenguéragui, Zebadías, Miguel ra’y, ha hendive ou 80 kuimba’e.

9Joab ñemoñarenguéragui, Obadías, Jehiel ra’y, ha hendive ou 218 kuimba’e.

10Bani ñemoñarenguéragui, Selomit, Josifías ra’y, ha hendive ou 160 kuimba’e.

11Bebai ñemoñarenguéragui, Zacarías, Bebai ra’y, ha hendive ou 28 kuimba’e.

12Azgad ñemoñarenguéragui, Johanan, Hacatan ra’y, ha hendive ou 110 kuimba’e.

13Adonicam ñemoñarenguéragui, umi ipaha peguáva, ha ãva hína herakuéra: Elifélet, Jeiel ha Semaías, ha hendivekuéra ou 60 kuimba’e.

14Ha Bigvai nemonarenguéragui, Utai ha Sabud, ha hendivekuéra ou 60 kuimba’e.

15Ambyaty ichupekuéra pe ysyry ypýpe ohóva Ahavápe, ha ropyta upépe mbohapy ára pukukue; ha ahekávo tetãygua ha pa’ikuéra apytépe, ndajohúi Levi ñemoñarenguérape.

16Upémaramo aiporavo Eliezer, Ariel, Semaías, Elnatan, Jarib, Elnatan, Natan, Zacarías ha Mesulámpe, ko’ã kuimba’e omoakãva hogaguasukuérape; ha avei Joiaríbpe ha Elnatánpe, mokõi kuimba’e iñarandúva ha ikatupyrýva Ñanderuete kuatiañe’ẽme,

17ha amondo ichupekuéra Iddo rendápe, omoakãva pe táva Casifía, ha amoĩ ijurupekuéra pe ñe’ẽ he’iva’erãva Iddópe ha ityke’yrakuérape, omba’apóva Casifíape Ñanderuete rógape, ogueru hag̃ua oréve amógui Leviguakuéra ore Jára rogaguasúpe g̃uarã.

18Ha ogueru oréve, Ñanderuete po porãite rupi, peteĩ kuimba’e iñarandúva Mahli ñemoñarenguéra apytégui, peteĩ Levi ra’yre, Israel ra’yre, hérava Serebías, ita’yrakuéra ha ityke’yrakuéra ndive ou 20 kuimba’e;

19ha Hasabíaspe ha hendive Jesaías, Merari ñemonñarenguéragui ha ityke’yrakuéra ha ita’yrakuéra ndive ou 20 kuimba’e,

20ha Ñanderuete róga rembiguaikuéragui, David ha mburuvichakuéra omoĩva’ekue Leviguakuéra rembiapópe Ñanderuete rogaguasúpe Jerusalénpe, ou 220 tembiguái, herakuéra oñemoĩma peteĩ kuatiañe’ẽme.

21Upéi aikuaauka ani hag̃ua ojekaru pe ysyry ypýpe, ohóva pe táva Ahavápe, roñemomirĩ uvei ore Jára renondépe, rojerure hag̃ua Ñanderuetépe oñangareko hag̃ua orerehe ha ore mitãkuéra rehe, ha opaite mba’erepy roguerahátava rehe pe tape puku rupi, Jerusalen peve.

22Atĩgui ajerure hag̃ua tetã ruvichápe soldádo aty ha kavaju árigua rehe oñangareko hag̃ua orerehe orerayhu’ỹvagui, pe tape puku rehe; roñe’ẽgui tetã ruvichápe: Ore Ruete po oñangareko porã opavave rehe, ohekáva guive ichupe; ha ipu’akapa ha ipy’aro katu umi omuñáva ha umi oñemoĩva hese.

23Ndorokarúi ha rojerure ore Járape ko’ã mba’e rehe, ha Ha’e ipy’a porã orendive.

24Amboyke 12 mburuvicha, pa’ikuéra apytégui, Serebías ha Hasabíaspe, ha hendivekuéra 10 ityke’ýrape.

25Ha aha’ã (a pesa) ichupekuéra pe pláta, pe óro ha umi Ñanderuete rógaguasu pegua tembiporu tetã ruvicha, hekombo’eharakuéra ha imburuvichakuéra ome’ẽ jevyva’ekue Israel Jára rogaguasúpe g̃uarã ha aha’ã avei umi mba’erepy Israelguakuéra ome’ẽva’ekue Ijárape g̃uarã.

26Ha aha’ãmba rire amoĩ ipopekuéra 21.775 kílo pláta, ha umi tembiporu plata guiguáva 3.350 kílo, ha 3.350 kílo óro.

27Ha avei, 20 vaso guasu oro guiguáva ipohýiva 8,84 kílo, ha mokõi váso bronce guiguáva oñemboverapáva ha iporãitereíva, ojoguáva oro itépe.

28Ha che ha’e ichupekuéra: Peẽ, peñemboykéma Ñanderuetépe g̃uarã, ha opaite tembiporu ha pe pláta ha óro, ipy’aite guive ome’ẽva, oñemboykéma avei Ñanderuetépe, ñande rukuéra Járape g̃uarã.

29Peñangareko ha peñongatu porãmba, peẽ peha’ã (pe pesa) meve mburuvichakuéra, pa’ikuéra, Leviguakuéra ha Israel rogaguasu ruvichakuéra renondépe Jerusalénpe, ha upéi peñongatu Ñanderuete rogaguasu kotykuérape.

30Upéramo pa’i ha Leviguakuéra ojapyhy pe pláta, pe óro ha umi tembiporukuéra ogueraha hag̃ua Jerusalénpe, Ñanderuete rogaguasúpe.

31Ha rosẽ pe ysyry ypýgui, ohóva Ahavápe, pe jasy peteĩ jave, pe ára 12-hápe, roho hag̃ua Jerusalénpe; ha Ñanderuete po oĩkuri orendive ha ore salva orerehe ija’e’ỹva pógui ha umi mondaha oĩva’ekuégui upe tape rehe.

32Ha rog̃uahẽ porã Jerusalénpe ha upépe ropytu’u mbohapy ára pukukue.

33Ha pe ára irundyhápe oñeha’ã (oje pesa) pe pláta pohyikue, pe óro ha umi tembiporukuéra Ñanderuete rogaguasu peguarã, pe pa’i Meremot, Urías ra’y po rupi, ha hendive oĩ Eleazar, Finees ra’y, ha avei Jozabad, Jesúa ra’y, ha Noadías, Binúi ra’y, ko’ãva Leviguakuéra.

34Upe árape, ojepapa ha oñeha’ãmba rire ojehai ipohyikue peteĩ kuatiañe’ẽme.

35Umi ojepokuava’ekue ra’ykuéra oikuave’ẽ ikuave’ẽmby ojehapypáva Israel Járape g̃uarã, 12 tóro, 96 ovecha mácho, 77 ovecha ra’yrusu, ha 12 kavara mácho kuave’ẽmby tembiapo vai rehegua ramo, Ñanderuetépe g̃uarã.

36Ha ome’ẽ hikuái pe tetã ruvicha kuatiañe’ẽ umi departaménto sãmbyhyharakuérape ha soldádo ruvichakuérape oisãmbyhýva ha oñangarekóva pe yvýre, opytáva ysyry Éufrates kuarahyreike gotýo, ha umía oipytyvõ porã avei Judayguakuérape omopu’ã hag̃ua Ijára rogaguasurã.

← Chapter 7 Jump to: Chapter 9 →

Recommended Reading

Commentary Ezra Commentaries → Devotional Ezra Devotional Guide → Get This Bible Guarani (Ñanderuete Ñe’ẽ Porã ) Study Bible →