Habakkuk 3

Guarani 2015 (Ñanderuete Ñe’ẽ Porã 2015)

← Chapter 2 Jump to:

1Pe proféta Habacuc kóicha oñembo’e:

2Nde, ore Ruete, ahendúkuri ne ñe’ẽ ha akyhyje. Pya’e ejapo Nde rejaposéva, ndepochy jave katu nemandu’a nde poriahuvereko rehe.

3Ñanderuete oúta Temángui, Paran cérrogui oúta pe Heko porãva. Herakuã porã omyenyhẽva yvagakuéra ha yvy henyhẽ iñemomba’eguasúgui.

4Ha’e ojajái ára sakãicha, aratiri osẽ ipógui, ha upépe oñemi ipu’aka.

5Henonderãme oho mba’asy vaiete (péste), ha hapykuéri osẽ akãnundu vai.

6Ha’e oñembo’y guive ko yvy kóva ovava ha Ha’e oma’ẽ ramo kuimba’e ha kuña rehe, ha’ekuéra oryryipa opytávo ha umi cerrorusu ymaguare ho’apáta yvýre, upéicha avei umi cérro oñemomirĩmbáta henondépe. Ha’e katu tapia g̃uarã oikohína.

7Ahecha Cusan retãyguakuéra oiko jepy’apýpe ha Madian retãygua oryryipa.

8Ndepochy piko, ore Ruete, umi ysyry ndive ha nde pochyete piko umi yguasu tetãnguéra ndive. Rejupi ramo nde cárrope, Nde rembopoguypáta.

9Nde reipysóma nde guyrapa ha nde hu’y oĩma nde guyrapa sãre. Nde rejoka ko yvy osẽ hag̃ua pe ysyry.

10Umi cérro nderechávo oryryipa, pe amaguasu oity hi’y ha yguasu ryapu okororõ vai ha omopu’ã ipokuéra.

11Pe kuarahy ha pe jasy ndoguatavéi ohechávo nde hu’y omimbietéva ha nde yvyra puku akua overáva.

12Pochypópe reguata yvy ape rehe, pochypópe repyrũma tetãnguérare.

13Nde resẽ reipytyvõ hag̃ua ne retãme, reguenohẽ umi Nde reiporavova’ekuépe ijejopy vaígui, Nde remombo pe iñañáva róga ape ha reitypa itapiakuéra.

14Nde hu’ýpe rembokua umi nderehe oñemoĩva akãnguéra, umíva yvytu ratãicha ojeity Israel ári, orehundi hag̃ua ha vy’apópe osapukái hikuái omokõrõ guáicha ñemiháme pe mboriahúpe.

15Nde remboguata ne renda ári yguasu apére.

16Ahendúvo ko’ã mba’e, che py’apy iñangekõi ha che rembe osysyipa, kangue ñemano rehegua oike che kangue kuápe, aha’ãrõ hag̃ua py’a tytýipe ha añemongu’e’ỹre pe jehasa asyguasu ára og̃uahẽ meve ore retãme ojeity hag̃ua oreári.

17Pe hígo rakã ndaipotýi ramojepe, umi parral ha olívo rakã ndahi’ái ramojepe, umi ñemitỹngue nome’ẽi ramojepe hi’upyrã, umi ovecha ha vakakuéra oñehundi ramojepe,

18cheroryse Ñanderuete ndive, ha avy’aitéta Ñanderuete, che S alvador ndive.

19Ñanderuete voi chemombarete, ku guasúicha chemoakuã, ombopya’e che py, ha chegueraha peteĩ yvyty ijyvatehápe ha isegúrovape.

← Chapter 2 Jump to: