bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
John 16
John 16
Guarani 2015 (Ñanderuete Ñe’ẽ Porã 2015)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
Ko’ã mba’e ko’ãva Che ha’éma peẽme ani hag̃ua peẽ peñepysãnga ni pepoi pende jeroviágui.
2
Pa’ikuéra ha fariseokuéra penemosẽta Ñanderuete rogaguasúgui, ha og̃uahẽta gueteri umi ára oimeraẽva pendejukátava oimo’ãgui omomba’eguasuha Ñanderuetépe (umi tembiapo rupi).
3
Ko’ã mba’e ojapóta hikuái ndoikuaa porãigui Ñanderuetépe ni chéve.
4
Ko’ã mba’e Che amombe’úma peẽme penemandu’a hag̃ua Che ha’éma hague peẽme, hi’ára og̃uahẽta ramog̃uarã. Ñepyrũrãme namombe’úi ko’ã mba’e peẽme, Che aĩgui pende apytépe.
5
Ko’ág̃a katu ahátama pe chembouva’ekue rendápe, ha avave pende apytégui noporandúi chéve: Moõpa rehóta.
6
Che amombe’u haguére ko’ã mba’e peẽme, pe ñembyasy omyenyhẽma pende py’apy.
7
Che amombe’úma peẽme pe añetegua: Iporã ningo peẽme g̃uarã Che aha ramo, Che ndahái ramo, ndoumo’ãi pe Pytyvõhára pene rendápe, Che aha rire katu, amboúta ichupe pene rendápe.
8
Ha pe Pytu Porãmbáva ou vove ohechaukáta opaite tetãyguakuérape hembiapo ivaiha, ha opavave oñembojovakeva’erãha ha opavave ndojeroviáiva guive oñecondenamaha.
9
Ohechaukáta ha’ekuéra hembiapo vaiha ndojeroviáigui Hesu Crísto rehe.
10
Ha ohechaukáta ha’ekuéra oikotevẽha Hesu Crísto rehe, (Ha’eñoiténte pe tape po’i ohóva Ñanderuete rekohápe), ha Hesu Crísto ohotamaha yvágape Ñanderuete rendápe, upévagui avave ndohechamo’ãvéima ichupe.
11
Ha ohechaukáta oñembojovakemaha ko múndo ruvicha, Satanáme.
12
Heta mba’e aguereko gueteri ha’eva’erã peẽme, peẽ katu ko’ág̃a ndaikatúi gueteri pegueropu’aka.
13
Opáichavo og̃uahẽta katuete pe ára pe Pytu Añeteguáva oikuaaukáta peẽme pe añetegua ha penemboguatáta añetegua rape rehe, Ha’e noñe’ẽmo’ãi ijehegui rei, omombe’úta uvei opaite mba’e ohendútava guive ha oikuaaukáta peẽme avei umi mba’e ojehuva’erãva.
14
Pe Pytu Porãmbáva chembotuichava’erã, Ha’e ombohasátagui peẽme umi mba’e ohendúva guive chehegui.
15
Opaite mba’e che Ruete oguerekóva guive che mba’e avei, upévare Che ha’éma peẽme: Ha’e ombohasataha peẽme avei umi mba’e pehendúva guive chehegui.
16
Ndahi’aremo’ãi ha peẽ ndacherechamo’ãvéi, ha ndahi’aréi jevy rire peẽ cherecha jevýta.
17
Upérõ hemimbo’ekuéra he’i ojupe: Mba’e piko Ha’e he’ise ko ñe’ẽ kóva rupi: Ndahi’areihína ha peẽ ndacherechamo’ãveiha, ha ndahi’aremo’ãi katu peẽ cherecha jevýta, ahátagui che Ruete rendápe.
18
He’i hikuái ndajaikuaái mba’épa he’ise ndahi’aréi.
19
Ha Hesu oñandúvo oporanduseha ichupe, he’i ichupekuéra: Peñoporandúpa pe ñe’ẽ Che ha’eva’ekuére: Ndahi’aremo’ãi ha peẽ ndacherechamo’ãvéi, ha uperire ndahi’aremo’ãi katu peẽ cherecha jevýta.
20
Añetehápe, añetehápe, ha’e peẽme: Peẽ penerasẽta ha pejahe’osoróta, ambue tetãyguakuéra katu ovy’áta, opáichavo pene ñembyasy oñemyengoviáta vy’a rehe.
21
Pe kuña imemby aja ohasa asy, og̃uahẽgui hi’ára, imemby rire katu naimandu’avéima ohasa asy hague, ovy’águi imemby haguéma peteĩ mitã ko yvy ape ári.
22
Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.
23
Ha upe ára upévape peẽ napeporandumo’ãvéima chéve mba’eve. Añetehápe, añetehápe, ha’e peẽme: Opaite mba’e pejeruréva che Ruetépe che rérape Ha’e ome’ẽva’erã peẽme.
24
Ko’ág̃a peve ne’ĩra pejerure mba’eve che rérape, pejerure katu ha pehupityva’erã, peẽ pevy’aite hag̃ua.
25
Ko’ã mba’e ko’ãva amombe’u peẽme ñe’ẽ mbojoja rupi, og̃uahẽta katu pe hóra nañe’ẽmo’ãvéiha ñe’ẽ mbojoja rupi, añe’ẽ sakã porãta uvei peẽme opaite mba’e che Ruete rehe.
26
Upeha árape peẽ voi pejeruréta che rérape, ha natekotevẽmo’ãvéima Che ajerure che Ruetépe penderehe.
27
Pe Tuvaite voi ningo penderayhu, peẽ cherayhúgui ha pegueroviágui Che aju hague Ñanderuetégui.
28
Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.
29
Upérõ hemimbo’ekuéra he’i ichupe: Ko’ág̃a reñe’ẽ sakã porã, ha nereñe’ẽvéi ñe’ẽ mbojoja rupi.
30
Ko’ág̃a roikuaa Nde reikuaaha opaite mba’e, ha natekotevẽi ore roporanduve ndéve, upévare ore roguerovia Nde resẽ hague Ñanderuetégui.
31
Upérõ Hesu he’i ichupekuéra: Ko’ág̃a ae piko pegueroviapeína.
32
Peikuaa porã katu, oúta pe hóra, ha og̃uahẽma voi ningo, opaite peẽ peñemosarambipáta ha pehóta pende rógape, ha peẽ pecherejáta chéve che año, Che katu ndapytamo’ãi che año, che Ruete voi oĩtagui chendive.
33
Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21