bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Samuel 10
2 Samuel 10
Gussi (EBIBILIA ENCHENU) 2020
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Nyuma y’ayio omoruoti bw’Abaamoni agakwa, na Hanuni, omomura oye, akaba omoruoti ribaga riaye.
2
Daudi akabora, “Goika imokorere Hanuni, omomura o Nahasi, amaya, buna ise arenge gonkorera amaya.” Ase igo Daudi agatoma abanto bagende komoremia ase engencho y’ogokwa gwa ise. Ekero abasomba ba Daudi baigete ase ense y’Abaamoni,
3
Abaamoni bakaboria Hanuni, omonene obo, “Inee! Igo okagete ng’a Daudi nigo asigete iso ase ogotoma abanto gocha gokoremia? Taibo. Nigo abatomire bache koroota omochie na koyosaria.”
4
Ase igo Hanuni akabwata abasomba abwo ba Daudi, akagingira chinderu chiabo ensemo eyemo, na akanacha chianga chiabo agachiikia ebinema, akabaseria bagende.
5
Abasomba abwo bakarora obosooku obonene mono, na ekero Daudi atebetigwe buna bakoretwe, agatoma abanto bachie kobarotota babatebie, “Omoruoti otebire ng’a mobeere agwo Yeriko goika chinderu chiaino chimere, erio monyare koirana nka.”
6
Abaamoni bakamanya ng’a bagechirie Daudi. Ase igo bagasaba Abasiiria ba Beti‐Rehobu na Soba babae abarwani babo chilifu emerongo ebere (20,000), na omoruoti o Maaka ache amo nabarwani baye elifu eyemo (1,000); naende bagasaba baegwe abarwani chilifu ikomi na ibere (12,000) korwa Tobu.
7
Ekero Daudi aigwete ayio, agatoma Yoabu amo ne chituoni chionsi chi’esegi.
8
Abaamoni bakagenda bakarobera ase egeita ki’omochie; Abasiiria ba Soba, na abwo ba Rehobu, amo nabanto korwa Tobu na Maaka, barabwo bakarobera ao boka ase egetii.
9
Ekero Yoabu aroche ng’a esegi nigo ere bosio bwaye na nyuma, agachora abanto abakong’u abamanyete korwana esegi, akabaroberia barwane n’Abasiiria.
10
Abanto bande abatigari akababeka inse y’oboteneneri bw’Abisai, momura omwabo, akabaroberia barwane n’Abaamoni.
11
Erio agatebia Abisai, “Onye Abasiiria bakombua, rirorio oche onkonye; korende onye Abaamoni bagokobua, rirorio inche ninchiche ngokonye.
12
Otenene bokong’u obe omoremu! Torwanerere abanto baito na emechie ya Nyasae oito. Tiga Omonene akore ayaroche are amaya.”
13
Agwo Yoabu na abanto barenge amo nere bagasuka gochia korwana n’Abasiiria, na barabwo bagatama korwa asare.
14
Abaamoni bagachia korora ng’a Abasiiria batamire, na barabwo boigo bagatama korwa ase Abisai, bagasoa omochie ime. Erio Yoabu agatiga korwana n’Abaamoni, akairana Yerusalemu.
15
Ekero Abasiiria baroche ng’a babuirwe n’Abaisraeli, bagasangererekana bonsi amo.
16
Hadadeseri agatoma abanto barente Abasiiria abwo barenge moocha y’orooche rw’Eufarati. Barawo bagacha Helamu, na Sobaki, omotang’ani bw’abarwani ba Hadadeseri, akabatang’ana.
17
Ekero Daudi atebetigwe amang’ana ayio agasangereria Abaisraeli bonsi, akaamboka Yorodani, akagenda Helamu. Aroro Abasiiria bakeroberia korwania Daudi esegi.
18
Abasiiria bagatama korwa ase amasio ’Abaisraeli, na Daudi agaita Abasiiria abagendia chigari amagana atano na abere (700), na abariini chibarasi chilifu emerongo ene (40,000), naende agaaka Sobaki, omotang’ani bw’abarwani, goika agakwerao.
19
Ekero abarwani bonsi abwo barenge inse ya Hadadeseri baroche ng’a babuirwe n’Abaisraeli, bagakora omorembe nabarabwo na kwebeka inse yabo. Ase ayio Abasiiria bakoboa gokonya Abaamoni naende.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24