bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Samuel 19
2 Samuel 19
Gussi (EBIBILIA ENCHENU) 2020
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Yoabu agatebigwa ng’a omoruoti Daudi nkorera are na kweumia ase engencho y’Abisalomu.
2
Ase igo omogoko bw’obobui okaonchoka okaba omoichano ase abanto bonsi ba Daudi, ekiagera ase rituko riria abanto nigo baigwete ng’a Daudi nkona‐korera are ase engencho y’omwana oye.
3
Ase rituko riria abanto bakaba bagochoba gosoa ase omochie ime buna abanto bagotama korwa ase esegi bare nobosooku ase engencho y’ayio.
4
Omoruoti agetuba obosio bwaye, akarera ase eriogi rinene, “Obee! Abisalomu, omwana one! Obee! Abisalomu, omwana one, omwana one!”
5
Erio Yoabu agacha nyomba ase omoruoti, akamotebia, “Rero aye gwakorire abasomba bao bonsi barorire obosooku, abanto aba konya batooririe obogima bwao, na obw’abana bao, abamura na abaiseke, na obw’abakungu bao, na abakungu bao ba sere‐sere.
6
Nigo bwanchete abwo bakogechete na kogecha abwo bagwanchete. Naki rero kworokirie maiso marore ng’a abatang’ani na abasomba bao barabwo mbosa bare asore. Rero nario namanya ng’a onye Abisalomu moyo arenge, na intwe twensi tobe twakure, erio nanga nigo kwaigwa buya.
7
Gaki bono koranche, oimoke osoke isiko, okwane nabasomba bao, oremie chinkoro chiabo. Ase igo natianire ase Omonene ng’a otasogeti, monto onde tagotigara orabe amo naye goika mambia, na amang’ana ayio nigo arabe amabe kobua ayakonyorete korwa ekero kwarenge omosae goika rero iga.”
8
Erio omoruoti agasoka, agaikaransa ase egeita ki’omochie. Abanto bonsi bagatebigwa ng’a omoruoti nao are ase egeita; na igo bakagenda asare. Abaisraeli bonsi konya batamire, kera omonto gochia inka bwoye.
9
Bakaba bakoamererania barabwo ase barabwo, bakabora, “Omoruoti nigo atotooretie korwa ase amaboko ’ababisa baito, na korwa ase amaboko ’Abafilisti, na bono otamire Abisalomu, otigire ense eye.
10
Abisalomu, oyo twaaka amaguta akaba omoruoti oito, okure ase esegi. Na bono, naki motari goteba ng’a moiranie Daudi abe omoruoti naende?”
11
Daudi omoruoti agatoma abanto gochia ase Zadoki na Abiatari, abakuani, agateba, “Kwana nabagaaka b’Abayuda, mobamborerie: Naki rende mokoba abanto b’omoerio ase okong’irania inche omoruoti inka bwone, bono ekero amang’ana onsi aya Abaisraeli bakwanete aikerete nyomba mwane?
12
Inwe nabanto baminto ab’amanyinga aane ne chinyama chiane. Naki rende morigetie koba ab’omoerio ase okong’irania inche omoruoti inka?
13
Naende motebie Amasa: Inee! Aye tori amanyinga aane ne chinyama chiane? Nyasae ang’e egesusuro bono na kogenderera onye aye tokoba omotang’ani bw’abarwani b’esegi botambe ribaga ria Yoabu.”
14
Abayuda bonsi bagancha amang’ana a Daudi mono, bakamotomera amang’ana ng’a airane amo nabasomba baye bonsi.
15
Ekero omoruoti are koirana gaikire Yorodan, akanyora Abayuda bachire Giligali komorotota na komwambokia Yorodan.
16
Na Simei, mosinto o Gera, Omobenjamin korwa Bahurimu, akaayerera amo n’Abayuda gochia korotota omoruoti Daudi.
17
Simei nigo arenge amo nabanto elifu eyemo b’egesaku kia Benjamin. Na Siba, omosomba o Saulo, na abamura baye ikomi na batano, na abasomba baye emerongo ebere, bakaayerera gochia ase Yorodan, bagaikao omoruoti ataraika.
18
Barabwo bakaamboka orooche gochia kwambokia abanto b’enka y’omoruoti na gokora ande onsi omoruoti aganetie. Ekero omoruoti abeire ang’e kwamboka Yorodan, Simei, mosinto o Gera, agatung’ama inse ase obosio bwaye,
19
akamotebia, “Omonene one, tombarera obobe, gose toinyora aria nagokorerete ase rituko riria kwaruete Yerusalemu.
20
Inche, omosomba oo, namanyire ng’a nakorete ebibe ekero keria, ayio naro agera naba oyo bwe ritang’ani korwa ase enyomba ya Yusufu gocha gokorotota aye omoruoti aiga rero.”
21
Abisai, omomura bw’omokungu Seruya, akabora, “Inee! Simei tagoitwa akwe, ekiagera amoragereretie omoakwa amaguta bw’Omonene?”
22
Korende Daudi akamotebia, “Ninki inde nainwe, abana b’omokungu Seruya? Nigo moganetie koba mamincha yane. Bono ninche inde omoruoti bw’Abaisraeli, na onde tari ase Abaisraeli oraitwe rero.”
23
Na omoruoti agatebia Simei, “Togoitwa.” Naende agatiana ase ayio.
24
Erio Mefiboseti, omochokoro o Saulo, agatirimboka gochia korotota omoruoti. Korwa ekero keria omoruoti aruete Yerusalemu, Mefiboseti konya tana gwesibia amagoro aye, gose konacha chinderu, gose gosibia chianga chiaye, goika rituko riria omoruoti airanete nomorembe.
25
Ekero Mefiboseti achete korwa Yerusalemu gochia korotota omoruoti, omoruoti akamoboria, “Mefiboseti, naki otagendete amo nainche?”
26
Mefiboseti akamoiraneria, “Omonene one, nomanyete ng’a nekerema inde. Nigo natebetie omosomba one, ng’a abekere etigere yane egeikaransero, nainche ndiine ngende nomoruoti, korende ere akang’aina.
27
Boigo agantebera oborimo asore aye omonene one, korende aye igo onga buna omomalaika o Nyasae: gaki kora aya oroche arabe amaya.
28
Abaamate ba tata bonsi pi nigo barenge asore buna abagwenerete gokwa, korende okambeka inche, omosomba oo, ase egati y’abwo bakoragera mwao. Bono aye omoruoti, mboronge ki kobua ayio ngokoboria na korera asore?”
29
Omoruoti akamoiraneria, “Naki okona‐komenta gokwana amang’ana ayio ao? Inche natebire ng’a aye na Siba mwatanane amaremo a Saulo.”
30
Mefiboseti akamoiraneria, “Omoruoti, tiga Siba ayaire onsi, inche naisanekire ng’a aye, omonene one, kwairanire inka buya.”
31
Bono Barisilai Omogileadi nere konya ochire korwa Rogelimu gokooba omoruoti gochia Yorodan amboke amo nere.
32
Barisilai nigo arenge omogotu mono, konya okoorire emiaka emerongo etano na etato. Ere nigo arenge omonda mono, akaba okorageria omoruoti ekero ere arenge agwo Mahanaimu.
33
Omoruoti agatebia Barisilai, “Inchuo ogende amo nainche, nimbe ngokorageria aaria Yerusalemu.”
34
Korende Barisilai akamoiraneria, “Emiaka yane nerenga etigarete ngochia koba moyo, ng’a ngende amo naye Yerusalemu komenyao?
35
Nakoorire emiaka emerongo etano na etato, Inee, ninyare gwatanana ayare ay’okogokia na ayatari ay’okogokia? Ninyare koigwa obwansu bw’eki nkoria na eki nkonywa? Ninyare koigwa na kogokera eriogi ri’abateri, abasacha gose abakungu? Nase ki inche, omosomba oo, ngochia gokoraarereria aye, omonene one, omoruoti?
36
Ninki rende aye omoruoti ogochia konduera eng’eria buna eyio. Tiga inche, omosomba oo, nyamboke Yorodan oka.
37
Nagosabire ontige inche, omosomba oo, ing’irane, erinde nkwere ase omochie one, ang’e nembeera ya tata na baba. Korende omosomba oo Kimuhamu, nao are aa, tiga amboke amo naye, omonene one, na omokorere aya orarore are amaya.”
38
Omoruoti akamoiraneria, “Kimuhamu nagende amo nainche, nimokorere kende gionsi aye oraganie. Na ande onsi oramborie ningokorere aye.”
39
Erio abanto bonsi bakaamboka Yorodan, omoruoti nere akaamboka; erio omoruoti akanyunyunta Barisilai na komosesenia, ere akairana gochia inka bwoye.
40
Omoruoti akagenda agaika Giligali na Kimuhamu akagenda amo nere. Abayuda bonsi, na abanto ekeng’ese ki’Abaisraeli nabarabwo bakagenda amo nere.
41
Erio Abaisraeli bonsi bagachiera omoruoti, bakamoboria, “Nase ki Abayuda baminto bakoibete aye na eamate yao, na abanto bao bonsi, na kobaambokia Yorodan?”
42
Abayuda bonsi bakairaneria Abaisraeli, “Nigo twakorete igo, ekiagera omoruoti nigo are bw’eamate yaito. Nase ki rende mokobeea ase amang’ana ayio? Inee! Twarire gento kende ki’omoruoti? Gose otoeire keegwa kende?”
43
Abaisraeli bakairaneria Abayuda, bakabora, “Omoruoti noyoito ara ikomi kobua buna are oyoino. Ase ayio, oyio Daudi noyoito bori. Nase ki mogotochaya? Inee! Titwarenge abe ritang’ani gokwana igoro y’okoirania omoruoti oito.” Korende amang’ana ’Abayuda nigo arenge amakong’u kobua ay’Abaisraeli.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24