bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Acts 23
Acts 23
Gussi (EBIBILIA ENCHENU) 2020
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
1
Paulo akarigereria mono abanto b’ekegambero, akabora, “Baminto, nabeireo ase obosio bwa Nyasae goika rero iga, na enkoro yane tekongambia.”
2
Anania, omokuani omonene, agachika baria bateneine ang’e nere bamoake omonwa oye.
3
Erio Paulo akamotebia, “Nyasae nagoake aye, enyasi eakire echooka! Aye gwaikaransire konachera inche ekina boronge koreng’ana buna ogochika, naende kogoteba mamincha y’amachiko ng’a ng’akwe?”
4
Baria bateneine ang’e nere bakabora, “Inee! Naye okorama omokuani omonene o Nyasae?”
5
Paulo agateba ng’a, “Tinamanyete baminto ng’a ere nomokuani omonene, naki narikire: Tokwana bobe omogambi bw’abanto bao.”
6
Korende ekero Paulo achia komanya ng’a ensemo eyemo n’Abasadukai, na ensemo ya kabere n’Abafarisai, agaaka eriogi ase ekegambero keria, agateba, “Abaminto, inche n’Omofarisai, omwana bw’Abafarisai; inche nigo nkogambigwa ase engencho y’ogosemeria na ase okobokigwa kw’abakure.”
7
Erio gakwanire aya, ogwatananekana gokaba egati y’Abafarisai na Abasadukai, na omosangererekano ogaatananekana.
8
Naki Abasadukai nigo bagokana ng’a kobokigwa tikori, nonya nabamalaika, nonya nemeika, korende Abafarisai nigo bagwancha onsi.
9
Bikaba ebituri ebinge; aborokia b’amariko b’ensemo y’Abafarisai bagatenena, bakamobuna, bagoteba, “Titorochi bobe bonde ase omonto oyo. Aande onye nomoika gose omomalaika okwanire nere?”
10
Ekero eriomana rinene riachia kooroka, omotang’ani oria omonene akoboa ng’a Paulo nabaise kobutoranwa nabarabwo, agachika abarwani baike na komotaboria korwa ase amaboko abo, na komorenta ase enyomba enene y’abarwani.
11
Obotuko boria Omonene agatenena ang’e nere, akamotebia, “Remia enkoro, ekiagera buna kwamberete kirori Yerusalemu, nekogwenerete kombera boigo Rumi.”
12
Bogachia gokiamoka, Abayahudi bakabwatana komoboera Paulo, bagatianania ng’a tibakoria gose tibakonywa goika bamoitire.
13
Abwo batiananetie nigo barenge abanto kobua emerongo ene.
14
Barabwo bakagenda ase abakuani abanene na abagaaka, bakabora, “Ntwatiananetie bokong’u ng’a titoria gento goika twaitire Paulo.
15
Gaki bono inwe amo nab’ekegambero motebie omotang’ani oria omonene amotirimbokie gocha asemore, buna inwe morigetie komanya chingencho chiaye buya kobua; na intwe nigo tore ang’e komoita ritang’ani ataraika asemore.”
16
Omoigwa o Paulo akaigwa amang’ana igoro y’okoboera kwabo, akagenda, agasoa ime ase enyomba enene, akamanyia Paulo amang’ana ayio.
17
Paulo akarangeria oyomo bw’abatang’ani b’abarwani rigana, akamotebia, “Ira omomura oyo ase omotang’ani omonene, ekiagera nabwate ring’ana akomotebia.”
18
Erio akamoimokia, akamoira ase omotang’ani oria omonene, akamotebia, “Paulo, oria omosibwa nandangeria, omboria nkorentere omomura oyo, ekiagera nare ne ring’ana akogotebia.”
19
Omotang’ani oria omonene akamobwata okoboko, akagenda nere ensemo, akamoboria bobisi, “Ing’ana ki obwate origetie gontebia?”
20
Akabora, “Abayahudi babwatanire kogosaba otirimbokie Paulo gochia bosio bw’ekegambero ankio, buna igo barigetie komanya chingencho chiaye buya kobua.
21
Gaki aye tibwancha, ekiagera abanto kobua emerongo ene bamoboeire, batiananirie ng’a tibakoria gose tibakonywa goika bamoitire; na barabwo nigo bare ang’e baganyete eira korwa asore.”
22
Erio omotang’ani oria omonene agatiga omomura oria agende, akamotebia, “Totebia monto onde ng’a kwamanyirie aya.”
23
Nyuma y’ayio akarangeria babere b’abatang’ani b’abarwani rigana, akabatebia, “Beka ang’e abarwani amagana abere, na abarwani abariini chibarasi emerongo etano na ebere, na abare namatimo amagana abere ase okogenda Kaisaria chinsa isato chia botuko.
24
Naende beka ang’e chiyombo bariinie Paulo, momoire buya ase Feliki, gavuna.”
25
Akarika rirube iga:
26
“Ase omosike gavuna Feliki. Inche Klaudio Lisia, nagokwanirie.
27
Omonto oyo nigo abwatwa n’Abayahudi, na barabwo bakaba ang’e komoita. Erio ngacha nomoganda bw’abarwani, nkamotooria, konya nanyorire amang’ana ng’a n’Omorumi are.
28
Naende nkarigia komanya engencho yaye bakomosoera, nkamotirimbokia na komobeka bosio bw’ekegambero kiabo.
29
Nkanyora ng’a nigo asoeirwe ase engencho y’amaborio ’amachiko abo, korende tasoeiri ase ring’ana rigwenerete agoitwa nonya ngosibwa.
30
Ekero nanyora amang’ana ng’a bamoboeire omonto oyo, ngachora komotoma asore erio kegima, ngachika abamosoeri bache bakwane amang’ana igoro yaye ase obosio bwao.”
31
Erio abarwani baria bakaimokia Paulo buna bachigetwe, bakamoira gochia Antipatiri ase obotuko boria.
32
Ekero bwakia mambia bagatiga abarwani be chibarasi bagenderere norogendo na Paulo, na barabwo abanyene bakairana ase enyomba enene y’abarwani.
33
Abarwani baria be chibarasi bagachia goika Kaisaria, bakaa gavuna rirube riria, bakabeka na Paulo ase obosio bwaye.
34
Ekero arisomire, akaboria, “Omonto oyo noyo bw’ense ki?” Ekero aigwete ng’a nomonto o Kilikia, agateba,
35
“Ninche nyigwe amang’ana ao ekero abagosoeri bao barache.” Agachika arendwe ase enyomba y’ekegambero kia Herode.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28