bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Acts 28
Acts 28
Gussi (EBIBILIA ENCHENU) 2020
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
1
Gatwatoorekire twensi, erio tokamanya ng’a egesinka keria nigo kiare korokwa Melita.
2
Abanyene ense eria bagatokorera obuya boetete engencho, ekiagera bagatoutera omorero, bagatoroisia intwe twensi, ekiagera embura yatwete na obokendu mbwarenge.
3
Paulo nigo arenge gosangereria chinko na gochibeka ase omorero, eng’iti egasoka ase engencho y’omorero oria, ekamwenarerera okoboko kwaye.
4
Abanyene ense eria, ekero barora eng’iti eria esung’unaine ase okoboko kwaye, bagatebania, “Takomocha omonto oyo koba omoiti, nonya otooregete korwa ase enyancha, oboronge tibokomotiga abe moyo.”
5
Korende akayesamunsera riko, taba na bobe bonde.
6
Bakamorigereria mono, bagakaga ng’a nabimbe, gose nagwe inse na gokwa bwango, korende ekero baganya engaki entambe, na bobe bonde tibomonyoreti, bakaonchora ebirengererio biabo, bakabora ng’a ere nenyasae.
7
Ang’e naase aria yarengeo emegondo y’omonene bw’egesinka keria, erieta riaye Pubilio. Omonto oyo agatoroisia ase omoyo bw’obosani, tokaba abageni baye ase ekero ki’amatuko atato.
8
Ekaba ng’a ise Publio narenge omonyareku ase esosera na gosaa amanyinga. Paulo agasoa asare akamosabera, akabeka amaboko aye igoro yaye, akamogwenia.
9
Ayio agachia gokoreka, abande ase egesinka keria, abarenge namarwaire, bagacha, bakagwenigwa.
10
Na barabwo bagatosika ase ogosika okonene; naende ekero twachia gosoa emeeri bagatoa ebinto biria twaremeire.
11
Nyuma y’emetienyi etato tokagenda nemeeri y’Aleksanderia, eyabegetwe kobeera aria ase egesinka ekero ki’obokendu, na ekemanyererio kiaye kiarenge Diosikuri (engencho yaye abamura chibarongo).
12
Togaika Sirakusa, tokamenyao amatuko atato.
13
Korwa agwo togaetanana, togaikera Regio. Nyuma ye rituko erimo embeo ya irianyi ekagusa; rituko ria kabere togaika Puteoli.
14
Agwo tokanyora abaminto, bagatosorora tomenye amo nabarabwo amatuko atano, na abere; erio togaika Rumi.
15
Abaminto b’aroro, ekero baigwete amang’ana igoro yaito, bagacha goika Apioforo na Tiretaberne gotorototera aroro. Paulo ekero achia kobarora, akamobaka Nyasae, akaremigwa.
16
Ekero twasoa Rumi, Paulo akaegwa ribaga komenya ere bweka, amo nomorendi ore komorenda.
17
Nyuma y’amatuko atato, akarangeria abanene b’Abayahudi amo. Ekero basangererekanire akabatebia, “Baminto, nonya tinkoreti ring’ana riibe ase abanto baito, gose ring’ana riatananegete korwa ase chingencho chie chisokoro chiaito, korwa Yerusalemu nkabekwa ase amaboko ’Abarumi buna omosibwa.
18
Ekero bakoorire komboria bakarigia gonsibora, ekiagera tibanyorete engencho ende yonsi yangwenerete ng’itwe.
19
Korende ekero Abayahudi bangete aya, nkabetererigwa korigia ekina kiane keirwe ase Kaisari, tari ng’a narenge ne ring’ana ri’ogosoera abanto b’egesaku kiane.
20
Nabo ase engencho eyio nero nabarangereirie, erinde mbarore, na gokwana nainwe, ekiagera nasibirwe ase ekenyuri eke ase engencho y’ogosemeria kw’Abaisraeli.”
21
Baria bakamotebia, “Intwe titwana konyora amarube ande agokwana amang’ana igoro yao korwa Boyahudi, gose onde ominto tari nonya noyomo oikire aiga na gototebia amang’ana, gose okwanire ring’ana riibe igoro yao.
22
Korende ntorigetie koigwa korwa asore buna oroche aye, ekiagera ase ekeombe keria twamanyire ng’a giakwanirwe bobe kera aase.”
23
Kobachorire rituko nere, abanto abange mono bagacha asare aase amenyete. Akabatebereria korwa mambia goika mogoroba, na koorokia amang’ana igoro y’oboruoti bwa Nyasae, agateema kobatebereria amang’ana igoro ya Yeso korwa ase amang’ana ’amachiko a Musa na korwa ase ababani.
24
Abande bagancha ayakwanete, abande tibayaancha.
25
Ekiagera batabwatanete barabwo ase barabwo, bakagenda ekero Paulo akwanete ring’ana eri erimo ng’a, “Omoika Omochenu nokwanete buya ne chisokoro chiaito goetera ase omonwa bw’omobani Isaya, ogoteba,
26
“Genda ase abanto aba, obatebie: Okoigwa namoigwe, korende timokomanya nonya ng’ake, na okorora namorore, korende timoyarengereria nonya ng’ake.
27
Naki chinkoro chi’abanto aba chiabeire chinyoro, na amato abo nigo are amarito ase okoigwa, na amaiso abo bayamiamirie, tibacha korora namaiso abo, gose baigwe namato abo, gose bamanye ne chinkoro chiabo, baonchoke, na inche mbagwenie.
28
Naki amanyekane asemore ng’a ogotooreka oko kwa Nyasae kwairirwe ase abanto b’Ebisaku, nabarabwo nabaigwe.” [
29
Ekero akoorire gokwana amang’ana aya, Abayahudi bakagenda, bakaamererania amang’ana amange barabwo ase barabwo.]
30
Paulo akamenya engaki y’emiaka ebere ase enyomba amenyete, eye are goakanera, akaba okoroisia abanto bonsi abarenge komochiera,
31
okorandia amang’ana ’oboruoti bwa Nyasae, na kworokereria abanto amang’ana igoro y’Omonene Yeso Kristo noboremu obonge, takanigwa na monto.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28