bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Ezekiel 39
Ezekiel 39
Gussi (EBIBILIA ENCHENU) 2020
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
“Aye mwanyabanto, bana igoro ya Gogi, omotebie ng’a aya naro Omonene Nyasae agoteba: Aye Gogi, rora, inche nigo inde mamincha yao, aye omogambi omonene bw’ense ya Rosi, na eya Meseki, na eya Tubali.
2
Ninkoonchore na gokoraa korwa sugusu y’aare mono, nkorente ase ebitunwa bi’Abaisraeli.
3
Aroro agwo ning’ake obota bore ase okoboko kwao gw’okobee bogwe inse, ne chinsara chire ase okoboko kwao gw’okorio chigwe inse boigo.
4
Nokwere igoro ase ebitunwa bi’Abaisraeli, aye amo nemeganda yao yonsi y’esegi, na abanto abwo bare amo naye. Erio nindangerie chinyoni chia kera egesaku, ne ching’iti chi’orosana, chiche chirie chinyama chi’emebere yaino.
5
Inwe nigo morakwere ase egetii aarabu, ekiagera ninche Omonene Nyasae nakwanire ayio.
6
Nintome omorero osambe ense ya Magogi amo nabanto abwo begaarete bare nobotoereru, agwo ase ebisinka na ase chinse chire ang’e nenyancha. Erio mbamanye ng’a inche ninche Omonene.
7
Ase ayio nindigererie ng’a erieta riane richenu ndimanyekane ase egati y’Abaisraeli, abanto baane; tingotiga erieta riane rigenderere gokorwa eritachenegeti. Erio abanto b’ebisaku mbamanye ng’a ninche Omonene, oyore Omochenu bw’Abaisraeli.
8
“Omonene Nyasae nigo agoteba iga: Rora, amang’ana ayio ngocha are, aikeranigwe ase rituko riria nakwanete ng’a ayio nabe.
9
Erio abanto abamenyete ase emechie y’Abaisraeli mbagende basangererie ebirwanero; chinguba, ne ching’aya, na amata, ne chinsara, ne chisimisi, na amatimo, babikore chinko bagoutera omorero ase engaki y’emiaka etano na ebere.
10
Ase engaki eyio Abaisraeli tibakogenda orosana gotenya chinko, gose gotema emete ase amanani. Ebirwanero ebio mbibe chinko chiabo bagoutera omorero. Barabwo mbasakore ebinto bi’abwo babasakorete, na baure abwo babaurete chinibo chiabo. Nabo Omonene Nyasae atebire.
11
“Ase rituko erio nindue Rigoko ri’Abaeti rire moocha y’enyancha, agwo ase ense y’Abaisraeli, erinde Gogi amo nemeganda yaye yonsi batindekwe aroro. Ase ayio ase rigoko erio chimbeera nchitange abaeti. Nigo rirarokwe Rigoko ri’Emeganda ya Gogi.
12
Abaisraeli mbaire emetienyi etano na ebere ase okobatindeka, erinde bachene ense eyio.
13
Abanto bonsi b’ense eyio mbagenderere kobatindeka, na ayio abe ogotogigwa kwabo. Aya nigo arakoreke ase rituko riria ndaorokie obonene bwane. Nabo Omonene atebire.
14
Nyuma emetienyi etano na ebere koyaerire mbachore abanto barabe bakona‐goeta aase aande onsi ase ense eyio babe bakorigia abwo bakwete batigarete riroba igoro, na abande babe bakobatindeka ase ogochena ense eyio.
15
Ekero abwo bakorigia abakwete, barabe bagoeta ase ense eyio, kobaranyore riuga ri’omonto okwete, goika batenenie ekemanyererio aroro goika abwo bagotindeka bachie koritindeka ase Rigoko ri’Emeganda ya Gogi.
16
Boigo omochie orabeo norokwe Hamona. Ase enchera eyio mbachene ense eyio.
17
“Aye mwanyabanto, aya naro Omonene Nyasae agoteba: Kwana na kera egesaku gie chinyoni na egie ching’iti chi’orosana, ochitebie: Esangererie, moche amo korwa ase chinsemo chionsi, mochiche ase omoyega omonene bw’ekeng’wanso nabaroiseirie. Oyio nigo orabe omoyega omonene bw’ekeng’wanso igoro ase ebitunwa bi’Abaisraeli; inwe imorie chinyama, monywe na amanyinga.
18
Imorie chinyama chi’abarwani esegi bare ne chinguru, na monywe amanyinga ’abagambi b’ense, abwo banga buna chimingichi, ne chimanwa chie ching’ondi, ne chimbori, ne chieri, chionsi chire chinoru chia Basani.
19
Imorie ebitinya goika moigote kegima, naende monywe amanyinga goika motinde; ekiagera oyio nomoyega bw’ekeng’wanso nabaroiseirie.
20
Agwo ase emesa yane imorie chinyama chie chibarasi, na echi’abanto chituoni, na echi’abarwani bonsi b’esegi, erinde moigote kegima. Nabo Omonene Nyasae atebire.
21
“Inche ning’orokie obonene bwane ase egati y’abanto b’ebisaku, erinde abwo bonsi barore ekina nanachire, na buna okoboko kwane gokorua egesusuro ase ababisa baane.
22
Ase rituko erio na kogenderera botambe, Abaisraeli mbamanye ng’a inche ninche Omonene, Nyasae obo.
23
Abanto b’ebisaku mbamanye ng’a Abaisraeli nigo bairetwe ase obosomba ase engencho y’obobe bwabo, ekiagera tibabete abegenwa asende. Ase ayio inche nkabisa obosio bwane korwa asebare, erio nkabarua nkababeka ase amaboko ’ababisa babo, na bonsi bagaitwa nemioro.
24
Nigo nabakorerete ayio koreng’ana nogotacheneka kwabo, na ogosaria kwabo, naende nkabisa obosio bwane korwa asebare.
25
“Ase ayio, aya naro Omonene Nyasae agoteba: Bono ning’iranie abooswa ba Yakobo; nindorere egesaku gionsi ki’Abaisraeli amabera; nimbe ne risemi ase erieta riane richenu.
26
Ekero Abaisraeli baramenye ase ense eyio bare nobotoereru, na monto onde takoboboyia, erio mbabwatwe nobosooku ase engencho y’ogosaria gwonsi bakorete.
27
Ayio nigo arabe ekero ndabasangererie mbarusie korwa ase egati y’abanto, na korwa ase chinse chi’ababisa babo. Goetera asebare ninyeorokie ase amasio ’abanto b’ebisaku ng’a inche nomochenu inde.
28
Erio mbamanye ng’a inche ninche Omonene Nyasae obo, ekiagera ninche nabaruete bakairwa ase obosomba bamenye ase egati y’abanto b’ebisaku; naende ninche ndabasangererie na kobairania ase ense yabo. Tingotiga nonya nomonto oyomo obo agenderere kobeera ase egati y’abanto b’ebisaku ebio.
29
Bono tinkobisa obosio bwane naende korwa asebare. Ning’umore omoika one igoro y’Abaisraeli. Nabo Omonene Nyasae atebire.”
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48