bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Isaiah 40
Isaiah 40
Gussi (EBIBILIA ENCHENU) 2020
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 41 →
1
Remia abanto baane! Ee, remia abanto baane! Nabo Nyasae oino atebire.
2
Kwana amang’ana ’obwororo ase Yerusalemu, moyorarerie ng’a emechando yaye yaerire, na ebibe biaye biabeirwe, naende ng’a Yerusalemu onyorire okwaberwa ara kabere korwa ase okoboko kw’Omonene ase ebibe biaye bionsi.
3
Igwa eriogi ri’oyogoaka egeturi ogoteba: “Roisia enchera y’Omonene ase erooro; rongeyia enchera enene ase Omonene, Nyasae oito, agwo ase erooro.
4
Kera rigoko nditichwe rimokerere igoro, na kera egetunwa na ekegoro nabiiranigwe inse, aase atareng’aini nareng’anigwe, na aase are ebitunwa‐tunwa naaranigwe.
5
Obonene bw’Omonene mboorokigwe, na mwanyabanto bonsi mbaborore bare amo. Omonene nere okwanire amang’ana ayio.”
6
Eriogi rigoteba, “Raria amang’ana!” Na erinde rikoboria, “Mang’ana ki nkoraria?” “Raria ng’a mwanyabanto bonsi nigo banga buna obonyansi, obuya bwabo bwonsi nigo bonga egesicha kere mogondo.
7
Obonyansi nigo bokwoma, na ebisicha boigo, ekero Omonene abiuteire omoika oye; naboigo na mwanyabanto banga buna obonyansi.
8
Ee, obonyansi nigo bokwoma, na ebisicha boigo, korende ring’ana ria Nyasae oito nigo rirabeo goika kare na kare.”
9
Aye Sayoni, omoraria bw’amang’ana amaya, tiira gochia ase ebitunwa ebitambe igoro. Aye Yerusalemu, omoraria bw’amang’ana amaya, aka eriogi riao ne chinguru; ee, aka eriogi mono, toiroka; tebia emechie y’Abayuda iga: “Rora Nyasae oino!”
10
Rora, Omonene Nyasae ngocha are ore nokobua, okoboko kwaye nkobe gokogamba. Naama! Nigo agocha obwate eng’eria yaye, na ebiasakoire nigo bire ase obosio bwaye.
11
Narisie riicho riaye buna omorisia akorisia ching’ondi chiaye, nasangererie chimanwa chie ching’ondi achiagate, nachibogorie ase egekuba kiaye, na echi chire ne chimanwa ching’are nachiraae ng’ora ng’ora.
12
Ning’o orengire amache e chinyancha noroe rw’okoboko kwaye? Ning’o oramboire ebiara bi’amaboko aye korenga igoro? Ning’o obekire orotu rw’ense ase ekerengero, gose ning’o orengire ebitunwa na ebigoro nekerengero?
13
Ning’o okoraa Omoika bw’Omonene, gose ning’o okomosemia na komotebereria?
14
Ning’o Omonene akoboria amosemie amang’ana buya? Ning’o omworokereretie oboeto bw’oboronge, na komworokia okomanya, gose komworokia enchera y’okomanya?
15
Naama! Ebisaku nigo binga buna entonyi y’amache egotonya korwa ase enyongo. Nigo bireng’anirie norotu orosinini rore ase esani ekorengera; rora, nigo akoimokia ebisinka buna orotu orosinini.
16
Emete ye rinani ria Lebanoni tegoisana ebe chinko chigouterwa omorero, ne ching’iti chionsi chireo tichigoisana chibe ekeng’wanso ki’ogosambwa.
17
Ebisaku bionsi nigo bire bosa ase obosio bwaye, nigo abibarete buna negento bosa, bitaisaini kende.
18
Nyasae, ning’o moramoreng’anie, gose mogwekano ki moramoreng’anie?
19
Omogwekano bw’ogosasimwa nigo okobombwa nomoroisia ebinto, erio omoturi oyooma netahabu, naende oyoroiseria ebinyuri bi’efeta.
20
Omonto ore omotaka otabwati ebinge akorua nigo agochora omote otari kogunda, origia omoroisia omong’aini omanyete kobaacha, ere omobaachera omogwekano otari gosuka.
21
Inee! Timwana komanya? Timwana koigwa? Timwana gotebigwa amang’ana ayio korwa omochakano? Timwana koyamanya korwa omochakano bw’oboroso bw’ense?
22
Ere nere oikaransete ase orosingo rw’ense, na abamenyete ase ense nigo banga buna ebisase; nere okorambora igoro chionsi buna egetambaa gekoramborwa, ee, nigo agochirambora buna eema ekomenywa ekoramborwa.
23
Omonene nigo agokeyia abagambi baba bosa, na abagambi ebina b’ense boigo baba bosa.
24
Abwo nigo banga buna ebimeri bisimekire masomberera, bitaireti emeri inse. Omonene nigo akobaguseria embeo, boma, na omoubera noro obairurukia buna okoirurukia obonyansi obwomo.
25
Oyore Omochenu nigo akoboria iga: “Ning’o rende moranyare kondeng’ania, ng’a imbe buna oyio?”
26
Rigereria gochia igoro morore! Ning’o otongete ebinto ebio bionsi? Nere oria okoraa emeganda y’ebitongwa ebio ase omobaro obo, na koroka kera ekemo erieta riaye. Okobua kwaye nokonene mono, ne chinguru chiaye nigo chire nokobua, ase ayio kende tikeremeti nonya nekemo.
27
Inwe abanto ba Yakobo, inwe Abaisraeli, nase ki mogoteba ng’a Omonene tarochi chinchera chiaino, naende ng’a ere Nyasae obarinire oboronge bwaino?
28
Inee! Timwana komanya gose koigwa, ng’a Omonene nigo are Nyasae o kare na kare, na Omotongi bwe chinsinyo chi’ense? Ere tari kogoya gose korosa. Obong’aini bwaye tibokorigigwa bomanyekane buna bore.
29
Ere nigo akoa omonto oyo ogoyire chinguru, na oyo otari na nguru nigo akomomentera chinguru.
30
Abasae mbagoye na korosa, na abamura mbagochwe bagwe inse,
31
korende abwo baganyete na gosemeria Omonene mbaegwe chinguru chinyia, mbairuruke gochia igoro ne chimbaba buna echi’ebiongo; mbabe bakominyoka batari korosa, mbabe bagotaara batari kogoya.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66