bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Isaiah 44
Isaiah 44
Gussi (EBIBILIA ENCHENU) 2020
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 45 →
1
“Aye Yakobo, omosomba one, aye Israeli nagochorire, bono igwa!
2
Omonene, oria ogotongete ase enda ya nyoko, naende okogokonya, nigo agoteba iga: Aye Yakobo, omosomba one, aye Yerusalemu, omochore one, toiroka.
3
“Ning’umore amache ase abare nerang’o, nintubokie chindooche ase ense enyomo. Ning’umore Omoika one igoro ase abanto b’ororeria rwao, ninsesenie abana bao.
4
Abwo mbakine buna obonyansi, bakine buna emesobeti ere ase chindooche mbarabare.
5
Oyomo natebe ng’a noyo bw’Omonene are, na oyonde eroke erieta ria Yakobo, na oyonde arike ase okoboko kwaye ng’a ere noyo bw’Omonene, erio eroke Omoisraeli, erieta ri’ogosikwa.”
6
Aya naro Omonene, omoruoti bw’Abaisraeli na Omobooria obo, oyore Omonene b’Emeganda, agoteba: “Ninche oyo bwe ritang’ani, na oyo bw’omoerio; onde tari, otatiga inche bweka inde Nyasae.
7
Ning’o oranyare kobana buna inche, buna nabanete korwa ekero keria nabegete abanto abwo ba kare? Tiga ararie amang’ana ayio na koyanyorokia. Oyio tiga atebie abanto amang’ana are bosio agochia gokoreka.
8
Timoiroka, gose kwoboa! Inee! Tinabatebetie amang’ana ayio korwa kare na kobayamanyia? Inwe nigo more birori baane. Inee! Nyasae onde nareo, otatiga inche? Getare kende tikeri. Nimanyete ng’a kende tikeri.”
9
Abanto abwo bonsi bakoroisia emegwekano y’ogosasimwa nigo bare bosa, na emegwekano eyio teri kobarentera buya bonde. Abwo bakoyebera birori tibakorora, gose tibakomanya gento kende; ase igo mbasookigwe.
10
Ning’o okwebaachera enyasae na kwebombera ogosasimwa bitari gokonya nonyang’ake?
11
Naama! Abatunyani bonsi b’emegwekano eyio mbasookigwe, na abakoyeroisia nigo bare mwanyabanto. Abwo bonsi tiga basangererekane amo, bache bosio; bonsi amo nigo baraondoke, basooke.
12
Omoturi ebioma nigo akobogoria enturago yaye otura ekioma. Nigo agokebeka igoro ase omorero bw’amakara, ogesamba, erio okebomba ase ogokebaraga nokoboko kwaye kore ne chinguru. Ekero agendererete koroisia omogwekano oyio, nigo akoba nenchara na erang’o ogoya.
13
Omosenia chibao nigo akorambora ekerengo, bwata omong’ororia nekaramu ase ebao. Erio oyesenia neranda, oyeng’ororia ekeringerera, naende oyebaacha yaba omogwekano bw’omonto omonyakieni, oyobeka nyomba ime.
14
Omonto nigo akogenda ase rinani ogecha emecharake, gose bwechorera emete ao ao enga buna emetontera, oyetiga egokina agwo ase rinani, gose bwesimekera omobunduki, embura yaba ekoyokinia.
15
Omote oria gokinire nigo okoba chinko chi’omonto oria; ere nigo akonyonacha ekeng’ese outera omorero agwota na korugera endagera, na ekeng’ese kende okebacha kiaba enyasae agosasima, nigo gekoba omogwekano ere oba okoyosasima.
16
Ase ekeng’ese kende omonto oria nigo agoutera omorero, osambera chinyama, ochiria na koigota, na ekero autire omorero oria nigo agoteba, “Ee, bono nabeire ne riberera; omorero oyo nomuya!”
17
Ekeng’ese egetigari ki’omote oria nigo agokebaacha ogekora enyasae, omogwekano agosasima; nigo agotung’ama bosio bwaye oyosasima oteba, “Ntoorie, ekiagera naye enyasae yane!”
18
Abanto bagokora ayio nabariri, tibamanyeti kende. Amaiso abo aukoire, tibakonyara korora, na ebirengererio biabo biasarigwe, tibakonyara komanya.
19
Monto onde tari ase abwo okorengereria mono, gose ore nobong’aini na okomanya erinde atebe, “Ekeng’ese ki’omote oyio nageutera omorero, nkayorugera endagera, boigo nkayosambera chinyama nkaria. Inee! Korwa ase ekio egetigari ningekore egento gi’okogechia? Ningekore enyasae ngosasima, eroisirie korwa ase omote?”
20
Oyio nigo asemeretie ayare buna ribu; enkoro yaye yang’ainekire, yamosiririe, takonyara gwetooria na goteba, “Egento eke mbwate koboko kwane gw’okorio neki’oborimo.”
21
“Inwe abanto ba Yakobo, inwe Abaisraeli, inyora amang’ana aya, ekiagera inwe nabasomba baane. Inwe Abaisraeli, tinkobeeba.
22
Natinyirie ogosaria kwaino buna ngotinyia riire, na ebibe biaino buna ngotinyia ritaturi. Ing’iranere, ekiagera nababooririe.”
23
Inwe igoro chionsi, tera nomogoko, ekiagera Omonene oikeranirie ayio; naye ense yonsi, aka eriogi ri’omochengo! Inwe ebitunwa, na amanani, na kera omote ore aroro, tera nechinguru chinyinge, ekiagera Omonene obooririe abanto ba Yakobo, neorokie ase egati y’Abaisraeli ore nobonene.
24
Aya naro Omonene, Omobooria oo, oyogotongete ase enda ya nyoko, agoteba: “Ninche Omonene natongete ebinto bionsi; ninche bweka naramborete igoro chionsi, nkaara ense gochia chinsinyo chionsi, na onde tarengeo onkonyete.
25
Inche nigo ngosaria ebimanyererio bi’ababani b’oborimo na gokora abaringoria baba chiosi. Nigo nkoirania nyuma obong’aini bw’abang’aini na gokora okomanya kwabo kwaba oboriri.
26
Inche nigo ngokora ring’ana ri’omosomba one riaba ne chinguru na goikerania emeroberio y’abatomwa baane. Ninche ngoteba igoro ya Yerusalemu ng’a nomenywe, na igoro y’emechie y’Abayuda ng’a neagachwe naende; ninche ndatenenie amaagacho ayio agwete inse.
27
Ninche ngoteba igoro ye chindiba chie chinyancha ng’a chiome pa, ninche ndakamie chindooche chiaye.
28
Nigo ngoteba igoro ya Koresi ng’a namobekire abe omorisia bw’abanto baane; ere naikeranie ogwancha kwane gwonsi, na atebe igoro ya Yerusalemu ng’a oagachwe naende, naende atebe igoro ye Hekalu ng’a oboroso bwaye bobekwe naende.”
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66