bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Matthew 8
Matthew 8
Gussi (EBIBILIA ENCHENU) 2020
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
1
Ekero Yeso achia gotirimboka korwa ase egetunwa igoro, emeganda emenge ekamotunyana.
2
Rora, omonto orenge noborwaire bwa ukoma akamochiera, akamotung’amera, akamotebia, “Omonene, onye ngwancha nonyare gonsibia.”
3
Yeso akarambora okoboko kwaye, akamokuna, akamotebia, “Nanchire; sibeka.” Erio agwo oborwaire bwaye bwa ukoma bogasibigwa.
4
Yeso akamotebia, “Rigereria, totebia monto onde ing’ana; korende genda, bweorokie ase omokuani, orue ekeng’wanso egiachigetwe na Musa, erinde kebe kirori ase abanto.”
5
Naende agachia gosoa Kapernaumu, omotang’ani bw’abarwani rigana akamochiera, akamosorora,
6
agateba, “Omonene, omosomba one nyomba araire, oborwaire bomogataetie, akoromwa mono.”
7
Yeso akamotebia, “Ninchiche komogwenia.”
8
Oria omotang’ani bw’abarwani rigana akamoiraneria, “Omonene, inche tinyisaini aye orasoe inse y’ekerama kiane; korende kwana ring’ana rioka, na omosomba one nagwene.
9
Naki inche nomonto inde inse ase okobua, naende ninde nabarwani inse asende. Kondatebie oyo: Genda, ogenda; na oyonde: Inchuo, ocha; na omosomba one: Kora iga, okora.”
10
Ekero Yeso amoigwa agakumia, agatebia abamotunyanete, “Nekeene nabatebirie: Nonya nase Abaisraeli tindanyora okwegena okore buna oko.
11
Nabatebirie ng’a abange nabache korwa moocha na bosongo, nabaikaranse amo na Ibrahimu, na Isaka, na Yakobo, ase oboruoti bwa igoro,
12
korende abana b’oboruoti nabatugutwe isiko ase omosunte; na aroro abanto mbabe nekerero na okoriania amaino.”
13
Yeso agatebia omotang’ani oria bw’abarwani rigana, “Genda bwoo, nabe asore koreng’ana nokwegena kwao.” Omosomba oria akagwenigwa ase ekero keria.
14
Ekero Yeso asoete nyomba mwa Petero, akarora ng’ina biara Petero oraire, orwarete esosera.
15
Akamokuna okoboko kwaye. Esosera ekamotiga, na ere akaimoka akamokorera.
16
Riachia koba mogoroba, bakamoirera abanto abange ababwatire nebirecha, na ere akarusia ebirecha ase ring’ana, na bonsi abarenge abarwaire akabagwenia;
17
rinyare goikerana eriatebetwe nomobani Isaya, ogoteba, “Ere akaimokia oboreu bwaito, na akabogoria amarwaire aito.”
18
Bono ekero Yeso achia korora emeganda emenge yamoetananire, agachika ng’a baimoke korwa aroro bagende ng’umbu.
19
Omworokia bw’amariko oyomo akamochiera, akamotebia, “Omworokia, ningotunyane aande onsi ase okogenda.”
20
Yeso akamotebia, “Ebibwe mbire namakuruma, ne chinyoni chia igoro nchire nebiswa, korende Omwana‐o‐mwanyabanto tari naase akobeka omotwe oye.”
21
Na oyonde ase aborokigwa baye akamotebia, “Omonene, ritang’ani ing’a ribaga ngende gotindeka tata.”
22
Korende Yeso akamotebia, “Ntunyana, tiga abakure batindeke abakure babo.”
23
Ekero achia koriina obwato, aborokigwa baye bakamotunyana.
24
Rora, omwaga omonene okaimoka ase enyancha, goika obwato bogatubwa nemerindo; korende ere konya orarire.
25
Bakamochiera, bakamotura, bakamotebia, “Omonene, totoorie, ngosira tore!”
26
Akabatebia, “Naki mokwoboa, inwe abamore nokwegena ogoke?” Erio akaimoka, agatogonyera omwaga na enyancha; gokaba ogotoerera okonene.
27
Abanto baria bagakumia, bagateba, “Monto ki oyo, nonya nomwaga na enyancha bikomoigwera?”
28
Ekero achia goika ng’umbu y’ense y’Abageraseni, abanto babere ababwatire nebirecha bakaumerana nere, na barabwo nigo baare korwa ase chimbeera, nigo barenge abatindi mono, goika monto onde tarenge konyara goeta enchera eria.
29
Na rora, barabwo bagaaka eriogi bakabora, “Inaki intwe tore naye, Omwana o Nyasae? Inee! Ngwachire aiga gotoita ekero engaki etaraika?”
30
Riicho rie chimbeche chinyinge ndiarenge egeka, rikorisia.
31
Ebirecha biria bikamosorora, bikabora, “Onye kogotorusia aa, rirorio toe ribaga tosoe ase riicho rie chimbeche.”
32
Akabitebia, “Genda!” Bigasoka, bigasoa ase chimbeche. Na rora, riicho rionsi rigatirimboka, rigasoa enyancha ime, rigasirera aroro.
33
Na abarisia bagatama, bakagenda omochie bakararia amang’ana onsi ayakoregete ase baria babwatire nebirecha.
34
Na rora, abanto bonsi b’omochie oria bakagenda koumerana na Yeso; bagachia komorora, bakamosorora arue ensemo yabo.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28