Nahum 2

Gussi (EBIBILIA ENCHENU) 2020

← Chapter 1 Jump to: Chapter 3 →

1Oyo ogosiria oimokire gocha kobarwania. Renda chiburi chiaino more nebirwanero, morende ne chinchera; eboyie ebinema biaino mokong’e, mobe ne chinguru chinyinge.

2Omonene nkoirania are obonene bw’abanto ba Yakobo, ee, obwo bore obonene bw’Abaisraeli, ekiagera abasakori babasakoire na kobatiga bare bosa, babunire chinsagia chi’emesabibu yabo, bachitugutire inse.

3Chinguba chi’ababisa babo bare chituoni nigo chiabeire chimbariri, abarwani babo b’esegi nigo babegete chianga chimbariri. Chigari chiabo nigo chikomesa buna omorero, ekero chiroberete gocha korwana. Amatimo abo achomeire chintanga chi’emetarakwa nigo agotimitigwa mono.

4Chigari chi’esegi nigo chigotitiria ase chinchera; nigo chikobagachana ase chiraaro chi’omochie; nigo chikomesa buna ebieri bi’omorero, na kominyoka buna okomesa kw’embura.

5Ere nigo ainyorete abarwani baye b’esegi abanene, korende ekero bagocha nigo barabe bakona‐kogochwa. Barabwo nigo bakoayerera gochia ase chindwaki, na gotenenia ebiekengero.

6Ebiita bire ase chindooche biaigoirwe, enka y’omoruoti yaichoirwe nomoondoko.

7Eting’ana goika echaborwe chianga eirwe; abaiseke baye abasomba nigo bakorera na kweumia buna amaruma, bagoaka‐aka ebikuba biabo.

8Korwa kare Nineva nigo orenge buna ritibo riichire amache, korende bono abanto ngotama bare. Nigo bagotebigwa: “Tenena! Tenena!” Korende onde tari okorigereria nyuma.

9Sakora chifeta! Sakora ne chitahabu! Obotenenku na obonge bwe chinibo bireo tibikoera.

10Ogotigwa bosa, na okong’anywa, na ogosarigwa, biabeireo; chinkoro chiarianyekire, na amaru nigo agoaka‐akana. Chibachwa nigo chigwatigwa, na amasio a bonsi aonchokire arabire se ase omoondoko.

11Amaraaro e chindo, ng’ai are? Ng’ai chindo chinsae chikoriera? Ng’ai chindo chituoni, ne chiaberi, ne chimanwa chiabo, chiarenge gotaara chitarenge kwoboigwa nonde?

12Endo nigo yatandoranete eke yaitete kegaisana chimanwa chiaye; naende egaita ekaa chindo chiaye chiaberi. Nigo yaichoretie amakuruma aye nebi yaitete, ne chingoro chiaye nebi yasakorete.

13Omonene bw’Emeganda nigo agoteba iga: “Rora, inche nigo inde mamincha yao; ninsambe chigari chiao chiimoke erioki, ning’ite chindo chiao chinsae nomoro; ninsirie ebinto gwasakorete birue ase ense, na eriogi ri’abanto bao gwatomete tirikoigugwa nonya ng’ake.”

← Chapter 1 Jump to: Chapter 3 →