bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Proverbs 1
Proverbs 1
Gussi (EBIBILIA ENCHENU) 2020
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Eye nero emereng’anio ya Sulemani mosinto o Daudi, omoruoti bw’Abaisraeli.
2
Emereng’anio eyio eragere abanto bamanye obong’aini na amorokererio ay’okorongeyia, naende bamanye amang’ana are nengencho.
3
Korwa ase ero abanto mbanyore amorokererio akorenta obong’aini, na oboronge, na ekeene, na ogokora kw’oboronge.
4
Emereng’anio eyio nigo erae abatamanyeti amange bamanye chisemi, naende nigo erorokererie ekegori egeke getware okomanya na emeroberio emiya.
5
Ase okoigwa emereng’anio eyio omonto omong’aini nigo akong’aiinia goetania, na oyore nokomanya bwenyorera ogosemigwa okuya.
6
Korwa ase emereng’anio eyio abanto mbanyare kweorokereria emereng’anio na eki egoteba; boigo mbamanye amang’ana ’abanto abang’aini na emebayeno yabo.
7
Okomoiroka Omonene, noro omochakano bwe chisemi. Abariri nigo bagochaya obong’aini na amorokererio.
8
Omwana one, igwera amorokererio a iso, na tobaisa gotiga aya nyoko akogochika.
9
Ayio nigo arabe buna egetinti gechabeire ase omotwe oo, na buna chisonoi chingiya chire ase rigoti riao.
10
Omwana one, abanyabibe kobarakoebererie ng’a mobwatane nabarabwo, tobaisa gwancha.
11
Baise kogotebia, “Inchuo ogende amo naintwe; toboere abanto tobaite, toumokere onde bwensi otari na komocha.
12
Inchuo tobamere kobare moyo, buna aase abakure akomera, bagende abagima ase embeera.
13
Erio tonyore chinibo chionsi chie rigori rinene, toichorie chinyomba chiaito nebisakorwa ebio.
14
Inchuo obwatane amo naintwe; tobe nekegancha ekemo.”
15
Omwana one, tobaisa gotaara amo nabarabwo. Otange okogoro kwao tikobaisa gotacha ase bagoeta,
16
ekiagera amagoro abo nigo akominyoka gochia ase ogokora amabe, na nigo bare abaango ase ogoitera amanyinga.
17
Nigo ere bosa gotegera chinyoni ebisugunia ekero chibiroche.
18
Abanto abwo nigo bakoboera goitera amanyinga abo abanyene, baumokera obogima bwabo abanyene.
19
Naboigo omoerio bwe chinchera chiabo ore, baria baganetie konyora chinibo ase ribero. Chinibo chiria nigo chigosiria obogima bw’abwo bagochinyora.
20
Obong’aini nigo bogoaka eriogi rinene ase chinchera, boigo nase chichiiro.
21
Nigo bogoaka eriogi rinene ase emseangererekano emenene y’abanto, naende ase ebiita bi’emechie, bwateba:
22
“Ngoika ririri inwe abamotamanyeti amange moranche ogotamanya kwaino? Ngoika ririri abachecheria baregokie nogochecheria kwabo, na abariri bageche chisemi?
23
Moise koonchoka moigwe ogokurera kwane, rirorio nimbaiterere omoika one, mbamanyie amang’ana aane.
24
Nabeire nkobarangeria, korende mwangire konyigwera; nabeire nkorambora okoboko kwane, korende monto onde tari okorigereirie.
25
Mwachayire ogosemia kwane gwonsi, gose onde tari oigwerete ogokurera kwane.
26
Ase ayio inche nimbasekerere ekero emechando erabachere. Nimbachecherie ekero obwoba borabachere;
27
ee, ekero obwoba borabachere buna ekembugu‐mbugu, na emechando buna ekerambauti, boigo ekero obokong’u na omoichano birabachere.
28
Erio barabwo mbandangerie, korende tinkobaigwa; mbandigie, korende tibakonyora inche.
29
Barabwo nigo bagechete chisemi tibancheti komoiroka Omonene.
30
Tibancheti koigwera ring’ana riane ri’okobasemia nonya nerimo; nigo bachayete ogokurera kwane gwonsi.
31
Ase ayio mbarie okwama kw’ogokora kwabo, baisaneke nemeroberio yabo abanyene
32
Okoirana nyuma kw’abwo batamanyeti amange nkobaite, na ogoisaneka kw’abariri nkobasirie barabwo abanyene.
33
Korende monto onde bwensi oranyigwere namenye ase omorembe, ere nabe nobotoereru na takoiroka bobe bonde.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31