bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Proverbs 22
Proverbs 22
Gussi (EBIBILIA ENCHENU) 2020
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
Erieta rigiya nigo rigwenerete gochorwa kobua chinibo chinyinge, na okomanyekana okuya nigo kobuete efeta na etahabu.
2
Omonda na omotaka nigo bamenyete ase obogima obomo; Omonene nere omotongi o bonsi.
3
Omonto omong’aini nigo akororera emechando korwa aare, bwebisa, korende oyotamanyeti amange nigo akogenderera gochia bosio, oumerana nero, erio ochandeka.
4
Abare abaitongo bamoirogete Omonene nigo bakonyora obotenenku, na ogosikwa, na obogima.
5
Amagwa na emeeto nigo bitegire ase chinchera chi’abanto abakorekanu, korende oyo orendete omoyo oye goika eatanane korwa ase birobio.
6
Orokereria omwana abwatie enchera egwenerete, na ekero abeire omogotu takoyetiga.
7
Omonto omonda nigo akogambera omotaka; na omonto ogosaba aegwe singo nigo akoba omosomba bw’oria omoa singo.
8
Oyogosimeka obobe, nagese ogosareka, na enyimbo y’endamwamu yaye nigo erasire bosa.
9
Omonto obwate eriso ri’amabera nasesenigwe, ekiagera bwatananeire omotaka endagera.
10
Seria omonyacheche, na eriomana ndiere, ee, eriomana na ogochaya mbisire.
11
Omonto bwanchete enkoro echenegete, na ebikoba biaye bigokwana ayare ay’obuya, omoruoti nabe omosani oye.
12
Amaiso ’Omonene nigo arigereretie na korenda oyore nokomanya, korende nigo akoonchorana na gosaria amang’ana ’abatari abegenwa.
13
Omonto omworo nigo agoteba, “Endo nere isiko! Nigo ndabaise gochia goiterwa ase chinchera.”
14
Omonwa bw’omokungu omotayayi nigo ore eirima entambe, na omonto onde bwensi Omonene agechigwe nere goika agwe ase eirima eyio.
15
Oboriri nigo bosiberanirie ime ase enkoro y’omwana, korende ekeranya gekorongeyia amamocho nigo gekoborusieo.
16
Ere oyo ogokorera abataka bobe ase ogwetenenkia ere omonyene, gose okorua ebiegwa ase abanda, goika aremerwe.
17
Tega ogoto kwao oigwe amang’ana abanto abang’aini bagokwana, na obeke amorokererio aane ime ase enkoro yao.
18
Nigo erabe buya korayarende ime yao, erinde abe ang’e ase ebikoba biao koyakwana.
19
Rituko ria rero nakoyamanyirie, ee, nakoyamanyirie, erinde omosemerie Omonene.
20
Inee! Tinkorikereti amang’ana amanene ay’ogosemia na ay’amorokererio?
21
Ayio nakworokererie ayare ay’oboronge na ay’ekeene, erinde okwane ay’oboronge na ekeene ase abwo bagotomete.
22
Tobaisa koura omotaka ekiaye, ekiagera are omotaka, gose agwo ase egeita tobaisa gokorera bobe omonto ochandegete.
23
Omonene narwanerere abataka, na abwo bakobaurereria Omonene nabasirie.
24
Tobaisa gokora obosani nomonto ore omwango ase okobeea gose tobaisa kogenda amo nomonto ore nekeririanda.
25
Oise kobwatana noyio, nigo orenarie chinchera chiaye, erio obwatwe ase oboreba.
26
Tobaisa koba oyomo bw’abanto abwo bakobwatana amaboko, gose bakwerua koba intenenera ase chisira chi’abanto bande.
27
Nobaise kourwa oborere bwao okorarera, ekiagera tobwati gento ogoakana.
28
Tobaisa gotumana orobebe orokoro orwo chisokoro chiao chiabegete.
29
Oise korora omonto omanyete emeremo yaye buya, oyio natenene ase amasio ’abaruoti, tagokorera abanto bande bonsi emeremo.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31