1 Chronicles 29

Hausa Arabic 2020 (أَتَّوْرَتْ دَ أَنَّبَاوَا)

← Chapter 28 Jump to:

1سَعَنً سَرْكِے دَاوُدَ يَيِ مَغَنَ غَ دُكَنْ تَارُوانْ جَمَعَ يَثٜىٰ «طَانَ سُلَيْمَٰنُ، شِے وَنْدَ اللَّهْ يَذَاٻَا، سَوْرَيِ نٜىٰ، وَيُوانْ رَايُوَا بَيْ إِشٜىٰشِيبَ تُكُنَ؞ غَاشِ، عَيْكِنْ كُمَ يَنَدَ يَوَ سُواْسَيْ، غَمَا وَنَّنْ هَيْكَلِبَ وُرِنْ دَ مُتُمْ ذَيْ ذَوْنَ بَنٜىٰ، عَمَّا وُرِے نٜىٰ عِنْدَ يَهْوٜىٰهْ اللَّهْ ذَيْ كَسَنْثٜىٰ؞

2نَارِغَا نَايِ إِيَاكَثِنْ ڧُواْڧَرِنَ نَتَارَ كَايَ دُواْمِنْ غِدَنْ اللَّهْ نَا؞ نَا تَارَ ظِينَارِيَ دُواْمِنْ يِنْ كَايَنْ ظِينَارِيَ دَ أَظُرْڢَا دُواْمِنْ يِنْ كَايَنْ أَظُرْڢَا دَ تَغُلَّ دُواْمِنْ يِنْ كَايَنْ تَغُلَّ دَ ڧَرْڢٜىٰ دُواْمِنْ يِنْ كَايَنْ ڧَرْڢٜىٰ دَ كَتَكَيْ دُواْمِنْ يِنْ كَايَنْ كَتَكَيْ؞ أَݣَويْ كُمَ دُوَڟُو مَاسُ دَرَجَ دَيَوَ دَ دُووَڟُنْ عُواْنِسْ دَ نَأَدُواْ دَ دُوَڟُو مَاسُ كَلَرْ إِرِ إِرِ دَ دُووَڟُنْ دَرَجَ إِرِ إِرِ دَ شِرْيَيُّنْ دُووَڟُنْ دَٻٜىٰ دَيَوَ؞

3بَنْ دَ أَبِنْدَ نَارِغَا نَا تَارَ دُواْمِنْ غِدَنْ اللَّهْ نَا، ذَنْبَادَ ظِينَارِيَ دَ أَظُرْڢَرْ دَ نَكٜىٰ دَسُو، سَبُواْدَ إِنَ ڧَوْنَرْ غِدَنْ اللَّهْ نَا سُواْسَيْ؞

4إِنَ بَادَ ظِينَارِيَ ظَلَّ وَدَّ تَڢِے تُوانْ طَرِے دَ أَظُرْڢَا ظَلَّ وَدَّ تَڢِے تُوانْ أَرْبَعِنْ دُواْمِنْ يِنْ أَدُواْ عَبَنْ‌غُوانْ غِدَنْ يَهْوٜىٰهْ ،

5دَ كُمَ سَوْرَنْ عَيْكِنْ أَدُوانْ دَ مَاسُ سَنَعَرْ حَنُّ ذَاسُيِ؞ دَ ظِينَارِيَ ذَاعَيِ كَايَنْ ظِينَارِيَ دَ أَظُرْڢَا كُمَ ذَاعَيِ كَايَنْ أَظُرْڢَا؞ تُواْ، يَنْذُ وَيَكٜىٰسُواْ يَيِ بَايَرْوَ تَيَرْدَرْ رَيْ، يَكُمَ كٜىٰٻٜىٰ كَنْسَ يَوْ غَ يَهْوٜىٰهْ ؟»

6سَعَنً شُوغَبَنِّنْ غِدَاجٜىٰنْ كَاكَنِّ دَ شُوغَبَنِّنْ ظُرِيُواْيِ دَ شُوغَبَنِّنْ سُواْجُواْجِ دُبُو دُبُو دَ نَطَرِے طَرِے دَ شُوغَبَنِّنْ أَيُّكَنْ سَرْكِے سُكَيِ بَايَرْوَ تَيَرْدَرْ رَيْ؞

7سُكَ بَادَ ظِينَارِيَرْ دَ تَڢِے تُوانْ طَرِے دَ سَبَعِنْ دَ أَظُرْڢَرْ دَ تَڢِے تُوانْ طَرِے عُكُ دَ أَرْبَعِنْ دَ تَغُلَّ وَجٜىٰنْ تُوانْ طَرِے شِدَ دَ عَشِرِنْ دَ ڧَرْڢٜىٰنْدَ يَڢِ تُوانْ دُبُو عُكُ دَ طَرِے حُطُ؞

8مُتَنٜىٰنْ دَسُكٜىٰ دَ دُوَڟُو مَاسُ دَرَجَ سُكَ بَادَسُو أَوُرِنْ أَجِيَرْ كَايَنْ غِدَنْ يَهْوٜىٰهْ تَهَنُّنْ يٜىٰهِيٜىٰلْ نَدَنْ‌غِنْ غٜىٰرْشُوانْ دَغَ ذُرِيَرْ لَوِ؞

9جَمَعَ سُكَيِ مُرْنَ دَ غَنِنْ يَوَنْ أَبِنْدَ عَكَ بَايَرْدَ يَرْدَرْ رَيْ دَ ذُوثِيَا طَيَ غَ يَهْوٜىٰهْ ؞ سَرْكِے دَاوُدَ شِے مَا يَيِ مُرْنَ سُواْسَيْ؞

10دَاوُدَ يَيَبِے يَهْوٜىٰهْ أَغَبَنْ دُكَنْ تَارُوانْ جَمَعَ يَثٜىٰ، «يَا يَهْوٜىٰهْ ، اللَّهْ نَكَكَنْمُ إِسْرَٰٓءِيلَ، أَلْبَرْكَ تَا تَبَّتَا غَرٜىٰكَ، حَرْ أَبَدَا أَبَدِنْ!

11يَا يَهْوٜىٰهْ ، غِرْمَ دَ إِيكُواْ نَاكَ نٜىٰ! طَوْكَكَ دَ دَرَجَ دَ نَصَرَا نَاكَ نٜىٰ، غَمَا كُواْمٜىٰ أَ سَمَ كُواْ ڧَسَا نَاكَ نٜىٰ؞ نَاكَ نٜىٰ مُلْكِ، يَا يَهْوٜىٰهْ ، كَيْنٜىٰ مَيْ طَوْكَكَ ڢِيٜىٰ دَكُواْمٜىٰ؞

12دُوكِيَ دَ غِرْمَ دَغَ غَرٜىٰكَ سُكٜىٰ، كَيْنٜىٰ مَيْ مُلْكِ عَكَنْ كُواْمٜىٰ؞ أَ حَنُّنْكَ نٜىٰ ڧَرْڢِے دَ إِيكُواْ سُكٜىٰ، إِيكُوانْ غِرْمَمَ مُتُمْ دَ إِيكُوانْ ڧَرْڢَڢَ شِ؞

13يَنْذُ يَا اللَّهْ نْمُ، مُنَ مَكَ غُواْدِيَ، مُنَ كُمَ يَبُوانْ سُونَنْكَ مَيْ دَرَجَ؞

14«عَمَّا وَنٜىٰنٜىٰنِے؟ سُو وَنٜىٰنٜىٰ مَا مُتَنٜىٰنَ حَرْ دَ ذَامُ عِيَ كَٰوُاْ مَكَ بَايَرْوَ تَيَرْدَرْ رَيْ؟ غَمَا دُكَنْ أَبُ دَغَ غَرٜىٰكَ سُكٜىٰ، كُمَ دَغَ ثِكِنْ أَبِنْدَ مُكَ كَرْٻَ دَغَ وُرِنْكَ مُكَ بَاكَ؞

15أَغَرٜىٰكَ مُو بَڧِينٜىٰ، مَاسُ يَٰوُاْ أَغَبَنْكَ كَمَرْ كَاكَنِّنْمُ؞ ݣُونَكِنْمُ عَدُونِيَا كَمَرْ إِنُوَ مَيْ وُثٜىٰوَ نٜىٰ، بَعَسَا ذُوثِيَا عَكَنْسُ؞

16يَا يَهْوٜىٰهْ اللَّهْ نْمُ، دُكَنْ كَايَنْ دَ مُكَ تَارَ دُواْمِنْ غِنَا مَكَ غِدَا عِنْدَ ذَاعَ يَبِے سُونَنْكَ مَيْ ڟَرْكِے سُنْ ڢِتُواْ دَغَ وُرِنْكَ نٜىٰ، كُمَ دُكَ نَاكَنٜىٰ؞

17يَا اللَّهْ نَا، نَسَنِ كَيْ مَيْڠُودَ ذُوثِيَارْ مُتُمْ نٜىٰ، كُمَ كَكَنْجِ دَاطِنْ أَبِنْدَ يَكٜىٰ دَيْدَيْ؞ دُكَنْ كَايَنَّنْ نَبَايَرْ دَسُو دَ غَسْكِيَ أَ ظُوثِ؞ نَكُمَ غَنِ يَدَّ مُتَنٜىٰنْكَ سُنَ بَايَرْوَ دَ يَرْدَرْ رَيْ ثِكِنْ ڢَضٍ ثِكِ؞

18يَا يَهْوٜىٰهْ ، اللَّهْ نَكَاكَنِّنْمُ إِبْرَٰهِيمْ دَ إِسْحَٰڧَ دَ يَعْڧُوبَ، بَرِ كَكِيَايٜىٰ وَنَّنْ يَرْدَرْ رَيْ دَ ڢَضٍ ثِكِ أَ مُتَنٜىٰنْكَ حَرْ أَبَدَا، كَكُمَسَا سُكَسَنْثٜىٰ دَ أَمِنْثِ أَغَرٜىٰكَ؞

19بَرِ كَبَا طَانَ سُلَيْمَٰنُ ثِكَكّٜىٰنْ نِيَّ نَعَيْكَتَ دُكَنْ أَبِنْدَ كَاعُمَرْتَ، يَبِے عُمَرْنِنْكَ دَ ڧَٰعِدُواْدِنْكَ دَ دُكَنْ ڟَارِنْدَ كَبَايَرْ دُواْمِنْ غِنَا بَبَّنْ غِدَنْكَ وَنْدَ نَارِغَا نَا كَمَّلَ شِرِنْسَ؞»

20سَعَنً دَاوُدَ يَثٜىٰ وَدُكَنْ تَارُوانْ جَمَعَ «كُيَبِے يَهْوٜىٰهْ اللَّهْ نْكُ؞» سَيْ دُكَنْ جَمَعَ سُكَ يَبِے يَهْوٜىٰهْ اللَّهْ نَكَاكَنِّنْسُ؞ سُكَ رُسُنَ حَرْ ڧَسَا أَغَبَنْ سَرْكِے دَ كُمَ أَغَبَنْ يَهْوٜىٰهْ ؞

21وَشٜىٰغَرِ مُتَنٜىٰ سُكَيِ هَدَايُ غَ يَهْوٜىٰهْ ؞ سُكَ مِيڧَ هَدَايَ تَڧُواْنَاوَا نَبِجِمَيْ دُبُو دَ رَغُنَ دُبُو دَ یَنْ رَغُنَ دُبُو، تَرٜىٰدَ هَدَايُنْسُ نَشَا دَ هَدَايُ مَاسُيَوَ وَطَنْدَ عَكَيِ سَبُواْدَ دُكَنْ مُتَنٜىٰنْ إِسْرَٰٓءِيلَ؞

22أَ رَانَرْ نَنْ كُواْوَ يَثِ يَشَا تَرٜىٰدَ مُرْنَ مَيْ يَوَ غَ يَهْوٜىٰهْ ؞ سَيْ سُكَسَاكٜىٰ تَبَّتَرْ دَ سُلَيْمَٰنُ طَنْ دَاوُدَ سَرْكِے سَوْ نَبِيُ؞ سُكَ ظُبَ مَسَ مَنْ كٜىٰٻٜىٰوَ نَنَطَ شِ سَرْكِے أَغَبَنْ يَهْوٜىٰهْ ؞ حَكَ مَا عَكَ ظُبَ وَ ظَدُواكْ مَنْ كٜىٰٻٜىٰوَ دُواْمِنْ عَكٜىٰٻٜىٰشِ ڢِرِسْتِ؞

23سَيْ سُلَيْمَٰنُ يَذَمَ سَرْكِے يَكُوَ هَوْ كُجٜىٰرَرْ مُلْكٍ دَ يَهْوٜىٰهْ يَتَبَّتَرْ أَمَدَدِنْ بَابَنْسَ دَاوُدَ؞ سُلَيْمَٰنُ كُوَ يَيَلْوَتَ ثِكِنْ مُلْكِنْسَ، إِسْرَٰٓءِيلَاوَا دُكَ كُمَ سُكَيِ مَسَ بِيَيَّ؞

24دُكَنْ دَتَّاوَا دَ شُوغَبَنِّنْ سُواْجُواْجِ دَ سَوْرَنْ یَیَ مَظَا نَ دَاوُدَ سُكَيِ أَلْڧَوَرِ ذَاسُيِ بِيَيَّ غَ سَرْكِے سُلَيْمَٰنُ؞

25يَهْوٜىٰهْ يَا طَوْكَكَ سُلَيْمَٰنُ يَسَا دُكَنْ مُتَنٜىٰنْ إِسْرَٰٓءِيلَ سُنَ غَنِنْسَ دَ دَرَجَ سُواْسَيْ، يَطَوْكَكَ مُلْكِنْسَ سُواْسَيْ، حَرْ بَعَتَٻَ غِرْمَمَ وَنِ سَرْكِنْ إِسْرَٰٓءِيلَ حَكَ كَاڢِنْ سُلَيْمَٰنُ بَ؞

26غَا تَارِيحِنْ دَاوُدَ طَنْ يٜىٰسّٜىٰ، وَنْدَ يَيِ مُلْكِ عَكَنْ دُكَنْ إِسْرَٰٓءِيلَ؞

27يَيِ شٜىٰكَرَا أَرْبَعِنْ يَنَ مُلْكٍ إِسْرَٰٓءِيلَ؞ عَثِكِ يَيِ شٜىٰكَرَا بَݣَويْ يَنَ مُلْكِ أَ هٜىٰبْرُوانْ دَ كُمَ شٜىٰكَرَا تَلَاتِنْ دَ عُكُ يَنَ مُلْكِ أَ عُرُوشَلِيمَ؞

28يَكُوَ مُتُ ثِكِنْ ڟُوڢَ سُواْسَيْ، بَايَنْدَ يَيِ رَايُوَا مَيْݣَوْ دَ ݣُونَكِے مَاسُيَوَ وَطَنْدَ سُكٜىٰ ثِكٜىٰ دَ دُوكِيَ دَ غِرْمَ؞ سَيْ طَنْسَ سُلَيْمَٰنُ يَغَاجٜىٰشِ يَذَمَ سَرْكِے؞

29أَيُّكَنْ سَرْكِے دَاوُدَ دَغَ ڢَرْكُواْ حَرْ ڧَرْشٜىٰ سُنَ أَرُبُوثٜىٰ أَ لِتَّتَّڢَنْ تَارِيحِ نَ سَمَٰعِيلَ مَيْ غَنِ دَ نَأَنَّبِے نَتَنْ دَ نَ غَدْ مَيْ غَنِ؞

30تَارِيحِنْ يَنُونَ إِرِنْ مُلْكٍ دَ يَيِ دَ ڧَرْڢِنْسَ دَ أَبُبُوَنْ دَ سُكَ سَامٜىٰشِ دَ كُمَ إِسْرَٰٓءِيلَ دَ دُكَنْ مُلْكُواْكِنْ سَوْرَنْ ڧَسَاشٜىٰنْ دَسُكٜىٰ كٜىٰوَيٜىٰ دَسُو؞

← Chapter 28 Jump to: