1 Samuel 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1سَيْ هَنَّةُ تَيِ أَدُّعَ تَثٜىٰ، «ذُوثِيَاتَ تَثِكَ دَ ڢَضٍ ثِكِ سَبُواْدَ يَهْوٜىٰهْ ؞ يَهْوٜىٰهْ يَاسَا إِنَجِ دَڧَرْڢِے سُواْسَيْ؞ نَبُوطٜىٰ بَاكِنَ نَيِ وَ أَبُواْكَنْ غَابَنَ دَارِيَا؞ كَيْ! إِنَمُرْنَ دُواْمِنْ كَثٜىٰثٜىٰنِ!

2«بَابُوَنِ مَيْ ڟَرْكِے إِرِنْ نَ يَهْوٜىٰهْ ؞ أَيْ، بَنْدَشِ، بَبُوَنِ؞ بَابُوَنِ دُوڟٜىٰنْ ٻُيَ كَمَرْ اللَّهْ نْمُ؞

3«كُدَيْنَ مَغَنْ‌غَنُنْكُ نَغِرْمَنْ كَيْ، كُكُمَ دَيْنَ ڢَطِنْ كَلْمُواْمِنْ طَغَ كَيْ، غَمَا يَهْوٜىٰهْ نٜىٰ اللَّهْ وَنْدَ يَسَنْ دُكَنْ كُواْمٜىٰ، شِينٜىٰ يَكَنْ عَوْنَ دُكَنْ أَيُّكَنْ مُتَنٜىٰ؞

4«أَنْكَكَّرْيَ بَكَنْ سُواْجُواْجِ مَڢِيَ عِيَ يَاڧِ، عَمَّا مَرَسَ ڧَرْڢِے سُنْسَنْيَ ڧَرْڢِے كَمَرْ كَايَنْ يَاڧِ؞

5وَطَنْدَ أَدَا سُنَدَ عَبِنْثِ سُواْسَيْ، يَنْذُ سُنَيِنْ عَيْكِ نَنٜىٰمَنْ عَبِنْثِ؞ عَمَّا وَطَنْدَ أَدَا سُكٜىٰجِنْ يُنْوَ، يَنْذُ سُنْڧُواْشِ؞ مَثٜىٰنْ دَ دَا بَاتَدَ یَیَ، يَنْذُ تَنَدَ یَیَ بَݣَويْ؞ عَمَّا عِتَ دَ تَكٜىٰدَ یَیَ دَيَوَ، تَبُوشٜىٰ؞

6يَهْوٜىٰهْ يَكَنْ طَوْكِ رَيْ، شِينٜىٰ كُمَ يَكَنْ رَايَرْ؞ يَكَنْ كَيْ مُتَنٜىٰ ذُوَا كَبَرِ، يَكَنْ كُمَ تَادَسُو؞

7يَهْوٜىٰهْ يَكَنْسَا وَطَنْسُ سُذَمَ مَتَلَوْتَ، وَطَنْسُ كُمَ سُذَمَ مَاسُ أَرْزِڧِ؞ يَكَنْ ڧَسْڧَنْتَرْدَ وَطَنْسُ مُتَنٜىٰ، يَكَنْ غِرْمَمَ وَطَنْسُ كُمَ؞

8يَكَنْ تَادَ تَلَكَاوَا دَغَ ڧُورَا، مَاسُثِ دَغَ بُواْلَ، يَكَنْ تَادَسُو، يَسَا سُثِ تَرٜىٰدَ یَیَنْ سَرْكِے، سُكُمَ غَاجِ كُجٜىٰرَرْ طَوْكَكَ؞ غَمَا غِنْشِڧَنْ تُوشٜىٰنْ دُونِيَا تَ يَهْوٜىٰهْ نٜىٰ، عَكَنْ تُوشٜىٰنْ يَكَڢَ دُونِيَا؞

9يَكَنْ كُوَ كِيَايٜىٰ تَڢِيَرْ مُتَنٜىٰنْسَ مَاسُ أَمِنْثِ؞ عَمَّا مَاسُ مُغُنْتَا ذَاعَ سَا سُيِ شِضُ ثِكِنْ دُهُ؞ غَمَا بَتَوُرِنْ ڧَرْڢِبَ مُتُمْ يَكَنْ ذَمَ مَڢِے ڧَرْڢِے؞

10يَهْوٜىٰهْ يَكَنْ كَكَّرْيَ أَبُواْكَنْ غَابَنْسَ، يَكَنْيِ ڟَاوَ دَغَ سَمَ يَنُونَ إِيكُوانْسَ؞ يَهْوٜىٰهْ يَكَنْيِ وَدُكَنْ دُونِيَا شَرِيعَ؞ يَكَنْسَا ڧَرْڢِنْ سَرْكِنْدَ يَذَاٻَا يَسَامِ طَوْكَكَ، يَكَنْسَا وَنْدَ يَكٜىٰٻٜىٰ يَيِ نَصَرَا؞»

11سَعَنً عٜىٰلْكَنَ دَ عِيَلِنْسَ سُنْ كُواْمَ غِدَنْسُ أَ رَمَ؞ يَرُوانْ كُوَ يَثِيغَبَ دَ حِدِمَرْ يَهْوٜىٰهْ أَ حَنُّنْ عٜىٰلِ ڢِرِسْتِ؞

12یَیَنْ عٜىٰلِ مَظَا كُوَ یَنْ إِسْكَنٜىٰ، بَسُ كُمَ كُلَ دَ يَهْوٜىٰهْ بَ؞

13غَا يَدَّ ڢِرِسْتُواْثِے سُكَنْيِ عِدَنْ عَكَ كَٰوُاْ هَدَايَ؞ سَعَدَّ مُتُمْ يَكَٰوُاْ هَدَايَ، يَايِنْ دَ نَامَنْ يَكٜىٰ تَڢَسَ عَتُكُنْيَ، يَرُواْ مَيْيِ وَڢِرِسْتِ حِدِمَ يَكَنْ ذُواْ دَ بَبَّنْ ثُواْكَلِ مَيْ يَڟُ عُكُ،

14يَسَا ثُواْكَلِنْ ثِكِنْ تُكُنْيَرْ نَامَنْ؞ إِيَاكَرْ أَبِنْدَ يَ عِيَ طٜىٰبُواْوَ نَڢِرِسْتِنٜىٰ؞ عَمَّا غَا يَدَّ سُكَيِتَيِ وَدُكَنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ كَٰوُاْ هَدَايُ أَ شِلُواْ؞

15تُنْ كَاڢِنْ عَڧُواْنٜىٰ كِڟٜىٰ، مَيْيِ وَڢِرِسْتِ حِدِمَ يَكَنْذُواْ وُرِنْ وَنْدَ يَكَٰوُاْ هَدَايَرْ يَثٜىٰ، «كَبَا ڢِرِسْتِ نَامَ يَغَسَ؞ غَمَا بَذَيْ كَرْٻِ دَڢَڢّٜىٰنْ نَامَ دَغَ غَرٜىٰكَبَ، سَيْدَيْ طَنْيٜىٰ؞»

16عِدَنْ كُوَ مَيْ هَدَايَرْ يَأَمْسَ مَسَ يَثٜىٰ، «بَرِ عَڧُواْنٜىٰ كِڟٜىٰنْ تُكُنَ، سَعَنً سَيْ كَطِبَ يَدَّ كَكٜىٰسُواْ،» سَيْ مَيْيِ وَڢِرِسْتِ حِدِمَ طِنْ يَأَمْسَ يَثٜىٰ «أَعَ، كَبَانِ يَنْذُ، كُواْ كُوَ إِنْطِبَ دَ ڧَرْڢِے؞»

17ذُنُوبِنْ یَیَنْ عٜىٰلِ نَنْ يَيِمُونِ سُواْسَيْ أَغَبَنْ يَهْوٜىٰهْ غَمَا سُنْ رٜىٰنَ هَدَايَرْ يَهْوٜىٰهْ ڨُورَيْ دَ غَسْكٜىٰ؞

18عَمَّا يَرُواْنَّنْ سَمَٰعِيلَ يَثِيغَبَدَ حِدِمَرْ يَهْوٜىٰهْ يَنَ سَنْيٜىٰ دَ رِغَرْ لِيلِنْ نَ عٜىٰڢُوادْ؞

19كُواْوَثٜىٰ شٜىٰكَرَا كُوَ مَامَرْسَ تَكَنْ طِنْكَ مَسَ ڧَرَمَرْ رِغَا؞ تَكَنْ كَيْ مَسَ سَعَدَّ عِتَ دَ مِجِنْتَ سُكَ تَڢِے شِلُواْ دُواْمِنْ مِيڧَ هَدَايَرْسُ تَشٜىٰكَرَا شٜىٰكَرَا؞

20عٜىٰلِ كُمَ يَكَنْ أَلْبَرْكَثِ عٜىٰلْكَنَ دَ مَاتَرْسَ، يَثٜىٰ «بَرِ يَهْوٜىٰهْ يَ أَلْبَرْكَثٜىٰكَ دَ وَطَنْسُ یَیَ دَغَ مَثٜىٰنَّنْ، أَمَيْمَكُوانْ وَنَّنْ يَرُوانْ دَ كُكَ بَا يَهْوٜىٰهْ ؞» بَايَنْ وَنَّنْ عٜىٰلْكَنَ دَ هَنَّةُ سُكَنْ كُواْمَ غِدَا؞

21يَهْوٜىٰهْ كُوَ يَظِيَرْثِ هَنَّةُ حَرْ تَحَيْڢِ یَنْ مَظَا عُكُ دَ یَنْ مَاتَا بِيُ؞ يَرُواْنَّنْ سَمَٰعِيلَ كُوَ يَيِ تَغِرْمَ يَنَيِ وَ يَهْوٜىٰهْ حِدِمَ؞

22عٜىٰلِ كُوَ يَڟُوڢَ سُواْسَيْ؞ يَنَ كُمَ جِنْ دُكَنْ أَبُبُوَنْ دَ یَیَنْسَ مَظَا سُكٜىٰيِ وَمُتَنٜىٰنْ إِسْرَٰٓءِيلَ دَ كُمَ يَدَّ سُكٜىٰ ݣُونَ دَ مَاتَا مَاسُيِنْ حِدِمَ عَڧُواْڢَرْ تٜىٰنْتِنْ سَدُوَ؞

23عٜىٰلِ يَيِ وَیَیَنْسَ مَغَنَ يَثٜىٰ «دُوانْمٜىٰ كُكٜىٰيِنْ وَطَنَّنْ أَبُبُوَ؟ إِنَسَامُنْ رَهُواْتُوانْ مُوغَيٜىٰنْ أَيُّكَنْكُ دَغَ مُتَنٜىٰ دَبَمْ دَبَمْ؞

24حَبَ یَیَنَ! كَدَ كُيِ حَكَ غَمَا بَرَهُواْتُواْ مَيْݣَوْ نَكٜىٰ جِنْ مُتَنٜىٰنْ يَهْوٜىٰهْ سُكٜىٰ بَظَوَبَ؞

25عِدَنْ مُتُمْ يَيِ وَوَنِ مُتُمْ لَيْڢِے، مَيْيِوُوَ اللَّهْ ذَيْ ڟَيَ أَمَدَدِنْسَ، عَمَّا عِدَنْ مُتُمْ يَيِ وَ يَهْوٜىٰهْ ذُنُوبِ، وَ ذَيْ ضُواْڧِ غَاڢَرَ أَمَدَدِنْسَ؟» عَمَّا سُكَيِ بَنْظَ دَ مَغَنَرْ بَابَنْسُ، غَمَا يَهْوٜىٰهْ يَا رِغَا يَا شِرْيَ ذَيْ كَشٜىٰسُ؞

26أَنَانً يَرُواْنَّنْ سَمَٰعِيلَ يَيِ تَغِرْمَ يَنَ سَامُنْ ڢَضٍ جِنِ دَغَ وُرِنْ يَهْوٜىٰهْ دَ كُمَ دَغَ وُرِنْ مُتَنٜىٰ؞

27وَتَرَانَ وَنِ أَنَّبِے يَذُواْ وُرِنْ عٜىٰلِ يَثٜىٰمَسَ «إِنْجِ يَهْوٜىٰهْ ، ‹غَاشِ نَا بَيَّنَ كَيْنَ غَ كَكَنْكَ هَٰرُونَ دَ عِيَلِنْسَ عَڧَسَرْ مَصَرْ سَعَدَّ سُكٜىٰ ثِكِنْ بَوْتَرْ سَرْكِنْ مَصَرْ؞

28نَا كُمَ ذَاٻِ عِيَلِنْسَ دَغَ ثِكِنْ دُكَنْ ڧَبِيلُنْ إِسْرَٰٓءِيلَ سُذَمَ ڢِرِسْتُواْثِنَ، سُكُمَيِ حِدِمَ عَبَغَدٜىٰ، سُڧُواْنَ تُرَارٜىٰ، سُطَوْكِ عٜىٰڢُوادْ نَنٜىٰمَنْ نُڢِينَ؞ نَا كُمَبَا كَكَنْكَ دَ عِيَلِنْسَ رَبُوانْسُ دَغَ دُكَنْ هَدَايُ نَڧُواْنَاوَا نَ إِسْرَٰٓءِيلَ؞

29دُوانْمٜىٰ بَكُ طَوْكِ هَدَايُ دَ بَيٜىٰ بَيٜىٰ وَطَنْدَ نَعُمَرْثِ مُتَنٜىٰنَ سُكَٰوُاْ دَ دَرَجَبَ؟ كَيْ عٜىٰلِ، دُوانْمٜىٰ كَكٜىٰ غِرْمَمَ یَیَنْكَ ڢِيٜىٰ دَنِے؟ أَيْ، كُنَ تَيِنْ ڧِبَنٜىٰ غَمَا كُنَ ثِنْ رَبُواْ مَڢِے ݣَوْ نَدُكَنْ هَدَايُ دَ بَيٜىٰ بَيٜىٰ وَطَنْدَ مُتَنٜىٰنَ سُكٜىٰ كَٰوُاْ غَرٜىٰنِ؞›

30«سَبُواْدَ حَكَ، يَهْوٜىٰهْ اللَّهْ نَ إِسْرَٰٓءِيلَ يَثٜىٰ، ‹كُواْدَيَكٜىٰ نَيِ أَلْڧَوَرِ دَكَيْ دَ غِدَنْ مَحَيْڢِنْكَ ثٜىٰوَ ذَاكُيِ مِنِ حِدِمَ حَرْ أَبَدَا، عَمَّا يَنْذُ، إِنْجِ يَهْوٜىٰهْ ، كُواْ كَطَنْ وَنَّنْ بَذَيْ يِوُ كُمَ بَ! غَمَا نَكَنْ غِرْمَمَ وَطَنْدَ سُكٜىٰ غِرْمَمَ نِے، عَمَّا وَطَنْدَ سُكٜىٰ رٜىٰنَ نِے ذَاسُ شَا وُلَڧَنْثِ؞

31غَاشِ لُواْكَثِ يَنَ ذُوَا دَ ذَنْ كَشٜىٰ دُكَنْ سَمَارِنْ غِدَنْكَ دَ دَنْ‌غِنْكَ؞ بَابُ مُتُمِنْ دَ ذَيْ رَايُ حَرْ يَڟُوڢَ عَثِكِنْ غِدَنْكَ؞

32ذَاكَ كَسَنْثٜىٰ ثِكِنْ دَامُوَ دَ جِنْ كِيشِ سُواْسَيْ يَايِنْدَ كَدُوبَ دُكَنْ أَلْبَرْكُنْ دَ ذَنْ ظُبَ عَيَلْوَثٜىٰ عَكَنْ مُتَنٜىٰنْ إِسْرَٰٓءِيلَ؞ عَمَّا أَغِدَنْكَ بَذَاعَ تَٻَ سَامُنْ وَنْدَ ذَيْ رَايُ حَرْ يَڟُوڢَبَ؞

33بَذَنْ كَشٜىٰ دُكَنْ دَنْ‌غِنْكَبَ، عَمَّا مُتُمِنْ دَ ذَنْ بَرِ يَيِ مِنِ حِدِمَ تَڢِرِسْتِ عِدَنُونْسَ ذَاسُ كَاسَ كَلُّواْ سَبُواْدَ يَوَنْ هَوَيٜىٰ؞ ذَيْ كُمَ كَٰوُاْ مَكَ بَڧِنْ ثِكِ سُواْسَيْ؞ دُكَنْ سَوْرَنْ ذُرِيَرْكَ ذَاسُ مُتُ كَاڢِنْ سُڟُوڢَ؞

34غَا أَبِنْدَ ذَيْ ذَمَ مَكَ عَلَمَ، یَیَنْكَ مَظَا بِيُ، هُواڢْنِ دَ ڢِنٜىٰهَسْ ذَاسُ مُتُ أَ رَانَ طَيَ؞

35ذَنْ تَادَ وَ كَيْنَ ڢِرِسْتِ مَيْ أَمِنْثِ وَنْدَ ذَيْ يِ عَيْكِ بِسَغَ نُڢِنْ ذُوثِيَاتَ؞ ذَنْ بَاشِ ذُرِيَ وَدَّ ذَاتَ دِنْ‌غَيِ وَسَرْكِنْدَ نَكٜىٰٻٜىٰ حِدِمَ؞

36دُكْ وَنْدَ يَرَغُ دَغَ ذُرِيَرْكَ كُوَ ذَيْذُواْ غَبَنْسَ يَدُرْڧُسَ يَضُواْڧِ كُطِ دَ عَبِنْثِ؞ ذَيْ كُمَ ضُواْڧَا عَيَرْدَ مَسَ يَيِ عَيْكِنْ ڢِرِسْتِ دُواْمِنْ يَسَامِ طَنْ عَبِنْثِنْدَ ذَيْثِ؞› »

← Chapter 1 Jump to: Chapter 3 →