1 Samuel 25

Hausa Arabic 2020 (أَتَّوْرَتْ دَ أَنَّبَاوَا)

1سَمَٰعِيلَ كُوَ يَمُتُ؞ دُكَنْ إِسْرَٰٓءِيلَ ڢَا سُكَ تَارُ سُكَيِ وَاڧَرْ مَكُواْكِ دُواْمِنْسَ؞ سَيْ سُكَ بِنّٜىٰشِ أَغِدَنْسَ أَ رَمَ؞ بَايَنْ حَكَ دَاوُدَ يَتَاشِ يَكُواْمَ دَاجِنْ ڢَرَنْ؞

2أَنَانً سَيْ وَنِ مُتُمِنْ مَوُانْ مَيْ أَرْزِڧِ سُواْسَيْ، يَنَيِ وَتُمَكِنْسَ أَسْكِ أَڢِيلَيٜىٰنْسَ عَيَنْكِنْ كَرْمٜىٰلْ؞ يَنَ دَ تُمَكِ دُبُو عُكُ دَ أَوَكِ دُبُو طَيَ؞

3سُونَنْسَ كُوَ نَبَلْ، شِ دَغَ ذُرِيَرْ كَلٜىٰبْ نٜىٰ؞ سُونَنْ مَاتَرْسَ أَبِغِيٜىٰلْ نٜىٰ؞ عِتَ ݣَكْݣَاوَا ثٜىٰ، مَيْ حِكِمَ كُمَ، عَمَّا نَبَلْ مَيْ ضُواْوَ نٜىٰ، كُمَ مَرَرْ تَوْسَيِ؞

4سَعَدَّ دَاوُدَ يَكٜىٰ ثِكِنْ دَاجِ يَجِ ثٜىٰوَ نَبَلْ يَنَيِ وَتُمَكِنْسَ أَسْكِ؞

5سَيْ يَذَاٻِ سَمَارِ غُواْمَ يَعَيْكٜىٰسُ وُرِنْ نَبَلْ أَ كَرْمٜىٰلْ سُغَيْشٜىٰشِ أَمَدَدِنْسَ،

6سُثٜىٰ مَسَ «رَنْكَيَدَطٜىٰ، إِنَ مَكَ ڢَتَنْ أَلْحٜىٰرِ، كَيْ دَ غِدَنْكَ دَ دُكَنْ أَبِنْدَ كَكٜىٰ دَشِ!

7نَا جِ كَنَ أَسْكِنْ تُمَكِنْكَ نٜىٰ؞ لُواْكَثِنْ دَ مَكِيَايَنْ دَبُّواْبِنْكَ سُكٜىٰ يَٰوُاْ عَيَنْكِنْ دَ نِے مَا نَكٜىٰ يَٰوُاْ دَ مُتَنٜىٰنَ، بَمُ ثُوثٜىٰسُبَ؞ بَابُ أَبِنْدَ يَكٜىٰ نَاسُ دَ عَكَ سَاتَا دُكْ سَعَدَّ سُكٜىٰ أَ كَرْمٜىٰلْ؞

8كُواْ كَتَمْبَيِ مَاسُ يِمَكَ حِدِمَ ذَاكَجِے حَكَ يَكٜىٰ؞ سَبُواْدَ حَكَ بَرِ سَمَارِنَ سُسَامِ ڢَضٍ جِنِ أَغَبَنْكَ دُواْمِنْ مُنْ ذُواْ أَ رَانَ مَيْݣَوْ نٜىٰ؞ إِنَ ضُواْڧُوانْكَ كَبَا سَمَارِنَ، وَتُواْ بَايِنْكَ دَنِے طَنْكَ دَاوُدَ دُكْ أَبِنْدَ كَكٜىٰ عِيَ بَاسُ؞»

9دَ سَمَارِنْ دَاوُدَ سُكَ إِسُواْ سَيْ سُكَ ڢَطَا وَ نَبَلْ دُكَنْ أَبِنْدَ دَاوُدَ يَثٜىٰمُسُ، سَيْ سُكَجِرَا أَمْسَرْ نَبَلْ؞

10نَبَلْ يَأَمْسَمُسُ يَثٜىٰ «وَيْ وَنٜىٰنٜىٰ دَاوُدَ طِنَّنْ؟ وَنٜىٰنٜىٰ طَنْ يٜىٰسّٜىٰ؟ كَيْ! ݣُونَكِنَّنْ أَݣَويْ بَايِ دَيَوَ دَسُكٜىٰ غُدُ دَغَ حَنُّنْ مَيْغِدَنْسُ!

11بَذَنْ طَوْكَ غُرَاسَتَ دَ ضُوَنَ دَ نَامَنْدَ نَيَنْكَوَ مَاسُ يِمِنِ عَيْكِ إِنْبَا مُتَنٜىٰنْ دَ بَنْسَنْ عِنْدَ سُكَ ڢِتُواْ بَ!»

12سَمَارِنْ دَاوُدَ سُكَ كُواْمَ سُكَ ڢَطَا مَسَ دُكَنْ أَبِنْدَ نَبَلْ يَڢَطَا؞

13دَاوُدَ يَثٜىٰ مُسُ «كُواْوَ يَطَوْكِ تَكُواْبِنْسَ يَرَاتَيَ!» سَيْ دُكْ سُكَ رَاتَيَ تَكُواْبِنْسُ، دَاوُدَ كُمَ يَرَاتَيَ نَاسَ؞ يَطٜىٰبِے مُتَنٜىٰ وَجٜىٰنْ طَرِے حُطُ سُنْ تَڢِے دَشِ، عَمَّا طَرِے بِيُ سُكَ ذَوْنَ سُنَ غَادِنْ كَايَنْسُ؞

14طَيَ دَغَ ثِكِنْ مَاسُيِ وَ نَبَلْ حِدِمَ يَجٜىٰ وُرِنْ أَبِغِيٜىٰلْ مَاتَرْ نَبَلْ يَثٜىٰ مَتَ «دَاوُدَ يَعَيْكُواْ وَطَنْسُ مُتَنٜىٰ دَغَ دَاجِ سُكَٰوُاْ وَمَيْغِدَنْمُ غَيْسُوَا، عَمَّا يَظَظْذَغٜىٰسُ؞

15غَاشِ كُوَ، وَطَنَّنْ مُتَنٜىٰ سُنْيِ مَنَ كِرْكِ؞ بَسُثُوثٜىٰمُبَ؞ بَسُسَاثِ وَنِ أَبُ دَغَ غَرٜىٰمُبَ أَدُكَنْ لُواْكَثِنْ دَمُكٜىٰ تَرٜىٰدَسُو عَيَٰوُانْمُ أَڢِيلَيٜىٰنْ كِيوُاْ؞

16دَرٜىٰ دَ رَانَ سُنَ ڟَرٜىٰمُ؞ سُنْ ذَمَ مَنَ كَمَرْ كَتَنْ‌غَ كٜىٰوَيٜىٰ دَمُو يَايِنْ دَمُكٜىٰ كِيوُاْ؞

17تُواْ، سَيْ كِيِ تُنَانِ دَݣَوْ، كِيِ وَنِ أَبُ غَمٜىٰدَ ذَنْثٜىٰنَّنْ؞ وَنَّنْ يَجَٰوُاْوَ مَيْغِدَنْمُ دَ دُكَنْ غِدَنْسَ بَبَّرْ وَهَلَ؞ شِے وَنِ طَنْ إِسْكَ نٜىٰ دَ مُتُمْ بَذَيْ عِيَيِمَسَ مَغَنَبَ؞»

18أَبِغِيٜىٰلْ تَيِ سَوْرِ، تَ طَوْكِ دُنْڧُلٜىٰنْ غُرَاسَ طَرِے بِيُ دَ سَلْكُنَ بِيُ ثِكٜىٰ دَ ضُوً إِنَبِے دَ تُمَكِ بِيَرْ دَ عَكَ دَڢَ دَ غَسَشّٜىٰنْ حَڟِ مُودُ غُواْمَشَا عُكُ دَ ڧُنْشِنْ یَیَنْ إِنَبِے غُدَا طَرِے دَ دُنْڧُلٜىٰنْ ٻَوْرٜىٰ غُدَا طَرِے بِيُ، تَيِ لُواْدِنْسُ عَكَنْ جَاكُنَ؞

19سَعَنً تَثٜىٰ وَمَاسُ يِمَتَ حِدِمَ «كُيِ غَبَ، ذَنْبِيكُ؞» عَمَّا بَتَ ڢَطَا وَمَيْغِدَنْتَ نَبَلْ بَ؞

20دَ تَكٜىٰ تَڢِيَ عَكَنْ جَاكِ، تَكَيْ غِنْدِنْ وَنِ بَبَّنْ تُدُ، سَيْغَا دَاوُدَ دَ مُتَنٜىٰنْسَ سُنَ غَنْ‌غَرُواْوَ؞ تَا تَڢِے تَسَدُ دَسُو؞

21دَمَا دَاوُدَ يَثٜىٰ «أَشٜىٰ، عَيْكِنْ بَنْظَنٜىٰ نَيِ دَ نَڟَرٜىٰ كَايَنْ نَبَلْ أَدَاجِ حَرْ كُواْ طَيَ بَيْٻَثٜىٰبَ؞ نَيِ مَسَ أَلْحٜىٰرِ، عَمَّا غَاشِ يَسَاكَ مِنِ دَ مُغُنْتَا؞

22بَرِ اللَّهْ يَطَوْكِ رَيْنَ عِدَنْ نَبَرْ كُواْ طَيَ دَغَ ثِكِنْ مَذَنْسَ دَ رَيْ كَاڢِنْ غُواْبٜىٰ دَسَڢٜىٰ؞»

23دَ أَبِغِيٜىٰلْ تَغَ دَاوُدَ سَيْ تَسَوْكَ دَغَ جَاكِنْتَ دَ سَوْرِ تَرُسُنَ أَغَبَنْسَ دَ ڢُسْكَرْتَ حَرْ ڧَسَا؞

24تَڢَاطِ عَڧَڢَاڢُنْ دَاوُدَ تَثٜىٰمَسَ «مَيْغِرْمَ، بَرِ لَيْڢِنْ يَذَمَ نَوَ! بَرِ إِنْيِ مَغَنَ دَكَيْ، كَسَوْرَرَتَ؞

25مَيْغِرْمَنَ، كَدَ كَدَامُ دَ نَبَلْ مُتُمِنْ بَنْظَنَّنْ، غَمَا شِے وَوَنٜىٰ، كَمَرْ يَدَّ مَعَنَرْ سُونَنْسَ يَكٜىٰ، وَتُواْ وَاوَا؞ بَا دَامَ أَ رَبَشِ دَ وَوَنْثِنْسَ؞ عَمَّا نِے دَيْ بَيْوَرْكَ بَنْ‌غَا مُتَنٜىٰنْدَ كَعَيْكَبَ؞

26يَنْذُ يَا مَيْغِرْمَنَ، تُنْدَ يَهْوٜىٰهْ بَيْ يَرْدَ مَكَ كَرَمَ مُغُنْتَا كُواْ كَكَشٜىٰ وَنِ بَ، نَا ضَنْڟٜىٰ دَ سُونَنْ يَهْوٜىٰهْ دَ كُمَ رَنْكَ، بَرِ دُكَنْ أَبُواْكَنْ غَابَنْكَ مَاسُ نٜىٰمَ سُيِمَكَ مُغُنْتَا سُذَمَ كَمَرْ نَبَلْ!

27يَنْذُ مَيْغِرْمَ، بَرِ كَكَرْٻِ وَنَّنْ ݣَوْتَرْ دَ بَيْوَرْكَ تَكَٰوُاْ دُواْمِنْ سَمَارِنْدَ سُكٜىٰبِنْكَ؞

28إِنَ ضُواْڧُوانْكَ كَغَاڢَرْتَوَ نِے بَيْوَرْكَ دُواْمِنْ نَسَاٻَوَ أَلْعَادَا، غَمَا بَاشَكَّ يَهْوٜىٰهْ ذَيْسَا غِدَنْكَ يَكَڢُ حَرْ أَبَدَا، غَمَا، يَا مَيْغِرْمَ، يَاڧٜىٰ يَاڧٜىٰنْ يَهْوٜىٰهْ نٜىٰ كَكَنْيِ؞ بَرِ كَكَسَنْثٜىٰ مَرَرْ لَيْڢِے دُكَنْ ݣُونَكِنْكَ؞

29عِدَنْ وَنِ يَتَاشِ نٜىٰمَنْ رَنْكَ، بَرِ رَنْ مَيْغِرْمَنَ يَكَسَنْثٜىٰ أَطَوْرٜىٰ دَ مَاسُ رَيْ تَرٜىٰدَ يَهْوٜىٰهْ اللَّهْ نْكَ كَمَرْ يَدَّ عَكَنْ طَوْرَ ڧُنْشِنْ ݣَوْتَا؞ بَرِ رَايُكَنْ مَاسُ ڧِنْكَ كُمَ أَ جٜىٰڢَرْ دَسُو كَمَرْ يَدَّ عَكٜىٰ جٜىٰڢَ دُوڟٜىٰنْ مَجَجَّوَ؞

30سَعَدَّ يَهْوٜىٰهْ يَثِكَ دُكْ أَلْحٜىٰرِنْ دَ يَيِ مَكَ أَلْڧَوَرِ، يَكُمَ مَيْدَكَيْ شُوغَبَا عَ إِسْرَٰٓءِيلَ،

31كَدَ يَذَمَ ثٜىٰوَ ذُوثِيَارْكَ تَبَاكَ لَيْڢِے كُواْ كَدَامُ ثٜىٰوَ كَنَدَ أَلْحَكِنْ جِنِ، كَدَ كَيِ رَامُوَا دَكَنْكَ؞ بَايَنْ يَهْوٜىٰهْ يَبَاكَ نَصَرَا، كَتُنَ دَنِے بَيْوَرْكَ؞»

32دَاوُدَ يَثٜىٰ وَ أَبِغِيٜىٰلْ «أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ، وَنْدَ يَعَيْكٜىٰكِ كِسَدُ دَنِے يَوْ!

33بَرِ أَلْبَرْكَ تَكَسَنْثٜىٰ عَكَنْكِ دُواْمِنْ وَنَّنْ حِكِمَرْكِ؞ غَمَا كِنْ هَنَنِ ظُبَرْدَ جِنِ دَ كُمَيِنْ رَامُوَا دَ هَنُّونَ عَيَوْ؞

34يَهْوٜىٰهْ يَا هَنَنِ إِنْيِمِكِ ٻَرْنَ؞ دَبَا دُوانْ كِنْذُواْ كِنْسَدُ دَنِے بَ، نَارَنْڟٜىٰ دَ يَهْوٜىٰهْ اللَّهْ نَ إِسْرَٰٓءِيلَ مَيْ رَيْ، بَابُ كُواْ طَيَ دَغَ ثِكِنْ مَذَنْ غِدَنْ نَبَلْ دَ ذَيضَغٜىٰ غُواْبٜىٰ دَ سَڢٜىٰ؞»

35سَيْ دَاوُدَ يَكَرْٻِ دَغَ حَنُّنْتَ ݣَوْتَرْ دَ أَبِغِيٜىٰلْ تَكَٰوُاْ مَسَ؞ يَثٜىٰمَتَ «كِكُواْمَ غِدَا لَاڢِيَ؞ نَجِ مَغَنَرْكِ، كُمَ ذَنْيِ أَبِنْدَ كِكَ ضُواْڧَا؞»

36أَبِغِيٜىٰلْ تَكُواْمَ تَسَامِ نَبَلْ أَغِدَا يَنَ بِكِ إِرِنْ نَسَرَاكُنَ؞ يَنَجِوَ رَنْسَ دَاطِے، يَكُمَ بُغُ تِلِسْ؞ دُواْمِنْ حَكَ بَتَثٜىٰ مَسَ كُواْمٜىٰبَ سَيْ وَشٜىٰغَرِ؞

37دَغَرِ يَوَايٜىٰ بَايَنْدَ يَكُواْمَ ثِكِنْ حَنْكَلِنْسَ، سَيْ مَاتَرْسَ أَبِغِيٜىٰلْ تَغَيَ مَسَ كُواْمٜىٰ؞ ذُوثِيَارْسَ كُوَ تَڟِنْكٜىٰ غَبَاطَيَ، حَرْ يَكَاسَ مُواْڟِ؞

38بَايَنْ ݣُونَ غُواْمَ يَهْوٜىٰهْ يَبُغِ نَبَلْ، سَيْ نَبَلْ يَمُتُ؞

39دَ دَاوُدَ يَجِ نَبَلْ يَمُتُ، سَيْيَثٜىٰ «أَلْبَرْكَ تَا تَبَّتَا غَ يَهْوٜىٰهْ ، وَنْدَ يَڟَيَ مِنِ لُواْكَثِنْ دَ نَبَلْ يَكُنْيَتَرْ دَنِے؞ يَهْوٜىٰهْ يَا كُمَ هَنَنِ يِنْ مُغُنْتَا، يَكُمَ جُويَا مُغُنْتَارْ نَبَلْ عَكَنْسَ؞» سَعَنً دَاوُدَ يَعَيْكَ وَ أَبِغِيٜىٰلْ دَ سَڧُواْ ثٜىٰوَ يَنَ نٜىٰمَنْتَ دَ عَوْرٜىٰ؞

40سَيْ مَاسُ يِمَسَ حِدِمَ سُكَ تَڢِے كَرْمٜىٰلْ سُكَثٜىٰ مَتَ «دَاوُدَ يَعَيْكٜىٰمُ مُطَوْكٜىٰكِ كِذَمَ مَاتَرْسَ؞»

41أَبِغِيٜىٰلْ تَرُسُنَ دَ ڢُسْكَرْتَ حَرْ ڧَسَا، سَيْ تَثٜىٰ «نِے مَيْ حِدِمَرْسَ ثٜىٰ، أَشِرْيٜىٰ نَكٜىٰ إِنْوَنْكٜىٰ ڧَڢَاڢُنْ مَاسُ يِمَسَ حِدِمَ؞»

42أَبِغِيٜىٰلْ تَتَاشِ دَ سَوْرِ تَهَوْ جَاكِ، تَكُمَسَا یَنْ مَاتَا بِيَرْ دَسُكٜىٰيِ مَتَ حِدِمَ سُبِيتَ، سُكَ تَڢِے تَرٜىٰدَ یَنْ عَيْكَنْ دَاوُدَ؞ تَا كُوَ ذَمَ مَاتَرْسَ؞

43دَاوُدَ يَكُمَ عَوْرِ وَتَ مَتَا مَيْ سُونَ أَهِنُواْوَمْ دَغَ يٜىٰظِرٜىٰيٜىٰلْ، سُو بِيُ سُكَ ذَمَ مَتَنْ دَاوُدَ؞

44أَنَ ثِكِنْ حَكَ طَالُوتَ كُوَ يَا رِغَا يَا طَوْكِ یَرْسَ مِكَلْ مَاتَرْ دَاوُدَ، يَبَا ڢَلْتِ طَنْ لَيِشْ مُتُمِنْ غَلِّمْ، تَذَمَ مَاتَرْسَ؞

← Chapter 24 Jump to: Chapter 26 →