Deuteronomy 34

Hausa Arabic 2020 (أَتَّوْرَتْ دَ أَنَّبَاوَا)

← Chapter 33 Jump to:

1سَيْ مُوسَٰى يَتَاشِ دَغَ ڢِيلَيٜىٰنْ مُواْوَبْ يَهَوْ ذُوَا بَبَّنْ تُدُنْ نٜىٰبُواْ، حَرْ يَكَيْ كَنْ بَبَّنْ تُدُنْ ڢِسْغَ، وَنْدَ يَكٜىٰ ڢُسْكَنْتَرْ يٜىٰرِكُواْ؞ يَهْوٜىٰهْ كُوَ يَنُونَ مَسَ دُكَنْ ڧَسَرْ، أَبِنْدَ يَكَامَ دَغَ يَنْكِنْ غِلٜىٰيَدْ حَرْ ذُوَا يَنْكِنْ دَنْ عَ أَرٜىٰوَ،

2دَ تَ دُكَنْ يَنْكِنْ نَڢْتَلِ دَ يَنْكِنْ إِڢْرَيِمْ دَ نَ مَنَسّٜىٰ دَ دُكَنْ يَنْكِنْ يَهُودَ حَرْ ذُوَا تٜىٰكُنْ مٜىٰدِتٜىٰرٜىٰنِيَ عَيَمَّ،

3دَ يَنْكِنْ نٜىٰغٜىٰبْ وَنْدَ يَكٜىٰ تَكُدُ دَ ݣُورِنْدَ يَمِيڧٜىٰ دَغَ ذُواْوَرْ ذُوَا يٜىٰرِكُواْ، بِرْنِنْ عِتَتُوَنْ دَبِينُواْ؞

4يَهْوٜىٰهْ كُوَ يَثٜىٰ مَسَ «وَنَّنْ عِتَثٜىٰ ڧَسَرْدَ نَرَنْڟٜىٰوَ إِبْرَٰهِيمْ دَ إِسْحَٰڧَ دَ يَعْڧُوبَ ثٜىٰوَ ذَنْبَادَ عِتَ غَ ذُرِيَرْسُ؞ نَبَرْكَ كَغَنِ دَ عِدُوانْكَ، عَمَّا كَيْ بَذَاكَ ڧٜىٰتَرٜىٰكَ شِغَبَ؞»

5سَيْ مُوسَٰى، بَاوَنْ يَهْوٜىٰهْ ، يَمُتُ عَثَنْ عَثِكِنْ ڧَسَرْ مُواْوَبْ، بِسَغَ مَغَنَرْ يَهْوٜىٰهْ ؞

6يَهْوٜىٰهْ يَبِنّٜىٰشِ عَݣُورِ عَڧَسَرْ مُواْوَبْ، وُرِنْ دَيَكٜىٰ ڢُسْكَنْتَرْ بٜىٰتْ ڢٜىٰيُوارْ، عَمَّا بَابُوَنْدَ يَسَنْ وُرِنْ دَ عَكَ بِنّٜىٰشِ هَرْوَيَوْ؞

7مُوسَٰى يَنَ شٜىٰكَرَا طَرِے دَ عَشِرِنْ لُواْكَثِنْدَ يَمُتُ؞ عِدَنُونْسَ بَسُيِ دُهُ بَ، ڧَرْڢِنْ جِكِنْسَ كُمَ بَيْ رَغُبَ؞

8جَمَعَرْ إِسْرَٰٓءِيلَ سُكَيِ كُوكَنْ مُتُوَرْ مُوسَٰى عَثِكِنْ ڢِيلَيٜىٰنْ مُواْوَبْ ݣُونَكِے تَلَاتِنْ؞ سَعَنً ݣُونَكِنْ كُوكَا دَ مَكُواْكِ دُواْمِنْ مُوسَٰى سُكَ ثِكَ؞

9يُواْشُوَ طَنْ نُنْ يَنَ ثِكٜىٰ دَ رُوحٌ حِكِمَ، غَمَا مُوسَٰى يَسَا حَنُّنْ أَلْبَرْكَ عَكَنْسَ، كُمَ جَمَعَرْ إِسْرَٰٓءِيلَ سُكَيِ مَسَ بِيَيَّ، سُكَ عَيْكَتَ يَدَّ يَهْوٜىٰهْ يَعُمَرْثِ مُوسَٰى؞

10تُنْدَغَ لُواْكَثِنْ بَعَتَٻَيِنْ وَنِ أَنَّبِے عَ إِسْرَٰٓءِيلَ كَمَرْ مُوسَٰى بَ، وَنْدَ يَهْوٜىٰهْ يَسَنْ شِ ڢُسْكَ دَ ڢُسْكَ؞

11بَابُ أَنَّبِنْدَ يَيِ دُكَنْ عَلَمُ دَ أَيُّكَنْ بَنْ مَامَاكِنْ دَ يَهْوٜىٰهْ يَعَيْكِ مُوسَٰى يَعَيْكَتَ عَڧَسَرْ مَصَرْ، عَكَنْ ڢِرْعَوْنَ دَ كَنْ دُكَنْ دَتَّاوَنْسَ دَ دُكَنْ ڧَسَرْسَ؞

12بَ كُوَ وَنْدَ يَعَيْكَتَ دُكَنْ أَيُّكَ مَاسُ إِيكُواْ دَ أَبُبُوَ مَاسُ بَنْ ڟُواْرُواْ إِرِ وَطَنْدَ مُوسَٰى يَعَيْكَتَ أَغَبَنْ دُكَنْ جَمَعَرْ إِسْرَٰٓءِيلَ؞

← Chapter 33 Jump to: