Deuteronomy 4

Hausa Arabic 2020 (أَتَّوْرَتْ دَ أَنَّبَاوَا)

1سَيْ مُوسَٰى يَثٜىٰ وَجَمَعَرْ إِسْرَٰٓءِيلَ «كُكَسَ كُنّٜىٰ غَ ڧَٰعِدُواْدِ دَ عُمَرْنَنَّنْ دَ نَكٜىٰ عُمَرْثٜىٰكُ كُكِيَايٜىٰ دُواْمِنْ كُرَايُ كُكُمَ شِغَ كُثِ غَادُوانْ ڧَسَرْدَ يَهْوٜىٰهْ اللَّهْ نَكَاكَنِّنْكُ يَكٜىٰ بَاكُ؞

2كَدَ كُڧَارَ كُواْ كُضَغٜىٰ دَغَ ثِكِنْ أَبِنْدَ نَكٜىٰ عُمَرْثٜىٰكُ؞ عَمَّا كُكِيَايٜىٰ عُمَرْنَنْ يَهْوٜىٰهْ اللَّهْ نْكُ وَطَنْدَ نَكٜىٰ عُمَرْثٜىٰكُ؞

3كُو دَ عِدَنُونْكُ كُنْ غَ أَبِنْدَ يَهْوٜىٰهْ يَيِ أَ بَعَلْ ڢٜىٰيُوارْ، يَدَّ يَهْوٜىٰهْ اللَّهْ نْكُ يَهَلَّكَ وَطَنْسُ عَثِكِنْكُ وَطَنْدَ سُكَيِ سُجَّدَ غَ بَعَلْ ڢٜىٰيُوارْ؞

4عَمَّا سَوْرَنْكُ وَطَنْدَ كُكَيِ أَمِنْثِ غَ يَهْوٜىٰهْ اللَّهْ نْكُ، كُنَدَ رَيْ هَرْوَيَوْ؞

5«غَاشِ، نَكُواْيَ مُكُ ڧَٰعِدُواْدِ دَ عُمَرْنَيْ دَيْدَيْ يَدَّ يَهْوٜىٰهْ اللَّهْ نَا يَعُمَرْثٜىٰنِ إِنْيِ؞ كُكِيَايٜىٰسُ عَثِكِنْ ڧَسَرْدَ ذَاكُ شِغَ دُواْمِنْ كُثِ غَادُوانْتَ؞

6كُكِيَايٜىٰ كُكُمَ عَيْكَتَاسُ، غَمَا يِنْ حَكَ ذَيْ نُونَ حِكِمَرْكُ دَ غَانٜىٰوَرْكُ غَ سَوْرَنْ ڧَبِيلُ، وَطَنْدَ إِنْ سُنْجِ غَمٜىٰدَ دُكَنْ وَطَنَّنْ ڧَٰعِدُواْدِ ذَاسُثٜىٰ، ‹لَلَّيْ، وَنَّنْ بَبَّرْ أَلْعُمَّرْ مُتَنٜىٰنٜىٰ مَاسُ حِكِمَ دَ غَانٜىٰوَ!›

7«غَمَا بَابُوَتَ بَبَّرْ أَلْعُمَّرْ دَ تَكٜىٰدَ اللَّهْ‌نْتَ كُسَدَ عِتَ كَمَرْ يَدَّ يَهْوٜىٰهْ يأَنَانً كُسَدَمُو دُكْ لُواْكَثِنْ دَ مُكَيِ كِرَا غَرٜىٰشِ؞

8بَابُ كُمَ وَتَ بَبَّرْ أَلْعُمَّرْ دَ تَكٜىٰدَ ڧَٰعِدُواْدِ دَ عُمَرْنَيْ مَاسُ أَدَلْثِے كَمَرْ وَطَنَّنْ كُواْيَرْوَرْ دَ نَكٜىٰ شِمْڢِطَا أَغَبَنْكُ يَوْ؞

9«سَيْ كُلُورَ، كُيِ حَنْكَلِ، دُواْمِنْ كَدَ كُمَنْتَادَ أَبُبُوَنْ دَ عِدَنُونْكُ سُكَ غَنِ، كُواْ كُبَرِ سُڢِتَ دَغَ تُنَانِنْكُ ثِكِنْ دُكَنْ ݣُونَكِنْ رَنْكُ؞ كُكُواْيَرْ وَیَیَنْكُ حَرْ دَ جِيكُواْكِنْكُ؞

10كُڢَطَا مُسُ مُسَمَّنْ يَدَّ كُنْ ڟَيَ أَغَبَنْ يَهْوٜىٰهْ اللَّهْ نْكُ أَ هُواْرٜىٰبْ، لُواْكَثِنْ دَ يَهْوٜىٰهْ يَثٜىٰ مِنِ، ‹كَتَتَّارَ مِنِ جَمَعَ، سُجِ مَغَنَاتَ، دُواْمِنْ سُكُواْيَ يَدَّ ذَاسُيِ تَڢِيَ ثِكِنْ ڟُواْرُواْنَ دُكَنْ ݣُونَكِنْسُ عَدُونِيَا، كُمَ سُكُواْيَ وَیَیَنْسُ؞›

11«كُڢَطَا وَیَیَنْكُ يَدَّ كُكَ مَڟُواْ كُسَدَ غِنْدِنْ بَبَّنْ تُدُنْ، سَعَدَّ وُتَا عَكَنْ تُدُنْ تَكٜىٰثِ تَنَ تَاشِ حَرْ سَرَرِنْ سَمَ، غَ كُمَ غِرْغِجٜىٰ بَڧِ ڧِرِنْ يَرُڢٜىٰ تُدُنْ؞

12يَهْوٜىٰهْ كُوَ يَيِ مُكُ مَغَنَ دَغَ ثِكِنْ وُتَرْ؞ كُكَجِ مُرْيَ يَنَ مَغَنَ، عَمَّا بَكُغَ وَنِ كَمَنِّبَ، سَيْدَيْ مُرْيَ كَطَيْ كُكَجِ؞

13يَكُوَ سَنَرْ مُكُ يَرْجٜىٰجٜىٰنِيَرْسَ، وَدَّ يَعُمَرْثٜىٰكُ كُكِيَايٜىٰ، وَتُواْ دُواْكُواْكِ غُواْمَ؞ يَرُبُوتَسُ عَكَنْ أَلُّنَنْ دُوڟٜىٰ غُدَا بِيُ؞

14أَ لُواْكَثِنَّنْ نٜىٰ يَهْوٜىٰهْ يَعُمَرْثٜىٰنِ إِنْكُواْيَ مُكُ ڧَٰعِدُواْدِ دَ عُمَرْنَيْ دُواْمِنْ كُكِيَايٜىٰسُ عَثِكِنْ ڧَسَرْدَ ذَاكُ ڧٜىٰتَرٜىٰ ذُوَا دُواْمِنْ كُغَاجٜىٰتَ؞»

15«تُنْدَ بَكُغَ وَنِ كَمَنِّبَ أَلُواْكَثِنْ دَ يَهْوٜىٰهْ اللَّهْ نْكُ يَيِ مُكُ مَغَنَ عَبَبَّنْ تُدُنْ هُواْرٜىٰبْ، سَيْ كُكُلَ دَ كَنْكُ سُواْسَيْ،

16دُواْمِنْ كَدَ كُڧَظَنْتَرْ دَكَنْكُ تَوُرِنْ سَسَّڧَ وَنِ غُنْكِ مَيْ كَمَنِّنْ وَتَ حَلِتَّ، كُواْ كَمَنِّنْ نَمِجِ، كُواْ تَمَثٜىٰ،

17كُواْ كَمَنِّنْ وَتَ دَبَّرْ دَتَكٜىٰ ثِكِنْ دُونِيَا، كُواْ كَمَنِّنْ ڟُنْڟُ مَيْ تَاشِ أَسَرَرِنْ سَمَ،

18كُواْ كَمَنِّنْ وَنِ أَبِنْدَ يَكٜىٰ رَرَّڢٜىٰ عَڧَسَا، كُواْ كَمَنِّنْ وَنِ كِيڢِنْ دَيَكٜىٰ ثِكِنْ ضُوَ عَڧَرْڧَشِنْ ڧَسَا؞

19سَعَدَّ كُكَ طَغَ عِدُواْ كُكَ كَلِّ سَمَ، كُكَغَ رَانَ دَ وَتَ دَ تَوْرَرِ دَ دُكَنْ حَلِتُّنْ سَمَ وَطَنْدَ اللَّهْ يَشِمْڢِطَا، كُكُلَ ڢَا، كَدَ كُبَرْسُ سُجَا حَنْكَلِنْكُ حَرْ كُيِ مُسُ سُجَّدَ، كُواْ كُبَوْتَا مُسُ؞ وَطَنَّنْ أَبُبُوَ يَهْوٜىٰهْ اللَّهْ نْكُ يَبَايَرْ وَدُكَنْ سَوْرَنْ ڧَبِيلُنْ دَسُكٜىٰ كُواْعِنَ عَڧَرْڧَشِنْ سَرَرِنْ سَمَ؞

20عَمَّا يَهْوٜىٰهْ يَڢِتَرْ دَكُو دَغَ ڧَسَرْ مَصَرْ دَغَ ثِكِنْ ذَاڢِنْ وُتَرْ مَڧٜىٰرَرْ نَنْ، دُواْمِنْ كُذَمَ جَمَعَرْسَ تَمُسَمَّنْ كَمَرْ يَدَّ كُكٜىٰ عَيَوْ؞

21«عَمَّا يَهْوٜىٰهْ يَيِ ڢُشِے دَنِے سَبُواْدَكُو؞ يَكُمَ ضَنْڟٜىٰ ثٜىٰوَ بَذَنْ ڧٜىٰتَرٜىٰ كُواْغِنْ يُواْدَنْ ذُوَا ثِكِنْ ڧَسَا مَيْݣَوْ وَدَّ يَهْوٜىٰهْ اللَّهْ نْكُ يَكٜىٰ بَاكُ تَذَمَ غَادُوانْكُ تَمُسَمَّنْ بَ؞

22غَمَا ذَنْ مُتُ عَثِكِنْ وَنَّنْ ڧَسَا، بَذَنْ ڧٜىٰتَرٜىٰ كُواْغِنْ يُواْدَنْ بَ، عَمَّا كُو ذَاكُ ڧٜىٰتَرٜىٰ، كُثِ غَادُوانْ ڧَسَا مَيْݣَوْ طِنَّنْ؞

23سَبُواْدَ حَكَ، كُكُلَ ڢَا، كَدَ كُمَنْتَادَ يَرْجٜىٰجٜىٰنِيَرْ دَ يَهْوٜىٰهْ اللَّهْ نْكُ يَيِ دَكُو، دُواْمِنْ كَدَ كُيِ وَكَنْكُ وَنِ غُنْكِ مَيْ كَمَنِّنْ وَتَ حَلِتَّرْ دَ يَهْوٜىٰهْ اللَّهْ نْكُ يَحَنَ؞

24غَمَا يَهْوٜىٰهْ اللَّهْ نْكُ وُتَا نٜىٰ مَيْ ثِنْيٜىٰوَ، كُمَ اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَ؞

25«نَنْ غَبَ، سَعَدَّ كُكَ حَيْڢِ یَیَ، كُكَ كُمَ سَامِ جِيكُواْكِ، كُكَ كُوَ دَطٜىٰ دَ ذَمَ عَثِكِنْ ڧَسَرْ، كَدَ كُڧَظَنْتَرْ دَكَنْكُ تَوُرِنْ يِنْ غُنْكِ مَيْ كَمَنِّنْ وَتَ حَلِتَّ، غَمَا يِنْ حَكَ مُوغُنْ أَبُ نٜىٰ أَغَبَنْ يَهْوٜىٰهْ اللَّهْ نْكُ؞ وَنَّنْ كُمَ ذَيْسَا يَيِ ڢُشِے؞

26يَوْ، نَكِرَا سَمَ دَ دُونِيَا سُيِ مِنِ شَيْدَ عَكَنْكُ ثٜىٰوَ عِدَنْ كُكَيِ رَشِنْ بِيَيَّ، لَلَّيْ ذَاكُ هَلَّكَ دَ سَوْرِ دَغَ ڧَسَرْدَ كُكٜىٰ ڧٜىٰتَرٜىٰ يُواْدَنْ دُواْمِنْ كُثِ غَادُوانْتَ؞ بَذَاكُ دَطٜىٰ عَثِكِنْتَ بَ، عَمَّا ذَاعَ كَوَرْ دَكُو كَكَڢْ؞

27غَمَا يَهْوٜىٰهْ ذَيْ وَرْوَاڟَرْ دَكُو ثِكِنْ أَلْعُمَّيْ، كَطَنْ دَغَ ثِكِنْكُ نٜىٰ ذَاسُ رَغُ عَثِكِنْ أَلْعُمَّنْ دَ ذَيْ وَرْوَاڟَرْ دَكُو عَثِكِ؞

28عَثَنْ ذَاكُ بَوْتَاوَ أَلُّواْلِنْ دَ مُتُمْ يَسَسَّڧَ دَ حَنُّنْسَ، أَلُّواْلِنْ إِتَاثٜىٰ دَ نَدُوڟٜىٰ، وَطَنْدَ بَاسَ غَنِ، بَاسَجِ، بَاسَثِ، كُواْ سَنْسَنَ؞

29عَمَّا دَغَ ثَنْ عِنْدَ كُكٜىٰ، إِنْ كُنْ نٜىٰمِ يَهْوٜىٰهْ اللَّهْ نْكُ، ذَاكُ سَامٜىٰشِ عِدَنْ كُكَ نٜىٰمٜىٰشِ دَ دُكَنْ ذُوثِيَارْكُ دَ دُكَنْ رَنْكُ؞

30سَعَدَّ كُكٜىٰ ثِكِنْ وَهَلَ، وَطَنَّنْ أَبُبُوَ كُمَ سُكَ سَامٜىٰكُ عَكْوَانَكِے مَاسُ ذُوَا، ذَاكُ جُويُواْ غَ يَهْوٜىٰهْ اللَّهْ نْكُ، كُيِ مَسَ بِيَيَّ؞

31غَمَا يَهْوٜىٰهْ اللَّهْ نْكُ، اللَّهْ مَيْ جِنْڧَيْ نٜىٰ؞ بَذَيْ يَاشٜىٰكُبَ، بَذَيْ هَلَّكَكُبَ، كُواْ يَمَنْتَادَ يَرْجٜىٰجٜىٰنِيَرْدَ يَرَنْڟٜىٰوَ كَاكَنِّنْكُبَ؞

32«كُبِنْثِكَ دُكَنْ تَارِيحِ مَنَ، تُنْدَغَ لُواْكَثِنْ دَ اللَّهْ يَحَلِثِّ یَنْ أَدَمْ عَثِكِنْ دُونِيَا حَرْ ذُوَا يَنْذُ؞ كُسَاكٜىٰ تَمْبَيَ دَغَ وَنَّنْ إِيَاكَرْ سَمَ ذُوَا وَنْثَنْ، كُواْ وَنِ أَبُ مَيْغِرْمَ إِرِنْ وَنَّنْ يَتَٻَ ڢَرُوَ؟ كُواْ كُوَ أَنْتَٻَ جِنْ لَابَرِ إِرِنْسَ؟

33كُواْ أَݣَويْ وَتَ ڧَبِيلَرْ دَ تَتَٻَ جِنْ مُرْيَرْ وَنِ اللَّهْ تَنَ مَغَنَ دَغَ ثِكِنْ ڟَكِيَرْ وُتَا كَمَرْ يَدَّ كُو كُكَجِ، حَرْ سُكَ رَايُ؟

34كُواْ أَݣَويْ وَنِ اللَّهْ وَنْدَ يَتَٻَ ڧُواْڧَرِنْ طَوْكُواْ وَكَنْسَ وَتَ أَلْعُمَّ دَغَ ثِكِنْ ڟَكِيَرْ وَتَ أَلْعُمَّ كَمَرْ يَدَّ يَهْوٜىٰهْ اللَّهْ نْكُ يَيِ مُكُ عَڧَسَرْ مَصَرْ؟ أَغَبَنْ عِدَنُونْكُ تَوُرِنْ حَنُّنْسَ مَيْ إِيكُواْ دَ أَيُّكَنْ بَنْ مَامَاكِ يَكَٰوُاْ بَلَعِ دَ عَلَمُ دَ أَيُّكَنْ مَاسُ بَنْ ڟُواْرُواْ دَ يَڧُواْڧِ؞

35أَنْ نُونَ مُكُ وَطَنَّنْ أَبُبُوَ دُواْمِنْ كُسَنِ ثٜىٰوَ يَهْوٜىٰهْ شِينٜىٰ اللَّهْ ، بَنْدَشِ، بَا وَنِ كُمَ؞

36دَغَ سَمَ يَسَا كُكَجِ مُرْيَرْسَ دُواْمِنْ يَهُواْرَرْ دَكُو؞ عَدُونِيَا يَسَا كُكَغَ بَبَّرْ وُتَرْسَ، كُكَ كُمَجِ مَغَنَرْسَ دَغَ ثِكِنْ وُتَرْ؞

37سَبُواْدَ يَڧَوْنَثِ كَاكَنِّنْكُ، شِے يَسَا يَذَاٻٜىٰكُ ذُرِيَرْسُ عَبَايَنْسُ؞ شِے دَ كَنْسَ يَڢِتَرْ دَكُو دَغَ ڧَسَرْ مَصَرْ تَوُرِنْ إِيكُوانْسَ مَيْغِرْمَ؞

38أَغَبَنْكُ يَكُواْرِ أَلْعُمَّنْ دَ سُكَڢِيكُ غِرْمَ دَ كُمَ ڧَرْڢِے، دُواْمِنْ يَكَٰوُاْكُ عَثِكِنْ ڧَسَرْسُ، يَكُمَ بَاكُ تَذَمَ مَلَّكَرْكُ تَغَادُواْ، كَمَرْ يَدَّ يَكٜىٰ عَيَوْ؞

39سَبُواْدَ حَكَ، يَوْ سَيْ كُسَنِ، كُكُمَ رِڧٜىٰ أَ ذُوثِيَارْكُ سُواْسَيْ ثٜىٰوَ يَهْوٜىٰهْ شِ كَطَيْ نٜىٰ اللَّهْ عَثَنْ سَمَ، كُواْ أَنَنْ دُونِيَا، بَنْدَشِ، بَا وَنِ؞

40كُكِيَايٜىٰ ڧَٰعِدُواْدِنْسَ دَ عُمَرْنَنْسَ، وَطَنْدَ نَكٜىٰ عُمَرْثٜىٰكُ يَوْ، دُواْمِنْ كُسَامِ ذَمَنْ لَاڢِيَ دَكُو دَ یَیَنْكُ وَطَنْدَ ذَاكُ حَيْڢَ، دُواْمِنْ كُدَطٜىٰ عَثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ حَرْ أَبَدَا؞»

41سَيْ مُوسَٰى يَكٜىٰٻٜىٰ غَرُرُوَ عُكُ أَغَبَشِنْ كُواْغِنْ يُواْدَنْ،

42دُواْمِنْ إِنْ وَنِ يَيِ كِسَنْ كَيْ بَ دَ غَنْ‌غَنْبَ ذَيْ عِيَ غُدُ ذُوَا ثَنْ، وَتُواْ دُكْ وَنْدَ يَكَشٜىٰ مُتُمْ بَاتَرٜىٰدَ أَݣَويْ ڧِيَيَّ ڟَكَانِنْسُبَ؞ عِدَنْ وَنْدَ يَيِ كِسَنْ كَيْ طِنْ يَغُدُ يَشِغَ ثِكِنْ طَيَ دَغَ غَرُرُوَنَّنْ، ذَيْ ڟِيرَرْ دَ رَنْسَ؞

43وَطَنَّنْ غَرُرُوَ سُونٜىٰ بٜىٰظٜىٰرْ، وَنْدَ يَكٜىٰ ثِكِنْ دَاجِ عَيَنْكِنْ تُدَّيْ وَنْدَ يَكٜىٰ نَظُرِيَرْ رَعُبَيْنُ دَ رَمُواتْ تَ غِلٜىٰيَدْ ثِكِنْ يَنْكِنْ ذُرِيَرْ غَدْ دَ غُواْلَنْ عَثِكِنْ يَنْكِنْ بَشَنْ نَظُرِيَرْ مَنَسّٜىٰ؞

44وَنَّنْ عِتَثٜىٰ كُواْيَرْوَرْ دَ مُوسَٰى يَشِمْڢِطَا وَ جَمَعَرْ إِسْرَٰٓءِيلَ؞

45وَطَنَّنْ سُونٜىٰ دُواْكُواْكِ دَ ڧَٰعِدُواْدِ دَ عُمَرْنَنْ دَ مُوسَٰى يَڢَطَا وَجَمَعَرْ إِسْرَٰٓءِيلَ لُواْكَثِنْ دَ سُكَ ڢِتُواْ دَغَ ڧَسَرْ مَصَرْ،

46سَعَدَّ سُكَيِ ذَنْ‌غُواْ أَغَبَسْ دَ كُواْغِنْ يُواْدَنْ عَثِكِنْ ݣُورِنْ دَيَكٜىٰ ڢُسْكَنْتَرْ بٜىٰتْ ڢٜىٰيُوارْ؞ دَا كُوَ وَنَّنْ يَنْكِنْ ڧَسَرْ نَ سَرْكِے سِهُوانْ نَ أَمُواْرِيَاوَا نٜىٰ، وَنْدَ يَكٜىٰ مُلْكِ أَ هٜىٰشْبُوانْ؞ مُوسَٰى دَ جَمَعَرْ إِسْرَٰٓءِيلَ سَعَدَّ سُكٜىٰ ڢِتُواْوَ دَغَ مَصَرْ، سُنْثِ أَمُواْرِيَاوَنَّنْ دَ يَاڧِ؞

47سُكَثِ غَادُوانْ ڧَسَرْ سَرْكِے سِهُوانْ دَ ڧَسَرْ سَرْكِے عُواغْ نَ بَشَنْ، سَرَاكُنَ بِيُ أَغَبَشِنْ كُواْغِنْ يُواْدَنْ؞

48ڧَسَرْ نَنْ تَمِيڧٜىٰ دَغَ أَرُواْوٜىٰرْ، وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ، حَرْ ذُوَا بَبَّنْ تُدُنْ سِرِيُوانْ، وَتُواْ هَرْمُوانْ؞

49تَا كُمَ حَطَ دَ دُكَنْ يَنْكِنْ أَرَبَ أَغَبَشِنْ كُواْغِنْ يُواْدَنْ، حَرْ ذُوَا تٜىٰكُنْ أَرَبَ، ڧَسَا دَ غِنْدِنْ بَبَّنْ تُدُنْ ڢِسْغَ؞

← Chapter 3 Jump to: Chapter 5 →