Ezekiel 16

Hausa Arabic 2020 (أَتَّوْرَتْ دَ أَنَّبَاوَا)

2«يَا كَيْ طَنْ مُتُمْ، سَيْ كَسَا عُرُوشَلِيمَ تَسَنْ أَيُّكَنْتَ نَبَنْ ڨَمَ؞

3كَثٜىٰ، ‹غَا أَبِنْدَ نِے عُبَنْ‌غِجِ يَهْوٜىٰهْ نَا ڢَطَا عَكَنْ عُرُوشَلِيمَ، كٜىٰ یَرْ أَرْنَ ثٜىٰ، عَيْنِحِنْ أَصَلِنْكِ دَ وُرِنْ دَ عَكَ حَيْڢٜىٰكِ عَڧَسَرْ كَنْعَنَ نٜىٰ؞ بَابَنْدَ يَحَيْڢٜىٰكِ، مُتُمِنْ أَمُواْرِيَاوَا نٜىٰ، مَامَرْ دَ تَحَيْڢٜىٰكِ مَثٜىٰثٜىٰ دَغَ هِتِّ؞

4غَمٜىٰ دَ حَيْڢُوَرْكِ ڢَا، رَانَرْ دَ عَكَ حَيْڢٜىٰكِ، بَعَيَنْكٜىٰ مِكِ ثِبِيَرْكِبَ، بَعَكُمَ يِمِكِ وَنْكَ دَ ضُوَ دُواْمِنْ أَڟَبْتَثٜىٰكِبَ، بَعَغُواْغٜىٰكِ دَ غِشِرِ، كُواْ أَ نَطَاكِ عَثِكِنْ ڟُمُّواْكِبَ؞

5بَاوَنْدَ يَجِ تَوْسَيِنْكِ دَ ذَيْ يِمِكِ وَطَنَّنْ أَبُبُوَ نَجِنْڧَيْ؞ عَمَّا عَكَ جٜىٰڢَرْ دَكٜىٰ أَدَاجِ، غَمَا كِنْ ذَمَ أَبِنْ ڨَمَ أَ رَانَرْ دَ عَكَ حَيْڢٜىٰكِ؞

6« ‹سَعَدَّ نَكٜىٰ وُثٜىٰوَ نَغَنْكِ كِنَ بِرْغِمَ عَثِكِنْ جِنِنْ حَيْڢُوَرْكِ؞ يَايِنْ دَ كِكٜىٰ ݣُونْثٜىٰ عَكَنْ جِنِنْكِ، سَيْ نَثٜىٰمِكِ «كِرَايُ!»

7نَسَا كِنْ يِغِرْمَ كَمَرْ ڟِرُواْ عَثِكِنْ دَاجِ؞ سَيْ كِنْ يِغِرْمَ، كِنْ يِڟَيِ، كِنْ كَيْ مَڟَيِنْ مَثٜىٰ، كِنْ ذَمَ ثِكَكِّيَرْ بُدُرْوَ، كِنْ يِمَامَا، غَاشِنْ كَنْكِ كُوَ يَيِ ڟَوُاْ؞ دُكْدَهَكَ بَاكِدَ رِغَا أَجِكِنْكِ، كِنَانَنْ ڟِرَرَ؞

8« ‹سَعَدَّ نَسَاكٜىٰ وُثٜىٰوَ كُسَدَكٜىٰ، سَيْ نَدُوبٜىٰكِ، غَاشِ كِنْ كَيْ لُواْكَثِنْ دَ ذَاعَ ڧَوْنَثٜىٰكِ؞ سَيْ نَرُڢٜىٰكِ دَ ذَنٜىٰنْ رُڢُوَتَ، نَرُڢٜىٰ ڟِرَيْثِنْكِ؞ نَشِغَ يَرْجٜىٰجٜىٰنِيَ دَكٜىٰ حَرْ دَ ضَنْڟُوَا، كِنْ كُوَ ذَمَ تَاوَ؞ نِے عُبَنْ‌غِجِ يَهْوٜىٰهْ نَا ڢَطَا؞

9سَيْ نَيِمِكِ وَنْكَ دَ ضُوَ، نَوَنْكٜىٰ جِنِنْ حَيْڢُوَرْكِ، نَشَاڢٜىٰكِ دَ مَيْ؞

10نَسَا مِكِ رِغَا مَيْ أَدُوانْ سَاڧَ دَ تَاكَلْمِ مَيْݣَوْ؞ نَكُمَيِ مِكِ لُلُّٻِ نَلِيلِنْ مَيْݣَوْ دَ ذَنُّوَ مَاسُ ڟَادَ؞

11نَيِمِكِ أَدُواْ دَ أَبُبُوَ مَاسُ ݣَوْ، نَسَا مِكِ وَرْوَرُوانْ حَنُّ دَ سَرْڧَرْ وُيَ؞

12نَسَا مِكِ ذُواْبٜىٰ أَهَنْثِنْكِ دَ یَنْ كُنّٜىٰ عَكُنّٜىٰنْكِ دَ هُولَرْ دَرَجَ عَكَنْكِ؞

13تَهَكَ أَنْيِ مِكِ أَدُواْ دَ ظِينَارِيَ دَ أَظُرْڢَا؞ رِيغُنَنْكِ كُوَ نَلِيلِنْ نٜىٰ مَيْݣَوْ دَ ذَنُّوَ مَاسُ ڟَادَ مَاسُ أَدُوانْ سَاڧَ؞ كِنْ ثِ عَبِنْثِ مَڢِے ݣَوْ دَ ظُمَ دَ مَيْ؞ كِنْ ذَمَ ݣَكْݣَاوَا ڨُورَيْ دَ غَسْكٜىٰ، كِنْ يِغِرْمَ حَرْ كِنْ كَيْ دَرَجَرْ سَرَوْنِيَ؞

14سُونَنْ دَ كِكَيِ سَبُواْدَ ݣَنْكِ يَبَظُو عَثِكِنْ أَلْعُمَّيْ؞ غَمَا ݣَنْكِ تَذَمَ ثِكَكّٜىٰ تَوُرِنْ دَرَجَ وَدَّ نَسَا مِكِ؞ نِے عُبَنْ‌غِجِ يَهْوٜىٰهْ نَا ڢَطَا؞

15« ‹عَمَّا كِنْ دُواْغَضَ عَكَنْ ݣَنْكِ دَ غِرْمَنْ سُونَنْكِ حَرْ كِنْ يِ أَمْڢَانِ دَسُو دُواْمِنْ كِمِيڧَ كَنْكِ غَ كُواْوَنٜىٰ مَيْ وُثٜىٰوَ ثِكِنْ كَارُوَنْثِ؞ كِنْ كُمَ بَاشِ دَرَجَرْكِ؞

16كِنْ طَوْكِ وَطَنْسُ رِيغُنَنْكِ، كِنْيِ وَكَنْكِ وُرَارٜىٰنْ سُجَّدَ نَأَلُّواْلِنْكِ أَدُواْ دَسُو، سَعَنً كِنْ يِكَارُوَنْثِ عَثِكِنْسُ، إِرِنْ أَبِنْدَ بَعَتَٻَيِبَ، بَ كُوَ ذَاعَيِ إِرِنْسُ نَنْ غَبَبَ؞

17كِنْ كُمَ طَوْكِ ݣَوَوَنْ كَايَنْ أَدُوانْكِ، أَدُوانْكِ نَظِينَارِيَتَ دَ أَظُرْڢَتَ وَطَنْدَ نَبَاكِ، كِنْيِ وَكَنْكِ صِڢُّواْڢِ نَمَظَا، كِنْ يِكَارُوَنْثِ دَسُو؞

18كِنْ طَوْكِ رِيغُنَنْكِ مَاسُ أَدُوانْ سَاڧَ، كِنْ رُڢٜىٰ صِڢُّواْڢِنْ دَسُو، سَعَنً كِنْ سَا مَيْنَ دَ تُرَارٜىٰنَ أَغَبَنْسُ؞

19عَبِنْثِنَ وَنْدَ نَبَاكِ، وَتُواْ غَارِ مَيْ لَوْشِ دَ مَيْ دَ ظُمَ، وَنْدَ نَثِيَرْدَ كٜىٰ دَشِ، كِنْ طَوْكَ كِنْ سَا أَغَبَنْسُ دُواْمِنْ يَذَمَ مُسُ هَدَايَ مَيْ ڧَنْشِ مَيْ دَاطِے أَغَرٜىٰسُ؞ عِ، يَكُوَ كَسَنْثٜىٰ حَكَ؞ نِے عُبَنْ‌غِجِ يَهْوٜىٰهْ نَا ڢَطَا؞

20بَنْدَ حَكَمَا، كِنْ طَوْكِ یَیَنْكِ مَظَا دَ یَیَنْكِ مَتَ وَطَنْدَ كِكَ حَيْڢَ مِنِ كِكَ مِيڧَسُ وَ صِڢُّواْڢِ هَدَايَرْ عَبِنْثِ؞ كَمَرْ كَارُوَنْثِنْكِ بَيْ إِشٜىٰكِبَ،

21حَرْ كِنْ كَكَّشٜىٰ یَیَنَ كِنْ مِيڧَسُ هَدَايَ أَغَرٜىٰسُ؞

22عَثِكِنْ دُكَنْ أَبُبُوَنْكِ نَڧَظَنْتَادَ كَارُوَنْثِنْكِ، بَاكِ تُنَ دَ ݣُونَكِنْ ڧُرُثِيَرْكِ بَ، لُواْكَثِنْ دَ كِكٜىٰ ڟِرَرَ بَابُ رِغَا، كِنَ بِرْغِمَ عَثِكِنْ جِنِنْ حَيْڢُوَرْكِ؞

23« ‹كَيْتُواْ، كَيْتُوانْكِ! إِنْجِنِ عُبَنْ‌غِجِ يَهْوٜىٰهْ ، بَايَنْ دُكَنْ مُغُنْتَارْكِ،

24سَيْ كِنْ غِنَاوَا كَنْكِ وُرِے مَيْ ڟَيِ، كِنْ كُمَ غِنَا وُرِنْ سُجَّدَ دُواْمِنْ صِڢُّواْڢِ عَكُواْوَنٜىٰ ڢِيلِ عَثِكِنْ غَرِ؞

25كِنْ غِنَا وُرِنْ سُجَّدَ دُواْمِنْسُ عَكُواْوَثٜىٰ ݣُونَ تَتِيتِ؞ كِنْ مَيْدَ دَرَجَرْكِ أَبِنْ ڨَمَ، كِنْ بُوطٜىٰ ڟِرَيْثِنْكِ غَ كُواْوَنٜىٰ مَيْ وُثٜىٰوَ كِنْ كُمَ ڧَارَ يَوَنْ كَارُوَنْثِنْكِ؞

26كِنْيِ كَارُوَنْثِ دَ مَصَرَاوَا، مَڨُوبْتَنْكِ مَاسُيَوَنْ شَعَوَرْ جِكِے، كِنَ ڧَارَ يَوَنْ كَارُوَنْثِنْكِ دُواْمِنْ كِسَا إِنْيِ ڢُشِے؞

27غَاشِ ڢَا، نَمِيڧَ هَنُّونَ نَغَابَادَكٜىٰ، نَضَغٜىٰ رَبُوانْكِ، نَكُمَ بَادَكٜىٰ غَ ݣُوطَيِنْ أَبُواْكَنْ غَابَنْكِ، وَتُواْ یَنْ مَاتَانْ ڢِلِسْتِيَاوَا وَطَنْدَ سُكٜىٰ جِنْ كُنْيَرْ حَلِنْكِ نَبَنْ ڨَمَ؞

28كِنْ كُمَيِ كَارُوَنْثِ دَ أَسُّرِيَاوَا دُواْمِنْ بَاكِ ڧُواْشِبَ؞ كِنْيِ كَارُوَنْثِ دَسُو، دُكْدَهَكَ بَيْ إِشٜىٰكِبَ؞

29كِنْ ڧَارَ كَارُوَنْثِنْكِ دَ بَابِيلَ، ڧَسَرْ یَنْ كَاسُوَنْثِ، دُكْدَهَكَ وَنَّنْ بَيْ إِشٜىٰكِبَ؞

30« ‹إِنَا مِصَالِنْ رَشِنْ لَاڢِيَرْ ذُوثِيَارْكِ! إِنْجِنِ عُبَنْ‌غِجِ يَهْوٜىٰهْ ، غَاشِ، كِنْيِ دُكَنْ وَطَنَّنْ أَبُبُوَ، أَيُّكَنْ كَارُوَ مَرَرْ كُنْيَا!

31كِنْيِ حَصُومِيَا عَكُواْوَثٜىٰ ݣُونَ تَتِيتِ، كِنْ كُمَ غِنَا وُرِنْ سُجَّدَ عَكُواْوَنٜىٰ ڢِيلِ نَثِكِنْ غَرِ! دُكْدَهَكَ، كٜىٰ بَاكِ نُونَ حَلِنْ كَارُوَبَ دَيَكٜىٰ بَاكِ كَرْٻِ كُطِبَ؞

32كٜىٰ، مَثٜىٰثٜىٰ مَيْ ظِنَ! كِنْڢِسُواْ كِݣُونَ دَ بَاڧِ مَيْمَكُوانْ مِجِنْكِ!

33مَظَا سُكَنْ بَادَ ݣَوْتَيْ غَ كُواْوَثٜىٰ كَارُوَ؞ عَمَّا كٜىٰثٜىٰ مَيْ بَادَ ݣَوْتَيْ غَ دُكَنْ مَسُواْيَنْكِ، كِنَ بَاسُ كُطِ دُواْمِنْ سُذُواْ وُرِنْكِ دَغَ كُواْعِنَ دُواْمِنْ سُذُواْ سُݣُونَ دَكٜىٰ؞

34حَكَ حَلِنْكِ يَذَمَ دَبَمْ دَ نَسَوْرَنْ كَارُوَيْ دَيَكٜىٰ بَابُ نَمِجِنْدَ يَنٜىٰمٜىٰكِ دُواْمِنْ يَݣُونَ دَكٜىٰ، بَابُ كُمَ وَنْدَ يَبِيَكِ، كٜىٰثٜىٰ مَيْ بِيَنْسُ؞ دُواْمِنْ حَكَ نَاكِ كَارُوَنْثِنْ دَبَمْ يَكٜىٰ؞

35« ‹دُواْمِنْ حَكَ، يَا كٜىٰ كَارُوَ، كِجِ مَغَنَرْ يَهْوٜىٰهْ ؞

36إِنْجِنِ عُبَنْ‌غِجِ يَهْوٜىٰهْ ، كِنْ مَيْدَ دَرَجَرْكِ أَبِنْ ڨَمَ، كِنْ بُوطٜىٰ ڟِرَيْثِنْكِ غَ مَسُواْيَنْكِ دُواْمِنْ سُݣُونَ دَكٜىٰ؞ كِنْ كُمَ مِيڧَا وَغُمَكَنْكِ مَاسُ بَنْ ڨَمَ جِنِنْ یَیَنْكِ؞

37سَبُواْدَ دُكَنْ وَطَنَّنْ، غَاشِ، ذَنْ تَتَّارَ دُكَنْ وَطَنْدَ كِكَ ڧَوْنَثٜىٰسُ دَ وَطَنْدَ كِكَڧِيسُ؞ ذَنْ تَتَّرَاسُ إِنْسَا سُيِ غَابَادَكٜىٰ دَغَ كُواْعِنَ، ذَنْ كُمَ بُوطٜىٰ مُسُ أَسِيرِنْ جِكِنْكِ دُواْمِنْ سُغَ ڟِرَيْثِنْكِ؞

38ذَنْ حُكُنْتَكِ كَمَرْ يَدَّ عَكَنْ حُكُنْتَ مَاتَا وَطَنْدَ سُكَثِ أَمَانَرْ عَوْرٜىٰ دَ وَطَنْدَ سُكَ ظُبْدَ جِنِ؞ عَثِكِنْ ذَاڢِنْ ڢُشِنَ دَ كِيشِنْ ڧَوْنَتَ، ذَنْ هَلَكَاكِ؞

39ذَنْ كُمَ بَادَكٜىٰ أَ حَنُّنْ مَسُواْيَنْكِ، ذَاسُ رُشٜىٰ وُرَارٜىٰ مَاسُ ڟَيِ وَطَنْدَ كِكَيِ، سُكُمَ رُرُّشٜىٰ وُرَارٜىٰنْكِ نَسُجَّدَ عَكُواْوَنٜىٰ ڢِيلِ عَثِكِنْ غَرِ؞ ذَاسُ تُوٻٜىٰ رِيغُنَنْكِ، سُكُمَ ݣُوشٜىٰ ݣَوَوَنْ كَايَنْ أَدُوانْكِ، سُبَرْكِ ڟِرَرَ بَابُ رِغَا؞

40ذَاسُ تَارَ مِكِ تَارُوانْ جَمَعَ سُيِ غَابَادَكٜىٰ، ذَاسُ جٜىٰجّٜىٰڢٜىٰكِ، سُكُمَ يَيَّنْكَاكِ غَٻَ غَٻَ دَ تَكُبَنْسُ؞

41ذَاسُ ڧُواْنٜىٰ غِدَاجٜىٰنْكِ، سُحُكُنْتَكِ أَعِدُوانْ مَاتَادَيَوَ؞ ذَنْ كُوَسَا كِدَيْنَ عَيْكِنْ كَارُوَنْثِ، بَذَاكِ ڧَارَ بَادَ كُطِ غَ مَسُواْيَنْكِبَ كُمَ؞

42تَهَكَ ذَنْ غَمَ دَ ڢُشِنَ عَكَنْكِ، كِيشِنْ ڧَوْنَتَ ذَاتَ جُويَا دَغَ غَرٜىٰكِ؞ سَعَنً ذَيْسَا إِنْ هُوثٜىٰ، بَذَنْ كُوَ ڧَارَ يِنْ ڢُشِيبَ كُمَ؞

43بَاكِ تُنَ يَدَّ نَلُورَ دَكٜىٰ عَݣُونَكِنْ ڧُرُثِيَرْكِبَ، عَمَّا كِنْبَانِ ڢُشِے دَ دُكَنْ وَطَنَّنْ أَبُبُوَ؞ دُواْمِنْ حَكَ، غَاشِ، ذَنْ سَاكَ مِكِ بِسَغَ دُكَنْ أَيُّكَنْكِ؞ بَنْ دَ لَلَتَرْدَ كِكَيِ، كِنْ كُمَيِ أَيُّكَ مَاسُ بَنْ ڨَمَ؞ نِے عُبَنْ‌غِجِ يَهْوٜىٰهْ نَا ڢَطَا؞

44« ‹غَاشِ، دُكْ مَيْيِنْ أَمْڢَانِ دَ كَرِنْ مَغَنَ ذَيْ يِمَغَنَ عَكَنْكِ يَثٜىٰ «كَمَرْ يَدَّ مَامَرْ تَكٜىٰ حَكَ یَرْ تَكٜىٰ؞»

45كٜىٰثٜىٰ یَرْ مَامَرْكِ وَدَّ تَڧِے مِجِنْتَ دَ یَیَنْتَ؞ كٜىٰثٜىٰ یَرْعُوَرْ یَنْعُوَنْكِ مَتَ وَطَنْدَ سُكَڧِ مَذَنْسُ دَ یَیَنْسُ؞ حَڧِيڧَ، مَامَرْكِ مَثٜىٰثٜىٰ دَغَ هِتِّ، بَابَنْكِ مُتُمِنْ أَمُواْرِيَاوَا نٜىٰ؞

46یَرْعُوَرْكِ بَبَّ عِتَثٜىٰ سَمَرِيَ، وَدَّ تَكٜىٰ ذَمَ تَرٜىٰدَ یَیَنْتَ مَتَ أَوَجٜىٰنْ أَرٜىٰوَ؞ یَرْعُوَرْكِ ڧَرَمَ عِتَثٜىٰ سُواْدُوامْ، وَدَّ تَكٜىٰ ذَمَ تَرٜىٰدَ یَیَنْتَ مَتَ أَوَجٜىٰنْ كُدُ؞

47عَمَّا، بَاكِ بِے هَنْيُواْيِنْسُ دَ أَيُّكَنْسُ نَبَنْ ڨَمَ كَطَيْبَ؞ أَعَ، عَثِكِنْ طَنْ لُواْكَثِ كِنْڢِسُ لَلَتَ ثِكِنْ دُكَنْ هَنْيُواْيِنْكِ؞

48حَڧِيڧَ، نَا ضَنْڟٜىٰ دَ رَيْنَ، إِنْجِنِ عُبَنْ‌غِجِ يَهْوٜىٰهْ ، یَرْعُوَرْكِ سُواْدُوامْ دَ یَیَنْتَ مَتَ بَسُ عَيْكَتَ مُغُنْتَا كَمَرْ يَدَّ كٜىٰ دَ یَیَنْكِ مَتَ كُكَ عَيْكَتَابَ؞

49« ‹غَا إِرِنْ لَيْڢِنْدَ یَرْعُوَرْكِ سُواْدُوامْ تَيِ؞ عِتَ دَ یَیَنْتَ مَتَ سُنَدَ غِرْمَنْ كَيْ؞ غَاشِ سُنَدَ عَبِنْثِ عَيَلْوَثٜىٰ ڢِيٜىٰدَ بُڧَاتَرْسُ دَ يَوَنْ جِنْ دَاطِے، عَمَّا بَسُ تَيْمَكِ مَتَلَوْتَ دَ مَاسُ بُڧَاتَبَ؞

50مَاسُ غِرْمَنْ كَيْنٜىٰ سُو دَ مَاسُ عَيْكَتَ أَبُبُوَنْ بَنْ ڨَمَ أَغَبَنَ؞ سَبُواْدَ حَكَ نَكَوَرْ دَسُو سَعَدَّ نَغَنِ؞

51« ‹سَمَرِيَ كُمَ بَتَ عَيْكَتَ كُواْ رَبِنْ ذُنُوبِنْ دَ كِكَ عَيْكَتَابَ؞ كِنْ عَيْكَتَ أَبُبُوَنْ بَنْ ڨَمَ ڢِيٜىٰدَ نَاسُ، حَرْ مَا كِنْسَا یَنْعُوَنْكِ مَتَ سُنْ ذَمَ كَمَرْ مَاسُ أَدَلْثِے تَوُرِنْ دُكَنْ أَيُّكَنْكِ نَبَنْ ڨَمَ وَطَنْدَ كِكَيِ؞

52كٜىٰ كُوَ سَيْ كِطَوْكِ كُنْيَرْكِ! غَمَا كِنْسَا یَنْعُوَنْكِ مَتَ سُسَامِ حُكُنْثِ مَيْ سَوْڧِ سَبُواْدَ ذُنُوبِنْ دَ كِكَ عَيْكَتَ يَڢِنَاسُ بَنْ ڨَمَ؞ سُنْڢِيكِ أَدَلْثِے؞ عِ، كِشَا كُنْيَرْكِ، كِشَا ڧَسْڧَنْثِنْكِ، غَمَا كِنْسَا یَنْعُوَنْكِ مَتَ سُنْذَمَ كَمَرْ مَاسُ أَدَلْثِے؞› »

53يَهْوٜىٰهْ يَثٜىٰ وَ عُرُوشَلِيمَ «ذَنْ سَابُنْتَا سُواْدُوامْ دَ یَیَنْتَ مَتَ، إِنْ مَيَرْ مُسُ دَ أَلْبَرْكُنْسُ، إِنْ سَابُنْتَا سَمَرِيَ دَ یَیَنْتَ مَتَ، إِنْ مَيَرْ مُسُ دَ أَلْبَرْكُنْسُ؞ ذَنْ كُمَ مَيَرْ مِكِ دَ أَلْبَرْكُنْكِ تَرٜىٰدَسُو،

54دُواْمِنْ كِطَوْكِ كُنْيَرْكِ، كِشَا ڧَسْڧَنْثِ نَدُكَنْ أَبِنْدَ كِكَ عَيْكَتَ؞ تَهَكَ ڧَسْڧَنْثِنْكِ ذَيْ تَعَظَنْتَرْ دَسُو سَبُواْدَ ذُنُوبِنْسُ بَيْ كَيْ نَاكِبَ؞

55غَمٜىٰ دَ یَنْعُوَنْكِ مَتَ، وَتُواْ سُواْدُوامْ دَ یَیَنْتَ مَتَ، ذَاسُ كُواْمَ أَمَڟَيِنْسُ نَدَا؞ سَمَرِيَ كُمَ دَ یَیَنْتَ مَتَ، ذَاسُ كُواْمَ أَمَڟَيِنْسُ نَدَا؞ كٜىٰ كُمَ دَ یَیَنْكِ مَتَ، ذَاكِ كُواْمَ أَمَڟَيِنْكُ نَدَا؞

56أَشٜىٰ! بَ یَرْعُوَرْكِ سُواْدُوامْ تَذَمَ أَبِنْ مَغَنَ عَبَاكِنْكِ عَݣُونَكِنْ غِرْمَنْ كَنْكِبَ؟

57يَنْذُ بَايَنْدَ عَكَ تُواْنَ أَسِيرِنْ مُغُنْتَارْكِ، كِنْ ذَمَ أَبِنْ ذَاغِ غَ یَیَنْ سُورِيَ مَاتَادَ دُكَنْ وَطَنْدَ سُكٜىٰ كٜىٰوَيٜىٰ دَ عِتَ دَ یَیَنْ ڢِلِسْتِيَاوَا مَتَ وَطَنْدَ سُكٜىٰ كٜىٰوَيٜىٰ دَكٜىٰ سُكَيِ مِكِ رٜىٰنِ؞

58دُواْلٜىٰنٜىٰ كِطَوْكِ أَلْحَكِنْ أَيُّكَنْ كُنْيَرْكِ دَ نَبَنْ ڨَمَرْكِ؞ نِے يَهْوٜىٰهْ نَا ڢَطَا؞»

59« ‹إِنْجِنِ عُبَنْ‌غِجِ يَهْوٜىٰهْ ، حَڧِيڧَ ذَنْيِ دَكٜىٰ بِسَغَ أَبِنْدَ كِكَيِ، كٜىٰ دَ كِكَ رٜىٰنَ ضَنْڟُوَارْكِ، كِكَ كُمَ كَرْيَ يَرْجٜىٰجٜىٰنِيَرْ؞

60دُكْدَهَكَ، ذَنْ تُنَ دَ يَرْجٜىٰجٜىٰنِيَرْدَ نَيِ دَكٜىٰ عَݣُونَكِنْ ڧُرُثِيَرْكِ، ذَنْ كُمَ كَڢَ يَرْجٜىٰجٜىٰنِيَ تَهَرْ أَبَدَا دَكٜىٰ؞

61سَعَنً ذَاكِتُنَ دَ هَنْيُواْيِنْكِ، كِكُمَجِ كُنْيَا، سَعَدَّ نَطَوْكِ دُكَنْ یَنْعُوَنْكِ مَتَ، بَبَّ دَ ڧَرَمَ، نَبَاكِسُ سُذَمَ یَیَنْكِ مَتَ؞ ذَنْيِ وَنَّنْ كُواْدَيَكٜىٰ بِسَغَ يَرْجٜىٰجٜىٰنِيَتَ، بَنْيِ مِكِ أَلْڧَوَرِ إِنْيِ حَكَبَ؞

62ذَنْ تَبَّتَرْ مِكِ دَ يَرْجٜىٰجٜىٰنِيَرْدَ نَيِ دَكٜىٰ، كٜىٰ كُمَ ذَاكِسَنِ ثٜىٰوَ نِنٜىٰ يَهْوٜىٰهْ ،

63دُواْمِنْ كِتُنَ، كِكُمَجِ كُنْيَا، كِكَاسَ بُوطٜىٰ بَاكِ سَبُواْدَ ڧَسْڧَنْثِ، سَعَدَّ نَغَاڢَرْتَا مِكِ دُكَنْ أَبِنْدَ كِكَ عَيْكَتَ؞ نِے عُبَنْ‌غِجِ يَهْوٜىٰهْ نَا ڢَطَا؞› »

← Chapter 15 Jump to: Chapter 17 →