Haggai 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1عَثِكِنْ شٜىٰكَرَا تَبِيُ تَمُلْكٍ سَرْكِے دَرِيُسْ أَ رَانَ تَڢَرْكُواْ غَ وَتَ نَشِدَ، يَهْوٜىٰهْ يَايِ مَغَنَ دَ أَنَّبِے هَغَّيْ؞ مَغَنَرْ نَنْ دُواْمِنْ ظٜىٰرُبَّبٜىٰلْ طَنْ شٜىٰيَلْتِيٜىٰلْ ڠُومْنَنْ يَهُودَ نٜىٰ دَ كُمَ دُواْمِنْ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ؞ غَا مَغَنَرْ،

2«إِنْجِ يَهْوٜىٰهْ مَيْ ضُنْدُنَا ، ‹مُتَنٜىٰنَّنْ سُنَ ثٜىٰوَ لُواْكَثِنْ سَاكٜىٰ غِنَا غِدَنْ يَهْوٜىٰهْ بَيْيِبَ تُكُنَ؞› »

3سَيْ يَهْوٜىٰهْ يَيِ مَغَنَ تَبَاكِنْ أَنَّبِے هَغَّيْ ثٜىٰوَ

4« ‹أَ لُواْكَثِنَّنْ كُنَ ذَمَ أَغِدَاجٜىٰنْكُ دَ عَكَيِ أَدُوانْسُ دَ كَتَكَيْ مَاسُ ݣَوْ، سَعَنً غِدَنْ يَهْوٜىٰهْ يَنَ ذَمَنْ كُڢَيْ؞ أَغَنِنْكُ وَنَّنْ يَنَدَ ݣَوْ؟›

5إِنْجِ يَهْوٜىٰهْ مَيْ ضُنْدُنَا ، ‹كُدُوبِے رَايُوَرْكُ!

6غَاشِ، كُكَنْيِ شُوكَ دَيَوَ، عَمَّا كُغِرْبٜىٰ كَطَنْ؞ كُكَنْ ثِ عَبِنْثِ، عَمَّا بَ كُوَ ڧُواْشِ؞ كُكَنْ شَا ضُوَ، عَمَّا بَايَ كَشٜىٰ ڧِشِ؞ كُكَنْسَا رِيغُنَ، عَمَّا بَاكُ جِنْ طُمِ؞ وَنْدَ يَكٜىٰ كَرْٻَرْ أَلْبَشِ، كَمَرْ يَنَ سَا عَثِكِنْ أَلْجِهُنْدَ يَهُجٜىٰنٜىٰ؞›

7«إِنْجِ يَهْوٜىٰهْ مَيْ ضُنْدُنَا ، ‹كُدُوبِے رَايُوَرْكُ!

8يَنْذُ كُهَوْرَ عَكَنْ تُدَّيْ، كُيَنْكَ عِتَتُوَنْ كَتَكَيْ كُكَٰوُاْ كُغِنَ غِدَانَ، دُواْمِنْ إِنْجِ دَاطِنْسَ إِنْكُمَ سَامِ غِرْمَمَاوَا؞

9« ‹غَاشِ، كُكَنْ سَا رَيْ ذَاكُ سَامِ دَيَوَ، عَمَّا سَيْ كُغَ كُنْ سَامِ كَطَنْ؞ طَنْ كَطَنْ طِنْ مَا دَ كُكَنْ كَٰوُاْ غِدَا، نَكَنْ هُورَ شِ يَتَڢِے؞ مٜىٰيَسَا يَكٜىٰ ڢَرُوَ حَكَ؟ سَبُواْدَ غِدَانَ دَ عَكَبَرِ كُڢَيْ نٜىٰ! عَمَّا كُواْوَنّٜىٰنْكُ يَنَ ڢَامَ دَ غِنِنْ غِدَنْسَ،› إِنْجِ يَهْوٜىٰهْ مَيْ ضُنْدُنَا ؞

10‹شِيَسَا سَمَ تَڧِے بَادَ رَٻَ، ڧَسَا كُمَ تَڧِے بَادَ أَمْڢَانِ؞

11نَكُمَ كَٰوُاْ رَشِنْ ضُوَ عَڧَسَرْدَ كَنْ تُدَّيْ دَ كَنْ غُواْنَكِنْ حَڟِ دَ غُواْنَكِنْ إِنَبِے دَ نَظَيْتُنْ دَ دُكْ دَيْ أَبُبُوَنْ دَسُكٜىٰ ڟِرُواْوَ دَغَ ڧَسَا؞ وَنَّنْ رَشِنْ ضُوً يَكَٰوُاْ هَسَرَ عَكَنْ كُو یَنْ أَدَمْ دَ دَبُّواْبِے دَ دُكْ أَبِنْدَ كُكَشَا ڢَامَ دُوانْ كُسَامُ؞› »

12سَيْ ظٜىٰرُبَّبٜىٰلْ طَنْ شٜىٰيَلْتِيٜىٰلْ دَ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ، تَرٜىٰدَ دُكَنْ ضَغُواْوَرْ جَمَعَرْ سُكَيِ بِيَيَّ دَ مُرْيَرْ يَهْوٜىٰهْ اللَّهْ نْسُ، سُكَ كُمَيِ بِيَيَّ دَ مَغَنَرْسَ تَبَاكِنْ أَنَّبِے هَغَّيْ وَنْدَ يَهْوٜىٰهْ اللَّهْ نْسُ يَعَيْكَ؞ سَيْ ڟُواْرُوانْ يَهْوٜىٰهْ كُوَ يَكَامَ جَمَعَرْ؞

13سَعَنً هَغَّيْ مَيْ سَڧُوانْ يَهْوٜىٰهْ يَكُوَ بَا جَمَعَرْ سَڧُوانْسَ دَيَثٜىٰ «نِے يَهْوٜىٰهْ إِنَ تَرٜىٰدَكُو؞»

14تَهَكَ يَهْوٜىٰهْ يَمُواْڟَ ذُوثِيَارْ ظٜىٰرُبَّبٜىٰلْ طَنْ شٜىٰيَلْتِيٜىٰلْ ڠُومْنَنْ يَهُودَ دَ ذُوثِيَارْ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ دَ كُمَ ظُكَاتَنْ دُكَنْ ضَغُواْوَرْ جَمَعَرْ؞ سَيْ دُكَنْسُ سُكَذُواْ سُكَ كَامَ عَيْكِنْ غِنِنْ غِدَنْ يَهْوٜىٰهْ مَيْ ضُنْدُنَا وَنْدَ شِينٜىٰ اللَّهْ نْسُ؞

15سُنْ ڢَارَ عَيْكِنْ أَ رَانَ تَعَشِرِنْ دَ حُطُ غَ وَتَنْ شِدَ عَثِكِنْ شٜىٰكَرَا تَبِيُ تَمُلْكٍ سَرْكِے دَرِيُسْ؞

Jump to: Chapter 2 →