Haggai 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to:

1أَوَتَنْ بَݣَويْ، أَ رَانَ تَعَشِرِنْ دَ طَيَ، سَيْ يَهْوٜىٰهْ يَيِ مَغَنَ تَبَاكِنْ أَنَّبِے هَغَّيْ ثٜىٰوَ

2«كَيِ مَغَنَ دَ ظٜىٰرُبَّبٜىٰلْ طَنْ شٜىٰيَلْتِيٜىٰلْ ڠُومْنَنْ يَهُودَ دَ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ دَ كُمَ دُكَنْ ضَغُواْوَرْ جَمَعَرْ؞ كَتَمْبَيٜىٰسُ كَثٜىٰ،

3‹وَنٜىٰنٜىٰ يَضَغٜىٰ دَ رَيْ عَثِكِنْكُ دَ يَغَ وَنَّنْ غِدَنْ يَهْوٜىٰهْ دَ طَوْكَكَرْسَ تَدَا؟ تُواْ، يَيَ كُكٜىٰ غَنِنْسَ عَيَنْظُ؟ أَغَنِنْكُ بَعَبَاكِنْ كُواْمٜىٰ يَكٜىٰ بَ، كُواْ بَهَكَبَ؟

4عَمَّا يَنْذُ كُيِ ڧَرْڢِنْ ذُوثِيَا، كَيْ ظٜىٰرُبَّبٜىٰلْ دَكَيْ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ؞ كُيِ ڧَرْڢِنْ ذُوثِيَا، يَا كُو جَمَعَرْ ڧَسَرْ، إِنْجِ يَهْوٜىٰهْ ؞ كُيِ عَيْكِ، غَمَا نِے يَهْوٜىٰهْ مَيْ ضُنْدُنَا إِنَ تَرٜىٰدَكُو؞

5سَعَدَّ كُكَ ڢِتَ دَغَ ڧَسَرْ مَصَرْ نَيِمُكُ أَلْڧَوَرِ ثٜىٰوَ رُوحُنَ ذَيْ كَسَنْثٜىٰ تَرٜىٰدَكُو؞ حَكَ كُوَ يَكٜىٰ هَرْوَيَوْ، سَبُواْدَ حَكَ كَدَ كُجِڟُواْرُواْ؞›

6«غَمَا إِنْجِ يَهْوٜىٰهْ مَيْ ضُنْدُنَا ، ‹بَ دَ جِمَاوَابَ، ذَنْ سَاكٜىٰ غِرْغِظَ كُواْمٜىٰ، سَمَ دَ ڧَسَا، تٜىٰكُ دَ بُوسَشِّيَرْ ڧَسَا؞

7ذَنْ غِرْغِظَ دُكَنْ ڧَسَاشٜىٰنْ أَلْعُمَّيْ، ذَاسُ كُوَ كَٰوُاْ أَرْزِڧِنْسُ أَ غِدَانَ؞ ذَنْ كُوَ ثِكَ غِدَنَّنْ دَ طَوْكَكَ،› إِنْجِ يَهْوٜىٰهْ مَيْ ضُنْدُنَا ؞

8‹أَيْ، أَظُرْڢَا تَاوَثٜىٰ، ظِينَارِيَ كُمَ تَاوَثٜىٰ،› إِنْجِ يَهْوٜىٰهْ مَيْ ضُنْدُنَا ؞

9‹طَوْكَكَرْ سَابُوانْ غِدَنْ ذَاتَڢِ تَ غِدَانَ تَدَا،› إِنْجِ يَهْوٜىٰهْ مَيْ ضُنْدُنَا ؞ ‹أَوَنَّنْ وُرِے كُوَ ذَنْ كَٰوُاْ أَلْبَرْكَ دَ سَلَمَ،› إِنْجِ يَهْوٜىٰهْ مَيْ ضُنْدُنَا ؞»

10أَ رَانَ تَعَشِرِنْ دَ حُطُ غَ وَتَنْ تَرَ، عَثِكِنْ شٜىٰكَرَا تَبِيُ تَمُلْكٍ دَرِيُسْ، سَيْ يَهْوٜىٰهْ يَيِ مَغَنَ تَبَاكِنْ أَنَّبِے هَغَّيْ ثٜىٰوَ

11«إِنْجِ يَهْوٜىٰهْ مَيْ ضُنْدُنَا ، كَتَمْبَيِ ڢِرِسْتُواْثِے رَعَيِنْسُ غَمٜىٰدَ وَنَّنْ دُواْكَا؞

12كَثٜىٰ، ‹عِدَنْ مُتُمْ يَنَ رِڧٜىٰ دَ نَامَنْ دَ عَكَ كٜىٰٻٜىٰ مَيْ ڟَرْكِے أَ رِغَرْسَ، عِدَنْ رِغَرْ تَتَٻَ غُرَاسَ، كُواْ دَڢَڢّٜىٰنْ عَبِنْثِ، كُواْ ضُوً إِنَبِے، كُواْ مَيْ، كُواْ كُواْوَنٜىٰ عَبِنْثِ، وَنَّنْ ذَيْ ڟَرْكَكٜىٰ أَبِنْدَ رِغَرْ تَتَٻَ؟› » سَيْ ڢِرِسْتُواْثِنْ سُكَ أَمْسَ سُكَثٜىٰ «أَعَ، بَذَيْ ڟَرْكَكُبَ؞»

13سَعَنً هَغَّيْ يَثٜىٰ «تُواْ، عِدَنْ مُتُمْ دَ يَڧَظَنْتَرْ دَكَنْسَ تَوُرِنْ تَٻَ غَاوَا، يَتَٻَ وَنِ دَغَ ثِكِنْ وَطَنَّنْ أَبُبُوَ، كُواْ ذَاسُ ڧَظَنْتُ؟» سَيْ ڢِرِسْتُواْثِنْ سُكَ أَمْسَ «عِ، ذَاسُ ڧَظَنْتُ؞»

14سَعَنً هَغَّيْ يَأَمْسَ مُسُ يَثٜىٰ «تُواْ، إِنْجِ يَهْوٜىٰهْ ، ‹حَكَ يَكٜىٰدَ مُتَنٜىٰنَّنْ دَ كُمَ أَلْعُمَّرْ نَنْ دَتَكٜىٰ أَغَبَنَ؞ حَكَ يَكٜىٰ مَا دَ دُكْ عَيْكِنْ حَنُّوَنْسُ دَ دُكْ أَبِنْدَ سُكَ مِيڧَ هَدَايَ، دُكَنْسُ سُنْ ڧَظَنْتُ؞

15« ‹تُواْ، سَيْ كُدُوبِے رَايُوَرْكُ دَغَ يَنْذُ ذُوَا نَنْ غَبَ؞ كَاڢِنْ مَا كُكَ ڢَارَ سَا دُوڟٜىٰ بِسَ وَنِ دُوڟٜىٰ نَغِنَ غِدَنْ يَهْوٜىٰهْ ، يَيَ رَايُوَرْكُ تَكٜىٰ؟

16كُكَنْجٜىٰ وُرِنْ تُلِنْ حَڟِ دَ سَا رَيْ ثٜىٰوَ ذَاكُ عَوْنَ حَڟِ مُودُ عَشِرِنْ، عَمَّا سَيْ كُتَرَرْ دَ مُودُ غُواْمَ كَثَلْ! كُكَنْ تَڢِے طِبَنْ ضُوً إِنَبِے دَ سَا رَيْ ذَاكُ سَامِ لِتَ طَرِے دَغَ تُلُنْسَ، عَمَّا سَيْ كُتَرَرْ دَ لِتَ أَرْبَعِنْ كَثَلْ!

17نَا سَوْكَرْ مُكُ دَ إِسْكَ مَيْ ذَاڢِ تَسَا أَمْڢَانِنْ غُواْنَرْكُ يَيَنْڨُونٜىٰ دَ ڢُمْڢُنَ دَ ڧَنْڧَرَ عَكَنْ غُواْنَكِنْكُ، دُكْدَهَكَ بَكُ كُواْمُواْ وُرِينَبَ،› إِنْجِ يَهْوٜىٰهْ ؞

18‹تُواْ، سَيْ كُدُوبِے رَايُوَرْكُ دَݣَوْ دَغَ يَنْذُ ذُوَا نَنْ غَبَ، وَتُواْ دَغَ رَانَ تَعَشِرِنْ دَ حُطُ غَ وَتَنْ تَرَ، رَانَرْ دَ عَكَ كَڢَ تُوشٜىٰنْ غِنِنْ غِدَنْ يَهْوٜىٰهْ ؞ إِنَ سُواْ كُيِ تُنَانِ غَمٜىٰدَ وَنَّنْ تَمْبَيَ؞

19بَابُ سَوْرَنْ إِرِنَّهَڟِ أَ ضُمْبُنَنْكُ، تُنْدَ عَكَيِ شُوكَ؞ يَنْذُ عِتَتُوَنْ إِنَبِنْكُ دَ عِتَتُوَنْ ٻَوْرٜىٰ دَ نَرُمَّنْ دَ نَظَيْتُنْ، بَذَاسُ ثِيغَبَدَ بَادَ أَمْڢَانِ مَرَرْ ݣَوْبَ؞ عَمَّا دَغَ وَنَّنْ رَانَ حَرْ ذُوَا نَنْ غَبَ، لَلَّيْ ذَنْسَا مُكُ أَلْبَرْكَرْ أَمْڢَانِنْ غُواْنَ مَيْݣَوْ؞› »

20سَعَنً يَهْوٜىٰهْ يَسَاكٜىٰيِنْ مَغَنَ دَ أَنَّبِے هَغَّيْ أَ رَانَ تَعَشِرِنْ دَ حُطُنَّنْ غَ وَتَنْ تَرَ دَ ثٜىٰوَ

21«كَيِ مَغَنَ دَ ظٜىٰرُبَّبٜىٰلْ ڠُومْنَنْ يَهُودَ كَثٜىٰ مَسَ، ‹ذَنْ غِرْغِظَ سَمَ دَ ڧَسَا؞

22ذَنْ كُمَ تُمْٻُكٜىٰ مُلْكٍ ڧَسَاشٜىٰ؞ إِنَ سُواْ إِنْ كَرْيَ ڧَرْڢِنْ مُلْكٍ ڧَسَاشٜىٰنْ أَلْعُمَّيْ، ذَنْ كُمَ تُمْٻُكٜىٰ كٜىٰكُنَنْ دُواْكِ دَ مَاسُ هَوَنْسُ؞ دَوَكِ ذَاسُ ڢَاطِ، مَاسُ هَوَنْسُ كُمَ ذَاسُ كَكَّشٜىٰ جُونَ دَ تَكُبَ؞›

23يَهْوٜىٰهْ مَيْ ضُنْدُنَا يَثٜىٰ، ‹أَ رَانَرْ نَنْ، يَا ظٜىٰرُبَّبٜىٰلْ طَنْ شٜىٰيَلْتِيٜىٰلْ بَاوَنَ، ذَنْ طَوْكٜىٰكَ إِنْسَا كَذَمَ كَمَرْ ذُواْبٜىٰنْ هَاتِمِنَ، كَمَرْ يَدَّ سَرْكِے يَكٜىٰيِنْ أَمْڢَانِ دَ ذُواْبٜىٰنْ هَاتِمِنْ مُلْكِنْسَ، غَمَا نَا ذَاٻٜىٰكَ نَمُسَمَّنْ،› إِنْجِنِ يَهْوٜىٰهْ مَيْ ضُنْدُنَا ؞»

← Chapter 1 Jump to: