Jeremiah 51

Hausa Arabic 2020 (أَتَّوْرَتْ دَ أَنَّبَاوَا)

1إِنْجِ يَهْوٜىٰهْ ، «غَاشِ، ذَنْ كَٰوُاْ رُوحُ مَيْ هَلَّكَرْوَ عَكَنْ بَابِيلَ دَ مَذَوْنَنْ كَلْدِيَ؞

2ذَنْ عَيْكَ دَ بَاڧِ سُوَرْوَاڟَرْ دَ بَابِيلَ، كَمَرْ دَ مَتَنْكَطِ؞ ذَاسُبَرْ ڧَسَرْ بَا كُواْمٜىٰ عَثِكِ، ذَاسُذُواْ سُڢَاطَ مَتَ عَكُواْوَنٜىٰ غٜىٰڢٜىٰ أَ رَانَرْ مَسِيڢَرْ نَنْ؞

3ذَنْ عُمَرْثِ أَبُواْكَنْ غَابَنْ بَابِيلَ، ‹كَدَ عَبَرْ مَيْ بَكَ يَيِ هَرْبِے دَ بَكَنْسَ، كُواْ عَبَرْ سُواْجُواْجِنْسُ سُسَا كَايَنْ يَاڧِنْسُ؞ كَدَ عَبَرْ سَمَارِنْتَ دَ رَيْ، أَ هَلَّكَرْ دَ دُكَنْ سُواْجُواْجِنْ بَابِيلَ!›

4ذَاعَ سُواْسُّواْكٜىٰسُ عَتِيتُنَنْ بَابِيلَ، سُڢَاطِ مَتَتُّو عَڧَسَرْ كَلْدِيَاوَا؞

5غَمَا نِے يَهْوٜىٰهْ مَيْ ضُنْدُنَا ، بَنْ يَاشٜىٰ إِسْرَٰٓءِيلَ دَ يَهُودَ بَ؞ نِے اللَّهْ نْسُ نٜىٰ، كُواْدَيَكٜىٰ ڧَسَرْسُ تَثِكَ دَ ذُنُوبِ، ذُنُوبِنْ دَ سُكَيِ مِنِ، نِے مَيْ ڟَرْكِے نَ إِسْرَٰٓءِيلَ؞

6«كُغُدُ دَغَ ثِكِنْ بَابِيلَ، كُواْوَ يَيِ غُدُنْ ڟِيرَرْ دَ رَنْسَ! كَدَ أَ هَلَكَاكُ ثِكِنْ حُكُنْثِنْ لَيْڢِنْ بَابِيلَ! غَمَا لُواْكَثِنَّنْ نٜىٰ دَ يَهْوٜىٰهْ ذَيْسَاكَ مَتَ، ذَيْ يِ رَامُوَا عَكَنْتَ بِسَغَ أَيُّكَنْتَ؞

7أَ دَا بَابِيلَ كَمَرْ ݣُوڢْ نَظِينَارِيَثٜىٰ أَ هَنُّونَ، نِے يَهْوٜىٰهْ ؞ تَا سَا دُكَنْ دُونِيَا تَبُغُ، أَلْعُمَّنْ دُونِيَا سُنْ شَا ضُوً إِنَبِنْتَ سُكَ هَوْكَثٜىٰ؞

8بَا لَابَرِ بَابِيلَ تَڢَاطِ تَكَكَّرْيٜىٰ، كُيِ كُوكَا دُواْمِنْتَ! كُسَامُواْ مَتَ مَاغَنِ دُواْمِنْ رَوْنِنْتَ، وَتَڧِيلَ ذَاتَوَرْكٜىٰ؞

9بَاڧِ مَاسُ ذَمَ عَ بَابِيلَ سُنْثٜىٰ، ‹مُنْيِ ڧُواْڧَرِ مُوَرْكَرْدَ بَابِيلَ، عَمَّا بَتَوَرْكٜىٰبَ؞ مُڨَلٜىٰتَ، كُواْوَ يَكُواْمَ ڧَسَرْسَ، غَمَا حُكُنْثِنْتَ يَيِيَوَ حَرْ لَابَرِنْ يَكَيْ كُواْعِنَ عَدُونِيَا، حَرْ سَمَ يَجِ يَدَّ حُكُنْثِنْتَ يَكَسَنْثٜىٰ؞› »

10مُتَنٜىٰنْ يَهْوٜىٰهْ سُنْ تَادَ مُرْيَ سُنْثٜىٰ، «يَنْذُ يَهْوٜىٰهْ يَا ڢَطَا أَ ڢِيلِ مُو مَرَسَ لَيْڢِے نٜىٰ، ذُواْ مُيِ شٜىٰلَرْ أَيُّكَنْ يَهْوٜىٰهْ اللَّهْ نْمُ أَ سِهِيُواْنَ!»

11شُوغَبَنِّنْ سُواْجُواْجِ سُنْثٜىٰ، «كُوَاسَ كِبِيُواْيِنْكُ! كُشِرْيَ غَرْكُوُاْيِنْكُ! يَهْوٜىٰهْ يَا تَادَ رُوحٌ سَرَاكُنَنْ مٜىٰدِيَ، غَمَا شِرِنْسَ عَكَنْ بَابِيلَ شِينٜىٰ هَلَّكَرْوَ، غَمَا وَنَّنْ رَامُوَرْ يَهْوٜىٰهْ ثٜىٰ، رَامُوَا سَبُواْدَ أَنْرُشٜىٰ هَيْكَلِنْسَ؞

12كُتَادَ تُوتَ كُڢَارَ رُشٜىٰ كَتَنْ‌غَرْ بِرْنِنْ بَابِيلَ! كُڧَارَ ڧَرْڢِنْ مَاسُ غَادِ، كُكَكَّڢَ مَاسُ غَادِ أَوُرَارٜىٰنْسُ، كُشِرْيَ مَاسُ ݣُونْتُوانْ ٻَوْنَ!» غَمَا يَهْوٜىٰهْ يَاشِرْيَ يَكُمَ عَيْكَتَ دُكَنْ أَبِنْدَ يَڢَطَا عَكَنْ مَذَوْنَنْ بَابِيلَ؞

13يَا كٜىٰ دَ كِكٜىٰ ذَمَ كُسَدَ عِنْدَ أَݣَويْ ضُوَ مَيْ يَوَ، كٜىٰ دَ كِكٜىٰ مَيْ يَوَنْ دُوكِيَ، ڧَرْشٜىٰنْكِ يَذُواْ، لُواْكَثِ يَيِ دَ ذَاعَ يَنْكٜىٰ ثِبِيَرْ رَايُوَرْكِ؞

14يَهْوٜىٰهْ مَيْ ضُنْدُنَا يَرَنْڟٜىٰ دَ كَنْسَ يَثٜىٰ، ذَيْثِكَ بَابِيلَ دَ سُواْجُواْجِنْ أَبُواْكَنْ غَابَنْتَ، ذَاسُيِيَوَ كَمَرْ ڧُنْ‌غِيَرْ ڢَارِ، ذَاسُ تَادَ مُرْيَرْ نَصَرَا عَكَنْتَ؞

15اللَّهْ نٜىٰ، يَيِ ڧَسَا تَوُرِنْ إِيكُوانْسَ، يَكَڢَ دُونِيَا تَوُرِنْ حِكِمَرْسَ، يَشِمْڢِطَا سَمَّيْ تَوُرِنْ غَانٜىٰوَرْسَ؞

16دَجِنْ مُرْيَرْسَ، ضُوَيٜىٰنْ سَمَ سُكَنْيِ رُورِ؞ يَكَنْ تَادَ غِذَغِظَيْ دَغَ إِيَاكَرْ دُونِيَا، يَكَنْ عَيْكُواْ دَ وَلْڧِيَ تَرٜىٰدَ ضُوً سَمَ، يَكَنْ كُمَ ڢِتَرْدَ إِسْكَ دَغَ طَاكِنْ أَجِيَرْسَ؞

17دَ غَنِنْ وَنَّنْ، مُتَنٜىٰ سُنْ غَانٜىٰ سُو مَرَرْ تُنَانِ نٜىٰ مَرَرْ سَنِ كُمَ؞ كُواْوَنٜىٰ مَڧٜىٰرِنْ ظِينَارِيَ يَشَا كُنْيَا سَبُواْدَ غُمَكَنْسَ، غَمَا صِڢَّرْدَ يَڧٜىٰرَ أَبِنْ رُوطُ نٜىٰ، بَابُ نُمْڢَشِ عَثِكِنْتَ؞

18غُمَكَ أَبِنْ بَنْظَنٜىٰ، أَبُبُوَنْ بَعَنٜىٰ كَوَيْ؞ أَ لُواْكَثِنْ دَ ذَاعَ حُكُنْتَسُ، ذَاسُ هَلَّكَ؞

19عَمَّا اللَّهْ نَ إِسْرَٰٓءِيلَ، وَنْدَ شِينٜىٰ رَبُوانْ دَ ذُرِيَرْ يَعْڧُوبَ تَكٜىٰدَ شِ، بَكَمَرْ وَطَنَّنْبَ؞ غَمَا شِينٜىٰ مَيْ صِڢَّتَا دُكَنْ كُواْمٜىٰ، إِسْرَٰٓءِيلَ كُوَ عِتَثٜىٰ ذُرِيَرْسَ تَغَادُواْ؞ سُونَنْسَ يَهْوٜىٰهْ مَيْ ضُنْدُنَا نٜىٰ؞

20يَهْوٜىٰهْ يَثٜىٰ، «بَابِيلَ، كٜىٰ غُدُمَ تَاوَثٜىٰ، كَايَنْ يَاڧِنَ، دَكٜىٰ نَڢَرْڢَسَ أَلْعُمَّنْ دُونِيَا، دَكٜىٰ نَهَلَّكَ مُلْكُواْكِ؞

21دَ كٜىٰ نَڢَرْڢَسَ دُواْكِ دَ مَيْ هَوَنْسَ، دَكٜىٰ نَڢَرْڢَسَ كٜىٰكٜىٰنْ دُواْكِ دَ مَيْ هَوَنْسَ؞

22دَ كٜىٰ نَڢَرْڢَسَ مِجِ دَ مَثٜىٰ، دَكٜىٰ نَڢَرْڢَسَ ڟُواْهُواْ دَ سَوْرَيِ، دَكٜىٰ نَڢَرْڢَسَ سَوْرَيِ دَ يَارِنْيَ؞

23دَ كٜىٰ نَڢَرْڢَسَ مَيْ كِيوُاْ دَ غَرْكٜىٰنْسَ، دَكٜىٰ نَڢَرْڢَسَ مَنُواْمِ دَ شَانُنْ نُواْمَنْسَ، دَكٜىٰ نَڢَرْڢَسَ ڠُومْنُواْنِ دَ دَتَّاوَا؞

24«أَ عِدُوانْكُ ذَنْيِ رَامُوَا عَكَنْ بَابِيلَ دَ عَكَنْ دُكَنْ مَذَوْنَنْ كَلْدِيَ، سَبُواْدَ دُكَنْ مُغُنْتَارْ دَسُكَ عَيْكَتَ أَ سِهِيُواْنَ؞ نِے يَهْوٜىٰهْ نَا ڢَطَا؞

25غَاشِ، يَا كٜىٰ بَابِيلَ، بَبَّنْ دُواْدُواْ مَيْ هَلَّكَرْوَ، مَيْ هَلَّكَرْ دَ دُكَنْ دُونِيَا، ذَنْ مِيڧَ هَنُّونَ نَغَابَادَكٜىٰ، ذَنْ تُورَكِ كِغَنْ‌غَرَ دَغَ سَمَنْ تُدُ حَرْ ڧَسَا، ذَنْ ڧُواْنٜىٰكِ كِذَمَ تُلِنْ تُواْكَ؞

26يَا كٜىٰ بَابِيلَ، عَثِكِنْكِ بَذَاعَ سَامِ دُوڟٜىٰ مَيْ أَمْڢَانِ عَݣُونَرْ غِنِبَ، كُواْ مَا أَ سَامِ دُوڟٜىٰ نَكَڢَ تُوشٜىٰنْ غِنِ، غَمَا بَابِيلَ ذَاتَ ذَمَ كُڢَيْ، وُرِے مَرَرْ أَمْڢَانِ حَرْ أَبَدَا؞ نِے يَهْوٜىٰهْ نَا ڢَطَا؞

27«كُتَادَ تُوتَ عَڧَسَرْ، كُبُوسَ وَ أَلْعُمَّنْ دُونِيَا ڧَهُواْ؞ كُشِرْيَ أَلْعُمَّيْ دُواْمِنْ سُيِيَاڧِ دَ عِتَ، كُكِرَوُاْ مُلْكُواْكِنَّنْ سُڢَاطُواْ مَتَ دَ يَاڧِ، كُكِرَا أَرَرَاتْ دَ مِنِّ دَ أَشْكٜىٰنَزْ؞ كُسَا سَرْكِنْ يَاڧِ يَجَغُواْرَنْثِ سُواْجُواْجِ عَكَنْتَ، كُسَا دَوَكِ سُٻُلُّواْ كَمَرْ ڧُنْ‌غِيَرْ ڢَارِ؞

28كُشِرْيَ أَلْعُمَّيْ سُيِ يَاڧِ دَ عِتَ، كُشِرْيَ سَرَاكُنَنْ مٜىٰدِيَاوَا، دَ ڠُومْنُواْنِنْسُ دَ دُكَنْ دَتَّاوَنْسُ، دَ كُواْوَثٜىٰ ڧَسَرْدَ تَكٜىٰ ڧَرْڧَشِنْ مُلْكِنْسُ؞

29ڧَسَرْ تَغِرْغِظَ، تَنَ ضَوَ سَبُواْدَ عَذَابَ، غَمَا يَهْوٜىٰهْ ذَيْثِكَ شِرِنْسَ عَكَنْ بَابِيلَ، شِرِ نَامَيْدَ عِتَ كُڢَيْ عِنْدَ بَابُ كُواْوَ؞

30مَاسُ عِيَ يَاڧِ نَ بَابِيلَ سُنْ دَيْنَ يَاڧِ، سُنَ ظَوْنٜىٰ عَثِكِنْ وُرَارٜىٰنْسُ نَكَتَنْ‌غَ، ڧَرْڢِنْسُ يَڧَارٜىٰ، سُنْ ذَمَ كَمَرْ مَاتَا؞ أَنْ سَا وَوُرَارٜىٰنْ ذَمَنْ بَابِيلَ وُتَا، أَنْكَرْيَ سَنْدُنَنْ ڧَرْڢٜىٰ نَڧُواْڢُواْڢِنْ بِرْنِنْ؞

31یَنْ كَدَتَݣُونَ سُنَ تَبِنْ جُونَ، طَنْ عَيْكَ يَنَ بِنْ طَنْ عَيْكَ أَغُجٜىٰ، دُواْمِنْ سُكَيْوَ سَرْكِنْ بَابِيلَ سَڧُواْ ثٜىٰوَ أَنْكَامَ بِرْنِنْسَ عَكُواْوَنٜىٰ غٜىٰڢٜىٰ؞

32أَنْ ڨُوثٜىٰ دُكَنْ وُرَارٜىٰنْ ڧٜىٰتَرٜىٰ كُواْغِ، أَنْسَا وَڢَدَمُ وُتَا، سُواْجُواْجِ سُنْ ڢِرْغِتَ؞

33إِنْجِنِ يَهْوٜىٰهْ مَيْ ضُنْدُنَا ، اللَّهْ نَ إِسْرَٰٓءِيلَ، ذُوثِيَاتَ بَابِيلَ كَمَرْ وُرِنْ بُغُنْ حَڟِنٜىٰ، عِنْدَ أَنْرِغَا أَنْشِرْيَ حَڟِ دُواْمِنْ عَبُغَ بَدَ دَطٜىٰوَبَ لُواْكَثِنْ بُغُنْ بَابِيلَ ذَيْذُواْ؞»

34مُتَنٜىٰنْ عُرُوشَلِيمَ سُنْثٜىٰ، «سَرْكِے نٜىٰبُكَدْنٜىٰزَّرْ يَثِنْيٜىٰمُ، يَمُرْڧُشٜىٰمُ، يَهَطِيٜىٰمُ كَمَرْ يَدَّ دُواْدُوانْ ضُوَ يَكَنْيِ، يَثِكَ ثِكِنْسَ دَ عَبِنْثِ مَيْ دَاطِے؞ يَبَرْ تُكُنْيَ مَرَرْ كُواْمٜىٰ، يَوَنْكٜىٰ تُكُنْيَرْ سَرَيْ يَظُبَرْ؞»

35بَرِ مَذَوْنَنْ سِهِيُواْنَ سُثٜىٰ، « اللَّهْ يَسَا ٻَرْنَرْ دَ بَابِيلَ تَيِ مِنِ دَ ظُرِيَاتَ تَكُواْمَ عَكَنْتَ!» بَرِ كُمَ مَذَوْنَنْ عُرُوشَلِيمَ سُثٜىٰ، « اللَّهْ يَسَا أَلْحَكِنْ جِنِنْمُ يَكُواْمَ عَكَنْ مَذَوْنَنْ كَلْدِيَ!»

36إِنْجِ يَهْوٜىٰهْ ، «حَڧِيڧَ، ذَنْ ڟَيَ مُكُ، إِنْ رَامَ مُكُ، ذَنْسَا تٜىٰكُنْ بَابِيلَ تَبُوشٜىٰ، ذَنْسَا مَٻُٻُّغَرْ ضُوَنْتَ سُشَنْيٜىٰ؞

37بَابِيلَ ذَاتَ ذَمَ تُلِنْ بُواْلَ، وُرِنْ ذَمَنْ كَرْنُكَنْ دَاجِ، أَبِنْ ڟُواْرُواْ دَ أَبِنْ جَنْ ڟَكِ عِنْدَ بَا كُواْوَ؞

38مُتَنٜىٰنْ بَابِيلَ ذَاسُيِ رُورِ كَمَرْ ذَاكُواْكِ، ذَاسُيِ كُوكَا كَمَرْ یَیَنْ ذَاكِ؞

39سَعَدَّ يُنْوَ تَكٜىٰ ثِنْيٜىٰسُ، ذَنْ شِمْڢِطَا مُسُ عَبِنْثِنْ بِكِ، إِنْسَا سُشَا سُبُغُ، حَرْ يَشَا كَنْسُ؞ ذَاسُ كُوَ شِغَ بَرْثِ، بَرْثِنْ دَ بَذَاسُ سَاكٜىٰ ڢَرْكَاوَا دَغَ ثِكِيبَ؞

40ذَنْ غَنْ‌غَرَرْ دَسُو وُرِنْ يَنْكَ كَمَرْ یَنْ رَغُنَ دَ رَغُنَ دَ بُنْسُرَيْ؞

41«دُوبَ يَدَّ عَكَثِ بَابِيلَ دَ يَاڧِ، بَابِيلَ، أَبِنْ تَاڧَمَ غَ دُونِيَا دُكَ! أَنْ ڨُوثٜىٰ بَابِيلَ، تَذَمَ أَبِنْ ڟُواْرُواْ غَ سَوْرَنْ أَلْعُمَّيْ!

42تٜىٰكُ تَتَاشِ تَرُڢٜىٰ بَابِيلَ، رَاڧُمَنْ ضُوَ مَاسُ هَوْكَ سُنْ رُڢٜىٰتَ؞

43غَرُرُوَنْتَ سُنْ ذَمَ كُڢَيْ، بُوسَشِّيَرْ ڧَسَا دَ كُمَ هَمَادَ، ڧَسَا عِنْدَ بَابُ مَيْ ذَمَ عَثِكِ، بَابُ كُمَ طَنْ أَدَمْ وَنْدَ ذَيْبِے تَثِكِنْتَ؞

44ذَنْحُكُنْتَ بٜىٰلْ اللَّهْ‌نْ بَابِيلَ، ذَنْسَا بٜىٰلْ يَيِ أَمَنْ أَبِنْدَ يَهَطِيٜىٰ؞ أَلْعُمَّيْ بَذَاسُ سَاكٜىٰ غُدُ ذُوَا وُرِنْسَبَ؞ عِ، بَابُ شَكَّ كَتَنْ‌غَرْ بَابِيلَ ذَاتَ رُشٜىٰ؞

45«يَا كُو مُتَنٜىٰنَ، كُڢِتَ دَغَ ثِكِنْ بَابِيلَ! كُواْوَ يَيِ غُدُنْ ڟِيرَرْ دَ رَنْسَ، كُغُدُ دَغَ ذَاڢِنْ ڢُشِنْ يَهْوٜىٰهْ!

46كَدَ كُڢِدَّ ذُوثِيَا كُواْ كُجِڟُواْرُواْ سَبُواْدَ جِيتَ جِيتَرْ دَ عَكٜىٰجِ عَڧَسَرْ؞ جِيتَ جِيتَرْ وَنَّنْ شٜىٰكَرَا دَبَمْ، نَوَنْثَنْ شٜىٰكَرَا كُمَ دَبَمْ، جِيتَ جِيتَرْ تَاشِنْ حَنْكَلِ عَڧَسَرْ، وَنَّنْ سَرْكِے يَتَاشِ غَابَادَ وَنْثَنْ سَرْكِے؞

47«حَڧِيڧَ، ݣُونَكِے سُنَ ذُوَا عِنْدَ ذَنْ حُكُنْتَ غُمَكَنْ بَابِيلَ؞ دُكَنْ ڧَسَرْ بَابِيلَ، ذَاعَ كُنْيَتَرْ دَ عِتَ، مُتَنٜىٰنْتَ ذَاسُ ݣُونْتَ مَتَتُّو كُواْعِنَ عَڧَسَرْ؞

48سَمَ دَ ڧَسَا دَ دُكَنْ أَبِنْدَ يَكٜىٰ ثِكِنْسُ ذَاسُيِ إِيهٌ ڢَضٍ ثِكِ، غَمَا مَاسُ هَلَّكَ ذَاسُذُواْ مَتَ دَغَ أَرٜىٰوَ؞ نِے يَهْوٜىٰهْ نَا ڢَطَا؞

49عِ، بَابِيلَ ذَاتَ ڢَاطِ، سَبُواْدَ مُتَنٜىٰنْ إِسْرَٰٓءِيلَ وَطَنْدَ تَكَشٜىٰ، يَدَّ دُكَنْ وَطَنْدَ عَكَ كَشٜىٰ عَدُونِيَا، سُكَ ڢَاطِ تَوُرِنْ بَابِيلَ؞

50كُو مَاسُ غُدُنْ ڟِيرَا دَغَ تَكُواْبِے، كُغُدُ! كَدَ كُڟَيَ! كُتُنَ دَ يَهْوٜىٰهْ ، كُواْدَيَكٜىٰ كُنَ عَڧَسَا مَيْ نِيسَ، كُكُمَيِ تَتُنَاوَ دَ عُرُوشَلِيمَ؞»

51«مُو مُتَنٜىٰنْ يَهُودَ مُنْ شَا كُنْيَا، غَمَا أَنَ ذَاغِنْمُ، كُنْيَا تَارُڢٜىٰ ڢُسْكُواْكِنْمُ، غَمَا بَاڧِ سُنْ شِغَ ثِكِنْ وُرَارٜىٰ مَاسُ ڟَرْكِے نَغِدَنْ يَهْوٜىٰهْ!»

52«حَڧِيڧَ، ݣُونَكِے سُنَ ذُوَا عِنْدَ ذَنْ حُكُنْتَ غُمَكَنْ بَابِيلَ، كُواْعِنَ عَڧَسَرْتَ كُمَ مَاسُ رَوْنِ ذَاسُيِ نِيشِ؞ نِے يَهْوٜىٰهْ نَا ڢَطَا؞

53كُواْ دَ بَابِيلَ ذَاتَ هَوْ سَمَانِيَ، تَغِنَ كَتَنْ‌غَ مَيْ ڧَرْڢِے عَثَنْ، دُكْدَهَكَ ذَنْ عَيْكَ مَتَ دَ مَاسُ هَلَّكَرْوَ؞ نِے يَهْوٜىٰهْ نَا ڢَطَا؞»

54«جِ! مُرْيَرْ كُوكَا دَغَ بَابِيلَ، ڧَارَرْ بَبَّرْ هَلَّكَ دَغَ ڧَسَرْ كَلْدِيَاوَا!

55غَمَا نِے يَهْوٜىٰهْ ذَنْ هَلَّكَ بَابِيلَ، إِنَ كُمَ كَٰوُاْ ڧَرْشٜىٰنْ ڧَارَرْ مُرْيَرْتَ؞ ڧَارَرْ ذُوَانْ سُواْجُواْجِنْ أَبُواْكَنْ غَابَنْتَ كَمَرْ رُورِنْ رَاڧُمَنْ ضُوَ نٜىٰ، أَنَجِنْ مُرْيُواْيِنْسُ كُواْعِنَ؞

56مَيْ هَلَّكَرْ دَ بَابِيلَ يَنَ ذُوَا مَتَ، أَنَ كَكَّامَ سُواْجُواْجِنْتَ، أَنَ كُمَ كَكَّرْيَ دُكَنْ بَكَنْسُ؞ غَمَا نِے يَهْوٜىٰهْ مَيْ رَامُوَنٜىٰ، ذَنْ كُوَ سَاكَ ثِكَكّٜىٰ؞

57ذَنْسَا شُوغَبَنِّنْتَ دَ مَاسُ حِكِمَرْتَ، دَ ڠُومْنُواْنِنْتَ دَ دَتَّاوَنْتَ دَ سُواْجُواْجِنْتَ، سُشَا سُبُغُ، ذَاسُ شِغَ بَرْثِ، بَرْثِنْ دَ بَذَاسُ سَاكٜىٰ ڢَرْكَاوَا دَغَ ثِكِيبَ؞ نِے سَرْكِے مَيْ سُونَ يَهْوٜىٰهْ مَيْ ضُنْدُنَا نَا ڢَطَا؞

58كَتَنْ‌غَ مَيْ ڢَاطِنَّنْ نَ بَابِيلَ، ذَاعَ رُشٜىٰتَ حَرْ ڧَسَا، ڧُواْڢُواْڢِنْتَ مَاسُ ڟَيِنَّنْ، ذَاعَ ڧُواْنٜىٰ دَ وُتَا؞ ڧُواْڧَرِنْ مُتَنٜىٰنْتَ ذَيْ ذَمَ عَبَنْظَ، ڧَبِيلُنْ دُونِيَا ذَاسُ غَاجِيَرْ دَ كَنْسُ عَبَنْظَ، غَمَا وُتَا ذَاتَ ثِنْيٜىٰ؞»

59غَا عُمَرْنَنْ دَ أَنَّبِے إِرْمِيَ يَبَا سٜىٰرَيَ طَنْ نٜىٰرِيَ جِيكَنْ مَعَسٜىٰيَ أَ شٜىٰكَرَا تَهُطُ تَمُلْكٍ سَرْكِے صَدِڧِيَ نَ يَهُودَ؞ سٜىٰرَيَ كُوَ يَتَڢِے بَابِيلَ تَرٜىٰدَ سَرْكِے صَدِڧِيَ؞ عَتَڢِيَرْ نَنْ، سٜىٰرَيَ شِينٜىٰ مَيْ لُورَ دَ وُرَارٜىٰنْ سَوْكَ دَ كُمَ عَبِنْثِ؞

60دَا مَا إِرْمِيَ يَارِغَا يَرُبُوتَ عَثِكِنْ نَطَطّٜىٰنْ لِتَّڢِ دُكَنْ مَسِيڢَرْ دَ ذَاتَ ڢَرُ دَ بَابِيلَ، وَتُواْ دُكَنْ مَغَنَرْ نَنْ دَ عَكَ رُبُوتَ غَمٜىٰدَ بَابِيلَ؞

61سَيْ إِرْمِيَ يَثٜىٰ وَ سٜىٰرَيَ «سَعَدَّ كَكَيْ بَابِيلَ، كَتَبَّتَرْ ثٜىٰوَ كَكَرَنْتَ دُكَنْ سَڧُواْنَّنْ كُواْوَ يَنَ جِ؞

62كَثٜىٰ، ‹يَا يَهْوٜىٰهْ ، كَيْ كَيِ مَغَنَ غَمٜىٰدَ وَنَّنْ وُرِے ثٜىٰوَ ذَاعَ كَوَرْ دَشِ، حَرْ بَا أَبِنْدَ ذَيْ ذَوْنَ عَثِكِ، كُواْ مُتُمْ، كُواْ دَبَّ؞ وُرِنْ ذَيْ ذَمَ كُڢَيْ حَرْ أَبَدَا؞›

63بَايَنْدَ كَڧَارٜىٰ كَرَنْتَ نَطَطّٜىٰنْ لِتَّڢِنْ، سَيْ كَطَوْرَ مَسَ دُوڟٜىٰ، كَجٜىٰڢَرْ دَشِ ثِكِنْ كُواْغِنْ يُڢِرٜىٰتِسْ؞

64سَعَنً كَثٜىٰ، ‹حَكَ بَابِيلَ ذَاتَ نُڟٜىٰ، بَذَاتَ ڧَارَ تَاشِبَ سَبُواْدَ مَسِيڢَرْ دَ يَهْوٜىٰهْ ذَيْ كَٰوُاْ مَتَ؞ مُتَنٜىٰنْتَ كُوَ ذَاسُمُتُ؞› » وَنَّنْ شِينٜىٰ ڧَرْشٜىٰنْ كَلْمُواْمِنْ أَنَّبِے إِرْمِيَ؞

← Chapter 50 Jump to: Chapter 52 →