Job 36

Hausa Arabic 2020 (أَتَّوْرَتْ دَ أَنَّبَاوَا)

← Chapter 35 Jump to: Chapter 37 →

1عٜىٰلِهُ يَثِيغَبَدَ مَغَنَ؞

2«يِمِنِ حَڧُرِ نَطَنْ لُواْكَثِ، نِے كُوَ ذَنْ نُونَ مَكَ، غَمَا حَرْ يَنْذُ إِنَدَ أَبِنْدَ ذَنْ ڢَطَا أَمَدَدِنْ اللَّهْ ؞

3دَغَ نٜىٰسَ ذَنْ تَتَّارُواْ سَنِنَ، ذَنْ كُمَيِ شٜىٰلَرْ أَدَلْثِنْ مَحَلِثِّنَ؞

4حَڧِيڧَ كَلْمُواْمِنَ بَ ڧَضْيَا بَنٜىٰ، مَيْ ثِكَكّٜىٰنْ سَنِ يَنَ تَرٜىٰدَكَيْ؞

5«غَاشِ، اللَّهْ مَيْ إِيكُواْ نٜىٰ، بَايَ رٜىٰنَ كُواْوَ، مَيْ إِيكُواْ نٜىٰ شِ، مَيْ ثِكَكّٜىٰنْ غَانٜىٰوَ؞

6بَايَ بَرِنْ مُوغُ يَثِيغَبَدَ رَايُوَا، عَمَّا يَكَنْ بَا وَطَنْدَ عَكٜىٰ دَنّٜىٰ مُسُ حَكِّنْسُ؞

7بَايَ كَوَرْدَ عِدُواْ دَغَ مَاسُ أَدَلْثِے، عَمَّا يَكَنْسَاسُ عَكُجٜىٰرَرْ مُلْكِ حَرْ أَبَدَا، يَكُمَسَا أَطَوْكَكَسُ؞

8عَمَّا عِدَنْ عَكَ طَوْرَسُ دَ سَرْڧُواْڧِ، عَكَ كُوَ كَامَسُ دَ إِغِيُواْيِنْ عَذَابَ،

9سَيْ يَسَنَرْ مُسُ أَبِنْدَ سُكَ عَيْكَتَ، دَ ذُنُبَنْ غَنْ‌غَنْثِنْسُ وَطَنْدَ سُكَ عَيْكَتَ ثِكِنْ غِرْمَنْ كَيْ؞

10يَكَنْسَا سُكَسَ كُنّٜىٰ غَ هُواْرَرْوَ، يَكَنْ عُمَرْثٜىٰسُ سُجُويُواْ دَغَ عَيْكَتَ مُغُنْتَا؞

11عِدَنْ سُكَجِ سُكَ كُمَ بَوْتَا مَسَ، ذَاسُثِكَ ݣُونَكِنْسُ ثِكِنْ أَلْبَرْكَ، شٜىٰكَرُنْسُ كُمَ ثِكِنْ جِنْ دَاطِے؞

12عَمَّا عِدَنْ بَسُ كَسَ كُنّٜىٰ بَ، ذَاعَ هَلَكَاسُ دَ تَكُواْبِے، سُمُتُ سَبُواْدَ جَاهِلْثِ؞

13مَرَسَ ڟُواْرُوانْ اللَّهْ سُكَنْ رِڧٜىٰ ڢُشِے أَ ذُوثِيَا، بَاسَ يِنْ كُوكَنْ نٜىٰمَنْ تَيْمَكُواْ سَعَدَّ اللَّهْ يَطَوْرٜىٰسُ دُواْمِنْ حُكُنْثِ؞

14عَثِكِنْ ڧُرُثِيَرْسُ سُكَنْ مُتُ، ڧَرْشٜىٰنْ رَايُوَرْسُ، سَيْ لَلَثِ كَمَرْ كَارُوَ؞

15يَكَنْ كُٻُتَرْدَ وَطَنْدَ سُكٜىٰ ثِكِنْ مَسِيڢَ، يَكَنْ بُوطٜىٰ كُنُّوَنْسُ تَوُرِنْ وَهَلَرْ دَسُكٜىٰ شَا؞

16عِ، كَيْ أَيُوبَ، اللَّهْ يَڢِتَرْ دَكَيْ دَغَ ثِكِنْ وَهَلَ، يَكَٰوُاْكَ أَوُرِے مَيْ ڢَاطِ عِنْدَ بَابُ مَڟِ، عَبِنْثِنْ دَ عَكَسَا مَكَ عَكَنْ تٜىٰبُرْ عَبِنْثِ نٜىٰ مَڢِے دَاطِے سُواْسَيْ؞

17«كَا دَامُ ڨُورَيْ دُواْمِنْ أَ حُكُنْتَ مُوغَيٜىٰ، شَرِيعَرْ غَسْكِيَ دَ حُكُنْثِ ذَاسُ تَبَّتُ؞

18كَلُورَ ڢَا، كَدَ أَرْزِڧِ يَجَا حَنْكَلِنْكَ، كَدَ كَبَرْ ثِنْ حَنْثِ يَجُويَ كَغَ يِنْ ذُنُوبِ؞

19أَرْزِڧِنْكَ بَذَيْ عِيَ رَبَكَ دَ وَهَلَبَ، دُكَنْ ڧَرْڢِنْكَ كُمَ بَذَيْ تَيْمَكٜىٰكَبَ؞

20كَدَ كَيِ مَرْمَرِنْ دَرٜىٰ، سَعَدَّ مُتَنٜىٰ سُكَ ٻَثٜىٰ دَغَ وُرِنْ ذَمَنْسُ؞

21كَلُورَ ڢَا، كَدَ كَسَ كَنْكَ غَ يِنْ مُغُنْتَا، غَمَا كَا ذَاٻِ يِنْ مُغُنْتَا ڢِيٜىٰدَ شَنْ عَذَابَ؞

22غَاشِ، طَوْكَكَرْ اللَّهْ تَا وُثٜىٰ مِصَالِ! وَنٜىٰنٜىٰ مَيْ عِيَ كُواْيَرْوَا كَمَرْسَ؟

23وَنٜىٰنٜىٰ ذَيْ نُونَاوَ اللَّهْ حَنْيَرْ دَ ذَيْبِے؟ وَنٜىٰنٜىٰ كُمَ ذَيْثٜىٰ، ‹كَيِ كُسْكُرٜىٰ›؟

24«تُنَ ڢَا، كَغِرْمَمَ عَيْكِنْسَ، وَنْدَ مُتَنٜىٰ سُكٜىٰيِنْ وَاڧَا عَكَيْ؞

25دُكَنْ یَنْ أَدَمْ سُنْ‌غَ عَيْكِنْسَ، كُواْوَنٜىٰ مُتُمْ يَنَ غَنِ دَغَ نٜىٰسَ؞

26حَڧِيڧَ، اللَّهْ دَ غِرْمَ يَكٜىٰسُواْسَيْ! بَمُ كُوَ سَنْ إِيَاكَرْ طَوْكَكَرْسَبَ، يَوَنْ شٜىٰكَرُنْسَ يَڢِ غَبَنْ بِنْثِكٜىٰ؞

27دَغَ سَمَ يَكَنْ جَٰوُاْ ضُوَ دَغَ ڧَسَا، يَمَيْدَشِ هَدَرِنْ ضُوً سَمَ،

28وَنْدَ يَكَنْ ظُبَرْدَ ضُوَ عَڧَسَا، يَظُبُواْ وَ یَنْ أَدَمْ دَ أَلْبَرْكَرْ ضُوَ؞

29وَ ذَيْ غَانٜىٰ يَدَّ اللَّهْ يَكَنْ بَظَ غِذَغِظَيْ، كُواْ ڟَاوَرْ دَتَكٜىٰ ڧَارَ دَغَ وُرِنْ ذَمَنْسَ؟

30غَاشِ، يَبَظَ وَلْڧِيَرْسَ كٜىٰوَيٜىٰ دَشِ، وَلْڧِيَرْ تَكَنْ حَصْكَكَ حَرْ غِنْدِنْ تٜىٰكُ؞

31غَمَا تَيِنْ حَكَ يَكَنْيِ مُلْكٍ ڧَبِيلُ، تَهَكَ كُمَ يَكَنْ بَادَ عَبِنْثِ عَيَلْوَثٜىٰ؞

32يَكَنْ رِڧٜىٰ وَلْڧِيَ أَ حَنُّنْسَ، سَيْ يَجٜىٰڢَتَ أَ عِنْدَ يَعُمَرْثٜىٰتَ تَڢَاطِ؞

33ڧَارَرْ ڟَاوَ تَكَنْيِ شٜىٰلَرْ ذُوَانْسَ، كُواْ شَانُو مَا سُنْ سَنِ هَدَرِ يَنَ ذُوَا؞»

← Chapter 35 Jump to: Chapter 37 →