Job 42

Hausa Arabic 2020 (أَتَّوْرَتْ دَ أَنَّبَاوَا)

← Chapter 41 Jump to:

1سَيْ أَيُوبَ يَأَمْسَ وَ يَهْوٜىٰهْ ثٜىٰوَ

2«نَسَنِ كَا عِيَيِنْ كُواْمٜىٰ، أَبِنْدَ كَيِ نِيَّ، بَعَ عِيَ هَنَكَ؞

3كَيْ كَيِ مِنِ تَمْبَيَ كَثٜىٰ، ‹وَنٜىٰنٜىٰ وَنَّنْ دَيَكٜىٰ دَاغُلَ شَوَرَا تَوُرِنْ يِنْ مَغَنْ‌غَنُنْ جَاهِلْثِ؟› نِے ڢَا، حَڧِيڧَ، نَڢَطِ أَبِنْدَ بَنْ غَانٜىٰبَ، أَبُبُوَنْ دَسُكٜىٰ دَ بَنْ مَامَاكِ، أَبُبُوَنْ دَ بَنْ سَنِبَ؞

4كَيْ كَثٜىٰ مِنِ، ‹كَسَ كُنّٜىٰ، ذَنْيِ مَغَنَ، ذَنْيِ مَكَ تَمْبَيَ، كَيْ كَأَمْسَ مِنِ؞›

5نِے ڢَا، دَا نَجِ لَابَرِنْكَ دَ كُنّٜىٰ كَوَيْ، عَمَّا يَنْذُ عِدَنُونَ سُنْ غَنْكَ؞

6دُواْمِنْ وَنَّنْ إِنَ ڨَمَرْ كَيْنَ، نَا تُوبَ تَرٜىٰدَ ظُبَ ڧُورَا دَ تُواْكَ عَكَيْنَ؞»

7بَايَنْدَ يَهْوٜىٰهْ يَغَمَ ڢَطَا وَ أَيُوبَ وَطَنَّنْ كَلْمُواْمِ، سَيْيَثٜىٰ وَ عٜىٰلِڢَظْ مُتُمِنْ تٜىٰمَنْ «ڢُشِنَ يَكُنُّ عَكَنْكَ دَ أَبُواْكَنَّنْ نَاكَ بِيُ، غَمَا بَكُ ڢَطِ غَسْكِيَ غَمٜىٰدَنِ كَمَرْ يَدَّ بَاوَنَ أَيُوبَ يَيِبَ؞

8يَنْذُ ڢَا، سَيْ كُطَوْكِ بِجِمَيْ غُدَا بَݣَويْ دَ رَغُنَ بَݣَويْ، كُتَڢِے وُرِنْ بَاوَنَ أَيُوبَ، كُمِيڧَسُ هَدَايَ تَڧُواْنَاوَا دُواْمِنْ كَنْكُ؞ بَاوَنَ أَيُوبَ ذَيْ يِ أَدُّعَ دُواْمِنْكُ، نِے كُوَ ذَنْ أَمْسَ أَدُّعَرْسَ دُواْمِنْ كَدَ إِنْسَاكَ مُكُ بِسَغَ وَوَنْثِنْكُ؞ غَمَا بَكُ ڢَطِ غَسْكِيَ غَمٜىٰدَنِ كَمَرْ يَدَّ بَاوَنَ أَيُوبَ يَيِبَ؞»

9سَيْ عٜىٰلِڢَظْ مُتُمِنْ تٜىٰمَنْ دَ بِلْدَدْ مُتُمِنْ شُوحُ دَ ذُواْڢَرْ مُتُمِنْ نَعَمَ سُكَ تَڢِے سُكَيِ يَدَّ يَهْوٜىٰهْ يَڢَطَا مُسُ؞ يَهْوٜىٰهْ كُوَ يَكَرْٻِ أَدُّعَرْ أَيُوبَ؞

10يَهْوٜىٰهْ كُوَ يَمَيَرْوَ أَيُوبَ دَ أَلْبَرْكُنْسَ، سَعَدَّ أَيُوبَ يَيِ أَدُّعَ دُواْمِنْ أَبُواْكَنْسَ؞ سَيْ يَهْوٜىٰهْ يَمَيَرْ مَسَ سَوْ بِيُ أَبِنْدَ يَكٜىٰدَشِ أَدَا؞

11سَعَنً دُكَنْ یَنْعُوَنْ أَيُوبَ مَاتَادَ مَظَا دَ دُكَنْ وَطَنْدَ سُكَ سَنْ شِ أَدَا، سُكَذُواْ غِدَنْسَ سُكَثِ سُكَشَا تَرٜىٰ؞ سُكَ تَوْسَيَ مَسَ دَ أَبِنْدَ يَڢَرُ دَشِ، سُكَ كُمَ تَعَظَنْتَرْ دَشِ سَبُواْدَ دُكَنْ وَهَلَرْ دَ يَهْوٜىٰهْ يَجَٰوُاْ عَكَنْسَ؞ كُواْوَنّٜىٰنْسُ كُمَ يَبَا أَيُوبَ كُطِ دَ ذُواْبٜىٰ نَظِينَارِيَ؞

12تَهَكَ يَهْوٜىٰهْ يَ أَلْبَرْكَثِ أَيُوبَ عَڧَرْشٜىٰنْ ݣُونَكِنْسَ ڢِيٜىٰدَ نَڢَرْكُواْ؞ يَسَامِ تُمَكِ دُبُو غُواْمَشَا حُطُ دَ رَاڧُمَ دُبُو شِدَ دَ بِجِمَنْ نُواْمَ دُبُو بِيُ دَ جَاكُنَ مَاتَا دُبُو طَيَ؞

13يَكُمَ حَيْڢِ یَیَ مَظَا بَݣَويْ دَ مَاتَا عُكُ؞

14یَرْسَ تَڢَرْكُوانْ، يَبَاتَ سُونَ يٜىٰمِمَ، تَبِيُنْ كٜىٰظِيَ، تَ عُكُنْ كُمَ كٜىٰرٜىٰنْ هَڢُّكْ؞

15أَ دُكَنْ ڧَسَرْ بَابُ یَنْ مَاتَا ݣَوَوَ كَمَرْ یَیَنْ أَيُوبَ؞ بَابَنْسُ يَبَاسُ غَادُواْ تَرٜىٰدَ یَنْعُوَنْسُ مَظَا؞

16أَيُوبَ يَيِ شٜىٰكَرَا طَرِے دَ أَرْبَعِنْ بَايَنْ وَنَّنْ، يَغَ یَیَنْسَ دَ یَیَنْ یَیَنْسَ حَرْ ڟَارَا تَهُطُ؞

17أَيُوبَ كُوَ يَمُتُ ثِكِنْ ڟُوڢَ سُواْسَيْ؞

← Chapter 41 Jump to: