Joel 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1إِنْجِ يَهْوٜىٰهْ ، «غَاشِ، عَكْوَانَكِے دَ كُمَ لُواْكَثِنَّنْ، ذَنْ مَيَرْ وَ يَهُودَ دَ عُرُوشَلِيمَ دَ أَلْبَرْكُنْسُ؞

2ذَنْ تَتَّارَ دُكَنْ أَلْعُمَّيْ، إِنْ غَنْ‌غَرُواْ دَسُو ݣُورِنْ شَرِيعَرْ يَهْوٜىٰهْ ؞ أَوُرِنْ، ذَنْ حُكُنْتَسُ سَبُواْدَ مُتَنٜىٰنَ، غَمَا سُنْ وَاڟَرْدَ غَادُواْنَ إِسْرَٰٓءِيلَ عَثِكِنْسُ سُكَ كُمَ رَرَّبَ ڧَسَاتَ؞

3سُكَ جٜىٰڢَ ڧُرِعَرْ ݣُوسُوانْ بَايِ دُواْمِنْ مُتَنٜىٰنَ؞ سُكَ سَيَرْ دَ یَیَ مَظَا بَوْتَا دُواْمِنْ بِيَنْ كَارُوَيْ، سُكَ سَيَرْ دَ یَنْ مَاتَا بَوْتَا دُواْمِنْ سُشَا ضُوً إِنَبِے؞

4«شِنْ! مٜىٰ كُكٜىٰسُواْ كُيِ مِنِ، يَا كُو بِرْنِنْ تَيَ دَ سِدُوانْ دَ دُكَنْ يَنْكُنَنْ ڢِلِسْتِيَ؟ كُنَ ڧُواْڧَرِ كُحُكُنْتَ نِے عَكَنْ وَنِ أَبِنْدَ نَيِ مُكُ نٜىٰ؟ عِدَنْ كُنْيِ حَكَ، تُواْ دَ غَغَّاوَا ذَنْ رَامَ عَكَنْكُ؞

5كُكَ ݣُوشِ أَظُرْڢَاتَ دَ ظِينَارِيَاتَ، وَطَنْدَ سُكٜىٰ كَايَانَ مَاسُ دَرَجَ ذُوَا طَكُنَنْ غُمَكَنْكُ؞

6كُكَ كُمَ ݣُوشِ مُتَنٜىٰنَ نَ يَهُودَ دَ عُرُوشَلِيمَ كُكَ سَيَرْ دَسُو وَ هٜىٰلٜىٰنَاوَا، دُواْمِنْ كُكَوَرْ دَسُو نٜىٰسَ دَ ڧَسَرْسُ؞

7«غَاشِ، يَنْذُ ذَنْ دَاوُاْ دَسُو دَغَ وُرَارٜىٰنْ دَ كُكَ سَيَرْ دَسُو، ذَنْ كُوَيِ مُكُ أَبِنْدَ كُكَيِ مُسُ؞

8ذَنْسَا أَ سَيَرْوَ مُتَنٜىٰنْ يَهُودَ دَ یَیَنْكُ مَظَا دَ مَاتَا؞ يَهُودَاوَنْ ذَاسُ سَيَرْ دَسُو غَ مُتَنٜىٰنْ سٜىٰبَ، ثَنْ دَنِيسَ عَڧَسَرْ أَرَبِيَ؞ نِے يَهْوٜىٰهْ نَا ڢَطَا؞»

9كُسَنَرْدَ وَنَّنْ وَ أَلْعُمَّيْ، كُثٜىٰ «كُيِ شِرِنْ يَاڧِ! كُتَادَ ڠُونَيٜىٰنْ يَاڧِ، كُسَا سُواْجُواْجِ سُيِ كُسَ، بَرِ سُهَوْرَ ذُوَا يَاڧِ؞

10كُبُغِ غَرْمَرْ نُواْمَنْكُ سُذَمَ تَكُبَ، كُمَيْدَ وُڧَڧٜىٰنْ ڠَرَ عِتَتُوَنْكُ مَاسُ؞ بَرِ مَرَرْ ڧَرْڢِے يَثٜىٰ، ‹نِے مَيْ ڧَرْڢِينٜىٰ!›

11كُيِ سَوْرِ كُذُواْ، يَا كُو أَلْعُمَّيْ، كُو دَ كُكٜىٰ كٜىٰوَيٜىٰ دَ مُتَنٜىٰنَ؞» يَا يَهْوٜىٰهْ ، كَسَا سُواْجُواْجِنْكَ سُسَوْكَ سُتَتَّارُ عَݣُورِنْ!

12«بَرِ أَلْعُمَّيْ سُتَاشِ سُتَڢِے ذُوَا ݣُورِنْ شَرِيعَرْ يَهْوٜىٰهْ ؞ غَمَا أَوُرِنْ نٜىٰ ذَنْ ذَوْنَ إِنْيِ شَرِيعَرْ دُكَنْ ڧَسَاشٜىٰنْ أَلْعُمَّنْ دَسُكٜىٰ كٜىٰوَيٜىٰ دَ مُتَنٜىٰنَ؞

13مُغُنْتَارْسُ تَيِيَوَ؞ كُسَا لَوْجٜىٰنْكُ، كُيَنْكٜىٰسُ كَمَرْ حَڟِنْدَ يَنُونَ؞ ذُواْ كُتَتَّكَسُ، كَمَرْ يَدَّ كُكٜىٰ تَتَّاكَ إِنَبِے، غَمَا وُرِنْ مَڟٜىٰوَرْ ضُوً إِنَبِے يَثِكَ، حَرْ مَنْيَنْ رَنْدُنَنْ سُنْثِكَ سُنَ ظُبَ؞»

14دُبُنْ دُبَّيْ سُنَ ثِكِنْ ݣُورِنْ يَنْكٜىٰ شَرِيعَرْ يَهْوٜىٰهْ! غَمَا رَانَرْ يَهْوٜىٰهْ تَكُسَنْ ذُوَا أَ ݣُورِنْ يَنْكٜىٰ شَرِيعَرْ يَهْوٜىٰهْ!

15رَانَ دَ وَتَ سُكَنْ جُويٜىٰ دُهُ، تَوْرَرِ سُكَنْ دَيْنَ حَصْكَكَاوَا؞

16يَهْوٜىٰهْ ذَيْ يِ رُورِ دَغَ سِهِيُواْنَ، ذَيْ تَادَ مُرْيَرْسَ دَغَ عُرُوشَلِيمَ، سَمَّيْ دَ ڧَسَا ذَاسُ غِرْغِظَ؞ عَمَّا يَهْوٜىٰهْ نٜىٰ وُرِنْ ٻُيَ غَ جَمَعَرْسَ، كَتَنْ‌غَ كُمَ غَ مُتَنٜىٰنْ إِسْرَٰٓءِيلَ؞

17«يَا إِسْرَٰٓءِيلَ، نِنٜىٰ يَهْوٜىٰهْ اللَّهْ نْكُ؞ ذَاكُ كُوَ سَنِ إِنَ ذَمَ أَ سِهِيُواْنَ، بَبَّنْ تُدُنَ مَيْ ڟَرْكِے؞ عُرُوشَلِيمَ كُوَ ذَاتَ ذَمَ مَيْ ڟَرْكِے، بَابُ أَبُواْكَنْ غَابَنْدَ ذَاسُ سَاكٜىٰ وُثٜىٰوَ تَثِكِنْتَ دَ نَصَرَا؞»

18«أَ رَانَرْ نَنْ تُدَّيْ ذَاسُثِكَ دَ عِتَتُوَنْ إِنَبِے؞ تُدَّيْ ذَاسُثِكَ دَ شَانُنْ مَدَرَ، دُكَنْ رَاڢُڢُّكَنْ يَهُودَ ذَاسُثِكَ دَ ضُوَ، مَٻُٻُّغَرْ ضُوَ ذَاتَ ٻُلُّواْ دَغَ غِدَنْ يَهْوٜىٰهْ ، ذَاتَ بَادَ ضُوَ غَ ݣُورِنْ عَكَشِيَ؞

19مَصَرْ ذَاتَ ذَمَ كُڢَيْ، عٜىٰدُوامْ كُمَ دَاجِ عِنْدَ بَابُ كُواْوَ، سَبُواْدَ مُغُنْتَارْ دَسُكَيِ وَمُتَنٜىٰنْ يَهُودَ، غَمَا سُنْ ظُبْدَ جِنِنْ مَرَسَ لَيْڢِے عَڧَسَرْ يَهُودَ؞

20عَمَّا يَهُودَ ذَاتَ كَسَنْثٜىٰ وُرِنْ ذَمَنْ مُتَنٜىٰ حَرْ أَبَدَا، عُرُوشَلِيمَ كُمَ دَغَ ڟَارَا ذُوَا ڟَارَا؞

21ذَنْ رَامَ لَيْڢِنْ ظُبْدَ جِنِنْ مَرَسَ لَيْڢِے، بَذَنْ غَاڢَرْتَا مُسُبَ؞ نِے يَهْوٜىٰهْ ذَنْيِ تَذَمَ أَ سِهِيُواْنَ؞»

← Chapter 2 Jump to:

Recommended Reading

Commentary Joel Commentaries → Devotional Joel Devotional Guide → Get This Bible Hausa Arabic (أَتَّوْرَتْ دَ أَنَّبَاوَا) Study Bible →