bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Revelation 19
Revelation 19
ibibio
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Ke ami amaakeboiyo, mmaakop se ikiba nte uyom ekemba atu awo ke abio ubọọñ Abasi naña ebọñọ ñkpo. “Haadeduya! Edinyaaña mme ubọọñ ye adudu enie Abasi ñnyịn sia ubiire ikpe,
2
amọ ado unen mme akpanikọ. Anye abiom ekamba akpara ado ikpe, anye a-akedubiamma ederimbod ke mme efịbe amọ. Anye asio anye usieene iyiib mme isʌñutom amọ.”
3
Ndin ammọ emaana ebọñ ñkpo ete: “Haadeduya! Nsʌñikañ a-atooho anye adọọk aka ke nsi-nsi nsi-nsi.”
4
Mme mbioawo edịp mme inaañ ado, ye mme aduuwem unam ado emaeduọọñọ ke isọñ ekpono Abasi, a-aketieeghe ke ebekpo. Ndin enyʌñ ebọọñ ete: “Amen, Haadeduya!”
5
Ndin uyo amaato ebekpo ate: “Ekpono Abasi ñnyịn, afịd ndufo mme isʌñutom, ndufo e-efegheke anye, ntək-ntək mme ikpọ!”
6
Ndin mmaakop se ikiba nte ekamba atu awo, nte uyom adufụụd mmọọñ mme nte nsakka uwak aduma, naña ebo: “Haadeduya! Sia Abọọñ Abasi Andikpon Ñkan ñnyịn akara.
7
Yak ñnyịn idaara inyʌñ inemesịd inyʌñ inọ anye ubọọñ! Sia ini ndọ Ayịn Edọñ adi, ndin anwaan ndọ abeeñe idem.
8
Emaenọ anye uyaiya nsem-nsem ye nsana dinen asịne” (Uyaiya dinen ada anọ ndinen utom mme ndisana awo Abasi.)
9
Ndin enyere amambo miin ate, “Wet: Afọfọn anọ mbon e-ekoodo ebo edi usọrọ ndọ Ayịn Edọñ!” Anyʌñ adian do ate “Emi edoñño mme akpanikọ Abasi.”
10
Ke emaeketañ ami, ami mmaaduọ anye ke ukod edikpono anye, ado anye amambo miin ate: “Kuunam ado! Ami ndo emọ-emọ isʌñutom nte afo mme nditọ usọ e-emʌmmọ ikọ ntiense ekama. Kpono Abasi! Sia ikọ ntiense Yisọs ado Sịbidịd brọfesi.”
11
Mmaakịt abio ubọọñ Abasi naña ana inwañ, ke iso mmi afia enañ mbakara ada, ekood andiwad anye Nsọọnọda ye Akpanikọ. Ke unen anye akpe ikpe anyʌñ anwana ekọñ.
12
Anyen amọ esak nte ndubek ikañ, anye anyʌñ ayara uwak anyanya ke iwuod. Anye anie anyịñ e-ewette anye ke idem adooho awo ndomokeed mfen idiọọñọke ibọhọke anye ke idem amọ kpọd.
13
Anye asịne afọñ e-ekenyiine ke iyiib, ndin anyịñ amọ ado ikọ Abasi.
14
Mme udim ekọñ abio ubọọñ Abasi emaekeene anye, ewaad ke anyọñ mfia enañ mbakara enyʌñ esiine uyaiya dinen, mfia ye nsaana.
15
Akañkañ a-asọppọ afịbe anye ke inua ma anye adat akpi mme idịd. “Anye ayaakara ammọ ye esañ ukwak.” Anye ado andidioho unuak ukọd iyadesịd ye ifiopesịd Abasi Andikpon Ñkan.
16
Ewet anyịñ amọ ke afọñidem amọ ye ke ifʌkkọ amọ: adidem mme ndidem ye abọọñ mme mbọọñ.
17
Ndin ami mmaakịt enyere naña ada ke utịn a-akebọññọ ke ekamba uyọ anọ afịd mme inuen se ifuurọ ke ufọọd anyọñ, “Idi, idiboho itie keed ke ekamba usọrọ udia Abọọñ Abasi,
18
nọ ndufo eta abʌk mme ndidem, ikpọ mbon ukara ekọñ, ye mme awo e-ekoppo adudu, mme enañ mbakara ye mme andiwat, mme abʌkidem afịd awo, amanaisọñ mme ifʌn, ntək mme ikpọ.”
19
Ndin mmaakịt idiọọk unam ye mme adaukara ederimbod ye mbon ekọñ amọ naña ebono itie keed edinwana ekọñ ye andiwad afia enañ mbakara mme mbon ekọñ amọ.
20
Ado emaemʌm idiọọk unam, ye nsu-nsu brọfed e-ekesinamma mme utịbe idiọọñọ ke iwuod amọ. Mme idiọọñọ ado ke anye akesikama ayaañ mbon e-ekebọọhọ idiọọñọ idiọọk unam enyʌñ ekpono mbiod amọ. Emaetop ammọ awo iba edọñ ke ibiok ikañ sọọfọ.
21
Mbon se ikisʌhọ emaewood ye akañkañ a-akewuọọhọ ke inua andikiwat enañ mbakara, ndin afịd mme inuen emaeta eyʌkkọ ke abʌk ammọ.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22