bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Revelation 3
Revelation 3
ibibio
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
“Wet nọ enyere ufọkabasi ke Sadis: Ami ado mme ikọ Andinie Sịbidịd Abasi itiaba mme ntantaafiọñ itiaba. Ami mmediọọñọ mme utom mfo; afo amewuọ etob ke asʌk adu uwem ado amekpa.
2
Demme! Sọọñọ mme utom mfo se isʌhọ e-eyemme edikpa, sia ñkịtte nte mme utom mfo afọn ama ke iso Abasi mmi.
3
Toiyo, ndin se amaakebọ anyʌñ akop; nam item nyʌñ tua ñkpefiọk. Ado umuudemmeke, ñyaadi nte inọ ndin uduudiọọñọke ini a-Ami nduudubịne fiin.
4
Ado asʌk anenie mme awo ifañ ke Sadis emiibiadda afọñ ammọ. Mbon ado eyaesaña mme Ami, esịne mfia afọñ sia ammọ e-edot.
5
Anye a-akanna ayaanyʌñ asịne afia ọfọñ nte ammọ. Ami ndiisọọhọ anyịñ amọ nsio ke ñwed uwem, ado ñyaabo ke mmediọọñọ anyịñ amọ ke iso Ete Mmi ye mme enyere amọ.
6
Anye a-anieeghe utọñ yak anye akop se Sịbidịd atañ anọ mme ufọkabasi.
7
“Wet nọ enyere ufọkabasi ke Fidadefia: Ami ado mme ikọ anye a-adooho adisana mme akpanikọ, anye a-akamake ukpọhọde Defid. Se anye atat awo ndomokeed ikanna ikọp, se anye anyʌñ akọp awo ndomokeed ikanna itat.
8
Mmediọọñọ mme utom mfo. Kase, mmenịm ana inwañ usʌñ ke iso mfo awo ndomokeed mmiidiikanna adikʌk. Mmedọdiọọñọ ke inweek mfo ikponno, ado afo amenịm ikọ mmi unyʌññọ ukañ anyịñ Mmi.
9
Ami ñyaanam mbon e-edoññoke ake itie ubọñ akam Setan, e-ebooho ke mmimọ idoñño mme Yuu ado idoññoke, mme asʌhọ nsu–yaanam ammọ ediduọọñọ ke ukod mfo ke ukpono enyʌñ enyịmme anwa-anwa ke Ami mmuma fiin.
10
Sia afo amenịm ewʌhọ Mmi ke edibọ ke ime, Ami ñyaanyʌñ umʌm fiin ñkamake ini ñnyeeñe a-abooho idisịm afịd ederimbod nọ adidomo mbon se idʌñ ke isọñ.
11
Ami nsʌk nsọp ndi. Tʌm se amaakenenie emʌm kama, mbaak awo adubọ anyanya mfo.
12
Anye a-akanna, ñyaanam anye adaha ke tembịd Abasi Mmi. Anye idiikpọññọ ndo aba. Ñyaawet anye ke idem anyịñ Abasi Mmi mme anyịñ ufa abio Abasi Mmi, ufa Yerusedem a-awuọọhọ ato abio ubọọñ Abasi Mmi adi; ndin Ami ñyaanyʌñ ñwet ufa anyịñ Mmi ke idem amọ.
13
Anye a-anieeghe utọñ yak anye akop se Sịbidịd atañ anọ mme ufọkabasi.
14
“Wet nọ enyere ufọkabasi Daodisia: Ami ado mme ikọ andido Amen, andisọọñọ nda mme ntiense akpanikọ, anye a-adooho andikara afịd se Abasi akebot.
15
Ami mmediọọñọ mme utom mfo, ke Afo udeññeke-deññe unyʌññọ ufofiop. Akpekap ado keed ke otu ñkpọ iba ami.
16
Ndin sia afo abaaha mmeme-mmeme, ufioppo fiop unyʌññọ udedeññe, mmebeeñe idem adukọk fiin nsio ke inua Mmi.
17
Afo obo, ‘Ami mmenie inie; ami mmekọ uwak inie, ibaaha se nyem.’ Ado afo udiọọñọke ke amenie mbọm, ado uwueene ye nnan, atie ifed.
18
Ami unọ fiin item mbo yak ambọ miin kood e-emaekenam ke ufiop ikañ adep nọ afo akappa ado anie ñkpọ; mbọ ñko afia ọfọñ idem dep sịne nọ ọfʌk ifed mme esuenne mfo. Dep ibọk sịn ke anyen mfo man oto do afo ọmọnọ ñkpọ.
19
Mbon a-ami mmaaha ke ami nsua ñkpọ nnọ nnyʌñ nntʌnọ. Ke ntodo, fọn ma nyʌñ kappa esịd.
20
Ami mi nda ke inuausʌñ nsʌk ñkọñ. Awo ake adodo o-okoppo uyo Mmi ọnyʌñ ọkʌkkọ ọnnọ nyaadʌk ndi ndidia ñkpọ mme anye, anye ọnyʌñ adia mme Ami.
21
Anye a-akanna ke ndiinọ unen aditie ye ami ke ebekpo mmi; kpa nte a-ami ñkekanna nnyʌñ nsuuk ntie mme Ete mmi ke ebekpo amọ.
22
Anye a-anieeghe utọñ, yak anye okop se Sịbidịd atañ ọnọ mme ufọkabasi.”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22