Colossians 4

Ilokano (Ti Biblia (1973))

← Chapter 3 Jump to:

1Appo, aramidenyo cadagiti adipenyo ti nalinteg ken ti maiparbeng, nga pagaammoyo nga adda met maysa nga Apoyo sadi langit.

2Agtalinaedcayo iti cararag, nga agsalucagcayo kencuana, a mapacuyugan cadagiti panagyaman;

3Nga idawdawatandacami met, tapno ti Dios ilucatannacami iti maysa a ruangan a maipaay iti sao, tapno ipalawagmi ti palimed ni Cristo; a gapu kencuana nacawaranac;

4Ken tapno isu mailawlawagco, cas rebbengco a panangipalawag.

5Magmagnacayo a nainsiriban iti imatang dagiti adda iti ruar, ket ilalaenyo ti tiempo.

6Ti saoyo cancanayon coma a macaayayo a cas la natempla iti asin, tapno ammoyo no casano ti isusungbat iti tunggal maysa, cas maiparbeng.

7Amin dagiti maipapan caniac ibaganto cadacayo ni Tiquico, ayayaten a cabsat ken matalec a ministro ken cadduac iti panagservi iti Apo:

8Isu nga imbaonco cadacayo a maipoon itoy a banag tapno maammoanyo ti casasaadmi, ken tapno liwliwaenna dagiti puspusoyo;

9A naicuyog ken Onesimo, matalec ken ay-ayaten a cabsat, a maysa cadacayo. Ipadamagdanto cadacayo amin a banbanag ditoy.

10Cablaawannacayo ni Aristarco, a caduac iti pagbaludan, ken ni Marcos, a casinsin ni Bernabe (ket ti maipapan kencuana inawatyon dagiti bilbilin; no umayto cadacayo, isu awatenyo),

11Ken ni Jesus, a managan Nalinteg; isuda a maicadcadua iti pannacacugit: dagitoy laeng dagiti catulungac, iti maipapan iti pagarian ti Dios; isuda a nacaliwliwa caniac.

12Cablaawannacayo ni Epafras, a maysa cadacayo, adipen ni Cristo Jesus, cancanayon a siaagawa cadagiti panangicarcararagna cadacayo, tapno mataginayoncayo a sititibker a naananay, ken sitatalged unay iti amin a pagayatan ti Dios.

13Ta panecnecac nga isu agbannog ti adu gapu cadacayo ken gapu cadagiti taga Laodicea ken cadagiti taga Hierapolis.

14Cablaawannacayo ni Lucas, ti ay-ayaten a mangngagas, ken ni Demas.

15Cablaawanyo dagiti cacabsat sadi Laodicea, ken ni Nimfas ken iti Iglesia nga adda iti balayna.

16Ket intono daytoy a surat naibasan cadacayo ipabasayo met idiay Iglesia dagiti taga Laodicea; ket basaenyo met ti surat nga aggapu idiay Laodicea.

17Ket ibagayo ken Arquipo: Kitaem ta tungpalem ti kinaministro nga inawatmo iti Apo.

18Ti cablaaw sinuratan ti imac, Pablo. Laglagipenyo dagiti pannacabalbaludco. Ti parabur agtaeng coma cadacayo.

← Chapter 3 Jump to:

Recommended Reading

Commentary Colossians Commentaries → Devotional Colossians Devotional Guide → Get This Bible 1973 Study Bible →