bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Exodus 40
Exodus 40
Ilokano (Ti Biblia (1973))
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
1
Ket ni Jehova nakisao ken Moises, a cunana,
2
Iti umuna nga aldaw ti bulan nga umuna bangonemto ti tabernaculo ti tolda ti gimong.
3
Ket icabilmonto iti unegna ti lacasa ti pamanecnec, ket lingdamto ti lacasa iti bengbeng.
4
Ket iserrecmonto ti lamisaan, ket ornosemto dagiti banbanag nga addada iti rabawna; yunegmonto ti candelero, ket gangatamto dagiti pagpagsainganna.
5
Ket icabilmonto ti altar a balitoc a paginciensoan iti sango ti lacasa ti pamanecnec, ket icabilmonto ti bengbeng ti ruangan ti tabernaculo.
6
Ket isaadmonto ti altar ti daton a mapuuran iti sango ti ruangan ti tabernaculo ti tolda ti gimong.
7
Ket idissomto ti pagbuggoan iti nagbaetan ti tolda ti gimong ken ti altar, ket iccamto iti danum.
8
Ket aramidemto ti paraangan nga aglawlaw, ket ibitinmonto ti bengbeng ti ruangan ti paraangan.
9
Ket alaemto ti sapsapo a lana ket sapsapoamto ti tabernaculo, ken amin nga adda iti unegna, ket pasantoemto ken amin nga alicamenna: ket nasantoanto.
10
Ket sapsapoamto ti altar ti daton a mapuuran, ken amin nga ar-aruatenna, ket pasantoemto ti altar: ket ti altar nasantoanto unay.
11
Ket sapsapoamto ti pagbuggoan ken ti batayna, ket santificaremto.
12
Ket ipanmonto ni Aaron ken dagiti annacna iti ruangan ti tolda ti gimong, ket buggoamto ida iti danum.
13
Ket icapetmonto ken Aaron dagiti nasantoan a cawes; ket sapsapoamto, ket santificaremto, tapno agannung caniac iti takem ti padi.
14
Ket yegmonto dagiti annacna a lallaki, ket icapetmonto cadacuada dagiti badbado;
15
Ket pulotamto ida a cas iti panangpulotmo ken amada, tapno macapagannungda caniac iti takem ti padi ket ti pannacapulotda agpaayto cadacuada a kinapadi nga agnanayon cadagiti capcaputotanda.
16
Castoy ti inaramid ni Moises: ti mayannurot iti amin nga imbilin ni Jehova kencuana, isu ti inaramidna.
17
Ket naaramid nga iti umuna a bulan ti maicadua a tawen iti umuna nga aldaw ti bulan, nabangon ti tabernaculo,
18
Ket ni Moises binangonna ti tabernaculo, ket indissona dagiti batbatayna, ket impatacderna dagiti tabtablana, ket inyusocna dagiti balbalunetna, ket impatacderna dagiti adadigina.
19
Ket inucradna ti tolda iti rabaw ti tabernaculo, ket incabilna ti abbong nga akinngato iti rabaw ti tolda; cas imbilin ni Jehova ken Moises.
20
Ket innalana ti pamanecnec sana incabil iti uneg ti lacasa, ket incapetna dagiti pagassiwan iti lacasa, ket indissona ti tugaw ti caasi iti rabaw ti lacasa:
21
Ket inserrecna ti lacasa iti tabernaculo, ket imbitinna ti bengbeng, ket liningdanna di lacasa ti pamanecnec; cas imbilin ni Jehova ken Moises.
22
Ket insaadna ti lamisaan iti tolda ti gimong iti bangir nga amianan ti tabernaculo, iti ruar ti bengbeng.
23
Ket inornosna iti rabawna ti tinapay ni Jehova; cas imbilin ni Jehova ken Moises.
24
Ket indissona ti candelero iti tolda ti gimong, iti batog ti lamisaan, iti bangir nga abagatan ti tabernaculo.
25
Ket sinindianna dagiti pagsaingan iti sango ni Jehova; cas imbilin ni Jehova ken Moises.
26
Ket incabilna ti altar a balitoc iti tolda ti gimong iti sangoanan di bengbeng.
27
Ket pinuuranna iti rabawna ti incienso dagiti nabanglo nga recrecado; cas imbilin ni Jehova ken Moises.
28
Ket incabilna ti bengbeng ti ruangan ti tabernaculo.
29
Ket insaadna ti altar ti daton a mapuuran iti ruangan ti tabernaculo ti tolda ti gimong, ket nangidatag iti rabawna iti daton a mapuuran, ken daton a bel-laay; cas imbilin ni Jehova ken Moises.
30
Ket indissona ti pagbuggoan iti nagbaetan ti tolda ti gimong ken ti altar, ket iniccanna iti danum a pagbuggo.
31
Ket ni Moises ken ni Aaron ken dagiti annacna a lallaki binuggoanda dagiti im-imada ken sacsacada iti daydiay;
32
No sumrecda iti tolda ti gimong, ket no umadanida iti altar, agbuggoda; cas imbilin ni Jehova ken Moises.
33
Ket inaramidna ti paraangan iti lawlaw ti tabernaculo ken ti altar, ket insab-itna ti bengbeng ti ruangan ti paarangan. Casta ti pinangleppas ni Moises iti aramid.
34
Idin ti ulep inabungotanna ti tolda ti gimong, ket ti dayag ni Jehova pinunnona ti tabernaculo.
35
Ket ni Moises saan a macastrec idi iti tolda ti gimong, gapu ta ti ulep nagsaad iti rabawna, ken ti dayag ni Jehova pinunnona ti tabernaculo.
36
Ket idi nga ti ulep nagpangato nanipud iti rabaw ti tabernaculo, dagiti annac ti Israel nagtuloyda cadagiti pannagnada:
37
Ngem no ti ulep saan a naipangato, saanda a nagna idin agingga iti aldaw a dina ingangato.
38
Ta ti ulep ni Jehova adda idi iti aldaw iti rabaw ti tabernaculo, ket iti rabii adda idi ti apuy idiay rabawna, iti imatang dagiti amin a balay ti Israel, bayat dagiti amin a pannagnada.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40