1 John 3

Mien Bible (Thai Script) © Thailand Bible Society, 2007

← Chapter 2 Jump to: Chapter 4 →

1หมั่ง ก๋า ทิน-ฮู่ง ด่ง หาย ฮนั้ม บัว! นิ่น ปุน บัว ตุ๊ บั๋ว เห่ว ทิน-ฮู่ง เญย น่าม โญ์ว. หย่า ไม้ เฒ์ย ขูง ตุ๊ บั๋ว ฮนั้ง, หฒะเก้ง เป๋น นิ่น เญย น่าม โญ์ว หมี่ อ๊ะ. ป้าม เมี่ยน ไม้ ฮิ้ว ตุ๊ บัว เซ เหว่ย หฒุ นิ่น บัว ไม้ ฮิ้ว ตุ๊ หฒั่ง เตี๋ย.

2ฮนั้ม ไห่ เญย ก๋อ-โย์ว อ้า! อี้ หฒั่น บัว เป๋น ทิน-ฮู่ง เญย น่าม โญ์ว. ฆะฮ้า ฮี้ง บัว อ๋อย ฮนั้ง หาย นอ ไม้ แก้ง ฮิ้ว. มป่า บัว ฮิ้ว ตุ๊ กีตู่ หิ่น ธ้วด วั้ว หฒั่น บัว อ๋อย ฮนั้ง นิ่น นอ, เหว่ย หฒุ เยซู หฒะเก้ง ฮนั้ง หาย นอ, บัว หย่า ตุ๊ ปวัด นิ่น ฮนั้ง วั้ว นอ.

3หาย เต้า ม่าย ลั่ม ฮนั้ม ทิน-ฮู่ง อ๋อย ปุน นิ่น ฮนั้ง เยซู, วั้ว เต้า ฯฒฯ อ๋อย หฒุ โก๋ว กั้น ธีง-เหฑ่ง, ฮนั้ง กีตู่ นอ ธีง-เหฑ่ง.

4หาย เต้า ป์าม ฒุ์ย เซ ป์าม ทิน-ฮู่ง เญย เล์ย-หลัด เหว่ย หฒุ ฒุ์ย เซ ป์าม เล์ย-หลัด เญย สี่.

5เม่ย บัว ฮิ้ว ตุ๊ กีตู่ ต้าย เหว่ย เถย บัว เญย ฒุ์ย. นิ่น กั้น หย่า ไม้ ม่าย ฒุ์ย.

6หาย เต้า เหธา กีตู่ จวั่ง แหม่ง เฒี่ยง, นิ่น ไม้ ป์าม เจี๊ยน ฒุ์ย มี่ง. หาย เต้า ป์าม เจี๊ยน ฒุ์ย มี่ง, วั้ว เต้า ไม้ ปวัด เจี๋ย กีตู่, หย่า ไม้ ฮิ้ว ตุ๊ นิ่น.

7ฝุเจว๊ย อ้า! ไม้ ตู๋ง หมวัง หาย เต้า ดั๊ว เม่ย บัว. หาย เต้า โหฒว หอบ, วั้ว เต้า ฯฒฯ เหธา ทิน-ฮู่ง หอบ เฮญี้ยว, ฮนั้ง กีตู่ เหธา ทิน-ฮู่ง หอบ เฮญี้ยว นอ.

8หาย เต้า ป์าม ฒุ์ย เซ เมี้ยน เญย ฮู่ง เญย เมี่ยน, เหว่ย หฒุ เมี้ยน เญย ฮู่ง มต้าย เยียม กอน ป์าม ฒุ์ย เถา อี้ หฒั่น. เหว่ย น้าย ทิน-ฮู่ง เญย ตอน ต้าย, เซ เหว่ย เหมียด เหฑ่ง เมี้ยน เญย ฮู่ง โหฒว เญย กง.

9หาย เต้า โหฒว ทิน-ฮู่ง เญย น่าม โญ์ว, วั้ว เต้า ไม้ ป์าม เจี๊ยน ฒุ์ย มี่ง เหว่ย หฒุ ทิน-ฮู่ง เญย เฟียม-ฝีง เยียม เจี๊ยน นิ่น เญย เฮญี้ยว. ทิน-ฮู่ง โหฒว นิ่น เญย เตีย, นิ่น ฯฒฯ ไม้ ไฮ่ ป์าม เจี๊ยน ฒุ์ย มี่ง.

10ฮนั้ง น้าย บัว ไฮ่ ฮิ้ว ตุ๊ หาย เต้า โหฒว ทิน-ฮู่ง เญย น่าม โญ์ว, หาย เต้า โหฒว เมี้ยน เญย ฮู่ง เญย น่าม โญ์ว. หาย เต้า ไม้ โหฒว หอบ ไฟ ไม้ ฮนั้ม นิ่น เญย ก๋อ-โย์ว, วั้ว เต้า เซ ไม้ เฒ์ย ทิน-ฮู่ง เญย น่าม โญ์ว อ๊ะ.

11เม่ย บัว เยียม กอน ไฮ์ เจี๋ย เญย หว่า เซ ต้ง น้าย. ล่าน อ๋อย หฒุ ฮนั้ม ล่าน.

12ไม้ ตู๋ง ฮนั้ง คาอิน นอ. คาอิน เซ ฮยวัง เอ๊าะ วั้ว เต้า เญย เมี่ยน หย่า ไต๋ นิ่น เญย โย์ว. นิ่น เหว่ย หาย ติ่ว ไต๋ นิ่น เญย โย์ว? เหว่ย หฒุ นิ่น กั้น โหฒว ต่อง, นิ่น เญย โย์ว โหฒว ตุ๊ หอบ.

13ก๋อ-โย์ว อ้า! สี ก๊อง ป้าม เมี่ยน ฑอง เม่ย บัว, เม่ย บัว ไม้ ตู๋ง เหว่ย หน่าย ฮนั้ม ไม้ เม่ง แปะ.

14บัว ฮนั้ม บัว เญย ก๋อ-โย์ว ฯฒฯ ฮิ้ว ตุ๊ บัว เปย๋า ดุ๊ด ไฮ่ ไต่ เญย ชะ ตุ๊ แหม่ง เฒี่ยง เจี๊ยน. หาย เต้า ไม้ ฮนั้ม เมี่ยน, วั้ว เต้า หธ่อ หฒุ ไต่ เญย ชะ กุ๊น เจี๊ยน.

15หาย เต้า ฑอง นิ่น เญย ก๋อ-โย์ว, วั้ว เต้า เซ ไต๋ เมี่ยน เญย เมี่ยน. เม่ย บัว หย่า ฮิ้ว ตุ๊ ไต๋ เมี่ยน เญย เมี่ยน ไม้ ม่าย เหยียด ลิ์ว เญย แหม่ง เยียม นิ่น.

16บัว ฮิ้ว ตุ๊ ม่าย ฮนั้ม เมี่ยน เญย เฮญี้ยว เซ ฮนั้ง หาย นอ เหว่ย หฒุ เยซู เหว่ย บัว เซี้ย นิ่น เญย แหม่ง. บัว หย่า อ๋อย หฒุ เหว่ย บัว เญย ก๋อ-โย์ว เซี้ย แหม่ง.

17หาย เต้า คู่ เยียม คู่ หญั่น, หย่า ปวัด นิ่น เญย ก๋อ-โย์ว ด๊อด หน่าน, นิ่น หย่า หมั่ง ตุ๊ เจี๋ย เหมว่ย ไม้ เถง, วั้ว เต้า ฮนั้ง หาย นอ ไฮ่ ก๊อง นิ่น ฮนั้ม ทิน-ฮู่ง?

18ฝุเจว๊ย อ้า! ไม้ ตู๋ง ขูง หล่ง ฑุ่ย ก๊อง ฮนั้ม เมี่ยน ฮนั้ง, อ๋อย หฒุ โหฒว สี่ ปุน ธีง หฒะเก้ง ฮนั้ม.

19ฮนั้ง หน่าย, บัว ฯฒฯ ฮิ้ว ตุ๊ บัว เกวย เฒียน เล์ย. บัว หย่า ไฮ่ ปู๋ง หล่าง เญย เยียม ทิน-ฮู่ง เญย หฑะเฮมียน.

20สี ก๊อง บัว เญย เฮญี้ยว ตี่ง บัว ม่าย ฒุ์ย, บัว หธ่อ ฮิ้ว ตุ๊ ทิน-ฮู่ง เก้า โฮล เจี๋ย บัว เญย เฮญี้ยว, นิ่น หย่า ฮิ้ว ตุ๊ หม่าน สี่.

21ฮนั้ม เญย ก๋อ-โย์ว อ้า! สี ก๊อง บัว เญย เฮญี้ยว ไม้ ตี่ง บัว ม่าย ฒุ์ย, บัว ฯฒฯ ปู๋ง หล่าง เญย เยียม ทิน-ฮู่ง เญย หฑะเฮมียน.

22บัว หย่า ฮิ้ว ตุ๊ บัว เถง นิ่น โท้ หาย หญู่ง, ฯฒฯ ตุ๊ วั้ว หญู่ง อ๊ะ, เหว่ย หฒุ บัว เอย เจี๊ยน นิ่น เญย หลี่ง โหฒว, หย่า โหฒว หอบ นิ่น เญย เฮญี้ยว.

23ทิน-ฮู่ง เญย หลี่ง เซ บัว อ๋อย หฒุ เสียน นิ่น เญย ตอน, เยซู กีตู่, หย่า อ๋อย หฒุ ล่าน ฮนั้ม ล่าน ฮนั้ง นิ่น เห่ว บัว โหฒว นอ.

24หาย เต้า เอย เจี๊ยน ทิน-ฮู่ง เญย หลี่ง โหฒว, วั้ว เต้า เหธา ทิน-ฮู่ง จวั่ง แหม่ง เฒี่ยง. ทิน-ฮู่ง หย่า เหธา วั้ว เต้า จวั่ง แหม่ง เฒี่ยง. ฮนั้ง หน่าย, บัว ไฮ่ ฮิ้ว ตุ๊ ทิน-ฮู่ง เหธา บัว จวั่ง แหม่ง เฒี่ยง เหว่ย หฒุ บัว ม่าย ทิน-ฮู่ง เหธย ปุน เญย สีง ลี่ง.

← Chapter 2 Jump to: Chapter 4 →