Malachi 3

Mien Bible (Thai Script) © Thailand Bible Society, 2007

← Chapter 2 Jump to: Chapter 4 →

1เน่น เจี๋ย เญย เฒี้ยว ก๊อง, “หมั่ง ม่าะ! เยีย พ้าย เยีย เญย โต่ว เฝียน เมี่ยน มี่ง ด่าง หลิ่ว เล์ย เยีย เญย เจ๊า. ฆะฮ้า, ต้ง เม่ย บัว ล์อ วั้ว เต้า เฒี้ยว, ฯฒฯ เลี่ยม เฒ่ย ต้าย เถา นิ่น เญย เปย๊า. ต้ง เม่ย บัว อ๋อย ปวัด ไห่ วั้ว เต้า โต่ว แหง่ง หว่า เญย เมี่ยน อ๋อย ต้าย อ๊ะ.

2“มป่า นิ่น ต้าย เญย ฮนอย, ม่าย หาย เต้า ไฮ่ โซ้ว ตุ๊ เจี๊ยน? นิ่น ธ้วด ต้าย เญย เฒี่ยง โห่, ม่าย หาย เต้า ไฮ่ เยียม ตุ๊? เหว่ย หฒุ นิ่น ฮนั้ง สิน เจียม ญ่าน เญย โต์ว, หย่า ฮนั้ง โหฑ ลุย-โหว หฒั่ง หล่ง โหฑ ลุย-โหว เญย เดีย นอ.

3นิ่น อ๋อย เซี้ยม ฒุ์ย ฮนั้ง สิน ญ่าน เญย เมี่ยน สิน ญ่าน เฒียน นอ. นิ่น อ๋อย สา เหฑ่ง เลวี เมี่ยน, ปุน นิ่น บัว ธีง-เหฑ่ง ต้าย ฮนั้ง สิน เจียม สิน ญ่าน นอ. ฮนั้ง น้าย นิ่น บัว ฯฒฯ ต้อ หอบ หฒุ ต้อ เญย กะน้าย ต้าย ฝ่ง ห่อ ปุน เฒี้ยว.

4วั้ว หฒั่น ยูดา เมี่ยน เหธา เยลูซาเลม ฒี่ง เญย เมี่ยน อ๋อย ฝ่ง ห่อ ปุน เฒี้ยว เญย กะน้าย, เฒี้ยว หย่า อะเฮน้ย ฒิบ ฮนั้ง ฒิ่น ด่าง โล์-ฮนอย วั้ว นอ.”

5เน่น เจี๋ย เญย เฒี้ยว ก๊อง, “เยีย อ๋อย ต้าย เยียม เม่ย บัว บุด๋ง เหว่ย เซี้ยม ฒุ์ย. เยีย อ๋อย เซี้ยบๆ เญย โหฒว ฒอง-เหฒง ตี่ง โหฒว ฟ้าด วั้ว เต๋ย เญย ฒุ์ย, เหธา เหฮยียน เอ๊า เหฮยียน โหฆ วั้ว เต๋ย เญย ฒุ์ย, โหฒว จ๊า ฒอง-เหฒง วั้ว เต๋ย เหธา เผียน หม่าย กง เมี่ยน เญย กง-ฒิ่น วั้ว เต๋ย เญย ฒุ์ย. เยีย หย่า อ๋อย ตี่ง เควย เอ๊า-กว๊า, เควย กู้ ฮั่น ฝุเจว๊ย, เควย เยียม เม่ย บัว บุด๋ง เญย กั้น ฝีง เมี่ยน เหธา ไม้ ท่าย เยีย วั้ว เต๋ย เมี่ยน เญย ฒุ์ย.

6“โอ ยาโค้บ เญย เฒ้ย-ฟุน อ้า! เยีย, เฒี้ยว, ไม้ ก๊อย เหยี่ยน. เหว่ย น้าย เม่ย บัว หธีง ต้าย ไม้ หฒุ เหมียด เหฑ่ง.

7เยียม โล์-ฮนอย เม่ย บัว เญย อง-ถาย-แงะ เญย เสย เฒ้ย ต้าย เถา อี้ หฒั่น, เม่ย บัว กวั่ง เยีย เญย เล์ย-หลัด, ไม้ เอย เจี๊ยน โหฒว.” เน่น เจี๋ย เญย เฒี้ยว ก๊อง, “เม่ย บัว อ๋อย หฒุ หฑวน ต้าย ล์อ เยีย. เยีย ฯฒฯ หฑวน มี่ง ล์อ เม่ย บัว. “มป่า เม่ย บัว หน่าย, ‘เยีย บัว ฮนั้ง หาย นอ ไฮ่ หฑวน?’

8“เยีย หน่าย เม่ย บัว, ‘เมี่ยน ไฮ่ เผียน ทิน-ฮู่ง ไฟ? เม่ย บัว หย่า เผียน เยีย นี!’ “มป่า เม่ย บัว หน่าย, ‘เยีย บัว ฮนั้ง หาย นอ เผียน เม่ย?’ “เม่ย บัว เผียน ธ้วด เหฒียบ โก๊ว เญย เหยียด โก๊ว เหธา หอบ หฒุ ฝ่ง ห่อ เญย กะน้าย.

9หลาย เม่ย บัว เผียน เยีย, เม่ย บัว เหยียด นอม กั๊วะ เญย เมี่ยน หฒุ เหฒียว อ๊ะ.”

10เน่น เจี๋ย เญย เฒี้ยว ก๊อง, “เม่ย บัว อ๋อย หฒุ ต้อ เก๋า เหฒียบ โก๊ว เญย เหยียด โก๊ว ต้าย ตั๊บ เจี๊ยน เยีย เญย ลั์ม, เหว่ย ปุน เยีย เญย เปย๊า ม่าย หญั่น ฮบ. กุ๊น เสย ก๋า เยีย ม่าะ! เม่ย บัว ฯฒฯ ปวัด เยีย เหว่ย เม่ย บัว คอย ฆอย ลู่ง เญย แก้ง โต๋ ฟุ ธั้ม ไห่ เหฌี่ย ต้าย ปุน เม่ย บัว, ฒู้ง ไม้ ม่าย ต๋อง เก๋า ตั๊บ.”

11เน่น เจี๋ย เญย เฒี้ยว ก๊อง, “เยีย อ๋อย ตั๊ง เจี๊ยน แกง, ไม้ ปุน หงาด หว่าย เม่ย บัว เญย เต่ย-ปูง เญย แกง-หฒวัง กะน้าย. เยีย หย่า อ๋อย ปุน เม่ย บัว เญย อะหงุ่น เด่ย เญย เปี๊ยว ไม้ โปย้.”

12เน่น เจี๋ย เญย เฒี้ยว แอ๋ง ก๊อง, “วั้ว หฒั่น หม่าน กั๊วะ เมี่ยน อ๋อย เห่ว เม่ย บัว โหฒว ตุ๊ ฟุ ตุ๊ โหละ เญย เมี่ยน, เหว่ย หฒุ เม่ย บัว เญย เต่ย-ปูง คู่ เยียม ไห่.”

13เฒี้ยว ก๊อง, “เม่ย บัว ก๊อง โตะ เยีย.” “เม่ย บัว หธ่อ หน่าย, ‘เยีย บัว ฮนั้ง หาย นอ ก๊อง โตะ เม่ย?’

14“เม่ย บัว ก๊อง, ‘ฟู-สู ทิน-ฮู่ง เซ ไม้ ลั่ม หล่ง. หมวัง นิ่น หัด เญย หว่า หย่า เยียม เน่น เจี๋ย เญย เฒี้ยว เญย หฑะเฮมียน โหฒว ฮนั้ง เฑ่า เญี้ยม เญย เมี่ยน เถง บัว ตุ๊ หาย หญู่ง?

15อี้ หฒั่น เยีย บัว ฝุน เธง-โฮล เญย เมี่ยน ตุ๊ ฟุ. โหฒว เอ๊าะ เญย เมี่ยน ไม้ ตาน ตุ๊ หลง ฮนั้ง, มป่า นิ่น บัว เสย ทิน-ฮู่ง นิ่น บัว หธ่อ เปย๋า ตุ๊ ดุ๊ด.’”

16วั้ว หฒั่น ต้ง ท่าย เฒี้ยว เมี่ยน, ล่าน เหธา ล่าน ก๊อง. เฒี้ยว หมวัง ไฮ์ นิ่น บัว เญย หว่า หมี่ อ๊ะ. เยียม นิ่น เญย หฑะเฮมียน หย่า ม่าย หฌุ่น โซว เฟี้ย เจี๊ยน ท่าย เฒี้ยว, หย่า เฟย-ฟั้ง นิ่น เญย บั๋ว วั้ว เต๋ย.

17เน่น เจี๋ย เญย เฒี้ยว ก๊อง, “นิ่น บัว ตุ๊ โหฒว เยีย เญย เมี่ยน. เถา เยีย เซี้ยม ฒุ์ย วั้ว ฮนอย, นิ่น บัว ฒู้ง เป๋น เยีย เญย เหล่ง เจ๊ย เญย ป่วน. เยีย อ๋อย ค้อ-เลี่ยน นิ่น บัว ฮนั้ง เตีย ค้อ-เลี่ยน นิ่น กั้น เญย ตอน, ต้ง ฟู-สู นิ่น วั้ว เต้า.

18วั้ว หฒั่น เม่ย บัว แอ๋ง ตุ๊ ปวัด หฑุ่น คู้ เมี่ยน เหธา เอ๊าะ เมี่ยน, ฟู-สู ทิน-ฮู่ง เญย เมี่ยน เหธา ไม้ ฟู-สู ทิน-ฮู่ง เญย เมี่ยน, ฮนั้ง หาย นอ ไม้ ฟี่ ฮนั้ง.”

← Chapter 2 Jump to: Chapter 4 →