Nehemiah 10

Mien Bible (Thai Script) © Thailand Bible Society, 2007

← Chapter 9 Jump to: Chapter 11 →

1เบ๊าะ เจี๊ยน เหยียน เหฌี่ย น้าย เฒ้ย โซว เญย เมี่ยน ม่าย ฮาคาลิยา เญย ตอน, เนหะมี แซ้ง-เฒี้ยว, เหธา เสเดคียา,

2เสไลอา, อาซาลิยา, เยเลมี,

3ปาดเฮ, อามาลิยา, มันคิยา,

4ฮัดทัด, เชบานียา, มันลุก,

5ฮาลิม, เมเลโม้ด, โอบาดี,

6ดานีเอน, กินเนโทน, บาลุก,

7เมซุนลาม, อาบียา, มิยามิน,

8มาอาซิยา, บินไก, เซไมอา. น้าย เต๋ย เมี่ยน โหฒว ไซ เมี่ยน.

9เลวี เมี่ยน ม่าย, อาซันยา เญย ตอน, เยซูอา, เฮนาดัด เญย เฒ้ย-ฟุน, บินนุย เหธา ขัดมีเอน,

10เหธา นิ่น บัว เญย ก๋อ-โย์ว เชบานียา, โฮดียา, เคลิทา, เปไลยา, ฮานัน,

11มีคา, เลโหบ, ฮาซาปิยา,

12สักเก, เซเลปียา, เชบานียา,

13โฮดียา, บานี เหธา เบนินู.

14แอ๋ง ม่าย แปะ ฝีง เญย เปย๊ย เฒ้ย ปัดโล้ด, ปาหัดโมอับ, เอลาม, สัดทู, บานี,

15บุนนี, อัดกาด, เบไบ,

16อาโดนียา, บิกไว, อาดีน,

17อาเท, เฮเซคียา, อัดซู,

18โฮดียา, ฮาซูม, เบไซ,

19ฮาลิบ, อานาโท้ด, เนไบ,

20มักบีอาด, เมซุนลาม, เฮซี,

21เมเซซาเบน, สาโดก, ย้าดดูวา,

22เปลาทียา, ฮานัน, อานายา,

23โฮเซยา, ฮานันยา, หัดซู้บ,

24ฮันโลเหด, ปินหา, โซเบก,

25เลฮูม, ฮาซับนา, มาอาเสอา,

26อาหิอา, ฮานัน, อานัน,

27มันลุก, ฮาลิม, เหธา บาอานา.

28“เหฒ่ง เหฌี่ย ไม้ ฝาว บั๋ว เญย เมี่ยน, เซ ไซ เมี่ยน, เลวี เมี่ยน, ฒั้ว แก้ง เญย เมี่ยน, ป๋าว ฑูง เญย เมี่ยน, หฒั่ง ทิน-ฮู่ง เญย เปย๊า เญย โปว, เหธา เหยียด ฒู้ง เหว่ย อ๋อย กัน ทิน-ฮู่ง เญย เล์ย-หลัด เล่ย ฆอย ป๊วน-เต่ย เญย ฝีงๆ เมี่ยน, เหธา นิ่น บัว เญย เอ๊า-เจว๊ย น่าม โญ์ว, ตะฟ่าน ไฮ่ เม่ง แปะ เญย เมี่ยน,

29เหธา เจี๊ยน เยีย บัว เญย ก๋อ-โย์ว, โหฒว โฮล วั้ว เต๋ย เมี่ยน, โฮ้ว เจี๊ยน แล์ง หว่า. เยีย บัว แล์ง เอย เจี๊ยน ทิน-ฮู่ง หล่ง นิ่น เญย โปว, โมเซ, จิว ปุน เยีย บัว เญย เล์ย-หลัด, หย่า กัน เหฑ่ง เฒี้ยว, เยีย บัว เญย เฒี้ยว เญย เหยียด ฒู้ง เล์ย-หลัด เหธา หลี่ง เหธา เล์ย.

30“เยีย บัว แล์ง ไม้ ปู๋ง เยีย บัว เญย เซียะ มี่ง ปุน เยียม น้าย นอม เต่ย-ปูง เญย กั้น ฝีง เมี่ยน, หย่า แล์ง ไม้ หล่ง นิ่น บัว เญย เซียะ ปุน เยีย บัว เญย ตอน.

31“สี ก๊อง น้าย นอม เต่ย-ปูง เญย กั้น ฝีง เมี่ยน หล่ง ตี้ง กง ฮนอย ต้อ ล่าง หฒิ ไฟ หาย หญู่ง กะน้าย ต้าย หม่าย, ตี้ง กง ฮนอย ไฟ หาย นอม ธีง-เหฑ่ง ฮนอย เยีย บัว ไม้ ม์าย นิ่น บัว เญย. โม์ว เสี่ย หฮญัง เยีย บัว ฒู้ง ไม้ โหฒว เด่ย หฒวัง กะน้าย หย่า กวั่ง เมี่ยน เฉียม เยีย บัว เญย หญู่งๆ แฒะ.

32“เยีย บัว ตี่ง เหฒียง หฮญังๆ เก๊าะ-เมี่ยน อ๋อย หฒุ ฝ่ง ห่อ เหยียด ฒิ่น ญ่าน เหว่ย เยีย บัว เญย ทิน-ฮู่ง เญย เปย๊า เฉียม หล่ง ฟู-สู เฒี้ยว เญย กะน้าย.

33น้าย เต๋ย ญ่าน หล่ง เหว่ย เก๋ง เฒี้ยว เญย ฌั้ว, เหว่ย หฒั่นๆ ฝ่ง ห่อ เญย ล่าง หฒิ เหธา หฒั่นๆ ปั๊ว เหฒี่ย เญย กะน้าย, หย่า หล่ง เหว่ย ตี้ง กง ฮนอย, เปียะ เซียง-หฮลา เหธา นอมๆ ฒิบ เฉียม หล่ง เหฒี่ย เญย กะน้าย, เหว่ย ธีง-เหฑ่ง เญย กะน้าย, เหว่ย หล่ง กะน้าย เหฒี่ย เถง อิสะลาเอน เมี่ยน ฟิ ฒุ์ย, หย่า เหว่ย เยีย บัว เญย ทิน-ฮู่ง เญย เปย๊า เฉียม หล่ง เญย หญู่งๆ.

34“เยีย บัว, ไซ เมี่ยน, เลวี เมี่ยน, เหธา หฒวัง แปะ ฝีง, หฮญังๆ ตี่ง แหม่ง หมั่ง ก๋า, ด๊อด หฒุ หาย ปู้ง เมี่ยน หฒิว ตี่ง ต้าย เญย เฒี่ยง โห่ อ๋อย หฒุ ต้อ ฒ่าง ต้าย เถา เยีย บัว เญย ทิน-ฮู่ง เญย เปย๊า, เหว่ย เยียม เฒี้ยว, เยีย บัว เญย ทิน-ฮู่ง, เญย เหฒี่ย-ต้อง ปั๊ว, ฮนั้ง เล์ย-หลัด เฟี้ย เจี๊ยน นอ.

35“เยีย บัว แล์ง หฮญังๆ ต้อ เยียม เดา ธ้วด เญย ต้าว ถอง แกง-หฒวัง เหธา ฒู่งๆ เดี๋ยง เญย ต้าว ถอง เปี๊ยว.

36“หฒิว เล์ย-หลัด โซว เฟี้ย เจี๊ยน เญย, เยีย บัว แล์ง ต้อ เยีย บัว เญย ตอน-หละเก๊า เหธา เยีย บัว เญย แซง-คู้, เซ ง่ง กวั้น, ปะกี ยู่ง กวั้น เญย ต้าว ทอย ตอน, มี่ง เถา หฒั่ง ทิน-ฮู่ง เญย เปย๊า, จิว ปุน เยียม วั้ว ฟู-สู เญย ไซ เมี่ยน.

37“เยีย บัว หย่า อ๋อย ต้อ เซียง-ล่าง หฒิ หม่อ ต้าย เญย บ๊วน, ฝ่ง ห่อ เหฒี่ย เญย ล่าง หฒิ, ฒู่งๆ เดี๋ยง เญย ต้าว ถอง เปี๊ยว, เซียง-อะหงุ่น ติ๊ว เหธา กะลั้น โย่ว ฝูง ปุน ไซ เมี่ยน เยียม เยีย บัว เญย ทิน-ฮู่ง เญย เปย๊า เซียว กะน้าย เญย ต๋อง วั้ว. เยีย บัว หย่า อ๋อย เฒาะ เยีย บัว เญย แกง-หฒวัง เหฒียบ โก๊ว เญย เหยียด โก๊ว ฝูง ปุน เลวี เมี่ยน เหว่ย หฒุ เลวี เมี่ยน อ๋อย หฒุ มี่ง นอมๆ ฟิ้ว-ล์าง เซียว เหฒียบ โก๊ว เญย เหยียด โก๊ว.

38เลวี เมี่ยน ฒิบ น้าย เต๋ย กะน้าย เหฒียบ โก๊ว เญย เหยียด โก๊ว วั้ว หฒั่น, อาโลน เญย เฒ้ย-ฟุน เญย เหยียด เต้า ไซ เมี่ยน อ๋อย หฒุ เหธา เลวี เมี่ยน เยียม. เซียว ต้าย เญย เหฒียบ โก๊ว เญย เหยียด โก๊ว, เลวี เมี่ยน อ๋อย หฒุ แอ๋ง เฒาะ ธ้วด เหฒียบ โก๊ว เญย เหยียด โก๊ว ฝูง เถา หฒั่ง เยีย บัว เญย ทิน-ฮู่ง เญย เปย๊า เซียว เจี๊ยน เซียว กะน้าย เญย ต๋อง.

39อิสะลาเอน เมี่ยน เหธา เลวี เมี่ยน ต้อ ฝ่ง ห่อ เญย กะน้าย, เซ เบย้า, เซียง-อะหงุ่น ติ๊ว เหธา กะลั้น โย่ว, เถา เซียว สีง ติ่น เญย จา-สี่ เญย ต๋อง, หย่า ต้ง เยียม สีง ติ่น ฟู-สู เญย ไซ เมี่ยน เหธา ฒั้ว แก้ง เมี่ยน เหธา ป๋าว ฑูง เมี่ยน เยียม เญย ต๋อง. “เยีย บัว ฒู้ง ไม้ กวั่ง เยีย บัว เญย ทิน-ฮู่ง เญย เปย๊า.”

← Chapter 9 Jump to: Chapter 11 →