bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Iu
/
ฉบับอักษรโรมันใหม่ - Thailand Bible Society, 2007
/
Genesis 32
Genesis 32
ฉบับอักษรโรมันใหม่ - Thailand Bible Society, 2007
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 33 →
1
Yaakopv gan jienv jauv mingh wuov zanc, maaih deix Tin-Hungh nyei fin-mienh daaih buangh ninh.
2
Yaakopv buatc fin-mienh ninh gorngv, “Naaiv se Tin-Hungh nyei baeng.” Ninh ziouc cuotv wuov norm dorngx nyei mbuox heuc Maa^haa^naa^im.
3
Yaakopv paaiv deix douc fienx mienh mingh ndaangc taux Se^i Deic, E^ndom Deic-Bung, lorz ninh nyei gorx, Esaau.
4
Ninh yaac njaaux ziangx waac ninh mbuo. Ninh gorngv, “Meih mbuo oix zuqc hnangv naaiv nor mbuox yie nyei ziouv, Esaau, oc. Mbuox ninh, ‘Meih nyei bou, Yaakopv, gorngv, yie mingh caux Laa^mbaan yiem taux ih zanc.
5
Yie maaih ngongh, lorh, ba'gi yungh caux yungh, maaih nouh gauv nouh beiz. Yie paaiv mienh mingh mbuox meih, yie nyei ziouv, tov meih nqoi fim nqoi eix bun yie.’+”
6
Douc fienx mienh nzuonx taux Yaakopv wuov gorngv, “Yie mbuo taux meih nyei gorx Esaau wuov mi'aqv. Ih zanc ninh daaih buangh meih, aengx maaih feix baeqv dauh mienh caux jienv ninh daaih.”
7
Yaakopv gamh nziex haic yaac nzauh haic aqv, ziouc zorqv gan ninh daaih nyei mienh caux ngongh guanh, ba'gi yungh guanh, yungh guanh, caux lorh torh bun nqoi zoux i guanh.
8
Ninh yiem hnyouv hnamv, “Se gorngv Esaau daaih zoux waaic daauh guanh, da'nyeic guanh corc haih biaux duqv ndutv.”
9
Yaakopv daux gaux gorngv, “Yie nyei ong, Apc^laa^ham, nyei Tin-Hungh caux yie nyei die, I^sakc, nyei Tin-Hungh aac. O Ziouv, meih mbuox yie nzuonx yie ganh nyei buonv-deic-bung, yie nyei cien-ceqv muoz-doic nyei dorngx. Meih yaac oix bun yie duqv longx.
10
Yie maiv puix meih ndongc naaiv korv-lienh, ziepc zuoqv nyei zoux bun yie, meih nyei bou. Jiex Jor^ndaen Ndaaih wuov zanc yie kungx maaih nduqc diuh biaav-mbiaac hnangv. Ih zanc yie aengx nzuonx maaih naaiv deix i guanh mienh caux saeng-kuv.
11
Tov meih njoux yie biaux ndutv yie nyei gorx, Esaau, nyei buoz-ndiev weic zuqc yie gamh nziex ninh oix daaih daix nzengc yie mbuo, liemh m'sieqv dorn caux fu'jueiv daix nzengc.
12
Ziouv gorngv jiex, ‘Yie oix bun meih duqv longx yaac bun meih nyei zeiv-fun ndongc koiv-hlen nyei saa-ziou camv, zungv saauv maiv zienz.’+”
13
Wuov muonz Yaakopv hitv wuov norm dorngx. Ninh ginv cuotv deix ninh maaih nyei ga'naaiv zoux zingh nyeic bun ninh nyei gorx, Esaau.
14
Ninh zorqv cuotv nyic baeqv dauh yungh nyeiz, nyic ziepc dauh yungh gouv, caux nyic baeqv dauh ba'gi yungh nyeiz, nyic ziepc dauh ba'gi yungh gouv,
15
caux faah ziepc dauh lorh torh dorh jienv dorn nyei, caux feix ziepc dauh ngongh nyeiz, ziepc dauh ngongh gouv, caux nyic ziepc dauh lorh nyeiz, ziepc dauh lorh gouv.
16
Ninh bun nqoi yietc nyungc zoux yietc guanh, yietc guanh bun yietc dauh bou goux. Ninh aengx mbuox bou, “Meih oix zuqc horngh saeng-kuv mingh ndaangc yie. Yietc guanh caux yietc guanh oix zuqc leih saa deix.”
17
Yaakopv yaac gorngv mbuox mingh ndaangc wuov dauh, “Buangh zuqc yie nyei gorx, Esaau, wuov zanc, ninh naaic gaax meih, ‘Meih nyei ziouv dongh haaix dauh?’ caux ‘Meih mingh haaix? Mingh ndaangc naaiv deix saeng-kuv se haaix dauh nyei?’
18
Oix zuqc hnangv naaiv nor dau. ‘Dongh meih nyei bou, Yaakopv, nyei. Ninh fungx naaiv deix saeng-kuv daaih zoux zingh nyeic bun ninh nyei ziouv, Esaau. Yaakopv ganh yaac gan jienv nqa'haav daaih.’+”
19
Yaakopv njaaux ziangx da'nyeic caux da'faam aengx caux dauh dauh horngh saeng-kuv nyei mienh, “Buangh Esaau nyei ziangh hoc oix zuqc dongh joux waac gorngv.
20
Meih mbuo oix zuqc gorngv, ‘Meih nyei bou, Yaakopv, gan jienv yie mbuo nqa'haav daaih.’+” Weic zuqc Yaakopv yiem hnyouv hnamv, “Yie fungx zingh nyeic mingh ndaangc nunz jienv ninh nyei hnyouv. Yie duqv buatc ninh nyei hmien nziex ninh caux yie zoux horpc mv bei.”
21
Yaakopv fungx zingh nyeic mingh ndaangc. Ninh ganh aeqv, aengx bueix muonz wuov ndopv-liuh ciangv.
22
Wuov muonz Yaakopv jiez sin dorh ninh nyei i dauh auv, i dauh nouh beiz, caux ninh nyei ziepc yietv dauh fu'jueiv, yangh Yapv^mborkc Ndaaih nyei jauv-bouc jiex wuov ngaanc ziqc Yapv^mborkc Ndaaih.
23
Ninh aengx fungx ninh nyei yietc zungv ga'naaiv jiex nzengc.
24
Kungx zengc ninh ganh yiem wuov hnangv. Aengx maaih dauh mienh daaih caux ninh borngz jaax taux lungh aav lamh njang.
25
Wuov dauh mienh haiz ninh borngz maiv hingh Yaakopv, ninh ziouc muoqv Yaakopv nyei camh zuih mbungv piatv mingh.
26
Wuov dauh mienh gorngv, “Bungx yie maah! Lungh njang aqv niaa.” Yaakopv dau, “Meih maiv buang waac yie nor, yie maiv bungx meih.”
27
Wuov dauh mienh naaic gaax, “Meih nyei mbuox heuc haaix nyungc?” Ninh dau, “Yie heuc Yaakopv.”
28
Wuov dauh mienh gorngv, “Yiem naaiv mingh meih nyei mbuox maiv heuc Yaakopv aqv. Meih nyei mbuox heuc I^saa^laa^en, weic zuqc meih caux Tin-Hungh borngz jaax yaac borngz duqv hingh. Caux mienh borngz jaax yaac borngz duqv hingh.”
29
Yaakopv gorngv, “Tov mbuox yie, meih nyei mbuox heuc haaix nyungc?” Mv baac ninh dau, “Meih weic haaix diuc naaic yie nyei mbuox?” Ninh ziouc yiem wuov buang waac Yaakopv.
30
Yaakopv gorngv, “Yie hmien doix hmien buatc liuz Tin-Hungh, yie corc maaih maengc ziangh nyei.” Ninh ziouc cuotv wuov norm dorngx nyei mbuox heuc Be^ni^en.
31
Yaakopv jiex Be^ni^en wuov zanc, mba'hnoi cuotv daaih aqv. Ninh ziouc la'mbai-la'mbai nyei mingh aqv, laaix ninh nyei camh zuih mbungv piatv mingh.
32
Laaix Yaakopv zuqc wuov dauh mienh muoqv ninh nyei camh zuih mbungv piatv mingh, yiem naaic daaih taux ih zanc, I^saa^laa^en Mienh maiv nyanc camh zuih mbungv nyei jaan.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50