bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Iu
/
ฉบับอักษรโรมันใหม่ - Thailand Bible Society, 2007
/
Genesis 41
Genesis 41
ฉบับอักษรโรมันใหม่ - Thailand Bible Society, 2007
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
1
Jiex daaih buangv i hnyangx, Faalo Hungh mbeix norm mbeix, mbeix buatc ninh ganh souv jienv Nai^aa Ndaaih hlen.
2
Maaih siec dauh yangh ngongh nyeiz nzueic nyei, junc nyei, yiem ndaaih cuotv daaih yiem wuov nyanc luoqc diqc normh.
3
Aengx maaih siec dauh yangh ngongh nyeiz korng jaic nyei, aqc mangc nyei, yiem Nai^aa Ndaaih cuotv daaih souv jienv junc wuov deix ngongh nyeiz nyei ga'hlen.
4
Ngongh jaic ziouc nyanc nzengc wuov deix siec dauh ngongh junc. Mbeix liuz, hungh diex ziouc nyie daaih aqv.
5
Hungh diex aengx m'njormh mingh, mbeix da'nyeic norm mbeix. Mbeix buatc maaih zungh mbiauh cuotv siec dorv, yietc zungv jauh nyei, yangh nyei.
6
Nqa'haav aengx cuotv siec dorv mbiauh maux, jieqv nyei, laaix zuqc dong bung maengx nyei nziaaux buonc.
7
Mbiauh maux naqv nzengc wuov deix siec dorv jauh nyei, yangh nyei mbiauh mi'aqv. Faalo Hungh ziouc nyie daaih, hiuv duqv ninh mbeix buatc.
8
Da'nyeic ndorm ninh haiz hnyouv maiv henh ziouc heuc I^yipv Deic-Bung nyei mangc sou porv mbeix nyei fin-saeng caux guai-gorqv fin-saeng yietc zungv daaih. Faalo ziouc gorngv ninh nyei mbeix bun ninh mbuo muangx. Mv baac maiv maaih haaix dauh haih porv duqv mbeix cuotv.
9
Wuov zanc tengx Faalo Hungh bouh diuv wuov dauh domh jien gorngv mbuox hungh diex, “Ih hnoi yie jangx zuqc yie zoux dorngc nyei sic aqv.
10
Maaih nzunc hungh diex qiex jiez ninh nyei bou, ziouc zorqv yie caux zoux njuov nyei domh jien mingh wuonx jienv yiem goux hungh dinc nyei domh baeng-bieiv nyei biauv wuov norm loh.
11
Maaih muonz nor, yie mbuo i dauh zungv mbeix mbeix. Yietc dauh nyei mbeix maaih yietc nyungc eix leiz.
12
Maaih dauh Hipv^lu mienh lunx mienh yaac caux yie mbuo zuqc wuonx jienv loh. Ninh zoux goux hungh dinc nyei domh baeng-bieiv nyei nouh. Yie mbuo gorngv yie mbuo nyei mbeix bun ninh muangx, ninh ziouc ziux gorqv-mienh nyei mbeix porv mbeix nyei eix leiz.
13
Nqa'haav za'gengh doix-diuc nzengc ninh porv nyei eix leiz. Yie duqv zoux gong hnangv zinh ndaangc nor, mv baac zoux njuov wuov dauh zuqc dorh mingh ndiux jienv ndiangx daix guangc.”
14
Faalo Hungh ziouc paaiv mienh mingh heuc Yosepv daaih. Ninh mbuo ziouc siepv-siepv nyei mingh dorh ninh cuotv. Yosepv teix siaam, japv mba'bieiv, yienc nqoi lui-houx, mingh taux Faalo Hungh nyei nza'hmien.
15
Hungh diex gorngv mbuox ninh, “Yie mbeix norm mbeix yaac maiv maaih haaix dauh haih porv duqv cuotv. Yie haiz mienh gorngv meih haiz liuz mbeix ziouc haih porv mbeix nyei.”
16
Yosepv dau Faalo Hungh, “Se maiv zeiz yie haih porv mbeix. Tin-Hungh ganh oix porv duqv horpc mbuox Faalo.”
17
Faalo Hungh ziouc gorngv mbuox Yosepv, “Yie mbeix buatc yie ganh souv jienv Nai^aa Ndaaih hlen.
18
Maaih siec dauh yangh ngongh nyeiz nzueic nyei, junc nyei, yiem wuov ndaaih cuotv daaih yiem wuov nyanc luoqc diqc normh.
19
Nqa'haav aengx maaih siec dauh yangh ngongh nyeiz korng jaic nyei, aqc mangc nyei, cuotv daaih. Yiem I^yipv Deic-Bung yie maiv gaengh buatc jiex yangh ngongh ndongc naaic aqc mangc.
20
Wuov deix ngongh jaic nyanc nzengc cuotv ndaangc wuov deix siec dauh ngongh junc.
21
Nyanc liuz mv baac maiv maaih haaix dauh zieqv duqv ninh mbuo nyanc wuov deix ngongh junc. Ninh mbuo corc hnangv zinh ndaangc nor, aqc mangc. Yie ziouc nyie daaih aqv.
22
“Yie aengx mbeix buatc maaih zungh mbiauh cuotv siec dorv jauh nyei, yangh nyei.
23
Nqa'haav aengx cuotv siec dorv mbiauh maux, nyaux nzengc, jieqv nzengc, laaix zuqc dong bung nyei nziaaux buonc.
24
Wuov deix mbiauh maux naqv nzengc wuov deix siec dorv mbiauh jauh mi'aqv. Yie gorngv yie nyei mbeix bun mangc sou porv mbeix nyei fin-saeng muangx yaac maiv maaih yietc dauh haih porv duqv cuotv.”
25
Yosepv ziouc gorngv mbuox Faalo Hungh, “I norm mbeix nyei eix leiz zungv fih hnangv nyei. Tin-Hungh jaa-ndaangc bun meih hiuv duqv ninh oix hnangv haaix nor zoux.
26
Wuov deix siec dauh yangh ngongh junc beiv siec hnyangx. Wuov deix siec dorv mbiauh jauh yaac beiv siec hnyangx. I norm mbeix nyei eix leiz se fih hnangv nyei.
27
Nqa'haav cuotv wuov deix siec dauh yangh ngongh jaic nyei, aqc mangc nyei, caux wuov deix siec dorv mbiauh maux zuqc dong bung maengx nyei nziaaux buonc jieqv mingh, se beiv siec hnyangx domh huaang domh ngorc.
28
“Naaiv za'gengh hnangv yie mbuox liuz hungh diex wuov nor. Tin-Hungh oix bun meih hiuv duqv ninh oix hnangv haaix nor zoux.
29
Yiem naaiv mingh siec hnyangx gu'nyuoz, gormx I^yipv Deic-Bung bungx-zuoqc longx.
30
Nqa'haav aengx maaih siec hnyangx domh huaang domh ngorc. Laaix ngorc hnaangx, mienh zungv oix la'kuqv bungx-zuoqc longx nyei hnyangx. Deic-bung yaac oix waaic nzengc.
31
Taux ngorc nyei ziangh hoc ba'laqc ngorc duqv kouv haic, mienh ziouc la'kuqv nzengc bungx-zuoqc longx nyei ziangh hoc.
32
Hungh diex mbeix naaiv deix i norm mbeix biux mengh Tin-Hungh dingc ziangx hnangv naaiv nor zoux yaac oix siepv-siepv nyei zoux.
33
“Hnangv naaiv, tov hungh diex ginv dauh guai nyei, maaih cong-mengh nyei mienh, orn ninh gunv I^yipv Deic-Bung.
34
Aengx orn deix jien gunv gormx deic-bung. Naaiv deix bungx-zuoqc longx nyei siec hnyangx gu'nyuoz oix zuqc siou yietc zungv gaeng-zuangx biaa gouv nyei yietc gouv.
35
Naaiv deix hnyangx-zingh longx nyei ziangh hoc naaiv deix jien oix zuqc zorqv laangh ziqc gapv nzoih guei Faalo Hungh nyei buoz-ndiev siou jienv yiem norm-norm zingh zoux nyanc hopv.
36
Naaiv deix laangh ziqc liouh jienv mbungh I^yipv Deic-Bung ngorc siec hnyangx nyei ziangh hoc ziouc maaih nyanc maaih hopv weic maiv bun deic-bung laaix ngorc hnaangx zuqc mietc nzengc.”
37
Faalo Hungh caux ninh nyei yietc zungv jien haiz Yosepv nyei za'eix longx nyei.
38
Hungh diex gorngv mbuox ninh nyei zuangx jien, “Mbuo haih lorz duqv ganh dauh hnangv naaiv dauh maaih Tin-Hungh nyei Singx Lingh fai?”
39
Ninh gorngv mbuox Yosepv, “Weic zuqc Tin-Hungh bun meih hiuv duqv naaiv deix yietc zungv sic, maiv maaih haaix dauh ndongc meih guai yaac maaih cong-mengh.
40
Yie oix bun meih goux yie nyei dinc. Yie nyei zuangx baeqc fingx yaac oix zuqc mbuoqc meih, muangx meih nyei waac. Kungx yie ganh maaih lingc gauh hlo jiex meih nyei hnangv.”
41
Faalo Hungh aengx gorngv mbuox Yosepv, “Yie ih zanc orn meih gunv nzengc I^yipv Deic-Bung.”
42
Faalo Hungh ziouc hlutv maaih yienx nyei buoz-ndoqv-nzaeng tengx Yosepv dangh jienv. Bun ninh zuqv jienv la'maah ndie-muonc nyei lui-ndaauv, aengx zorqv diuh jiem-limc kuangx jienv ninh nyei jaang.
43
Faalo yaac bun Yosepv zueiz ninh nyei da'nyeic norm maaz-cie. Aengx maaih mienh mingh ndaangc heuc jienv gorngv, “Gueic njiec ov!” Faalo Hungh hnangv naaiv orn ninh gunv I^yipv Deic-Bung.
44
Faalo aengx gorngv mbuox Yosepv, “Yie zoux Faalo Hungh Diex. Cuotv liuz meih ganh nqoi nzuih, yiem naaiv I^yipv Deic-Bung maiv maaih haaix dauh haih zoux haaix nyungc.”
45
Hungh diex tengx Yosepv cuotv norm I^yipv Deic-Bung nyei mbuox heuc Saax^fe^naatv Baa^ne^aa yaac zorqv On Zingh nyei sai mienh, Bo^ti^fe^laa, nyei sieqv, Aa^se^natv, bun Yosepv longc zoux auv. Yosepv ziouc cuotv mingh zaah gormx I^yipv Deic-Bung.
46
Yosepv jiez gorn weic I^yipv Deic-Bung nyei Faalo Hungh zoux gong wuov zanc, ninh nyei hnyangx-jeiv duqv faah ziepc hnyangx. Ninh yiem hungh dinc cuotv mingh youh gormx I^yipv Deic-Bung.
47
Yiem wuov deix bungx-zuoqc longx nyei siec hnyangx gu'nyuoz, deic-bung cuotv gaeng-zuangx ga'naaiv longx haic.
48
Yosepv ziouc siou naaiv deix siec hnyangx gu'nyuoz nyei laangh ziqc gapv zunv yiem norm-norm zingh. Yiem haaix norm zingh nyei horngc zaangc zuangx nyei laangh ziqc yaac siou daaih gapv zunv an jienv wuov norm zingh.
49
Yosepv siou duqv laangh ziqc ndongc koiv-hlen nyei saa-ziou camv. Camv gau, hlaau maiv hingh, saauv maiv hingh, ziang naaic maiv saauv aqv.
50
Domh ngorc nyei hnyangx-zingh maiv gaengh taux, On Zingh nyei sai mienh, Bo^ti^fe^laa, nyei sieqv, Aa^se^natv, yungz duqv i dauh dorn bun Yosepv.
51
Yosepv ziouc tengx ninh nyei dorn-hlo cuotv mbuox heuc Maa^natv^se. Ninh gorngv, “Tin-Hungh tengx yie la'kuqv yie nyei yietc zungv kouv naanc caux yie nyei die nyei biauv zong hmuangv doic.”
52
Da'nyeic dauh dorn ninh cuotv mbuox heuc E^faa^im yaac gorngv, “Weic zuqc yiem naaiv deic-bung yie siouc kouv naanc mv baac Tin-Hungh bun yie duqv fu'jueiv.”
53
I^yipv Deic-Bung bungx-zuoqc longx nyei siec hnyangx jiex liuz,
54
aengx bieqc siec hnyangx nyei domh ngorc doix nzengc Yosepv gorngv nyei waac. Norm-norm guoqv ngorc nzengc aqv. Mv baac I^yipv Deic-Bung norm-norm dorngx maaih nyanc nyei.
55
Taux I^yipv Mienh ngorc daaih, zuangx baeqc fingx mingh tengx Faalo Hungh tov nyanc. Hungh diex gorngv mbuox ninh mbuo, “Meih mbuo oix zuqc mingh lorz Yosepv hnangv. Ninh hnangv haaix nor gorngv, meih mbuo oix zuqc ei jienv ninh nyei waac zoux.”
56
Domh ngorc gunv zoux gunv kouv buangv nzengc I^yipv Deic-Bung mi'aqv. Yosepv ziouc koi nqoi ninh nyei norm-norm dorngx nyei domh lamz maaic mbiauh cuotv bun I^yipv Mienh.
57
Aengx maaih lungh ndiev mienh yietc zungv mingh I^yipv Deic-Bung tengx Yosepv maaiz mbiauh, weic zuqc lungh ndiev zuqc domh huaang domh ngorc kouv haic.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50