Leviticus 12

ฉบับอักษรโรมันใหม่ - Thailand Bible Society, 2007

← Chapter 11 Jump to: Chapter 13 →

1Ziouv gorngv mbuox Mose,

2“Oix zuqc mbuox I^saa^laa^en Mienh, ‘Se gorngv haaix dauh m'sieqv dorn maaih gu'nguaaz, yungz duqv dauh dorn, wuov dauh m'sieqv dorn maaih uix siec hnoi hnangv sin-yienc nyei hnoi-nyieqc maaih uix wuov nor.

3Taux da'betv wuov hnoi, oix zuqc tengx wuov dauh gu'nguaaz-dorn jiex gaatv nyei leiz.

4m'sieqv dorn corc oix zuqc aengx zuov faah ziepc faam hnoi cingx daaih haih saax nzengc yungz gu'nguaaz cuotv nziaamv nyei uix. Ninh yaac maiv dungx muoqv zuqc haaix nyungc cing-nzengc nyei ga'naaiv. Yaac maiv dungx bieqc zaangc Tin-Hungh nyei Ndopv-Liuh. Zuov taux yungz gu'nguaaz cuotv nziaamv maaih uix nyei hnoi-nyieqc buangv.

5Mv baac yungz duqv gu'nguaaz-sieqv nor, ziouc maaih uix i norm leiz-baaix, hnangv sin-yienc nyei hnoi-nyieqc maaih uix wuov nor. Oix zuqc aengx zuov luoqc ziepc luoqc hnoi taux yungz gu'nguaaz cuotv nziaamv maaih uix nyei hnoi-nyieqc buangv.

6“+‘Taux saax uix nyei hnoi-nyieqc buangv, maiv gunv yungz duqv dorn fai sieqv, ninh oix zuqc dorh dauh doix hnyangx nyei ba'gi yungh dorn zoux buov ziec fongc horc nyei ga'naaiv. Yaac oix zuqc dorh norm baeqc gopv lunx fai yietc norm norqc nqo ziec weic fiqv zuiz. Oix zuqc dorh taux Wuic Buangh Ndopv-Liuh nyei gaengh ndaangc jiu bun sai mienh.

7Sai mienh ziouc dorh naaiv deix ga'naaiv yiem Ziouv nyei nza'hmien ziec tengx ninh saax nzengc yungz gu'nguaaz cuotv nziaamv nyei uix. Naaiv se m'sieqv dorn yungz gu'nguaaz nyei leiz maiv gunv yungz dorn fai sieqv.

8Se gorngv ninh maiv maaih nyaanh maaiz yietc dauh ba'gi yungh dorn, ninh oix zuqc dorh i norm norqc nqo fai i norm baeqc gopv lunx. Longc norm zoux buov ziec fongc horc nyei ga'naaiv. Aengx longc norm fiqv zuiz, bun sai mienh tengx ninh saax uix. Ninh ziouc cing-nzengc mi'aqv.’+”

← Chapter 11 Jump to: Chapter 13 →