bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Iu
/
ฉบับอักษรโรมันใหม่ - Thailand Bible Society, 2007
/
Leviticus 8
Leviticus 8
ฉบับอักษรโรมันใหม่ - Thailand Bible Society, 2007
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
1
Ziouv gorngv mbuox Mose,
2
“Dorh Aalon caux ninh nyei dorn mbuo daaih souv jienv Wuic Buangh Ndopv-Liuh nyei gaengh ndaangc. Aengx dorh zoux sai nyei lui-houx caux orn mienh nyei youh caux dauh ngongh gouv ziec fiqv zuiz caux i dauh ba'gi yungh gouv, caux ndaan maiv an bingv nyei njuov daaih.
3
Aengx heuc zuangx baeqc fingx daaih gapv zunv yiem Wuic Buangh Ndopv-Liuh nyei gaengh ndaangc.”
4
Mose ziux Ziouv mbuox nyei waac zoux nzengc. Zuangx mienh ziouc daaih gapv zunv yiem Wuic Buangh Ndopv-Liuh nyei gaengh ndaangc.
5
Mose mbuox zuangx mienh, “ Ziouv paaiv ziangx oix zuqc hnangv naaiv nor zoux.”
6
Mose ziouc dorh Aalon caux ninh nyei dorn mbuo daaih, longc wuom tengx ninh mbuo nzaaux sin.
7
Ninh zorqv gu'nyuoz wuov yiemc lui-ndaauv tengx Aalon zuqv jienv, sai jienv jiex jaaiv ndie. Zorqv domh lui-guaax tengx ninh zuqv jienv. Aengx zorqv efotv bun ninh zuqv jienv, yaac longc buoz-dauh longx, ndatv daaih nzueic nyei efotv hlaang, sai jienv sin longx nyei.
8
Mose aengx zorqv buang la'kuotv wuov kuaaiv ga'naaiv buang jienv Aalon nyei la'kuotv, yaac zorqv Ulim caux Tummim dapv jienv gu'nyuoz,
9
zorqv m'nqorngv-beu beu jienv ninh nyei m'nqorngv. Aengx zorqv zoux jangx-hoc biux mengh fungx bun Ziouv wuov kuaaiv jiem-baaih naetv jienv m'nqorngv-beu nza'hmien maengx.
10
Mose ziouc longc orn mienh nyei youh dox zaangc Tin-Hungh nyei ndopv-liuh caux yiem ndopv-liuh nyei nyungc-nyungc ga'naaiv, zorqv yietc zungv fungx benx Ziouv nyei.
11
Ninh aengx longc wuov deix youh fuqv ziec-dorngh gu'nguaaic siec nzunc, yaac guoqv ziec dorngh caux ziec-dorngh nyei yietc zungv jaa-sic caux bunh caux bunh nyei taapv weic saax cing-nzengc daaih.
12
Ninh aengx longc orn mienh nyei youh dox Aalon nyei m'nqorngv weic orn ninh yaac saax ninh cing-nzengc.
13
Mose aengx dorh Aalon nyei dorn mbuo daaih tengx ninh mbuo zuqv lui-ndaauv, sai jienv jiex jaaiv ndie, zorqv muoc bun ninh ndongx jienv, ziux Ziouv mbuox Mose nor.
14
Mose zorqv ziec weic fiqv zuiz wuov dauh ngongh gouv daaih. Aalon caux ninh nyei dorn mbuo ziouc dorh buoz maan jienv ngongh nyei m'nqorngv.
15
Mose ziouc daix wuov dauh ngongh, longc buoz-ndoqv coqv ngongh nyei nziaamv zaix ziec-dorngh biei norm gorqv nyei jorng weic bun ziec-dorngh cing-nzengc. Ninh zorqv nziaamv dox njiec ziec-dorngh nyei gorn weic saax ziec-dorngh nyei uix, zorqv ziec-dorngh fungx bun Ziouv.
16
Mose zorqv yietc zungv yiem hnyouv nyei hmei, buang jienv hlan nyei orv-mbiorngz, i norm nyutc zeiv caux naetv nyutc zeiv nyei hmei, an jienv ziec-dorngh gu'nguaaic buov.
17
Mv baac ngongh nyei ndopv caux orv caux jaangh dorh cuotv ziqc ndopv-liuh ciangv longc douz buov guangc, ziux Ziouv mbuox Mose nyei waac zoux.
18
Ninh aengx zorqv weic buov ziec nyei ba'gi yungh gouv daaih. Aalon caux ninh nyei dorn mbuo dorh buoz maan jienv naaiv dauh ba'gi yungh nyei m'nqorngv.
19
Mose ziouc daix daaih, zorqv ba'gi yungh nyei nziaamv pietv huing gormx ziec-dorngh biei bung.
20
Hngaqv ba'gi yungh benx yietc nqanx yietc nqanx liuz, Mose zorqv m'nqorngv caux orv, liemh hmei buov nzengc.
21
Longc wuom nzaaux liuz gu'nyuoz hnyouv nyei ga'naaiv caux zuih, Mose ziouc zorqv naaiv dauh ba'gi yungh nyei nyungc-nyungc an ziec-dorngh buov ziec, weih ndaang nyei qiex horpc Ziouv nyei hnyouv. Se longc douz buov ziec fongc horc bun Ziouv, ziux Ziouv mbuox Mose zoux wuov nor.
22
Mose aengx zorqv da'nyeic dauh ba'gi yungh gouv, dongh longc orn mienh zoux sai mienh wuov dauh. Aalon caux ninh nyei dorn mbuo dorh buoz maan jienv wuov dauh ba'gi yungh gouv nyei m'nqorngv.
23
Mose ziouc daix daaih aengx zorqv deix ba'gi yungh nyei nziaamv guoqv Aalon nyei mbiaauc bung m'normh biouv caux mbiaauc jieqv buoz-ndoqv-nyeiz caux mbiaauc jieqv zaux-ndoqv-nyeiz.
24
Zoux liuz, ziouc dorh Aalon nyei dorn mbuo daaih aengx zorqv deix naaiv dauh yungh nyei nziaamv guoqv ninh mbuo nyei mbiaauc bung m'normh biouv, mbiaauc jieqv buoz-ndoqv-nyeiz caux mbiaauc jieqv zaux-ndoqv-nyeiz. Zengc njiec nyei nziaamv Mose pietv ziec-dorngh biei bung.
25
Ninh aengx zorqv hmei caux junc nyei dueiv, liemh yietc zungv yiem hnyouv nyei hmei, caux buang jienv hlan nyei orv-mbiorngz, i norm nyutc zeiv caux banv youh caux mbiaauc bung zaux-zuih.
26
Yiem Ziouv nyei nza'hmien wuov ndaan maiv an bingv nyei njuov Mose zorqv norm maiv an bingv zorpc jienv ga'lanv youh nyei njuov, caux yietc norm nzaatv jienv ga'lanv youh nyei njuov caux yietc norm njuov-bieqc hietv jienv hmei caux mbiaauc bung zaux-zuih gu'nguaaic.
27
Naaiv deix ga'naaiv yietc zungv ninh hietv jienv Aalon caux ninh nyei dorn mbuo nyei buoz. Ninh mbuo ziouc yiem Ziouv nyei nza'hmien cunv ging weic zoux cunv ging fongc horc nyei ga'naaiv.
28
Mose aengx zorqv yiem ninh mbuo nyei buoz wuov deix ga'naaiv daaih an jienv ziec-dorngh, buov ziec nyei ga'naaiv gu'nguaaic, yietc njiec buov. Se ziec weic orn mienh zoux sai mienh nyei ga'naaiv, longc douz buov ziec fongc horc bun Ziouv, weih ndaang nyei qiex horpc Ziouv nyei hnyouv.
29
Mose yaac zorqv lorqc hiuang orv yiem Ziouv nyei nza'hmien cunv ging weic zoux cunv ging fongc horc nyei ga'naaiv. Naaiv se Mose nyei buonc longc orn mienh zoux sai mienh nyei yungh gouv orv, ziux Ziouv paaiv Mose nyei waac.
30
Mose aengx zorqv deix orn mienh nyei youh caux yiem ziec-dorngh nyei nziaamv fuqv Aalon caux ninh nyei lui-houx. Yaac fuqv Aalon nyei dorn mbuo caux ninh mbuo nyei lui-houx. Hnangv naaic ninh zorqv Aalon caux ninh nyei dorn mbuo caux ninh mbuo zoux sai nyei lui-houx fungx bun Ziouv.
31
Mose mbuox Aalon caux ninh nyei dorn mbuo, “Zorqv orv yiem wuov Wuic Buangh Ndopv-Liuh nyei gaengh ndaangc zouv, yaac yiem wuov nyanc, caux jienv fongc horc weic orn zoux sai mienh wuov norm ndaan nyei njuov hnangv yie paaiv ziangx gorngv, ‘Naaiv se Aalon caux ninh nyei dorn mbuo oix zuqc nyanc.’
32
Zengc njiec nyei orv caux njuov oix zuqc longc douz buov guangc.
33
Oix zuqc yiem Wuic Buangh Ndopv-Liuh nyei gaengh ndaangc siec hnoi yaac maiv dungx cuotv mingh haaix ndau. Zuov taux orn zoux sai mienh nyei leiz nyei hnoi-nyieqc buangv, weic zuqc orn mienh nyei leiz se longc siec hnoi cingx dunh yunh.
34
Ih hnoi zoux nyei se ziux Ziouv mbuox nyei waac weic tengx meih mbuo fiqv zuiz.
35
Oix zuqc yiem Wuic Buangh Ndopv-Liuh nyei gaengh ndaangc buangv siec hnoi siec muonz, ei jienv Ziouv nyei waac zoux. Maiv zei aeqv, nziex meih mbuo zuqc daic weic zuqc Ziouv hnangv naaiv nor hatc yie.”
36
Aalon caux ninh nyei dorn mbuo ziouc ei jienv Ziouv longc Mose paaiv nyei waac zoux nzengc.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27