Lamentations 5

Javanese KJS17 (Kitab Jawa Suriname)

← Chapter 4 Jump to:

1Duh GUSTI, Panjenengan supaya éling apa sing wis pada kita alami, supaya Panjenengan gelem weruh lan mangertèni marang kahanané kita sing asor iki.

2Negara panduman kita wis tiba marang bangsa liya, omah-omah kita marang wong mantya.

3Kita pada dadi botyah lola, ora nduwé bapak, ibu kita pada kaya randa.

4Enggèn kita ngombé banyu karo tuku, lan enggèn kita nganggo kayu karo mbayar.

5Kita pada diuber-uber ing tyedakan, pada kesel nanging ora olèh ngasuh.

6Kita wis pada ngatungké tangan marang wong Egipte, lan marang wong Asyur, supaya bisaa mangan warek.

7Para leluhur kita sing pada nggawé dosa wis ora ana, kita sing nyangga dosané.

8Réwang tukon pada mréntah kita, ora ana sing ngluwari kita sangka tangané.

9Enggèn kita golèk pangan karo antyaman, awit sangka anané mungsuh ing ara-ara samun.

10Kulit kita murup kaya prapèn, awit panasé nemen sing kaliren.

11Para wong wadon ing Sion pada dirujak, mengkéné uga prawan-prawan ing kuta-kutané Yéhuda.

12Para penggedéné pada digantung karo tangané mungsuh, para pinituwa ora diajèni.

13Wong nom-noman pada dikongkon mikul gilingan, anak-anak lanang pada ambruk awit kabotan anggèné mikul kayu.

14Para tuwa pada ora kumpulan menèh ing gapurané kuta, para nom-noman mandek anggèné main harep

15Kebungahané ati kita wis ilang, jogètan kita pada malih dadi kasusahan.

16Makuta wis tiba sangka sirah kita, oh memelas; awit kita wis pada nggawé dosa!

17Ya awit sangka mengkono kuwi ati kita lara, ya awit sangka mengkono kuwi mripat kita terus dadi blawur.

18Awit sangka gunung Sion sing wis ludes, asu-asu alasan pada pating kluyur ing kono.

19Duh GUSTI, Panjenengan kuwi langgeng, dampar Panjenengan ora owah gingsir nganti turun-temurun.

20Kenèng apa kok Panjenengan nganti ora éling marang kita kabèh ing sak lawasé, kenèng apa kok kita Panjenengan tégakaké nganti suwé?

21Duh GUSTI, kita supaya pada Panjenengan balèkké marang Panjenengan, sak nalika pada bakal mratobat, kahanané kita supaya Panjenengan pulihké menèh kaya waktu mbiyèn.

22Utawa apa Panjenengan bakal nampik marang kita? Apa Panjenengan nesu banget marang kita?

← Chapter 4 Jump to: