bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Karakalpak
/
Институт перевода Библии, 2022
/
1 Chronicles 22
1 Chronicles 22
Институт перевода Библии, 2022
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 23 →
1
Sonda Dawıt: «Quday Iyeniń Úyi de, Izrail ushın jandırılatuǵın qurbanlıq orın da usı jerde boladı», – dedi.
2
Dawıt Izrailda jasaytuǵın kelgindilerdiń hámmesin jıynawdı buyırdı. Qudaydıń Úyin qurıw ushın, olardıń arasınan taslardı kesetuǵın hám jonatuǵın adamlardı tayınladı.
3
Dawıt dárwaza esikleriniń shegeleri hám qazıq shegeler ushın kóp muǵdarda temir tayarlap qoydı. Tayarlanǵan qolanıń da kópligi sonshelli, onıń salmaǵın anıqlaw múmkin emes edi.
4
Jáne de, ol sansız kedr aǵashın da jıynap qoydı. Óytkeni sidonlılar menen tirliler Dawıtqa kóp muǵdarda kedr aǵashın ákelgen edi.
5
Dawıt: «Ulım Sulayman jas hám tájiriybesiz. Al Jaratqan Iyege arnap qurılatuǵın Úy júdá sawlatlı bolıp, dańqı barlıq xalıqlarǵa jayılıwı kerek. Sonlıqtan onıń qurılısı ushın tayarlıq kórip qoya bereyin», – dedi. Solay etip, Dawıt ólmesinen aldın Qudaydıń Úyin qurıw ushın úlken tayarlıqlar kórdi.
6
Dawıt ulı Sulaymandı qasına shaqırıp aldı hám oǵan Izraildıń Qudayı Jaratqan Iyege arnap Úy qurıwdı tapsırıp,
7
bılay dedi: – Ulım, men Qudayım Jaratqan Iyege arnap Úy qurıwdı qálegen edim.
8
Biraq Jaratqan Iye maǵan bılay dedi: «Sen úlken sawashlarda qatnasıp, kóp qan tóktiń. Meniń aldımda jerge kóp qan tókkeniń ushın, Meniń atıma arnap Úydi sen qurmaysań.
9
Biraq sennen tınıshlıqtı súyetuǵın bir ul tuwıladı. Men onı dógeregindegi barlıq dushpanlarınan qutqarıp, ráhátke eristiremen. Onıń atı Sulayman boladı. Onıń dáwirinde Izrailǵa tınıshlıq hám aman-esenlik inam etemen.
10
Meniń atıma arnap Úydi ol quradı. Ol Maǵan ul boladı, Men de oǵan Áke bolaman. Onıń Izrail ústinen quratuǵın patshalıq taxtın máńgige bekkemleymen».
11
Endi, ulım, Jaratqan Iye saǵan yar bolsın! Ózi wáde etkenindey, Qudayıń Jaratqan Iyege arnap Úy qurǵanıńda, seni tabısqa eristirsin.
12
Jaratqan Iye seni Izrailǵa húkimdar etip qoyǵanda, Qudayıń Jaratqan Iyeniń Nızamına ámel qılıwıń ushın, Ol saǵan aqıl-parasat bersin.
13
Jaratqan Iyeniń Muwsa arqalı Izrailǵa bergen qaǵıyda hám nızamların muqıyatlı túrde orınlawǵa tırıssań, tabısqa eriseseń. Kúshli hám márt bol! Qorqpa, ruwxıń túspesin!
14
Men kóp mashaqatlar menen Jaratqan Iyeniń Úyi ushın júz mıń talant altın, bir million talant gúmis, ólshep bolmas dárejede kóp qola menen temir, jáne de, aǵash penen tas ta jıynap, tayarlap qoydım. Bularǵa sen de qosarsań.
15
Sende kóp jumısshılar: tas kesiwshiler, tas qalawshılar, aǵash ustaları, hár túrli ónerge iye adamlar,
16
altın, gúmis, qola hám temirdi islete alatuǵın sansız ónermentler bar. Endi iske kiris. Jaratqan Iye saǵan yar bolsın!
17
Dawıt Izraildıń barlıq basshılarına ulı Sulaymanǵa járdem beriwdi buyırıp,
18
bılay dedi: – Qudayıńız Jaratqan Iye sizler menen birge emes pe? Sizlerdi hár tárepleme tınıshlıqqa bólemedi me? Ol usı jerdiń turǵınların maǵan táslim qıldı. Sol sebepli bul jer Jaratqan Iyege hám Onıń xalqına baǵınıshlı boldı.
19
Endi júregińizdi hám janıńızdı Qudayıńız Jaratqan Iyeni izlewge baǵıshlańlar. Quday Iyeniń Muxaddes mákanın qurıwdı baslańlar. Keyin Jaratqan Iyeniń Kelisim sandıǵın hám Qudayǵa baǵıshlanǵan basqa muxaddes buyımlardı Jaratqan Iyeniń atına arnap qurılǵan Úyge aparıp qoyıńlar, – dedi.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29