Nehemiah 7

Институт перевода Библии, 2022

← Chapter 6 Jump to: Chapter 8 →

1Qala diywalı qurılıp, dárwazanıń qapıları ornatılıp bolınǵannan soń, dárwaza qarawılları, qosıqshılar hám lebiyliler xızmetke qoyıldı.

2Men tuwısqanım Xananiyge hám qorǵannıń áskerbasısı Xananiyaǵa Erusalimge jetekshilik etiwdi tapsırdım. Áskerbası Xananiya basqalarǵa qaraǵanda sadıq hám Qudaydan qorqatuǵın adam edi.

3Men olarǵa bılay dedim: – Kún qattı qızǵan waqıtta, Erusalim dárwazaları jabıq tursın. Dárwaza qarawılları xızmette turǵan bolsa da, qapılar jabılıp, ildirip qoyılsın. Qarawıllar Erusalim turǵınlarınan tayınlansın. Olardıń ayırımları náwbetshilikte tursın, al ayırımları óz úyiniń qarsı aldın qarawıllasın.

4Erusalim keń hám ullı qala edi. Biraq onıń xalqı az bolıp, qurılǵan jaylar da ele az edi.

5Sonda Qudayım meniń júregime aqsúyeklerdi, basshılardı hám xalıqtı jıynap, olardı shejiresi boyınsha dizimge alıwdı saldı. Men súrginnen birinshi bolıp qaytıp kelgenlerdiń jazba túrdegi shejiresin taptım. Onda bılay dep jazılǵan edi:

6«Babiloniya patshası Nabuxodonosordıń Babilonǵa tutqın etip alıp ketken adamları súrgin etilip, tutqında bolǵan wálayatlardan Erusalimge hám Yahudadaǵı óz qalalarına qaytıp keldi.

7Olar Zerubbabel, Eshua, Nexemiya, Azariya, Raamiya, Naxmaniy, Mordoxay, Bilshan, Misperet, Bigway, Nexum hám Baananıń basshılıǵında qaytıp keldi. Súrginnen qaytqan Izrail erleriniń dizimi tómendegishe:

8Parosh urpaqlarınan – 2172 adam;

9Shefatiya urpaqlarınan – 372 adam;

10Arax urpaqlarınan – 652 adam;

11Paxat-Moab, yaǵnıy Eshua hám Ioab urpaqlarınan – 2818 adam;

12Elam urpaqlarınan – 1254 adam;

13Zattu urpaqlarınan – 845 adam;

14Zakkay urpaqlarınan – 760 adam;

15Binnuy urpaqlarınan – 648 adam;

16Bebay urpaqlarınan – 628 adam;

17Azgad urpaqlarınan – 2322 adam;

18Adoniqam urpaqlarınan – 667 adam;

19Bigway urpaqlarınan – 2067 adam;

20Adin urpaqlarınan – 655 adam;

21Ater, yaǵnıy Xizkiya urpaqlarınan – 98 adam;

22Xashum urpaqlarınan – 328 adam;

23Betsay urpaqlarınan – 324 adam;

24Xarif urpaqlarınan – 112 adam;

25Gibon urpaqlarınan – 95 adam;

26Beytlehemliler menen netofalılardan – 188 adam;

27Anatotlılardan – 128 adam;

28Beyt-Azmawetlilerden – 42 adam;

29Kiryat-Yarimlilerden, kefiralılardan hám beerotlılardan – 743 adam;

30Ramalılardan hám gebalılardan – 621 adam;

31Mixmaslılardan – 122 adam;

32Beyt-Ellilerden hám aylılardan – 123 adam;

33Basqa nebolılardan – 52 adam;

34Basqa elamlılardan – 1254 adam;

35Xarimlilerden – 320 adam;

36Erixolılardan – 345 adam;

37Lodlılardan, xadidlilerden hám onolılardan – 721 adam;

38Senalılardan – 3930 adam.

39Ruwxaniyler: Eshua násilinen bolǵan Edaya urpaqlarınan – 973 adam;

40Immer urpaqlarınan – 1052 adam;

41Pashxur urpaqlarınan – 1247 adam;

42Xarim urpaqlarınan – 1017 adam.

43Lebiyliler: Hodewa násilinen taraǵan Eshua hám Qadmiel urpaqlarınan – 74 adam.

44Qosıqshılar: Asaf urpaqlarınan – 148 adam.

45Dárwaza qarawılları: Shallum, Ater, Talmon, Aqqub, Xatita hám Shobay urpaqlarınan – 138 adam.

46Ibadatxana xızmetshileri: Sixa urpaqlarınan, Xasufa urpaqlarınan, Tabbaot urpaqlarınan,

47Keros urpaqlarınan, Sia urpaqlarınan, Padon urpaqlarınan,

48Lebana urpaqlarınan, Xagaba urpaqlarınan, Shalmay urpaqlarınan,

49Xanan urpaqlarınan, Giddel urpaqlarınan, Gaxar urpaqlarınan,

50Reaya urpaqlarınan, Resin urpaqlarınan, Neqoda urpaqlarınan,

51Gazzam urpaqlarınan, Uzza urpaqlarınan, Paseax urpaqlarınan,

52Besay urpaqlarınan, Meunim urpaqlarınan, Nefushesim urpaqlarınan,

53Baqbuq urpaqlarınan, Xaqufa urpaqlarınan, Xarxur urpaqlarınan,

54Baslit urpaqlarınan, Mexida urpaqlarınan, Xarsha urpaqlarınan,

55Barqos urpaqlarınan, Sisera urpaqlarınan, Temax urpaqlarınan,

56Neziax urpaqlarınan hám Xatifa urpaqlarınan edi.

57Sulaymannıń márdikarǵa alınǵan xızmetshileriniń urpaqları: Sotay urpaqlarınan, Soferet urpaqlarınan, Perida urpaqlarınan,

58Yala urpaqlarınan, Darqon urpaqlarınan, Giddel urpaqlarınan,

59Shefatiya urpaqlarınan, Xattil urpaqlarınan, Pokeret-Hassebayım urpaqlarınan hám Amon urpaqlarınan edi.

60Ibadatxana xızmetshileri menen Sulaymannıń xızmetshileriniń urpaqlarınan barlıǵı bolıp 392 adam edi.

61Tel-Melax, Tel-Xarsha, Kerub, Addon hám Immer qalalarınan kóship kelgen, biraq ózleriniń shıǵısın hám Izraildıń qaysı urıwına tiyisli ekenin dálilley almaǵanlar mınalar edi:

62Delaya, Tobiya hám Neqoda urpaqlarınan – 642 adam.

63Sonday-aq ruwxaniyler násilinen bolǵan Xabayya urpaqları, Haqqos urpaqları hám giladlı Barzillaydıń qızlarınıń birine úylenip, qáyin atasınıń atı menen atalǵan Barzillay urpaqları.

64Bular jazba shejireden óz shıǵısın izledi, biraq taba almaǵanlıqtan qanı taza emes dep, ruwxaniylik xızmetinen shetletildi.

65Hákim olarǵa Urim hám Tummimnen paydalana alatuǵın ruwxaniy shıqpaǵansha, tek ruwxaniylerge beriletuǵın eń muxaddes taǵamnan jemewdi buyırdı.

66Pútkil jámiyet hámmesi bolıp 42 360 adam edi.

67Bulardan tısqarı, olardıń 7337 qul hám shorıları, 245 erkek hám hayal qosıqshıları da bar edi.

68Jáne de, 736 atı, 245 ǵashırı,

69435 túyesi hám 6720 eshegi bar edi.

70Ayırım áwlad basshıları isti júrgiziw ushın sıylar berdi. Hákim qaznaǵa 1000 darik altın, 50 qırma, 530 dana ruwxaniylik kiyimin berdi.

71Ayırım áwlad basshıları istiń júriwi ushın qaznaǵa 20 000 darik altın, 2200 mina gúmis berdi.

72Al xalıqtıń qalǵan bólegi 20 000 darik altın, 2000 mina gúmis hám 67 ruwxaniylik kiyimin berdi.

73Solay etip, ruwxaniyler, lebiyliler, dárwaza qarawılları, qosıqshılar, ayırım adamlar, Ibadatxana xızmetshileri hám pútkil Izrail xalqı óz qalalarına ornalastı».

← Chapter 6 Jump to: Chapter 8 →