2 Corinthians 11

Kabyle Maybe is 2001

← Chapter 10 Jump to: Chapter 12 →

1Ah! A lukan aț-țqeblem kra n timmuhbelt si lǧiha-w! Lameɛna qeblet-eț kan!

2Imi i kkun-ḥemmleɣ, țțasmeɣ fell-awen s tismin i d-yekkan s ɣuṛ Sidi Ṛebbi; axaṭer xeḍbeɣ-kkun i yiwen n yesli kan: d Lmasiḥ; iwakken a kkun-qeddmeɣ ɣuṛ-es am tlemẓit leɛmeṛ nezwiǧ leɛmeṛ.

3Uggadeɣ a wen-sxeṛben ixemmimen nwen, aț-țettixṛem i neyya d ṣṣfa n wul-nwen di Lmasiḥ, aț-țedṛu yid-wen am?ewwa i gexdeɛ wezrem s tḥila-ines.

4Amek armi tḥessem i wid i wen-ibeccṛen Ɛisa nniḍen ur nelli d win akken i wen-nbecceṛ nukni; amek tqeblem ṛṛuḥ iqedsen nniḍen ur nelli ara d win s wayes i tesṭerḥbem di tazwara neɣ lexbaṛ n lxiṛ nniḍen ixulfen win akken i wen-nbecceṛ?

5Akken walaɣ, ṛṛusul-nni i tḥesbem d imeqqranen ur iyi-yifen deg wacemma.

6?as akken ur ssineɣ ara ad mmeslayeɣ, lameɛna ssneɣ Sidi Ṛebbi akken ilaq yerna nbeggen awen-t-id acḥal n tikkal di mkul lḥaǧa!

7Asmi i wen-beccṛeɣ lexbaṛ n lxiṛ n Lmasiḥ, eɛni ḍelmeɣ mi ssanzeɣ iman-iw iwakken a kkun ssaɛliɣ kunwi?

8Ɛerraɣ tijmuyaɛ nniḍen imi i yi-d-țceggiɛen idrimen iwakken ad qedceɣ fell-awen.

9Asmi lliɣ ɣuṛ-wen, ɣas akken xuṣṣeɣ ur lliɣ ț-țaɛkumt ɣef yiwen, axaṭer atmaten i d-yusan si tmurt n Masidunya fkan-iyi-d ayen akk i ḥwaǧeɣ. Di yal lḥaǧa, ḥudreɣ iman-iw iwakken ur țțiliɣ ara ț-țaɛekkumt fell-awen, yerna mazal ad ḥadreɣ iman-iw.

10S tideț n Lmasiḥ yellan deg-i, a d-iniɣ: yiwen ur iyi-tekkes sebba agi n zzux i sɛiɣ di tmura n Akaya.

11Acuɣeṛ? Eɛni ur teɛzizem ara fell-i? Atan Sidi Ṛebbi yezṛa!

12Ayen akka xeddmeɣ, mazal a t-xedmeɣ iwakken ur sen-țaǧǧaɣ ara abrid i wid yebɣan ad zuxxen belli xeddmen am nukni.

13Imdanen-agi, d ṛṛusul n lekdeb, d ixeddaɛen, țțaran iman-nsen d imceggɛen n Lmasiḥ.

14Annect-a mačči d ayen issewhamen, imi ula d Cciṭan yezmer ad yerr iman-is d lmelk yețfeǧǧiǧen am tafat.

15Ihi daɣen, mačči d ayen yessewhamen ma yella iqeddacen-is țțaran iman-nsen d iqeddacen n webrid n lḥeqq; lameɛna taggara-nsen aț-țili akken llan lecɣal nsen.

16A t-id-ɛiwdeɣ, ɣuṛ-wat a yi tḥesbem d amehbul; neɣ qeblet-iyi am akken d amehbul iwakken ula d nekk ad zuxxeɣ cwiṭ.

17Ayen akka ara d-iniɣ, mačči s ɣuṛ Ṛebbi i d-yekka lameɛna a d-hedṛeɣ s timmuhbelt, yerna țekleɣ axaṭer sɛiɣ ayen s wayes ara zuxxeɣ.

18Imi aṭas i gețzuxxun s lɛeqliya n ddunit-agi, ula d nekk ad zuxxeɣ.

19Axaṭer tṣebṛem i yimehbal kunwi yesɛan leɛqel!

20?as akken ḥesben-kkun am aklan, ččan lḥeqq-nwen, ɛerran-kkun, bbehdlen-kkun, ḥeqṛen-kkun, meɛna tṣebṛem-asen.

21Ssetḥaɣ a t-id-iniɣ meɛna a t-id iniɣ: nukni ur nezmir ara a nexdem akka, meɛna s timmuhbelt zemreɣ a d-iniɣ: ma yella win yesɛan sebba s wayes ara izuxx, ula d nekk ad zuxxeɣ:

22d iɛebṛaniyen i llan? Ula d nekk d aɛibṛani; seg wat Isṛail i llan? Ula d nekk n wat Isṛail; ț-țarwa n Sidna Ibṛahim? Ula d nekk si tarwa-s;

23d iqeddacen n Lmasiḥ i llan??ef wannect-agi daɣen a d hedṛeɣ am umdan yeffeɣ leɛqel: nekk ugareɣ-ten s waṭas, xedmeɣ akteṛ-nsen, kecmeɣ leḥbus acḥal n tikkal, țewwteɣ akteṛ-nsen, acḥal d abrid i wwḍeɣ ɣer lmut!

24Xemsa yiberdan i ččiɣ tiyita s ɣuṛ wudayen; mkul tikkelt s ṛebɛin tiyita ɣiṛ yiwet;

25tlata iberdan i yi-wten iṛumaniyen s ujelkaḍ; yiwen webrid qṛib i yi-nɣan s weṛjam; ɣeṛqeɣ tlata iberdan di lebḥeṛ, sɛeddaɣ yiwen wass d yiwen yiḍ deg waman.

26Mmugreɣ-ed acḥal n wuguren m'ara tsafaṛeɣ: isaffen iweɛṛen, imakaren deg iberdan, lxuf di temdinin, deg imukan yexlan, m'ara zegreɣ i lebḥuṛ; lxuf ger wat n tmurt-iw akk-d wid ur numin ara s Ṛebbi, lxuf ger watmaten n lekdeb.

27Xedmeɣ yerna nneɛtabeɣ aṭas, acḥal d abrid țțuẓumeɣ, zgiɣ deg uɛawez, di laẓ akk-d fad, deg usemmiḍ akk-d ɛerru.

28Mbla ma nniɣ-ed ayen nniḍen: aḥebbeṛ yal ass ɣef tejmuyaɛ n watmaten,

29anwa i gfeclen di liman ur iyi-issefcel ara? Anwa i geɣlin di ddnub ur tecɛil deg-i tmes?

30Ma ilaq ad zuxxeɣ, ad zuxxeɣ s wayen i d-ițbegginen belli ur sɛiɣ ara tazmert.

31Sidi Ṛebbi yellan d baba-s n Ssid-nneɣ Ɛisa Lmasiḥ, yețțubarken i dayem, yeẓra belli ur skiddibeɣ ara!

32Di temdint n Dimecq, ameqqran n ineɣlafen n ugellid Ariṭas yesbedd taɛessast ɣef tewwurt n temdint iwakken a yi-ṭṭfen,

33lameɛna ṣubben iyi-d si ṭṭaq, zdaxel uḍellaɛ, lḥiḍ lḥiḍ; s wakka i d-menɛeɣ seg ifassen-is.

← Chapter 10 Jump to: Chapter 12 →