2 Corinthians 6

Kabyle Maybe is 2001

← Chapter 5 Jump to: Chapter 7 →

1Imi d iqeddacen n Sidi Ṛebbi i nella, bɣiɣ a kkun-nenhu ur tețḍeggiɛem ara ṛṛeḥma i wen-d ițțunefken s ɣuṛ-es.

2Axaṭer Sidi Ṛebbi yenna-d: Di lweqt ilaqen, qebleɣ-ed taẓallit-ik, di lweqt n leslak, sellkeɣ-k. Ihi tura, atan yewweḍ-ed lweqt ilaqen, yewweḍ-ed wass n leslak.

3Di yal lḥaǧa, ur nebɣi ara a nili d ugur ula i yiwen deg-wen iwakken ur d-tețțekksem ara kra n diri di lxedma-nneɣ,

4meɛna nețbeggin-ed belli d iqeddacen n Sidi Ṛebbi i nella deg wayen akk nxeddem: nṣebbeṛ i teswiɛin n ceddat, i lḥif, i tugdi,

5i tiytiwin; neṣbeṛ mi nella di leḥbus, di teswiɛin n ccwal, leɛtab, aɛawez akk-d laẓ;

6nedda s wul yeṣfan, s tmusni, s ṣṣbeṛ, s leḥnana, s Ṛṛuḥ iqedsen, s leḥmala n ṣṣeḥ,

7s wawal n tideț, s tezmert n Sidi Ṛebbi, s leslaḥ n lḥeqq s wayes nețnaɣ yerna nețdafaɛ ɣef yiman-nneɣ;

8ama di teswiɛin n ccan neɣ n lɛaṛ, ama mi heddṛen fell-aɣ medden s lxiṛ neɣ s cceṛ. Nețwaḥseb d ikeddaben ɣas akken ț-țideț i d neqqaṛ,

9nețwankeṛ, ɣas akken nețwassen ɣer yemdanen meṛṛa; ḥesben-aɣ nemmut, nukni nedder; țqehhiṛen-aɣ lameɛna ur nemmut ara;

10sseɣlayen-d fell-aɣ leḥzen, lameɛna nețțili daymen di lfeṛḥ.?esben-aɣ d igellilen, lameɛna nesserbaḥ aṭas n yemdanen, ɣilen ur nesɛi acemma, lameɛna nukni ur aɣ-ixuṣṣ ula d kra.

11Ay imezdaɣ n temdint n Kurintus, nemmeslay-awen-d, neldi-yawen mliḥ ulawen-nneɣ,

12ur ten-neɣliq ara ɣuṛ wen, d kunwi i gɣelqen ulawen-nwen ɣuṛ-nneɣ.

13?meslayeɣ-awen-d am akken d arraw-iw i tellam: xedmet am nukni, swesɛet ulawen-nwen ula d kunwi!

14Ur cerrket ara d wid ur nețțamen ara s Sidi Ṛebbi iwakken aț-țxedmem am nutni. Eɛni lḥeqq d lbaṭel, zemren ad cerken? Tafat akk-d ṭṭlam, zemren ad ddukklen?

15Amek! Yezmer Lmasiḥ ad imsefham akk-d Cciṭan? Acu n tdukli yellan ger win yețțamnen s Ṛebbi d win ur nețțamen ara?

16D acu icerken lǧameɛ iqedsen n Sidi Ṛebbi akk-d lmeṣnuɛat? Axaṭer d nukni i d lǧameɛ iqedsen n Ṛebbi yeddren. Sidi Ṛebbi yenna-t-id di tira iqedsen: Ad zedɣeɣ yerna ad lḥuɣ gar-asen, A d iliɣ d Illu-nsen, ad ilin d agdud iw

17?ef wannect-agi i d-yenna Sidi Ṛebbi: Mfaṛaqet d yemdanen-agi, beɛdet fell-asen; ur țnalet ara ayen iḥeṛmen, nekk ad sṭerḥbeɣ yis-wen;

18ad iliɣ d baba-twen, kunwi aț-țilim d arraw-iw, d yess-i; akka i d-yenna Ṛebbi Bab n tezmert.

← Chapter 5 Jump to: Chapter 7 →