bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Proverbs 1
Proverbs 1
Kamba (MBIVILIA ŨVOO MŨSEO)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Ii nĩ nthimo sya Solomoni mwana wa Ndeviti, mũsumbĩ wa Ĩsilaeli.
2
Nthimo ii ninengae andũ ũĩ na mwĩkalo mũseo; nitumaa mamanya ndeto sya ũĩ.
3
Nimanyĩasya andũ kwĩkala mwĩkalo mũseo, kwĩthĩwa me aĩkĩĩku, kumya ũsili wa katĩ na kwĩthĩwa me na ũw'o.
4
Nitumaa andũ ala mate na ũmanyi moĩva, na nimanyĩasya andũ ma mũika kwĩthĩwa na kĩlĩko.
5
O ta ũu nthimo ii nĩsyongeleelaa andũ ala oĩ ũmanyi, na nitongoeasya andũ ala me na ũmanyi,
6
nĩ kana mamanye nthimo, ngelekany'o, ndeto sya ũĩ, na ndaĩ ila andũ oĩ maneenaa.
7
Kũmũkĩa Mwĩai Ngai nĩkw'o wambĩlĩĩlyo wa ũmanyi, ĩndĩ ala atumanu nĩmavũthasya ũĩ na ũmanyĩsyo.
8
Mwana wakwa, ĩthukĩĩsye motao ma ĩthe waku, na ndũkalee ũmanyĩsyo wa inyia waku.
9
Nĩkwĩthĩwa momanyĩsyo asu mailyĩ ta ngovia mbanake mũtwenĩ waku, na ta ĩsoa ya kwanakavya ngingo yaku.
10
Mwana wakwa, ethĩwa eki ma naĩ nĩmeũkũtata, ndũketĩkĩle.
11
Ethĩwa mekwĩa, “Ũka tũendany'e, twoveesye mũndũ tũae; twoveesye vate kĩtumi andũ mate ĩvĩtyo.
12
Twĩmakwata me thayũ tũmoae, na me aima ta ala malikaa Ĩimanĩ ya kĩkw'ũ.
13
Twĩosa syĩndũ syonthe sya thooa mũnene, na kusũsya nyũmba sitũ na mũtavo.
14
Ũka wĩthĩwe vamwe naitũ, na nĩtũkũaana syĩndũ ila tũkwosa.”
15
Mwana wakwa, ndũkaendany'e namo, ndũkaatĩĩe nzĩa syoo,
16
nũndũ masembaa makeke naĩ, na mekalaataa makoae.
17
Nĩ ũndũ wa mana kũtea kĩtei nyũnyi yene.
18
Andũ asu moveeasya moawe mo ene, moveeasya makwatye mathayũ moo ene.
19
Ũsu nĩw'o wĩthĩawa wĩ mũminũkĩlyo wa andũ onthe ala mosaa syĩndũ na vinya. Kwosa syĩndũ na vinya kũminaa thayũ wa ũla wĩkaa ũu.
20
Ũĩ nũkayaa na wasya mũnene nzĩanĩ, nũneenaa na wasya mũnene wĩ kũla andũ makomanĩaa.
21
Nũkayĩaa na wasya mũnene vala andũ mombanĩe, nũneeneaa mĩvĩanĩ ya ndũa ũkasya atĩĩ,
22
“Inyw'ĩ andũ mũte na ũmanyi, mwĩendeea kwĩthĩwa mũte na ũmanyi kũvika ĩndĩĩ? Andũ ala mavũthasya meendeea kũtanĩa kũvũthya kwoo nginya ĩndĩĩ? Ndia syĩendeea kũvũthya ũmanyi nginya ĩndĩĩ?
23
Ĩthukĩĩsyei ũkany'o wakwa, nĩngũmusũsya mosũanĩo makwa na kũmũmanyĩsya ndeto syakwa.
24
Nĩkwĩthĩwa nĩnĩmwĩtĩte na mũkalea kwĩw'a, nĩnĩtambũũkĩtye kw'oko nĩmũthokye na mũkalea,
25
nĩmũleete kwĩthukĩĩsya ũtao wakwa, na mũkalea ũkany'o wakwa,
26
nakwa ngamũthekeea yĩla mwĩkwatwa nĩ thĩna, ngamũvũĩa ngũĩ yĩla mwĩkwatwa nĩ w'ĩa.
27
Yĩla w'ĩa wĩũka kũla mũĩ ta kĩuutani, na thĩna ũimũkĩa ta kĩlingi, na mũikwatwa nĩ kĩmako na woo,
28
nĩvo ĩndĩ mwĩmbĩkaĩla, nakwa ndikasũngĩa, mũkamantha na kĩthito ĩndĩ mũikambona.
29
Nĩkwĩthĩwa nĩmwaleile ũmanyi, na mwalea kũnyuva kwĩthĩwa na kĩkĩo kya Mwĩai Ngai,
30
na nũndũ nĩmwaleile ũtao wakwa, na mwavũthya mokany'o makwa onthe,
31
yu nĩmũkũya matunda ma maũndũ ala mwĩkĩte, nginya musũwe nĩ ũsyao wa mĩvango yenyu mĩthũku.
32
Ala mate na ũmanyi makusaa nũndũ wa kũtia nzĩa, na andũ ala atumanu maminawa nĩ kwĩlekeleelya.
33
Ĩndĩ ũla ũmbĩthukĩĩasya akekalaa e ũsũvĩonĩ, na athũmũĩte ateũkĩa ũndũ mũthũku.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31