bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Proverbs 27
Proverbs 27
Kamba (MBIVILIA ŨVOO MŨSEO)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 28 →
1
Ndũkekathĩĩe nũndũ wa ũnĩ, nũndũ ndwĩsĩ ũnĩ kũkeethĩwa kũilyĩ ata.
2
Eka mũndũ ũngĩ akũtaĩe, ndũketaĩe we mwene, mũndũ ũngĩ eke ũu, ĩndĩ ti ue mwene.
3
Ĩvia nĩ ĩito, na kĩthangathĩ nĩ kĩito, ĩndĩ kĩthokoo kĩla ndia ĩetae nĩ kĩito kwĩ isu syelĩ.
4
Ũthatu nĩ mũthũku na ũthilĩku nĩwanangaa, ĩndĩ nũũ ũla ũtonya kũmĩĩsya kĩwĩu!
5
Nĩ kavaa ũla ũkũkanasya ũtheinĩ, kũte ũla ũkũvithaa kana nũkwendete.
6
Ũkany'o wa mũnyanyae wa mũndũ nĩ wa kũĩkĩĩwa, ĩndĩ mũmaitha nũkũkethasya kaingĩ na ngethi ya wendo.
7
Mũndũ ũvũny'e o na nũemawa nĩ ũkĩ wa nzũkĩ, ĩndĩ kwa ũla wĩ na nzaa, o na kĩla kĩ wũũ kĩsamaa mũyo.
8
Mũndũ ũla wangangaa akatia mũsyĩ wake, ailyĩ nyũnyi ĩla yangangaa ĩkatia ndala ya yo.
9
Mauta na syĩndũ ila inyungaa nesa nitanĩthasya ngoo, ĩndĩ thĩna nũtumaa mũndũ atethĩwa na mũuo thayũnĩ.
10
Ndũkaeke mũnyanyau, kana mũnyanyae wa ĩthe waku, na ndũkathi kwa mwana-a-inyia waku yĩla wĩ na thĩna mũnene; nĩ kavaa mũtũi wĩ vakuvĩ kwĩ mwana-a-inyia waku wĩ vaasa.
11
Mwana wakwa, ĩthĩwa na ũĩ na nĩngũtana, nĩ kana nĩthĩwe ndonya kũsũngĩa ũla ũmbũthasya.
12
Mũndũ wĩ kĩlĩko nĩwonaa ũthũku wũkĩte na ayĩvitha, ĩndĩ ala mate na ũmanyi maendeeaa makesa kũũmĩa.
13
Osa ngũa ya mũndũ ũla wathanaa kũĩvĩa mũeni thiĩ wake, myose ĩtw'ĩke ngwatĩlĩĩlyo ũndũ mũeni ũsu ũlea kũĩva.
14
Mũndũ ũla ũkethasya mũnyanyae na wasya mũnene kwakya tene, atalawa ta wamũumanĩa.
15
Mũndũ mũka wĩ ĩteta, ailyĩ ta malovoto ma mbua mataolekaa.
16
Kũmũvindĩthya nĩ ũndũ ũmwe na kũvindĩthya kĩseve, kana kũkwata mauta na kw'oko.
17
O tondũ kyũma kĩnoaa kyũma, now'o mũndũ wũĩvasya ũngĩ.
18
Ũla ũsũvĩaa mũkũyũ akaya ũsyao waw'o, na ũla ũsũvĩaa mũnene wake akanengwa ndaĩa.
19
O tondũ mũndũ wonaa ũthyũ wake kĩw'ũnĩ, now'o ngoo ya mũndũ yonanasya nĩwe ũũ.
20
O tondũ vala maveva ma ala akw'ũ mekalaa vatausũaa, now'o wendi wa mũndũ ũteanĩawa.
21
Ũseo wa silĩva na thaavu ũmanyĩkaa syavĩvw'a na mwaki, naw'o ũseo wa mũndũ ũmanyĩkaa kumana na nguma yake.
22
O na ũkakimĩa ndia ndĩĩnĩ, ũkamĩtw'ĩkĩthya mũtu ũndũ nganũ ĩkimawa na mũthĩ, ndumya ũtumanu wayo.
23
Ĩthĩwa na kĩthito kũmanya nesa ũndũ ndĩthya yaku ya mbũi, malondu na ng'ombe ĩendee.
24
Nũndũ ũthwii ndwĩkalaa tene na tene, o na ngovia ya ũsumbĩ ndĩkalaa tene na tene.
25
Yĩla nyeki mbũmũ yĩtemwa na vuvĩ ũimea, na nyeki ĩla yĩ iĩmanĩ ĩyũmbanw'a,
26
malondu maku makeenzwa w'ĩa ũla wĩkũtumĩa ngũa, nasyo mbesa ila wĩthoosya mbũi syaku ikakũthooea kĩtheka.
27
O ta ũu ũkeethĩwa na ĩia yingĩ ya mbũi, yĩla yĩĩthĩwa yĩkwĩanĩe we na andũ ma mũsyĩ waku, na o ta ũu yĩinyuwa nĩ athũkũmi maku eĩtu.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31