Amos 3

Kikuyu Bible (IBUKU RĨRĨA ITHERU RĨA NGAI)

← Chapter 2 Jump to: Chapter 4 →

1TA KĨIGUEI ũhoro ũyũ Jehova oigĩte nĩ ũndũ wanyu, inyuĩ ciana cia Isiraeli, o inyuĩ mũhĩrĩga wothe ũrĩa ndarutire bũrũri wa Misiri ngĩwambatia uume kuo, atĩrĩ,

2No inyuĩ ĩnyuiki ’menyanite na inyuĩ mĩhĩrĩga-inĩ yothe ya thĩ: tondũ ũcio-rĩ, no ndĩmũherithĩrie mawaganu manyu mothe.

3Andũ erĩ maahota gũgĩtwarana matarĩ karĩko?

4Mũrũthi-rĩ, wathunguruma mũtitũ-inĩ ũtarĩ na kĩndũ ũranyita? Mũrũthi ũrĩa mwĩthĩ wakĩrarama kĩmamo-inĩ kĩaguo ũtarĩ kĩndũ ũgwete?

5Ĩ kanyoni kaahota gũtonya mũtego ũtegeirũo thĩ hatarĩ gĩa gũkahenereria? Ĩ mũtego-rĩ, wakĩhota gũtegũka uume thĩ ũtagwatĩtie kĩndũ?

6Coro wakĩhuhwo itũũra-inĩ na andũ maage gwĩtigĩra? Kũrĩ ũũru ũngĩkora itũũra, na gũtuĩke ti Jehova ũũrehete?

7Ti-itherũ Mwathani Jehova ndarĩ ũndũ angĩĩka atamenyithĩtie ndungata ciake, anabii, ndundu ĩo yake.

8Mũrũthi nĩwathunguruma-ĩ, nũ ũtangĩĩtigĩra? Mwathani Jehova nĩaaria-ĩ, nũ ũtangiumbũranĩra ũhoro ũcio?

9Anĩrĩrai ũhoro mwĩ nyũmba igũrũ cia ũnene iria irĩ Ashidodi, o na mwĩ nyũmba igũrũ cia ũnene iria irĩ bũrũri wa Misiri, muuge atĩrĩ, Ũnganĩrai irĩma-inĩ cia Samaria, mwĩonere maronja manene marĩa marĩ kuo, o na ũhinyanĩrĩria ũrĩa wĩ kuo thĩinĩ.

10Nĩ gũkorũo matiũĩ gwĩka ũrĩa werekereire, acio meigagĩra mũthithũ wa ũhinya na ũtunyani thĩinĩ wa nyũmba ciao cia ũnene; nĩguo Jehova ekuuga.

11Tondũ ũcio Mwathani Jehova ekuuga ũũ: Nĩgũkagĩa na mũmaitha, athiũrũrũkĩrie bũrũri mĩena yothe: na hinya waku nĩakaũhũrũra ũgũthire, nacio nyũmba ciaku cia ũnene icumwo igema rĩacio.

12Ningĩ Jehova ekuuga ũũ: O ta ũrĩa mũrĩithi angĩteithũra magũrũ merĩ kanua-inĩ ka mũrũthi, o na kana gacunjĩ ga gũtũ-rĩ, ũguo noguo ciana cia Isiraeli igateithũrũo, iria itũire ciikaraga gatura-inĩ ka ũrĩrĩ, igaikaragĩra gĩtanda kĩrĩ ikondoro cia hariri.

13Ta iguai, na muumĩrĩrie mbarĩ ya Jakubu ũhoro; nĩguo Mwathani Jehova, Ngai mwene mbũtũ cia ita, ekuuga.

14Amu-rĩ, mũthenya ũrĩa ngaherithia Isiraeli nĩ ũndũ wa mehia make-rĩ, noguo ngaherithia marutĩro ma igongona marĩa me Beth-eli o namo, na hĩa cia kĩgongona nĩikarengwo igũe thĩ

15Ningĩ nyũmba ya gũtũũrũo kĩmera gĩa thano nĩngamĩmomora o hamwe na ĩrĩa ya kĩmera gĩa themithũ; nacio nyũmba iria ng’emie na mĩguongo nĩ gũthira igathira, o na nĩ nyũmba nyingĩ ikaninũkĩrĩrio; ũguo nĩguo Jehova ekuuga.

← Chapter 2 Jump to: Chapter 4 →