Malachi 4

Kikuyu Bible (IBUKU RĨRĨA ITHERU RĨA NGAI)

← Chapter 3 Jump to:

1Tondũ rĩrĩ, mũthenya ũcio ndũrĩ hingo ũtagakinya, naguo ũkagerekanio na icua rĩa mwaki ũrĩa wakanĩte mũno; nao andũ othe etĩi na arĩa mekaga waganu magatuĩka ta maragara; naguo mũthenya ũcio wakinya nĩmagacinwo mathire biũ, na maagithio kĩene o ta mũtĩ ũrĩa ũtigĩtwo ũtarĩ na mĩri kana honge; ũguo nĩguo Jehova mũnene wa Ita oiga.

2No rĩrĩ, inyuĩ mwĩtigagĩra rĩĩtwa rĩakwa nĩmũkamũrĩkĩrũo nĩ ũrĩa wĩtagwo Riũa-rĩa-Wega, nake agokĩra arĩ na ũhoro wa kũhonania, amũhumbĩre naguo ta ũrĩ mathagu; na inyuĩ muumagare mũthiĩ mũgĩtũũhaga ta njaũ ihingũrĩirũo ciume kiugũ.

3Na inyuĩ nĩmukarangĩrĩria arĩa aaganu na makinya manyu, tondũ makahaana ta mũhu ũrĩ ruungu rũa makinya manyu, rĩrĩa mũthenya ũcio wakwa wa gĩathĩ ũgakinya. Ũguo noguo Jehova Mũnene wa Ita ekuuga.

4Ta kĩririkanagei kĩrĩra kĩrĩa kĩaheanirũo nĩ Musa ũrĩa ndungata yakwa, o kĩrĩa ndamũheereire Horebu, gĩtuĩke gĩa kũrũmio nĩ Aisiraeli othe; na nĩkĩo kĩa maathani makwa, o na matuĩro makwa.

5Atĩrĩrĩi, nĩngamũrekeria mũnabii ũrĩa wĩtagwo Elija mũthenya ũcio mũnene wa Jehova ũtanakinya, ũrĩa wĩ itua-nda.

6Nake nĩakagarũra ngoro cia maithe nĩguo mendane na ciana ciao, na agarũre ngoro cia ciana nĩguo ciendane na maithe ma cio, nĩ getha ndikae gũũka kũgeka bũrũri, ndĩugwatie kĩrumi.

← Chapter 3 Jump to: