Proverbs 21

Kikuyu Bible (IBUKU RĨRĨA ITHERU RĨA NGAI)

← Chapter 20 Jump to: Chapter 22 →

1Ngoro ya mũthamaki ĩĩ moko-inĩ ma Jehova ta mĩtaro harĩ mũmiunithia; amĩroragia o na harĩa ekwenda.

2Mĩthiĩre ya mũndũ yothe no mĩerekereru, we akĩĩonera, no Jehova nĩathimaga ngoro.

3Gũtuaga maũndũ na ũthingu, ningĩ na kĩhooto, nĩ kwagĩrĩru harĩ Jehova kũrĩ kũrutaga magongona.

4Maitho kũgĩa manyiira, o na ngoro gũtuĩka ya ngũrũ, arĩ kuo kĩmũrĩ kĩa arĩa aaganu-rĩ, nĩ mahĩtia.

5Itaranio cia ũrĩa wĩ kĩyo irehithagie o ũthegei, ĩndĩ mũndũ o wothe wa mũhiũhũko, kĩrĩa onaga no ũnyamari.

6Kwĩgĩĩra na mĩthithũ na njĩra ya rũrĩmĩ rũa maheni no ta kĩbii, ũrĩa kĩhurunjũkaga; amathi ayo no gĩkuũ maremathĩra.

7Ũhahanyi wa arĩa aaganu nĩũkamahakũrũria o ene marindũke, nĩ ũndũ nĩ aregi gwĩka ũhoro ũrĩa wa kĩhooto.

8Njĩra ya mũndũ mũritũhĩre nĩ ngero agerete nĩ ng’onyoku o kũgonyoka, no ũrĩa wa maũndũ makembu-rĩ, mawĩko make nĩ merekereru.

9Nĩ kaba gũtũũra nyũmba igũrũ na nja, koine-inĩ kayo, gũkĩra nyũmba nene thĩinĩ hamwe na mũtumia wa kĩmbĩmbĩ.

10Ngoro ya mũndũ mwaganu ĩthĩgagia o gwĩkana ũũru; ndonaga ta aagĩrĩirũo nĩ gũtuga mũndũ ũngĩ wa itũũra.

11Mũtendi aaherithio, mũndũ ũtarĩ mũũgĩ nĩohĩgagio; ũrĩa mũũgĩ, we aataarũo, nĩ ũmenyi ongagĩrĩrũo.

12Ũrĩa Mũthingu nĩaroranagia mũciĩ wa ũrĩa mwaganu, na gũturũra agaturũra acio aaganu, magakĩmomoka.

13Wa gwĩthinga matũ ndakaigue ũrĩa mũhũthũ agĩkaya, we nake no agakaya, na ndakaiguwo.

14Kĩheo kĩa ngungo nĩkĩhoreragia marakara, ihaki rĩĩ gĩthũri-inĩ rĩgakĩhoreria marũrũ manene.

15Ituĩro rĩa kĩhooto rĩatuwo, nĩ gĩkeno harĩ arĩa athingu, no harĩ andũ arĩa eki waganu, nĩ mwanangĩko.

16Mũndũ wa kuuma njĩra ĩrĩa ya ũũgĩ athiĩ kũũngũtũka, harĩa akahurũkĩrĩra no ũũngano-inĩ wa arĩa akuũ.

17Mwendi o maũndũ ma gwĩkenia agatuĩka mũnyamari; mwendi ndibei na maguta-rĩ, ndagatuĩka gĩtonga.

18Ũrĩa mwaganu atuĩkaga gĩkũũri gĩa gũkũũra ũrĩa mũthingu, ũrĩa mũgarũka agagĩcokio ithenya rĩa ũcio mũrũngĩrĩru.

19Kaba gũtũũra bũrũri ũrĩ werũ mũtheri, gwĩ gũtũũrania na mũtumia wa kĩmbĩmbĩ na no wa nugunugu.

20Gĩtũũro kĩa mũndũ mũũgĩ kĩĩ mũthithũ wa bata, na gũtiagaga maguta, ĩndĩ kĩrimũ no kũmerũkia kĩimerũkagia.

21Mũthingatani na ũthingu na ũtugi agĩaga na muoyo, na ũthingu, na gĩtĩo.

22Mũndũ mũũgĩ no kũhaicĩra rũirigo igũrũ aharũkĩre gĩtũũro kĩa njamba, amomore hinya wakĩo ũrĩa ciĩhokete.

23Ũrĩa ũriĩraga kanua gake, gwata rũrĩmĩ, nĩ ngoro yake ariraga mĩnyamaro.

24Mũndũ mwĩgereri, mũndũ wa mwĩtĩo-rĩ, etagwo mũtendi; maũndũ make nĩ ma kwĩambatĩria na ngũrũ.

25Mũndũ mũgũta, wĩrirĩria wake nĩ kũmũũraga ũmũũragaga, amu moko make nĩmaregaga kũruta wĩra.

26Kũrĩ ũtindaga na njura nene mũthenya ũgathũa, no mũndũ mũthingu nĩ kũheana aheanaga atekũnona.

27Igongona rĩa mũndũ mwaganu no ta kĩndũ kĩĩ magigi; makĩria githĩ ti rĩrĩa ekũrĩruta e na ũhinga ngoro?

28Mũira wa maheni no kũhuka akahuka athire, ĩndĩ ũrĩa mũthikĩrĩria wa ũhoro, kwaria gwake no gũtũũre.

29Mũndũ mwaganu nĩ kwĩũmia eũmagia ũthiũ, no mũndũ mũrũngĩrĩru, nĩ mĩthiĩre yake ataaragĩria.

30Gũtirĩ ũũgĩ, kana ũtaũku, kana kĩrĩra o na kĩrĩkũ, kĩngĩĩhotera ũndũ harĩ Jehova.

31Mbarathi nĩĩtandĩkagĩrũo mũthĩ wa ita, ĩndĩ ũrĩa ũngĩtũma kũhootanwo no Jehova.

← Chapter 20 Jump to: Chapter 22 →

Recommended Reading

Commentary Proverbs Commentaries → Devotional Proverbs Devotional Guide → Get This Bible Kikuyu Bible (IBUKU RĨRĨA ITHERU RĨA NGAI) Study Bible →