bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible Revised (BUKUIT NE TILIIL Sireet ne Dutero Kanon)
/
2 Samuel 16
2 Samuel 16
Kalenjin Bible Revised (BUKUIT NE TILIIL Sireet ne Dutero Kanon)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
1
Kingo kagosiir `Daudi tulweet parak kitigin, ko ki tuiyo ak ineendet Siba otwogindetap Mephibosheth, kogetu sigiroik aeng' che kiga kiito koibei magatiinik pogol aeng', mooriik pogol agenge che po sabibuk che yamyotiin, logoek pogol agenge che po kemei ak soteetap divaik.
2
Ki teebee `laitoryat Siba koleenji, “Po nee tuguuchu?” Kowol Siba kole, “Sigiroik ko chelaanyei piigap kootap laitoryat, ko po murenik magatiinik, logoechu po kemei, ko che amei ak divaik ko si koe piik che katanuiso eng' surkwen.”
3
Koteebee `laitoryat Siba koleenji, “Mi ano weeriitap kiptaiyandeng'ung'?” Koleenji `Siba laitoryat, “Kotebi eng' Jerusalem, amu ki le, ‘Kono rani kootap Israel laitornatetap abba.’ ”
4
Yeityo koleenji `laitoryat Siba, “Cheguuk tuguuk tugul che po Mephibosheth.” Yeityo kole `Siba, “Agutunyi, inganyoor chameet eng' taing'ung', kiptaiyandennyu, ee laitoryat.”
5
Kingo it `laitoryat Daudi Baurim, komong' eng' olooto chiito ne po ooreetap kap Saulo ne ki kiguure kainennyi Shimei, weeriitap Gera. Ki mong' ineendet kochubisyonu.
6
Kilach `ineendet Daudi ak otwogikyik eng' koik nga kimi piik tugul che nyigoonen eunnyi ne po tai ak eunnyi ne po kaataam.
7
Ki mwa Shimei ye kichubisyei kole, “Ui, ui inyee tartaindonep koroti, kiptengekyondoni ya.
8
Kagoweekyin `Kamuktaindet ne Toroor korotiik tugul che po kootap Saulo, ne ki ilaitoran igeer ineendet, ak kagonde Kamuktaindet ne Toroor laitornatetap eutap weeriing'ung' Absalom. Keero, kaginamin eng' yaityeng'ung', amu ii tartain ne po koroti.”
9
Ki teebee anyun `Abisai weeriitap Zeruiah laitoryat koleenji, “Amu nee si kochup kiptaiyandennyu laitoryat sesoni ki kome? Asoomin ale ichamwo alanda awo atil metinnyi.”
10
Koleenji `laitoryat, “Kiting'egei nee ak okweek, weeriigap Zeruiah? Amu chubisyei, Ngot ko amu kamwachi `Kamuktaindet ne Toroor ineendet koleenji, ‘Chup Daudi,’ ko ng'oo anyun ne mwaei kole, ‘Amu nee si iyai ko uu no?’ ”
11
Yeityo koleenji `Daudi Abisai, kobooto otwogikyik tugul, “Ngot ko cheeng'ei saboondanyu weeriinnyu ne ki punu poortanyu, ko tam nee anyun Benjaminindoni. Omete ineegei, ak ongochubis, ngot ko kagong'at `Kamuktaindet ne Toroor ineendet koyai ko uu nooto.
12
Abeere keerei Kamuktaindet ne Toroor yaityet ne kagiyaiywo, ak igeerwo Kamuktaindet ne Toroor ne myee agobo chubisyoni kagichubo rani.”
13
Ki pa anyun Daudi ak piikyik pandanywa: ki wo Shimei korob tulweet kotoorchigei ineendet, kochubisyoti, kolachei ineendet eng' koik ak koseerchin temburyek.
14
Ki it laitoryat ak piik tugul che ki mi kobooto ineendet ko kang'etyo kot, ak ki imuuny eng' yooto.
15
Eng' kasarata ko ki it Jerusalem `Absalom ak piik tugul, murenigap Israel ak kimi Ahitopel ak ineendet.
16
Kingo it Hushai Arkindet, chorweetap Daudi, ole mi Absalom koleenji `Hushai Absalom, “Ingosap laitoryat, ingosap laitoryat.”
17
Ago kiteebe `Absalom Hushai koleenji, “Tos myeeindong'ung' niito ne iyachini chorweng'ung'? Amu nee si mobe ak chorweng'ung'?”
18
Kowolji `Hushai Absalom koleenji, “Achicha, abunjini ineendet ne kolewen Kamuktaindet ne Toroor, pichu ak murenik tugul che po Israel, ak kitebyei ak ineendet.
19
Kogeny, aboisyechini ng'oo? Ne ma eng' taitap weeriinnyi? Ko uu ye ki aboisye eng' taitap kwandang'ung', aboisyei ko uu nooto eng' taing'ung'.”
20
Koleenji anyun `Absalom Ahitopel, “Mwaa kiit ne kiyae.”
21
Koleenji `Ahitopel Absalom, “Obaigei ak chebaigeinigap kwandang'ung' che ki pagaakta koriip kootap laitornatet. Ye kas Israel tugul kole ii puunyootap kwandang'ung', kogimegitu che omi tugul.”
22
Ara ki teekyi anyun `icheek Absalom emait eng' paragutap koot, ak ki ipkei Absalom ak chebaigeinigap kwandanyi kogeerei Israel tugul.
23
Eng' peetuusyechooto anyun, ko ki uu kirwoogetap Ahitopel ne ki irwoochi, kirwoogetap chii ne teebei eng' ng'olyootap Kamuktaindet. Ki uu nooto anyun kirwoogutik tugul che po Ahitopel eng' Daudi ak eng' Absalom.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24