bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
1 Samuel 19
1 Samuel 19
Kalenjin Bible (BUKUIT NE TILIL)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
Ak king’alalji Saul Jonatan werinnyi, koboto otwogikyik tugul, kolenji kobar Daudi.
2
Ago kibaibai mising’ Jonatan weritab Saul agobo Daudi. Ak kimwachi Jonatan Daudi, kolenji, Cheng’ei baba Saul kobarin: noto anyun asain mising’ ale, ripge karon, ak itebi eng’ ung’ot, iunyge:
3
si amanda ak awe atonone ye negite baba eng’ kewet eng’ ole imi, ak keng’alal ak baba agobo inye; ak ngot ageer kiy amwaun.
4
Ak king’alalji Jonatan Saul kwandanyi, kochoi Daudi, kolenji, Amat koyachi tengek laitoriat otwogindennyi Daudi, amu ma yaun tengek, ak amu kagomiagitu mising’ boisionikyik che kogoyaun:
5
amu ma iit sobondanyi, ak kogobar Pilistindet, ak kiyai Jehovah yetunet ne o agobo Israel tugul: kiigeer kioto aginye, ak kiibaibaitu: amu nee anyun si iyachi tengek korotik che matinyei tengek, ibar Daudi buch?
6
Ak kigas Saul ng’olyotab Jonatan: ak kiiyosio Saul kole, Ko u ye sobei Jehovah, ko magibarei inendet.
7
Ak kiguur Jonatan Daudi ak koborji Jonatan inendet tuguchoto tugul. Ak kiimut Jonatan Daudi kwo ole mi Saul, ak kitebe tainnyi ko u eng’ tai.
8
Ak kibiit luget kogeny: ak kimanda Daudi kwo kobargei ak Pilistik, ak kibar ichek eng’ baret ne o; ak kimwei eng’ tainnyi.
9
Ak kinyonji Saul tamirmiriet ne ya ne kibunu Jehovah, ye kitebyei eng’ gonnyi, kotinyei ng’otit eng’ eunnyi; ak kibut Daudi kibugandet eng’ eunnyi.
10
Ak kilen Saul kotoor Daudi eng’ ng’otit kosore inat; ago kichilil eng’ taitab Saul, ak kitoor inatut eng’ ng’otit: ak kimwei Daudi, ak kochilil kemounoto.
11
Ak kiiyokto Saul bik koba gotab Daudi, korib inendet kole si kobar inendet karon: ak kimwachi Mikal Daudi, osotiondennyi, kolenji, Ngot ko mesoru sobondang’ung’ kemouni, kebarin mutai.
12
Kochoorta anyun Mikal Daudi kwo ng’ony kobun tirisiet: ak kiwa komwei, kochilil.
13
Ak kinam Mikal kanamwet, ak komogon eng’ itogut, ak kotichine met mutoit ne bo kororikab ng’ororek, ak kotuge ngoroik.
14
Ak kingoyokto Saul bik koba konam Daudi, komwa kwondanyi kole, Miani.
15
Ak kiiyokto Saul bichoto koba kogeer Daudi, kolenji, Omutwa eng’ itogut si anyo abar.
16
Ak kingobwa go bichoto, ogeero, kimi kanamwet itok, komi metinnyi mutoinoto bo kororikab ng’ororek.
17
Ak kilenji Saul Mikal, Amu nee si igena ko u ni ak ichunde bunyondennyu kwo, kot ko kagochilil? Ak kiwolji Mikal Saul kolenji, Kilenja, Bagakta awa; kalya si imach abarin?
18
Komwei anyun Daudi, ak kochilil, ak kwo ole mi Samuel eng’ Rama, kwo komwachi tuguk tugul che kiyachi inendet Saul. Kiba tuwai ak Samuel koba komeny Naiot.
19
Ak kigimwachi Saul kelenji, Keero, mitei Daudi Naiot eng’ Rama.
20
Ak kiiyokto Saul bik koba konam Daudi; ak kingogeer tuiyetab maotik komaotendos ng’alek, kotononi Samuel kondochin ichek, konyonji Tamirmirietab Kamuktaindet bikab Saul, ak komaotenso agichek.
21
Ak kingemwachi Saul ng’alechato, koyokto bik alak, ak kimaotenso agichek. Ak kiiyokto Saul bik, ne bo somok, ak kimaotenso agichek.
22
Kiwa inendet agine Rama, ak kiit ole mi keringet ne o ne bo beek ne mitei Seku: ak kiteeb kole, Mi ano Samuel ak Daudi? Ak kile chito age, Keero, mi Naiot eng’ Rama.
23
Ak kiwa oloto bo Naiot eng’ Rama: ak kinyonji inendet agine Tamirmirietab Kamuktaindet, ak kiwa, komaotenot, kot koit Naiot eng’ Rama.
24
Ak kiireek ngoroikyik, ak kimaoten agine eng’ taitab Samuel, ak koru ach ngor betunoto tugul ak kemounoto tugul. Noto anyun mwaei ichek kole, Bo Saul agine maotik?
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31