bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Genesis 43
Genesis 43
Kalenjin Bible (BUKUIT NE TILIL)
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 44 →
1
King’wanit rubet mising’ eng’ emet.
2
Ak kingo kagotar bek che kiibune Misri, kolenji kwandanywa, Oweektagei kogeny, oalwech amitwogik tugigin.
3
Ak kilenji Juda, Kiigimgimech chichoto kolenjech, Momuchi ogeera togoch ngot ko mobwane ak werit ne otupche:
4
ngot iyoktech koboto tupchennyo kechortegei anyun kealun amitwogik:
5
ago ngot ko mechamji kwo, ko magichortoige: amu kilenjech chichoto, Momuchi ogeera togoch, ngot ko mobwane ak werit ne otupche.
6
Ak kile Israel, Amu nee si oyaiywa yaitioni te ni, kot ong’ang’ji chichoto olenji, Kitinye werit age ne kitupche?
7
Ak kile, Kiginenech mising’ chichoto atebosiekyok, ak ole kigisikyinech, kolen, Ta kosobei kwandang’wong’? Ak, Otinye werit age ne otupche? Ak kigiborji ko u ye kiteeb: Tos kigimuch kenai kele, mwawech kolenjinech, Omutu werit ne otupche kochorgei?
8
Ak kilenji Juda kwandanyi Israel, Iyogu werito kebe tuwai, si keng’eetye kebe; si kobiit kesopche, ama kibegu, achek, ak inye, ak lagokyok agichek.
9
Ingobunja atononji inendet; ak image inendet eunnyu: ngot ko mamutun inendet nyo ande taing’ung’, kobunjina chalwogoto betusiek tugul:
10
amu nda kima kigage, ta kiga keweeige iman ne bo aeng’ nguno.
11
Ak kilenji kwandanywa Israel, Ngo u noto anyun, oyai ko u ni; oib tuguk che miachen mising’ che bo emet eng’ lolotinwekwok, oipchi chichoto kagochinoik ko u mwanik tutigin che kinyaise, koboto kumiat kitigin, ak tuguk che ng’uu ne anyiny, ak tuguk che u igomoik, koboto tuguk che u njuguk ak logoek che kiguure almond.
12
Ak oib eng’ eunekwok fedaisiek otes che yamegei ak kamunutionoto konyil aeng’; ak che kiga kiweech eng’ kutuswekab lolotinwekwok; oweekte choto agichek; abere kima nai bik che kiindoi:
13
ak omut werit ne otupche agine, ong’eetye oba kogeny oldab chichoto:
14
ingorirenak Kamuktaindet ne bo Kamuktaet, eng’ taitab chichoto, si kobiit kotiakwok werit ne otupche nin linda, ak Benjamin. Ak ngo betena lagokyuk ko kagobetyo.
15
Kiib anyun bichoto kagochinoichoto, ak kiib fedaisiek che yamegei ak kamanutionoto konyil aeng’, ak king’eetyo koboto Benjamin koba Misri, ak kitononso eng’ taitab Josep.
16
Ak kingogeer Josep Benjamin komi koboto ichek, kolenji ne tononjin gonnyi, Imutu bicho kobwa go, ak oeng’ji, ak ochob kiy tugul; amu kiamisie tugul ak bichoto bet kwen.
17
Ak kiyai chichoto ko u ye kiga mwachi Josep; ak kiimut anyun chichoto bichoto kobwa gotab Josep.
18
Ak kiiyweis bichoto, amu kigimut koba gotab Josep; ak kile, Kagimutwech kebwa go amu fedaisiek che kigiweekte eng’ lolotinwekyok yu kiga kibwa tai; si kobiit konyor ng’olyot ne igikyinenech, ak kogerjech go, yeityo koyaech keegu otwogik, koboto sigirokyok.
19
Ak kirikta ye mi chito ne tononjin gotab Josep, ak kong’alalji inendet eng’ ole negite kurget,
20
ak kile, Ee kiptaiyandennyu, kigichoruge iman eng’ banda ne bo tai, keal amitwogik:
21
ak kingeit anyun gotab toek, kitiach lolotinwekyok, ogeero, kimi fedaisiekab chi tugul kutitab lolennyi; kimi tugul: ak kagiibu choto kogeny.
22
Ak kagiibu fedaisiek alak che kiale amitwogik: magingen chito ne kiinde fedaisiekyok lolotinwekyok.
23
Ak kilenji, Ingoteb kalyet eng’ okwek; amoiyweisie: kigonok Kamuktaindeng’wong’, Kamuktaindet ne bo kwandang’wong’, konoruet ne mie ne ung’at eng’ lolotinwekwok: kiataach fedaisiekwok. Ak kiimutyi Simeon komong’.
24
Kiimut anyun chichoto bichoto koba gotab Josep, ak konaga beek, ak kiun bichoto kelyekwak; ak kibae sigirokwak amitwogik che ki konorotin.
25
Ak kichopchi ichek Josep kagochinoik eng’ sait ne itune, bet kwen: amu kigas kele tagoi koamisiei eng’ oloto.
26
Ak kingoit Josep ga, koipchi bichoto inendet kagochinoik che kiibu, kobwa go, ak kiing’uruk eng’ tainnyi agoi ng’ony.
27
Ak kiteebe icheget chametab ge, kolenji, Chamegei kwandang’wong’, boiyondonoto ne kigomwawa? Tos ta kosobei?
28
Ak kilenji, Chamegei otwogindeng’ung’ kwandanyo. Ta kosobei. Ak kiing’urukyi.
29
Ak kitobendo Josep, ak kigeer tupchennyi Benjamin, ng’etab kamet, ak kile, Tupcheng’wong’ ne ming’in ni, ni kigomwawa? Ak kilenji, Ingorirenen Kamuktaindet, weri.
30
Ak kichirjiren Josep; amu kieet emosto eng’ muguleldanyi amu ng’etab kamet: ak kicheng’ ole wendi korire; ak kimanda gonnyi ne bo orit, kwo korir.
31
Ak kiun togennyi, ak komong’: ak kimuita si marir, ak kile, Oibu amitwogik.
32
Ak kiginde chechik oldanyi inegei, ak kiginde oldanywa chechuak ichegei, ak che bo Misrik oldanywa ichegei, che kicham koamisiei koboto inendet: amu kima kochamei Misrik koamis tugul ak Hebranik; amu ki ng’wan eng’ Misrik koamjin.
33
Ak kitebe tainnyi werit ne bo tai ko u sigennyi, ak ne ming’in ko u ming’inatennyi: ak kikwong’io bichoto.
34
Ak kiigochi bichoto kererutikab amitwogik che kimi tainnyi: ago kieet kererutietab Benjamin kosiir che bo alak konyil mut. Ak kieeiso, ak koboiboitu koboto inendet.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50